Morgunblaðið - 10.09.1983, Blaðsíða 18

18
MORGUNBLAÐIÐ, LAUGARDAGUR 10. SEPTEMBER 1983
Helsinki-samþykktín veitti
kúguðu fólki nýja von
— en við erum nær upphafi hennar en lokamarki
Fyrir hönd ríkisstjórnar íslands
vil ég færa gestgjöfum okkar,
Spánverjum, þakkir fyrir mikla
gestrisni og góða skipulagningu
ráðstefnunnar um öryggi og sam-
vinnu í Evrópu í þessari fallegu
höfuðborg Spánar. Um leið vil ég
nota tækifærið og flytja ríkis-
stjórn Spánar einlægar þakkir
fyrir frumkvæðið að málamiðlun,
sem reyndist veigamikið framlag
til þess að leiða þessa ráðstefnu til
farsælia lykta.
Þegar ég var einn af þeim sem
undirrituðu lokasamþykkt Hels-
inki-ráðstefnunnar fyrir átta ár-
um, sagði ég m.a., að sá atburður
táknaði miklu fremur upphaf en
endi. Við sama tækifæri sagði
Kekkonen Finnlandsforseti:
„Þetta er dagur gleði og vonar
fyrir Evrópu."
Við fögnum öll þeim anda sem
ríkti í Helsinki og nú þeim áfanga
sem náðst hefur hér í Madrid. En
ég hlýt að harma að sífelldar
hindranir og vanefndir sumra
þátttökuríkjanna á framkvæmd
Helsinki-sáttmálans hafa leitt til
þess að við erum í dag nær upp-
hafi en lokamarki Helsinki-
sáttmálans. Það er rétt að ýmsir
gagnrýndu Helsinki-samþykktina
fyrir að vera að ýmsu leyti óljósa.
Samt veitti samþykktin kúguðu
fólki nýja von og trú á framtíðina.
Lokasamþykktin hefur reynst eins
konar mælistika sem nota má til
að bera saman árangur eða van-
efndir þeirra þjóða, sem að sam-
þykktinni standa. Það er ekki
lengur innanríkismál þegar
mannréttindi eru skert í einhverju
ríki. Það varðar réttilega okkur
öll.
Madrid-ráðstefnunni sem nú er
að Ijúka, var ekki ætlað að endur-
skoða lokasamþykktina. Aðalhlut-
verk hennar var að kanna vand-
lega hvort niðurstöðum Helsinki-
ráðstefnmunnar hefði verið fram-
fylgt og taka til athugunar nýjar
tillögur til eflingar öryggis og
samvinnu í Evrópu. Því miður
hafa hins vegar sum þátttökuríkin
reynt að flytja og túlka mál sitt í
þeim tilgangi að draga úr mikil-
vægum skuldbindingum sem þau
höfðu áður gengist undir.
Samkomulag náðist hér í Madr-
id þrátt fyrir erfitt ástand í al-
þjóðamálum. Innrás Sovétríkj-
anna í Afghanistan varpaði
skugga á setningu ráðstefnunnar
og ítrekuð brot gegn mannréttind-
um í Sovétríkjunum og virðingar-
leysi sumra annarra ríkja fyrir
skuldbindingum, sem þau gengust
undir í Helskinki hafa einnig vald-
ið vanda í störfum ráðstefnunnar
og dregið úr árangri. Og nú lýkur
þessari ráðstefnu í skugga þess
skelfilega og sorglega atburðar, að
kóreönsk farþegaflugvél var skot-
in niður. Slíkt athæfi afhjúpar al-
gert virðingarleysi fyrir mannslíf-
um.
Með allt þetta í huga er sam-
þykkt raunhæfrar og sanngjarnr-
ar ályktunar í Madrid þó vonandi
spor í rétta átt. Nú sem fyrr skipt-
ir sköpum hvernig þær skuldbind-
ingar sem gengist er undir verða
efndar.
Hr. formaður.
Ég vona að Madrid-fundurinn
skili varanlegum árangri til að
tryggja öryggi og samvinnu í Evr-
ópu. En ef að árangurinn verður
aðeins innantóm orð eða reynist of
hægfara vegna vanefnda munu
þjóðir okkar glata trúnni á hann.
Við erum öll vonandi sammála um
lokatakmarkið, við viljum styrkja
frið og samvinnu milli þjóða okkar
sem margar hverjar hafa þolað
ómældar þjáningar af völdum
styrjalda. Með Helsinki-sáttmál-
anum reynum við að forðast yfir-
sjónir fyrri tíma og tryggja okkur
öllum trausta framtíð, enda er það
grundvallarréttur allra þjóða að
lifa í friði og sátt hver við aðra.
Það er einnig frumskylda allra
þátttökuríkja án tillits til hernað-
arstyrks, stærðar eða iegu, að
tryggja í reynd frið og öryggi.
Bandaríkin og Sovétríkin hafa hér
sérstökum skyldum að gegna.
í ljósi þessa telur ríkisstjórn
mín mjög þýðingarmikið að
ákvörðun hefur verið tekin um að
boða til ráðstefnu I Stokkhólmi i
janúar á næsta ári, um aðgerðir til
að efla traust og ákveðna þætti
öryggis og afvopnunar í Evrópu í
framhaldi af yfirstandandi um-
ræðum um takmörkun vígbúnaðar
og afvopnun. Við fögnum því að
afvopnunarráðstefna Evrópu skuli
í byrjun hafa verið falið að fjalla
og semja um aðgerðir til að efla
traust. Aðgerðir þessar verða
hernaðarlegar mikilvægar, póli-
tískt bindandi, háðar eftirliti og
ná til allrar Evrópu, frá Atlantsh-
afi austur að Úralfjöllum. Slíkar
aðgerðir til að efla traust takm-
arka vígbúnað í raun og stuðla að
afvopnun. Þannig gæti Stokk-
Ræöa Geirs Hallgríms-
sonar á lokafundi
Madrid-ráðstefnunnar
í fyrradag
hólmsráðstefnan þegar f upphafi
eflt öryggi í Evrópu og dregið
verulega úr spennu og hættunni á
hernaðarátökum í Evrópu.
Samningaviðræðurnar í Genf
um takmörkum meðaldrægra og
langdrægra kjarnorkueldflauga
eru á mjög mikilvægum tímamót-
um. Ríkisstjórn íslands vonar að
Nýr Volkswagen Golf kemur á markað í haust:
„Skiptir miklu máli
hvernig til tekst“
Rætt við Claus Krems, markaðsstjóra fyrir Volkswagen og
Audi í Norður-Evrópu, en Golf hefur nú verið framleiddur í 10
ár óbreyttur og er þrátt fyrir það söluhæsti bfll í Evrópu í ár
„Þetta er alveg nýr bfll, þó ytra
útlit hans haldi sér í meginatriðum,**
sagði Claus Krems, markaðsstjóri
fyrir Volkswagen og Audi bifreiðir í
Norður-Evrópu í samtali við Morg-
unblaðið í vikunni, er hann var
staddur hér á landi til að kynna nýj-
an bfl, en Volkswagen er um þessar
mundir að setja á markað nýja gerð
Golf bílsins svonefnda, sem verið
hefur þeirra söluhæsti bfll allt frá
því þeir settu hann á markað fyrir
tæpura 10 árum, en fyrsta gerð hans
leit dagsins Ijós 1974. Frá því fram-
leiðslan hófst og þar til nú, hafa ver-
ið framleiddir 6 milljón bflar og til
samanburðar má geta þess að fram-
ieidd voru 20,5 milljón eintök af
„bjöllunni", á þeim tæpu 30 árum
sem sú gerð var framleidd í Þýska-
landi.
Tæknilega séð er um
nýjan bíl að ræda
„Tæknilega séð er Golf árgerð
1984 algjör nýjung. Bæði vél og
gírkassi eru af endurbættri gerð
og sama er að segja um afturás og
framhjólabúnað. Loftviðnámið er
0,34 í stað 0,42 áður. Eldsneytis-
eyðsla er 6,9 1./100 km. í blönduð-
um akstri — en var 8,3 1./100 km.
— þrátt fyrir að nýi Golfinn er
með 5 hestöflum aflmeiri vél. Há-
markshraði er nú 150 km./klst. í
stað 138 km/klst. áður. Einnig er
farþegarými miklu meira.
Við höfum verið gagnrýndir
mikið fyrir farþegarými í Golf. Úr
því hefur nú verið bætt í hinni
nýju gerð, sem er að koma á mark-
aðinn og jafnast farþegarými nú
við það sem algengt er í stærri
bifreiðum. Til dæmis er breidd
þess meiri en í Mercedes Benz 190.
Þessum árangri höfum við náð,
þrátt fyrir að Golfinn hefur aðeins
verið lengdur um 17 sm. og er ein-
ungis 5 sm. breiðari.
1 stuttu máli má segja að þessi
nýja gerð af Golf hafi enn betri
aksturseiginleika en sú gamla að
öllu leyti, og sé hljóðlátari í akstri,
þrátt fyrir aflmeiri vél. Þó að nýja
gerðin stækki örlítið hið ytra, þá
er bíllinn mjög liðlegur og
skemmtilegur í akstri. Útlitið
breytist í samræmi við kröfur
tímans, en allir sjá þó að þarna er
um Golf að ræða. Það er með ráð-
um gert, enda krafðist söludeild
okkar þess, vegna þess að við höf-
um þegar selt 6 milljónir Golfbif-
reiða og við viljum að allir geri sér
ljóst að þarna er um Golf að ræða.
Við urðum varir við það, eftir að
við settum Golf á markaðinn 1974,
að aðrar bifreiðaverksmiðjur
reyndu að feta í fótspor okkar,
enda má sjá það þegar litið er á
þróunina í hönnun bíla undanfar-
inn áratug. Við erum mjög hreyk-
in af hinum nýja Golf og teljum að
sérstaklega vel hafi tekist til um
hönnun hans,“ sagði Krems.
Mest seldi bíllinn
í Evrópu 1982 og ’83
Aðspurður um þá gagnrýni sem
MorgunblaóiöKmilí*
Claus Krems, markaðsstjóri fyrir
Volkswagen og Audi í Norður-
Evrópu.
Volkswagen verksmiðjurnar hafa
orðið fyrir, vegna þess að þær
hefðu verið seinar til að breyta
Golfinum, sem hefur í meginatrið-
um verið óbreyttur frá því hann
kom fyrst fram, sagði Krems:
„Golfinn hefur verið mest seldi
bíllinn í Þýskalandi frá því að
hann kom fram og var raunar
mest seldi bíllinn í Evrópu af ár-
gerðunum 1982 og 1983. Hvers
vegna hefðum við því átt að breyta
bíl sem selst jafnvel og raun ber
vitni, því viðtökurnar sýna að um
mjög góðan bíl er að ræða, þó sá
nýrri sé ennþá betri. Breytingar
hafa ekki verið tímabærar fyrr en
nú.
Það skiptir miklu máli hvernig
til tekst með þennan bíl. Golf
gerðin er brauð Volkswagenverk-
smiðjanna, ef svo má að orði kom-
ast, og því standa verksmiðiurnar
og falla með þessum bíl. Eg hef
verið á ferð um Skandinavíu og
viðtökurnar við hinni nýju gerð
hafa verið mjög góðar, enda full
ástæða til, því þetta er frábær bif-
reið. Okkar stærsta vandamál til
að byrja með, verður langur af-
greiðslutími."
Krems sagði að lagt hefði verið í
mikla fjárfestingu vegna fram-
leiðslu nýja Golfsins. 800 milljónir
marka hefði hönnun hans kostað
og aðrar 1500 milljónir hefði þurft
að leggja út vegna vélakosts við
framleiðsluna. Samtals nemur
þetta um 23 milljörðum íslenskra
króna. Hann sagði hins vegar að
forsendan fyrir því að hægt væri
að leggja út í þennan mikla kostn-
að vegna nýju gerðarinnar, sem
hefði orðið mörgum smærri fyrir-
tækjum ofviða, væru vinsældir og
mikil sala Golfsins hingað til.
Bandaríkjamark-
aður óstööugur
Volkswagen verksmiðjurnar
hafa átt í erfiðleikum á Banda-
ríkjamarkaði. Krems var beðinn
um að skýra frá í hverju þeir erf-
iðleikar væru fólgnir. „Við áttum
tvær samsetningaverksmiðjur í
Bandaríkjunum og önnur hefur nú
verið seld til Chrysler. Við töpuð-
um peningum á Bandaríkjamark-
aði í fyrra en gerum það ekki í ár,
svo það er ekki pressa á okkur að
taka ákvörðun, sem getur verið
orðin röng eftir árið. Amerískur
markaður er erfiður hvað það
snertir að hann er mjög óstöðug-
ur. Þegar orkukreppan hélt inn-
reið sína, jókst eftirspurn eftir
smærri bílum og díselbílum mjög,
sem var okkur mjög hagkvæmt.
Þetta breyttist og nú er aftur farið
að kaupa stærri bíla, og markað-
urinn fyrir díselbílana hrundi
bókstaflega eða fór niður um 75%
á stuttum tíma, sem kom mjög illa
við okkur," sagði Krems.
Aðspurður um samstarf við
Chrysler, sagði Krems að viðræð-
ur væru í gangi, en engar ákvarð-
anir hefðu verið teknar.
30% af innanlands-
markaði í Þýskalandi
Það kom fram hjá Krems að
Volkswagen hefur um 30% af inn-
anlandsmarkaði í Þýskalandi og
að markmiðið sé að halda því
markaðshlutfalli sem lágmarki.
Þeir eigi hins vegar í harðri sam-
keppni við aðra bílaframleiðend-
Nýi Golfinn.