Morgunblaðið - 09.07.1983, Qupperneq 13
MORGUNBLAÐIÐ, LAUGASDAGUR 9. JÚLÍ 1983
13
Fundaherferð Sósíalistaflokksins wmMt foraji Mario Soaroa aamarið 1975 átti drjúgan þátt f að beina þróuninni
í pólitíkinni inn i aðrar brautir. Þessi mynd er fri útifundi í Lissabon um miðjan júlf.
alveg víst að málið verði svo ein-
falt. Mario Soares er líklegur
frambjóðandi Sósíalistaflokksins
við forsetakosningarnar og þar
sem Mario Soares er sá stjórn-
málaleiðtogi í Portúgal sem er
með fæsta bletti á skildi sínum
auk þess að vera þekktastur og
virtastur er trúlegt að Portúgalir
hafni honum ekki ef hann hefur
hug á að hljóta hnossið, þegar
Eanes forseti hættir.
Daginn sem ég kom til Lissabon
var þingið í Sao Bento að afgreiða
málefnasamning ríkisstjórnarinn-
ar. Þar fluttu menn snöfurmann-
legar ræður og talsmenn Mið-
demókrata og kommúnista gagn-
rýndu hann óspart. Meirihluti
stjórnarinnar er þó slíkur að mál-
efnasamningurinn sigldi í gegn án
þess að nokkrar umtalsverðar
breytingar væru gerðar á honum.
Ákveðin var gengisfelling eskút-
ans og ýmsar ákvarðanir teknar
sem miða til dæmis að því að al-
menningi sé gefinn kostur á að
eignast hlut í ýmsum atvinnu-
fyrirtækjum, eins og bönkum og
stórfyrirtækjum. Kommúnistar
voru hvassyrtir og töldu að með
málefnasamningi stjórnarinnar
væri endanlega verið að draga
Portúgal inn í raðir kapíaliskra
ríkja. Alvaro Cunhal, formaður
kommúnistaflokksins er bersýni-
lega þeirrar skoðunar að Sósíal-
istaflokkur Mario Soares hefði átt
að sýna lit eins og Mitterrand í
Frakklandi og taka fulltrúa
kommúnista inn í stjórnina. Ein-
angrun kommúnistaflokksins er
nánast alger. Miðað við það
ástand sem ríkti þegar ég kom
fyrst til Portúgal „heita sumarið
1975“ þegar ringulreiðin var mest
og ofsóknir herstjórnarinnar og
kommúnista þvílíkar, að til ann-
ars verður varla jafnað en þess
sem gerist í austantjaldslöndum,
er mikið og margt sem hefur
breytzt í Portúgal. Þar er ekki allt
í öllum sóma fremur en annars
staðar, atvinnuleysi, framleiðslu-
samdráttur og verðhækkanir á
nauðsynjavörum hafa komið hart
niður á almenningi. En stjórn
Mario Soares reynist vonandi fær
um að koma fram umbótum. Og
eins og fullorðinn leigubílstjóri
orðaði það við mig, þegar við vor-
um á leiðinni til þinghússins í Sao
Bento: „Hér er þó frelsi. Við þurf-
um ekki að vera hrædd um að tjá
hug okkar.“
Allt það besta og platan
verður ein af þeim bestu
Hljóm
Finnbogi Marinósson
Stiff Little Fingers
All the Best
Chrysalis
Fyrir nokkru barst sú frétt út að
hljómsveitin Stiff Little Fingers væri
hætt. Sorgarfrétt, ein af fremstu
punk-rokk hljómsveitum Breta fallin
í valinn og þi eru þær ekki margar
eftir sem byrjuðu keyrsluna í kring-
um 1977. En eins og vera ber, þegar
hljómsveit hættir, þi er skilið við
flokkinn með „best of“-plötu.
Tveggja plötu albúm og eru lögin
tekin af þeim litlu plötum sem Stiff
Little Fingers hafði sent fri sér f
gegnum tíðina.
Flokkurinn var stofnsettur árið
1977 í Belfast á írlandi og fyrsta
litla platan sem þeir gáfu út seld-
ist ótrúlega vel, eða í yfir 100 þús-
und eintökum. Á henni eru lögin
„Suspect Device" og „Wasted Life“
en það eru einmitt þessi tvö lög
sem eru fyrstu lögin í nýútkom-
inni safnplötu sem inniheldur
bestu lög grúppunnar. Og eftir að
hafa haft þessa plötu reglulega á
spilaranum í fjórar vikur efast ég
ekki um að hér er á ferðinni ein-
hver besta safn-, sögu- og „best
of“-plata sem ég hef hlustað á.
Lögunum er raðað upp eftir
aldri. Elstu lögin eru á fyrstu hlið-
inni og fyrir utan áðurnefnd lög er
þar að finna hin stórgóðu „78
RPM“, „Gotta Gettaway", „Bloody
Sunday" og „You Can’t Say Crap
on the Radio“. Lögin eru melódísk,
kraftmikil, einföld og vel spiluð. í
raun er ekki hægt að segja annað
eða meira um tónlistina. Ann-
aðhvort eru með og fílar allt í
botn, eða þitta hráa kraftmikla
rokk höfðar ekki til þín. Á hlið tvö
er haldið áfram þar sem frá var
horfið á fyrri hliðinni. Meðal arin-
arra laga á henni eru „live“-
útgáfur á „Running Bear“ og
„White Christmas" (já, þessu eina
sanna) og er hvortveggja með af-
brigðum gott og skemmtilegt.
Lögin sem eru á hlið 3 og 4 eru
nýrri af nálinni og sýna vel þá
þróun sem varð hjá SLF og næst-
um öllum hinum böndunum sem
lifðu af nýbylgjuna. Tónlistin tók
að róast ögn og meiri fínleiki að
færast í vinnsluna á þeim. En
þrátt fyrir þetta hélt flokkurinn
sínum einkennum og sannaði það
sífellt betur hversu góð hlómsveit-
in var.
Það er ákaflega erfitt að sætta
sig við að góð hljómsveit hverfi og
að ekkert eigi eftir að koma frá
henni framar. En þegar þær eru
kvaddar með jafn miklum kosta-
grip og t.d. þessi „All the Best“-
plata er, þá næstum sættir maður
sig við orðinn hlut.
Tónlistin X X X X X
Hljómgæðin X X X U
FM/AM
OPIÐIDAG
/
Bílasoludeildm.
► , , eropm
i daa fra kl. U-5