Morgunblaðið - 31.08.1983, Blaðsíða 32

32
MORGUNBLAÐIÐ, MIÐVIKUDAGUR 31. ÁGÚST 1983
343
Volvo 340 DL
reynsluekið
— Góður á malarvegum
— Mjög rúmgóður
— Leggst of mikið niður í
hornin í kröppum beygjum
Sighvatur Blöndahl
SVÍÞJÓÐ hefur óneitanlega
tengst nafni Volvo í umræðu
manna, enda kannski ekki að
undra þar sem höfuðstöðvar
fyrirtækisins eru þar í landi.
Verksmiðjur Volvo í Hollandi,
sem framleiða „Litla Volvoinn"
hafa því verulega fallið í skugg-
ann, en þegar betur er að gáð er
framleiðslan á Volvo 340-línunni
um fjórðungur af allri fólksbíla-
framleiðslu fyrirtækisins. Okkur
þótti því ekki úr vegi að líta að-
eins nánar á þessa Hollands-
framleiðslu og Volvo 340 DL var
tekinn í 500 km reynsluakstur
við ólíkustu aðstæður hér á
landi.
ÚTLIT
Útlilega séð hefur Volvo 340
lítið breyst allt frá árinu 1977 og
er því óneitanlega kominn tími
til að gera á honum einhverja
andlitslyftingu. Að vísu var eitt
skref í þá átt stigið þegar Volvo
360 GLT var kynntur á síðasta
ári, en hann er nokkru sportlegri
í útliti og er knúinn stærri vél.
Bíllinn, sem ég reynsluók, var
þriggja dyra, og finnst mér hann
samsvara sér betur útlitlega séð
en fimm dyra bíllinn. Aðalljós
bílsins eru ferköntuð og tiltölu-
lega stór. Reyndar finnst mér
framendi bílsins mjög smekkleg-
ur í útliti. Afturljósin eru nokk-
uð hefðbundin. Mættu kannski
vera eilítið stærri.
DYR OG RÝMI
Eins og áður sagði er billinn
þriggja dyra, þ.e. með tveimur
tiltölulega stórum framhurðum
og síðan skuthurð. Mjög hagan-
legt er að ganga um framhurð-
irnar, en þær eru bæði stórar og
opnast mjög vel. Hvað skuthurð-
ina varðar, þá mætti hún að
ósekju vera heldur stærri. Þá
helst þannig að hún næði betur
niður í bílinn. Það myndi auð-
velda mjög umgang um bílinn að
aftan. Hvað varðar rými í Volvo
340, þá er það óvenjulega mikið
af bíl í þessum stærðarflokki að
vera. Á það bæði við farþega-
rými og farangursrými. Þegar
sest er í framsætin verður þess
strax vart, að fótarými er í raun
með ólíkindum mikið og það
sama á við um loftrými, en það
er ekkert tiltökumál fyrir mjög
stóra menn að setjast inn í bíl-
inn án þess að vera alveg uppi I
þaki hans. Hliðarrými er hefð-
bundið. Þegar sest er aftur í bíl-
inn verður þess ennfremur vart,
að rými fyrir fætur er óvenju-
lega mikið af bíl í þessum stærð-
arflokki að vera. Ennfremur er
loftrými ágætt. Vel fer um tvo
fullorðna aftur í, en verulega er
farið að þrengja að þeim þriðja.
Það má því segja að rýmislega
séð sé Volvo 340 mjög hentugur
4—5 manna fjölskyldubíll. Eins
og áður sagði er farangursrými
ágætt í bílnum og reyndar meira
en maður skyldi ætla við fyrstu
sýn. Þegar á heildina er
«" * » *
Framendi bílsins er mjög smekklegur.
Mælaborðið er samþjappað og stflhreint.
litið virðist það með ólíkindum
hvað hönnuðum bílsins hefur
tekist vel upp í plássnýtingu. Má
reyndar til gamans skjóta því að,
að rými fyrir ökumann og far-
þega er lítið sem ekkert minna
en í stóra bróður Volvo 340, þ.e.
Volvo 240, en það er sá Volvo
sem er þekktastur hér á landi.
SÆTI OG INNRÉTTING
Volvo-verksmiðjurnar hafa
löngum verið þekktar fyrir vönd-
uð sæti og á því er engin undan-
tekning í Volvo 340. Framsætin
eru virkilega þægileg. Þau eru
klædd þægilegu tauáklæði og
bakstuðningur og hliðar-
stuðningur er með ágætum.
Hliðarstuðningur á framsetu
mætti kannski vera eilítið meiri.
Annars verður alltaf að hafa
hefðbundinn fyrirvara á mati
bílsæta. Þar ræður persónulegt
mat langmestu og þá oft á tíðum
líkamsbygging viðkomandi.
Hvað varðar aftursætið er það
fremur hefðbundið eins og í
flestum bílum í þessum flokki.
Ágætlega fer um tvo fullorðna,
en ekki er hægt að mæla með
þeim þriðja. Hvað varðar inn-
réttinguna almennt, þá er hún í
meðallagi íburðarmikil. Helst
fannst mér of mikið plast í hurð-
um vera til skaða.
MÆLABORÐ
Mér finnst hönnun mæla-
borðsins í Volvo 340 hafa tekist
mjög vel. Það er tiltölulega sam-
þjappað, þannig að stjórntæki
bílsins eru vel innan seilingar.
Þá finnst mér yfirbragð þess
vera skemmtilegt, en jafnframt
klassískt. í borðinu er' að finna
tiltölulega stóran hraðamæli
með ferðamæli, sem gott er að
lesa á. Við hlið hans er stór
klukka. Reyndar finnst mér hún
óþarflega stór. Vinstra megin
við klukkuna er bensínmælir og
hægra megin við hraðamælinn
er síðan hitamælir bílsins. f röð
fyrir ofan mælana hefur síðan
aðvörunar- og neyðarljósum ver-
ið komið fyrir á smekklegan
hátt. Má þar nefna olíuþrýst-
ingsljós, rafmagnshleðsluijós,
handbremsuljós, öryggisbelta-
ljós, innsogsljós, aðalljósa-ljós
og ljós sem sýnir þegar raf-
verulega til góða úti á malarveg-
unum og má kannski segja, að
það vegi þyngra hér á landi en
stíf fjöðrun, sem kæmi bílnum
til góða í hraðakstri á góðum
vegum, sem eru því miður heldur
vandfundnir hér á landi. Stýri
bílsins svarar mjög vel og
bremsurnar virkuðu vel.
NIÐURSTAÐA
Niðurstaðan af þessum liðlega
500 km reynsluakstri er sú, að
Volvo 340 er hinn ágætasti 4—5
manna fjölskyldubíll. Rými er
gott í bílnum. Sætin mjög vönd-
uð. Hann liggur vel á malarveg-
um og er lipur innanbæjar.
Mætti vera stffari á steypunni.
Þá mætti skuthurðin vera
stærri.
Skuthuróin mætti vera stærri niður í bflinn.
Volvo 340 DL.
Volvo
Gerð: Volvo 340 DL
Framleiöandi: Volvo
Framleiðsluland: Holland
Innflytjandi: Veltir hf.
Verð: 340.000.-
Afgreiösiufrestur: Til á lager
Þyngd: 930 kg.
Lengd: 4.300 m
Breidd: 1.660 m
Haeð: 1.392 m
Hjólhaf: 2.395
Vél: 4 strokka, 1.397 m 70
DIN hestöfl
Eyösla: 8 litrar f blönduöum
akstri
Vindstuðull: 0,41 Cw
Hjólbarðar: 155 SR 13
Benzíntankur: 45 L
magnsupphitunin er á í aftur-
rúðu. Á vinstra væng borðsins
eru stjórntæki aðaljósanna, og
rofi fyrir afturrúðuupphitun og
neyðarljós. Hægra megin eru
síðan stjórntæki miðstöðvarinn-
ar á hefðbundnum stað. Miðstöð-
in er þriggja hraða og virkar
ágætlega. Stýrishjólið finnst
mér ágætlega hannað, en í því
hefur flautunni verið komið
fyrir á smekklegan hátt. Hjólið
hefur góða áferð, þannig að
þægilegt er að halda um það, auk
þess sem staðsetning þess pass-
aði vel fyrir mig.
SKIPTING, VÉL
OG PEDALAR
Bíllinn var fjögurra gíra,
beinskiptur, og er skipting milli
sætanna. Hún er ágætlega stað-
sett og tiltölulega þægilegt er að
meðhöndla hana. Ef eitthvað er
þá mætti vera styttra milli gíra.
Um pedala er það að segja, að
þeir eru vel staðsettir. Ekki er
mikil hætta á því að stórfættir
menn stígi á tvo pedala í einu,
eins og vill vera í suraura minni
bílum. Bíllinn er knúinn fjög-
urra strokka, 1.397 rúmsenti-
metra, 70 DIN hestafla bensín-
vél, sem kemur ágætlega út. Sér-
staklega á langkeyrslu. Vinnslan
er ágæt í gírunum, nema hvað
bíllinn mætti kannski vera
snarpari í 3ja gírnum. óneitan-
lega verður manni hugsað til
Volvo 360 GLT-bílsins, sem er
knúinn tveggja lítra 95 hestafla
vél, en það er alls ekki sann-
gjarnt. Fyrir alla „venjulega
ökumenn" er 70 hestafla vélin al-
veg ágæt. Þeir sem vilja eitthvað
meira en hefðbundna vinnslu
ættu hins vegar að snúa sér að
360-bílnum.
AKSTURSEIGINLEIKAR
Aksturseiginleikar Volvo 340
DL komu mér nokkuð á óvart.
Hann liggur furðuvel úti á hol-
óttum malarvegum og hann er
mjög lipur í innanbæjarumferð-
inni. Þá er bíllinn ágætur í hröð-
um akstri á steyptum vegum.
Það sem ég finn bílnum helst til
foráttu þegar rætt er um akst-
urseiginleika, er hversu mikið
hann leggst niður í hornin, þegar
honum er ekið inn í krappar
beygjur. Hin tiltölulega mjúka
fjöðrun kemur honum hins vegar
Bílar