Morgunblaðið - 13.08.1983, Blaðsíða 5

MORGUNBLAÐIÐ, LAUGARDAGUR 13. ÁGÚST 1983
5
Á kortinu má sjá hafsvæði þau, sem rannsóknarskipin munu kanna í þessum ieiðangri.
Hafrannsóknastofnun:
Styrkleiki þorsks, ýsu,
karfa og loðnu kannaður
Þrjú íslenzk rannsóknaskip og tvö erlend sameinast um rannsóknir
í ÞESSUM mánuði verða farnir 3 rannsóknarleiðangrar á vegum Haf-
rannsóknastofnunar til að kanna útbreiðslu og fjölda fiskseiða á íslands-
miðum í Grænlandshafi og við Austur-Græniand. Með slíkum athugunum
fæst fyrsta vísbending um hlutfallslegan styrkleika 1983 árgangs, t.d. þorsks,
ýsu, loðnu og karfa. I þessum leiðöngrum verða einnig gerðar margskonar
aðrar rannsoknir.
Á tímabilinu 8.-26. ágúst mun
rannsóknarskipið Hafþór rann-
saka útbreiðslu og fjölda fiskseiða
í Grænlandshafi og við Austur-
Grænland. Þá verða athugaðar
uppeldisstöðvar karfans við
Austur-Grænland, og ennfremur
reynt að merkja þorsk í því skyni
að fylgjast með væntanlegum
göngum milli Austur-Grænlands
og Islands. Leiðangursstjóri á
Hafþór er Vilhelmína Vil-
helmsdóttir.
Á tímabilinu 8,—31. ágúst mun
rannsóknarskipið Árni Friðriks-
son kanna útbreiðslu og fjölda
seiða og ástand sjávar við suður-,
austur- og norðausturland. I þeim
leiðangri verða einnig gerðar
magnmælingar á kolmunna og er
það framlag íslendinga til alþjóð-
legra rannsókna á stærð kol-
murnastofnsins í norðaustan-
verðu Atlantshafi. í leiðangrinum
verður einnig könnuð útbreiðsla
og fjöldi síldarlirfa er klakist hafa
út við suðurströndina eftir hrygn-
ingu sumargotssíldarinnar ís-
lensku. Síðast en ekki síst er það
eitt af verkefnum þessa leiðangurs
að kanna útbreiðslu og mergð
loðnu, út af norðausturlandi og
austanverðu Norðurlandi allt
norður undir 69. breiddarbaug.
Leiðangursstjóri á Árna Frið-
rikssyni er Sveinn Sveinbjörnsson.
Þriðji leiðangurinn verður far-
inn á Bjarna Sæmundssyni dag-
ana 15.—31. ágúst. Þá verður haf-
svæðið út af vestur-, norðvestur-
og vestanverðu norðurlandi kann-
að. Auk rannsókna á fiskseiðum
verða stundaðar umfangsmiklar
sjórannsóknir, dýrasvif verður
rannsakað og síðast en ekki síst
lögð mikil áhersla á mælingar á
loðnustofninum. Leiðangursstjóri
verður Hjálmar Vilhjálmsson. í
slíkum leiðangri sem farinn var
fyrir ári síðan tókst í fyrsta skipti
að mæla hve mikið var af eins árs
gamalli loðnu hér við land og verð-
ur þetta reynt aftur. Ekki er enn
komin reynsla á þessar mælingar
á ungloðnunni en ef vel tekst til
myndu slíkar mælingar gera Haf-
rannsóknastofnun kleift að leggja
fram tillögur um leyfilegan há-
marksafla af loðnu miklu fyrr en
unnt hefur verið hingað til.
Þá verður einnig reynt að mæla
hve mikið er af eldri loðnu norð-
vestur og norður af landinu enda
þótt ágústmánuður sé ekki talinn
henta vel til slíkra rannsókna. ís-
lensku rannsóknaskipin munu því
kanna útbreiðslu og mergð þeirrar
loðnu allt norður undir 69. breidd-
arbaug en þar fyrir norðan mun
norska rannsóknarskipið G.O.
Sars gera samskonar mælingar
allt norður fyrir Jan Mayen. Þá
mun færeyska rannsóknarskipið
Magnús Heinason kanna djúpslóð
norðaustur og austur af landinu.
Sameiginlegar niðurstöður allra
þessara rannsóknaleiðangra munu
liggja fyrir í fyrri hluta septem-
bermánaðar eða fljótlega eftir að
leiðöngrunum lýkur. Fyrirhugað-
ar leiðarlínur rannsóknarskip-
anna eru sýndar á meðfylgjandi
mynd.
I þessum mánuði er r.s. Dröfn
við rannsóknir á hörpudiski sem
beinast að því að áætla stofnstærð
og veiðiþol á miðunum í Breiða-
firði og norðanlands. Selarann-
sóknir verða einnig stundaðar og
reynt verður að merkja hrefnu.
Leiðangursstjóri er Hrafnkell Ei-
ríksson. (Krétutilkynning)
Orn Ingólfsson ráðinn framkvæmda-
stjóri hestamannafélagsins Fáks
NÚ NÝVERIÐ var ráðinn nýr fram-
kvæmdastjóri hjá hestamannafélag-
inu Fáki. Umsækjendur um starfið
voru þrettán talsins og varð fyrir val-
inu Orn Ingólfsson kaupmaður í
Reykjavík. Örn sem hefur stundað
hestamennsku í tvo áratugi er nokk-
uð kunnur meðal Fáksmanna fyrir
störf sín í þágu félagsins og hefur
hann setið í stjórn félagsins auk þess
sem hann hefur gegnt ýmsum nefnd-
arstörfum. Einnig hefur hann séð um
starf yfirtímavarðar á kappreiðum fé-
lagsins í áraraðir.
Umsjónarmaður hesta sló á
þráðinn til Arnar og spurði hvernig
honúm líkaði í nýja starfinu.
„Mér líst nokkuð vel á það, þetta
er fjölbreytt starf og í mörg horn
að líta,“ sagði Örn. Hann sagði, að
nóg hey væri til fyrir norðan og
hefði þeim hjá Fáki verið boðið hey
þaðan til kaups en vegna mikils
flutningskostnaðar hefðu þeir
haldið að sér höndum og ætla að
Örn Ingólfsson
sjá til hvort ekki rætist úr veðri
hér sunnanlands. Þó kvað hann
hugsanlega hægt að lækka flutn-
ingskostnað með því að flytja heyið
sjóleiðis.
Eins og komið hefur fram í frétt-
um var byrjað að grafa fyrir
grunni að nýju félagsheimili og
kvað Örn markmiðið að steypa
sökkla fyrir veturinn en það réðist
þó af fjármagni og veðri næstu vik-
ur og mánuði. Kvað hann rign-
ingarnar hafa tafið verkið nokkuð
fram að þessu.
„Svo má geta þes að nú er í und-
irbúningi hjá okkur samkoma sem
vera á austur á Ragnheiðarstöðum
helgina 19.—21. ágúst og verður
farin hópferð héðan úr Reykjavík
og einnig viljum við hvetja alla fé-
lagsmenn sem eru með hesta sína í
hagagöngu austanfjalls að koma
ríðandi að Ragnheiðarstöðum.
Haldnar verða grillveislur miklar
og boðið upp á skemmtiatriði og
svo að sjálfsögðu sungið eins og
góðum hestamönnum sæmir,"
sagði Örn að lokum.
Fáskrúðsfjörður:
Atvinnuástand gott
Fáskrúdsnrði, 11. ájpíst.
ATVINNUÁSTAND hefur verið gott
hér í sumar þrátt fyrir að örlítið
minni afli hafi borist á land en oft
áður. Héðan eru gerðir út tveir tog-
arar og auk þess hafa verið gerðir út
tveir togbátar og nokkrar trillur.
Afli togaranna er þessi: Hoffell
Su 80 er með 2.267 tonn úr 24
veiðiferðum og brúttóverð er
20.865 þúsund. Á sama tíma í
fyrra hafði skipið aflað 3.442
tonna í 23 sjóróðrum. Ljósafell Su
70 er með 2.060 tonn úr 24 sjóferð-
um og brúttóaflaverð er 19.948
þúsund. Á sama tíma í fyrra hafði
það aflað 2.322 tonna í 22 veiði-
ferðum. Afli hjá togbátum hefur
verið ágætur með köflum, en þeir
hafa landað bæði hér heima og
erlendis. Afli smærri báta hefur
verið fremur tregur og ógæftir oft
hamlað veiðum.
Sláttur hjá bændum hófst í
seinna lagi. Grasspretta er víðast
hvar góð og hirðing heyja mjög
góð, þar sem tíðarfarið hefur verið
hér sérstaklega hagstætt og ég
held að flestir bændur séu langt
komnir með slátt.
Vinna í landi við byggingar og
annað hefur verið næg í sumar,
þrátt fyrir að aðeins eitt íbúðar-
hús hafi verið í smíði, en unnið
hefur verið að byggingu nýs versl-
unar- og skrifstofuhúss fyrir
Kaupfélag Fáskrúðsfirðinga sem
hefur verið í byggingu í nokkur ár,
og er áætlað að það verði fokhelt í
haust. Auk þess er unnið að smíði
íbúða fyrir aldraða á vegum sveit- -
arféiagsins og á það hús einnig að
verða fokhelt í haust. Þá hefur
verið unnið að gatnagerð hjá
sveitarfélaginu.
Tilraunir þær sem Arnarflug
hefur staðið fyrir síðan í vor með
reglubundið leiguflug hafa gefið
mjög góða raun og binda menn
miklar vonir við það að flugfélagið
sæki um leyfi til áætlunarflugs og
fái til þess heimild.
Siðastliðinn laugardag var háð-
ur knattspyrnukappleikur á milli
ungmennafélagsins Leiknis hér á
staðnum og Hattar á Egilsstöðum
á nýjum knattspyrnuvelli sem ver-
ið hefir í byggingu undanfarin ár.
Lauk þessum leik með sigri
heimamanna og vonandi verður
áframhaldið með sama hætti.
Albert
)fcíy\IN]^URENr
Jourrures___
PELSINN1
Kirkjuhvoli — sími 20160.