Morgunblaðið - 01.06.1983, Blaðsíða 29

MORGUNBLAÐIÐ, MIÐVIKUDAGUR 1. JÚNÍ 1983
29
Mörg gömul hús hafa veriö endurbyggð. Þessi hús við Smiðjugötu voru áður
í eigu Hannesar Halldórssonar og Egils símamanns, en hafa nú fengið
andlitslyftingu hjá nýjum eigendum.
Hús fyrir vangefna er að risa í Tungudal.
ísafjörður:
Alvarlegur samdráttur
í byggingariðnaðinum
ísjtfirdi, 27. maí.
í YFIRLITI byggingarfulltrúans á
ísafirði fyrir árið 1982 kemur fram,
að almennur samdráttur hefur verið
í byggingamálum á árinu. 25% sam-
dráttur varð í fundarsetum bygg-
inganefndar og sami samdráttur
varð í afgreiðslum byggingaleyfis-
umsókna. 1 smíðum á árinu voru 110
íbúðir á móti 126 árið áður, en hafin
var smíði á níu íbúðum á árinu í stað
19 árið áður, sem er yfir 50% sam-
dráttur.
Á árinu voru 23 iðnaðar- og
þjónustuhús í smíðum, eða einu
fleira en árið áður. Þar er helst að
nefna nýtt hótel og veitingahús
við Silfurtorg, hafnarhús, fisk-
iðjuver Niðursuðuverksmiðjunnar
hf. við Sundahöfn, stækkun á fisk-
iðjuveri O.N. Olsen hf. og stækkun
á fiskiðjuveri tshúsfélags ísfirð-
inga við Þumlungsgötu. Hafin var
smíði á 6 húsum í stað 10 árið
áður. Þá voru átta opinberar
byggingar í smíðum á árinu, eða
einni færra en árið áður. Þar er
helst að nefna sjúkrahús og
heilsugæslustöð, íþróttavallarhús,
dagheimili og leikskóli við Eyr-
argötu, skólahúsnæði menntaskól-
ans og dvalarheimili aldraðra á
Torfnesi. Ekki var hafin smíði á
neinni opinberri byggingu á árinu.
Á árinu var fjórum iðnaðarm-
eisturum veitt leyfi til að standa
fyrir byggingaframkvæmdum í
kaupstaðnum á móti níu árið áður.
Formaður bygginganefndar ísa-
fjarðarkaupstaðar er Haraldur L.
Haraldsson, bæjarstjóri, en bygg-
ingafulltrúi var Bjarni Jensson.
Úifar
Kennsluhúsnæði menntaskólans verður væntanlega tekið í notkun að hluU Lokið var við byggingu þriggja hæða ofan á Gamla bakaríið, en fyrsU hæðin
síðla ársins. var byggð árið 1932.
Ólafsvík:
Snjóskaflar í
lautum, en tún
og grundir
grænka óðum
Ólafsvík; 30. maí.
VORIÐ hefur verið þurrt og kalt
að undanskildum laugardeginum
og deginum í gær. Þá var nær
logn, heiðríkt og ellefu til tólf
stiga hiti. Snjóskaflar eru í laut-
um niðri við jafnsléttu en tún og
grundir grænka þó óðum. Það er
vætuna sem vantar. Mikil bráðnun
var til fjalla um helgina og í logn-
inu í gær var t.d. Fróðá afar kát.
í dag sýndi Þorgils í Hrísum
mér myndir sem teknar voru í
júníbyrjun kuldavorið 1949 og
virðist sem þá hafi verið heldur
meiri snjór i fjöllum en nú er.
Sauðburði er hér lokið að mestu og
mun hafa gengið vel og frjósemi
fjárins í meðallagi. í Fróðárhreppi
er ræktun fjárins með ágætum og
eiga Mávahlíðarbændur t.d. lands-
þekkt kynbótafé. Allt framúrskar-
andi vöðvað og beinasmátt. Á
þessu svæði gengur svo til hver
kind að góðu fjalllendi allt sumar-
ið. Það væri því ekki amalegt fyrir
hótelin að geta keypt sérstaklega
þetta kjöt og selt sem mikla gæða-
vöru. Einnig ætti að halda svona
vöru sér fyrir aðra þá sem kunna
gott að meta. Jón Óttar og co. geta
svo keypt nælonkjötið frá hor-
kóngunum sem alltof lengi hafa
notið verndar þess sósíalisma sem
herjað hefur á landbúnaðinn. Nú
þykir mönnum líka kominn tími
til að Stéttarsamband bænda og
ráðuneyti láti taka frá svo sem 20
þúsund kroppa af sérvöldum
vöðvamiklum fjallgengnum dilk-
um og gefi síðan hverjum þeim,
sem lágmarksskilyrði uppfyllir,
kost á að selja þessa einstöku
gæðavöru úr landi. Fyrirhöfn
bændanna fengist greidd ef kjötið
væri staðgreitt.
Ekki hef ég frétt um útigang
kinda hér í grennd í ár, en hefi
haft spurnir um að talsvert hafi
verið um slíkt í Borgarfirði og
sunnar á nesinu. í vetur munu þó
tvær geitur hafa glímt við að
halda lífi á útigangi þriðja vetur-
inn í röð. Þær ganga í Gullborg-
arhrauni í Kolbeinsstaðahreppi og
hafa ekki komist undir manna-
hendur allan þennan tíma. Ekki
veit ég hvort þær fagna sumri að
þessu sinni.
Helgi
POSTURINN
tír sjónvaxptou
Pósturinn Páll og kötturinn
Njáll eru vinir barnanna úr
sjónvarpinu. Nú er komin
hljómplata og kassetta meö
lögum úr þáttunum og auövit-
aö titillaginu: Palli póstur.
Gleöjiö börnin meö þessari
skemmtilegu tónlist. Fæst í
hljómplötuverzlunum um land
allt.

Heildsölu simi 29575/29544