Morgunblaðið - 31.08.1983, Blaðsíða 26

MORGUNBLAÐIÐ, MIÐVIKUDAGUR 31. ÁGÚST 1983
25
Lárus Sigmundsson á Bjarma.
Aðalsteinn Aðalsteinsson á Baldri.
Reynir Aðalsteinsson á Sprota.
Sigurður Sæmundsson liðstjóri. Myndin er tekin á EM í Hollandi 1979 en þar
keppti Sigurður á lánshestinum Fjalari frá Ysta-Bæli.
esta
kom á daginn. Þessi árangur er af-
rakstur mikils áhuga, þrautseigju
og dugnaðar og sýnir okkur að
möguleikar manna í keppni sem
þessari eru meiri en oft virðist í
fljótu bragði.
Lárus keppir á Bjarma frá
Kirkjubae, en hann er undan Yngri-
Ljúf frá Kirkjubæ og Snoppu frá
Kirkjubæ og er hann níu vetra
rauðblesóttur. Keppnisgreinar sem
þeir spreyta sig á eru tölt og fjór-
gangur.
Aðalsteinn Aðalsteinsson og
Baldur frá Sandhólum
Aðalsteinn er 31 árs tamninga-
maður, búsettur í Mosfellssveit. Að-
alsteinn byrjaði ungur á að hleypa á
kappreiðum og þá á stökkhestum en
eftir að drengurinn stálpaðist gerð-
ist hann atkvæðamikill skeiðreiðar-
maður og má fullyrða að hann sé
fremstur á því sviði í dag. Þegar
telja á upp þá hesta sem Aðalsteinn
hefur náð góðum árangri með eru
það fyrst og fremst skeiðhestar sem
koma upp í huga manns og allir
methafar. Fyrstan skal frægan telja
Óðin frá Gufunesi, þá Fannar frá
Reykjavík, Skjóna frá Móeiðarhvoli,
sem er núverandi methafi í 250
metrunum, og Villing frá Möðrudal
sem jafnaði met Skjóna nú fyrir
stuttu og að síðustu má svo nefna
Leist frá Keldudal sem náði betri
tíma en gildandi met er í 150 metr-
unum. Þess má einnig geta að Aðal-
steinn hefur setið sigurvegara í 250
metra skeiði á þrem síðustu lands-
mótum. Alls hefur Aðalsteinn tekið
þátt í þrem Evrópumótum, tvisvar á
stóðhestinum Hrafni frá Krögg-
ólfsstöðum, og í Hollandi á „láns“-
hestinum Grákolli frá Heggstöðum.
Hesturinn sem Aðalsteinn keppir
nú á heitir Baldur og er hann frá
Sandhólum f Eyjafirði, undan
Náttfara 776 frá Ytra-Dalsgerði og
Gránu frá Sandhólum. Hann er sjö
vetra, brúnn og keppa þeir félagar í
fimmgangi, 250 metra skeiði og
gæðingaskeiði.
Eyjólfur ísólfsson og
Krákur frá Reykjavík
Eyólfur er 33 ára reiðkennari sem
auk þess starfar við tamningar og
járningar milli reiðnámskeiða.
Hann er giftur Guðbjörgu Sveins-
dóttur og eiga þau þrjú börn. Þegar
skyggnst er í afrekaskrá Eyjólfs er
sérstaklega einn atburður sem upp
úr stendur, nefnilega sýning hans á
glæsihestinum Hlyni frá Akureyri,
sem stóð efstur á landsmótinu 1978
á Þingvöllum. Einnig keppti Eyjólf-
ur á honum í töltkeppni sem haldin
var á sama móti og sigraði hann þá
keppni og að sjálfsögðu á Hlyni,
hlutu þeir 114 stig sem er hæsta
einkunn sem gefin hefur verið í
þessari keppnisgrein, hérlendis sem
erlendis. En Eyjólfur hefur einnig
hlotið frægð á öðrum hestum. 1974
keppti hann á Roða frá Flatatungu
sem varð annar á landsmótinu sama
ár og seinna fór hann með hann út
og keppti víða erlendis við góðan
orðstír. Minnisstætt er einnig þegar
Eyjólfur reið Kristal frá Kolkuósi
til sigurs á fjórðungsmótinu á
Vindheimamelum 1979. Þetta er í
fimmta skipti sem Eyjólfur er val-
inn til að keppa fyrir tslands hönd á
Evrópumóti.
Hestur Eyjólfs að þessu sinni er
Krákur frá Reykjavík, en hann er
undan hlaupahestinum óla frá
Reykjavík og Muggu frá Melum.
Hann er brúnn, sjö vetra og keppn-
isgreinarnar sem þeir koma til með
að glíma við eru tölt, fimmgangur
og hlýðniæfingar.
Reynir Aðalsteinsson
og Sproti
Reynir er þrjátíu og átta ára
gamall og er sá liðsmanna sem telja
verður með mesta reynslu að baki,
hann hefur verið keppandi á öllum
Evrópumótunum sex, auk þess hef-
ur hann tekið þátt í fjölda móta og
sýninga á erlendri grund. Hann er
giftur Jónínu Hlíðar og eiga þau sex
börn. Reynir var fyrstur manna
hérlendis til þess að gera hesta-
mennsku að lifibrauði sínu og fjöl-
skyldu sinnar allt árið um kring.
Hann býr nú á Sigmundarstöðum í
Borgarfirði með hross eingöngu,
starfrækir tamningastöð og hrossa-
verslun. Einnig hefur hann verið
með reiðnámskeið víða um land. Á
löngum ferli hafa mörg hross farið í
gegnum hendurnar á Reyni og hefur
hann ávallt verið fremstur í röð á
mótum. Tvo Evrópumeistaratitla
hefur hann unnið, fyrst í fjórgangi
á Stjarna frá Svignaskarði og var
það á fyrsta Evrópumótinu sem
haldið var í Þýskalandi 1970. í
Austurríki 1975 varð hann Evrópu-
meistari í tölti á Degi frá Núpum.
Hér á árum áður gerði hann garð-
inn frægan á skeiðhestinum Rand-
ver frá Kirkjubæ, en einnig mætti
nefna Penna frá Skollagróf en hann
átti að keppa í Hollandi en veiktist
eins og mönnum er í fersku minni.
Keppnishestur Reynis að þessu
sinni er Sproti frá Torfastöðum og
er hann undan Bægifæti 840 frá
Gullbergsstöðum og Glennu 3333
frá Hömrum í Grímsnesi. Sproti er
níu vetra bleikálóttur og keppnis-
greinarnar eru 250 metra skeið,
fimmgangur, gæðingaskeið og
hlýðniæfingar.
Siguröur Sæmundsson
liðsstjóri
Sigurð er kannski óþarft að
kynna, í það minnsta fyrir hesta-
mönnum, því það er svo margt sem
hann hefur tekið sér fyrir hendur
um ævina. Hann hefur starfað við
tamningar og þjálfun keppnishesta
um árabil, frægastur er hann þó
sennilega fyrir störf sín við járn-
ingar í rúman áratug en hann er sá
eini hér á landi sem hefur full-
komna járningamenntun upp á vas-
ann. Hefur hann háldið járninga-
og reiðnámskeið víða um land. Um
þessar mundir telst hann bóndi og
býr hann ásamt konu sinni Lisbeth
og tveimur dætrum á jörðinni
Holtsmúla í Landsveit. Sigurður
hefur tekið þátt í fjórum Evrópu-
mótum og ávallt staðið sig með
prýði. Varð hann meðal annars
Evrópumeistari í Danmörku á
Leikni frá Dýrfinnustöðum, bæði í
skeiði og samanlögðu. I Noregi ’81
var hann liðsstjóri íslensku keppn-
issveitarinnar, þannig að hann telst
vanur.
Sigurður hefur einnig tekið mik-
inn þátt í félagsmálum innan sam-
taka hestamanna og er hann for-
maður íþróttaráðs LH og einnig for-
maður nefndar þeirrar er hefur veg
og vanda af þátttöku Islands i
Evrópumótinu að þessu sinni.
........................ ! 11 i
Þegar íslenska sveitin reið inn á völlinn í Hollandi voru möguleikar þeirra á verðlaunum engir að því er menn tölc
en þegar upp var staðið voru þeir í heild hinir mórölsku sigurvegarar og Ragnar Hinriks þrefaldur EvrópumeisUri.
Reynir, sem keppir á Sprota eins
og áður sagði, verður með í fjórum
greinum; skeiði, gæðingaskeiði,
fimmgangi og hlýðniæfingum.
Reynir á góða von í báðum skeið-
greinunum og hlýðnikeppninni en í
fimmgangi á hann minnsta mögu-
leika af Islendingunum. Þó ber að
hafa það hugfast að Reynir er yfir-
leitt bestur þegar mest á ríður og
auk þess er hann með mikla keppn-
isreynslu svo þetta er kannski
spurning um hversu langt hann
kemst á eigin snilli og reynslu.
Sjöundi og síðasti liðsmaður ís-
lensku sveitarinnar er Aðalsteinn,
en hann keppir á Baldri í þrem
greinum; 250 metra skeiði, gæð-
ingaskeiði og fimmgangi. Ef þeir fé-
lagar verða í álíka stuði og þeir voru
í á úrtökunni þarf ekki að spyrja að
leikslokum. Baldur skeiðaði þá á
22,2 sek. í 250 metra skeiði. I gæð-|
ingaskeiðinu gæti hann einnig orðið'
sterkur og vart við öðru að búast en
Aðalsteinn verði í úrslitum í
fimmgangi.
Sterkari sveit nú en ’81
Þeirri spurningu, hvort þessi
keppnissveit sem við sendum nú út
sé sterkari í heildina litið en sú er
fór til Noregs fyrir tveim árum
verður ekki svarað til fullnustu fyrr
en á sunnudagskvöld. En svona ef
litið er á árangur þeirra hesta sem
nú eru í sveitinni má álíta, að
fimmgangshestarnir séu töluvert
betri, en aftur fjórgangshestarnir
ívið lakari. En það er eins og alltaf,
að allt getur gerst þegar á hólminn
er komið. Einnig eru ýmsir óvissu-
þættir sem erfitt er að sjá fyrir,
eins og það að hestarnir eiga að
baki erfitt ferðalag og sjálfsagt eru
þeir misjafnlega fljótir að ná sér
eftir það. Það er spurning hvernig
hver og einn hestur tekur þeim
umhverfisbreytingum sem hann
verður fyrir þegar komið er á er-
lenda grund, loftslag, hitastig og
fóður getur haft mismunandi áhrif
á hvern og einn. Að síðustu er svo
rétt að taka það fram að það sem
sagt er í þessari grein, eru skoðanir
eins manns, byggðar á því sem hann
hefur séð til hesta og manna og
heyrt í samræðum. Þessar getgátur
eru settar hér fram meira í gamni
en alvöru og skyldi því enginn líta á
þetta sem einhvern stóradóm
byggðan á alvisku.