Morgunblaðið - 22.06.1983, Blaðsíða 18

18
MORGUNBLAÐIÐ, MIÐVIKUDAGUR 22. JÚNÍ 1983
Matthías Bjarnason flutti ræðu við opnun álmunnar.
Gestum var boðið að skoða sig um á nýju hæðinni og hér er borgarstjóri Reykjavíkur, Davíð
Oddsson, að virða fyrir sér eina sjúkrastofuna í fylgd með tveimur starfsmönnum spítalans.
Borgarspftalinn:
B-álman formlega tekin í notkun
BORGARSTJÓRI Reykjavíkur, Davíð Oddsson, opnaði í gær formlega
B-álmu Borgarspítalans, að viðstöddum heilbrigðisráðherra, Matthíasi
Bjarnasyni, nokkrum úr hjúkrunarliði spítalans og öðrum gestum. Fram-
kvæmdir við B-álmuna hófust árið 1977 og er áætlað að Ijúka byggingu
hennar að fullu 1986. í álmunni verða hjúkrunardeildir fyrir aldraða og ýmis
önnur þjónusta.
í ræðu sinni við opnun álmunn-
ar, sagði borgarstjórinn m.a. að
aðdragandi þessarar viðbyggingar
væri orðinn ansi langur og gengið
hefði á ýmsu, þó að borgaryfirvöld
hefðu aldrei misst sjónar á því
verkefni. Davíð sagði að það hefði
verið í janúar 1970 sem Borgar-
stjórn Reykjavíkur samþykkti
með 12 samhljóða atkvæðum þá
tillögu borgarráðs að fela sjúkra-
húsnefnd og húsameistara borgar-
innar að ganga frá teikningum og
ljúka öðrum undirbúningi að
byggingu B-álmu Borgarspítalans
í samráði við borgarverkfræðing.
Þá hafi verið samþykkt að óska
eftir samþykki heilbrigðisyfir-
valda á þessari ákvörðun borgar-
innar og að heilbrigðisyfirvöld
beittu sér fyrir sameiginlegri yfir-
stjórn spítalanna á höfuðborg-
arsvæðinu að því er tæki til
verkaskiptingar og annarra
rekstrarþátta. Heilbrigðisráðu-
neytið ákvað þá að setja á laggirn-
ar nefnd, samstjórn sjúkrahúsa,
sem skyldi gera áætlanir um upp-
byggingu sjúkrahúsakerfisins í
borginni til 10 ára í senn og
ákveða samkvæmt ákvörðun ráð-
herra verkaskiptingu milli sjúkra-
húsanna í Reykjavík. Davíð sagði
að í febrúar 1972 hefði borgar-
stjóra borist bréf frá ráðuneytinu
þess efnis að ráðuneytið teldi ekki
frekari undirbúningsvinnu við
B-álmu geta farið fram þar til
könnun samstjórnar sjúkrahúsa
hefði farið fram og þar með tekin
ákvörðun um verkaskiptingu
sjúkrahúsanna í borginni. Borgar-
stjórinn sagði að m.a. hefði, með
hliðsjón af þessari afstöðu heil-
brigðisráðuneytisins, hönnun
B-álmunnar verið frestað, en tekið
til við önnur verkefni þess í stað.
Ekki kvaðst Davíð vera kunnugt
um neinar tillögur frá nefndinni, í
samræmi við verksvið hennar,
SIGRÍÐUR Jónsdóttir, 74 ára húkrunarkona, er fyrsti sjúklingurinn
sem leggst inn á nýopnaða deild B-álmu Borgarspítalans. Sigríður
fæddist árið 1909 á Fljótsdalshéraði og starfaði sem hjúkrunarkona í 47
ár. Hún nam hjúkrunarfræði við Landspítalann, en vann um árabil hjá
Hvítabandinu við Skólavörðustíg. Sigríður starfaði svo á Borgarspítal-
anum frá því hann var opnaður og allt til 1977, er hún lét af störfum
fyrir aldurs sakir. Aðspurð sagðist Sigríður ekki líkja saman aðstöðunni
á sjúkrahúsum landsins fyrr og nú. Hún sagði þó að eitt hefði ekki
breyst, og það væri skortur á hjúkrunarfólki, hann væri ávallt fyrir
hendi. Sigríður ætlar að dvelja á B-álmunni eitthvað áfram, því hún
treystir sér ekki til að vera lengur ein, eins og margt annað eldra fólk.
A myndinni sést Sigríður heilsa Gunnari Sigurðssyni, yfirlækni lyf-
lækningadeildar, en hjá henni stendur Sesselja Gunnarsdóttir, deildar-
stjóri.
enda hefði hún ekki verið langlíf.
Davíð sagði ennfremur að vegna
mikillar þarfar á að bæta aðstöðu
hjúkrunar- og endurhæfingar-
deilda við spítalann, hefði mikið
verið rætt og ályktað um B-álm-
una á þessum tíma og nokkuð
hefði miðað á árunum 1977 og ’78
þegar heimild fékkst til að grafa
og steypa botnplötu og tengigang.
I ágúst 1980 heimilaði svo ráðu-
neytið uppsteypingu álmunnar og
var gert ráð fyrir að þeim fram-
kvæmdum yrði lokið í febrúar
1982. Einnig átti að ljúka fram-
kvæmdum innanhúss á tveimur
hæðum sama ár ef fjármagn
leyfði. Þær framkvæmdir hefðu
dregist fram á þetta ár, en nú væri
tekin í notkun önnur af tveimur
hæðum, sem ráðgert væri að opna
á þessu ári og stefnt yrði að því að
1986 verði að fullu lokið við gerð
B-álmunnar. Miðað við núgildandi
verðlag er gert ráð fyrir að heild-
arkostnaður verði um 220 millj.
króna. Að lokum gerði Davíð grein
fyrir stærð og starfsemi B-álm-
unnar, og óskaði þess svo að bless-
un ríkti yfir þeirri starfsemi sem
þar yrði og lýsti svo álmuna form-
lega opna.
17. júní í Garðinum:
Fyrstu hátíðar-
höldin í 75 ára
sögu hreppsins
GarAi, 19. júní.
GARÐMENN héldu upp á 75 ára
ártíð Gerðahrepps með því að halda
Sumarferð
Nessafnaðar
A VEGIJM Nessafnaðar er ráðgert að
fara í fimm daga ferð suður um land og
austur á firði og hefst hún laugardag-
inn 2. júlí.
Fyrsta daginn verður ekið um
Suðurland og gist á Kirkjubæjar-
klaustri, en ekið yfir Skeiðarársand
að Skaftafelli og yfir Breiðamerkur-
sand að Höfn í Hornafirði þar sem
gist verður aðra nóttina. A þriðja
degi verður svo ekið um Austfirði að
Hallormsstað og gist þar og á fjórða
degi verður farið m.a. að Valþjófs-
stað og Skriðuklaustri, Borgarfjörð-
ur Eystri heimsóttur og gist í Vala-
skjálf. Lokadaginn verður farið á
Seyðisfjörð í stutta skoðunarferð og
flogið til Reykjavíkur um hádegisbil.
17. júní hátíðlegan í fyrsta sinn.
Stóðu öll félög í þorpinu að hátíðar-
höldunum sem hófust kl. 14 við
barnaskólann.
Það var Björk Gránz sem setti
hátíðina, en ræðumaður dagsins
var Finnborgi Björnsson oddviti.
Mikill fjöldi skemmtikrafta kom
fram og bar mest á söngfólkinu.
Sungu a.m.k. tveir kórar, kvartett
og dúett. Þá var hægt að komast í
skotbakka og slikkerí ásamt blöðr-
um og öðru tilheyrandi.
Að skemmtuninni lokinni var
fjölmennt í samkomuhúsið og
drukkið súkkulaði eða kaffi með
vöfflum. Einnig var fólki gefinn
kostur á að skoða Garðskagavita.
Um kvöldið var diskótek fyrir
alla fjölskylduna þar sem unga
fólkið hertók samkomuhúsið.
Pabbarnir og mömmurnar létu lít-
ið sjá sig og er það miður.
Arnór.
Þórsgata í Reykjavík, en nú hefur borgarráð samþykkt að gera hana að vistgötu. Eins og sjá má hefur gatan
verið rifin upp, en eftir þessa samþykkt má búast við að tekið verði til við breytingar á götunni. Ljósm. Mbi. köe.
Samþykkt ad breyta Þórsgötu í vistgötu
BORGARRÁÐ samþykkti á fundi sínum í gær að breyta
Þórsgötu í Reykjavík í vistgötu, en þetta er gert sam-
kvæmt óskum íbúa við götuna.
Sr. Karl Sigurbjörnsson, einn íbúanna við götuna,
sagði í samtali við Mbl. að hugmyndin með vistgötu
væri sú, að Þórsgötu væri breytt í þá veru að þarna
yrði gata þar sem allir hefðu jafnan rétt, bæði bíll og
gangandi vegfarendur, ungir sem eldri. Gatan ætti
fyrst og fremst að þjóna íbúunum og að gegnumakstur
væri mjög hægur. Karl sagði að mjög litlar lóðir væru
við húsin í Þórsgötunni og fólk tæki eftir því að þegar
sólin skín kæmi fólk út á tröppur húsa sinna og
gangstéttir til þess að njóta sólarinnar. Vistgata væri
þannig úr garði gerð að hún væri vistleg til þess að
vera á og fólk gæti þar notið veðurblíðu, þar yrði
gróður og gegnumakstur bifreiða væri í lágmarki.
Karl sagði að kveikjan að umræðunni hefði orðið
þegar gatan var rifin upp til þess að skipta um lagnir
í henni, sem orðnar voru ónýtar, hefðu verið kynntar
hugmyndir um vistgötu á fundi íbúasamtakanna í
Þingholtunum. Síðan hefðu óskir þessa efnis verið
lagðar fram og nú samþykktar í borgarráði. „Ég er
afskaplega ánægður með þessa samþykkt borgarráðs,"
sagði sr. Karl Sigurbjörnsson.