Morgunblaðið - 17.09.1983, Blaðsíða 13

Morgunblaðið - 17.09.1983, Blaðsíða 13
MORGUNBLADID, LAUGARDAGUR 17. SEPTEMBER 1983 13 „íslenzka líðið verður erfitt viðureignar á Laugardalsvelli" Frank Stapleton kom hingað til lands í fyrra með Manchester United í booi Vals. Á myndinni er hann é aafingu á ValavalH asamt Ray Wilkins. „ÍRSKA liðið verkar vissulega sterkt á blaði, en auðvitað er ennþá óljóst hvaða leikmenn fara til íslands; ástæðan til þess er ósköp einföld og þá á ég við meiðsli sem einstakir leikmenn geta orðið fyrir. Leikurinn við fsland er mikil vægur frá okkar sjónarhóli séð. Við höfum að vísu, eins og ísland, misst af lestinni í úr- slitakeppni Evrópukeppninnar í París, en við erum að byggja upp lið fyrir undankeppni na-stu heimsmeistarakeppni. Þá ætlum við okkur stóra hluti og ég er sannfærður um að írska liðið getur skákað þeim beztu," sagði Frank Stapleton, miðherji írska landsliðsins og Mancbester United, í samtali við Mbl. Stapleton hefur verið valinn í írska lands- liðshópinn gegn ís- lenska landsliðinu í Evrópukeppni lands- liða á Laugardalsvelli þann 21. september næstkomandi. Það verða margir kunnir kappar i írska liðinu, Liam Brady, sem leikur með Sampdoria á Italíu, Kevin Moran og Stapleton frá Manchester United, David O'Leary, Arsenal, Michael Rob- inson og Mark Lawrenson, Liv- erpool, Chris Hughton, Totten- ham, Kevin O'Callaghan, Ips- wich, og Gerry Daly, Leicester, svo nokkrir séu nefndir. Allt leikmenn, sem eru íslenskum sjónvarpsáhorfendum að góðu kunnir. Frank Stapleton er einn skæð- asti miðherji ensku knattspyrn- unnar — leikinn og skallar knöttinn flestum betur. Hann er nú að hefja sitt þriðja leiktíma- bil með Manchester United — varð bikarmeistari með liðinu síðastliðið vor og kom hingað til lands í fyrra. Stapleton gekk til liðs við Manchester United frá Lundúnafélaginu Arsenal. Vildi til liðs við stærra félag og Manchester United varð fyrir valinu eftir að mörg stærstu fé- lög Englands höfðu sóst eftir að fá hann til liðs við sig. Þeirra á meðal Liverpool. Hann lék 223 leiki fyrir Arsenal og skoraði 75 mörk í 1. deild, en auk þess 29 bikarmörk. United borgaði 900 þúsund pund fyrir Stapleton og hann hefur launað félaginu það meö þvi að skora 27 mörk í 1. deild í 80 leikjum. Nú eru rétt 10 ár síðan Staple- ton hélt til Lundúna frá írlandi til þess að leika með Arsenal. Hann var þá aðeins 16 ára gam- all; einn fjölmarga ungra knattspyrnumanna, sem árlega vonast til þess að komast í at- vinnumennsku. Með Stapleton komu Liam Brady og David O'Leary. Allir komust þeir í fremstu röð og áttu stóran þátt í að gera Arsenal að einu bezta félagsliði Bretlands. En Liam Brady hélt á braut, fór til Ju- ventus á Italíu og leikur nú með Sampdoria. Stapleton vildi einn- ig reyna fyrir sér annars staðar en á Highbury og gekk til liðs við United. Aðeins O'Leary er eftir og leikur nú stórt hlutverk í vörn Lundúnaliðsins. — Hvernig líst þér á leikinn á íslandi? „Hann leggst vel i mig, við sigruðum íslenska liðið í Dublin 2—0. Það var erfiður leikur, lenska liðið lék fast og gaf hvergi eftir. fslenska liðið verður erfitt viðureignar á Laugardalsvelli. En við erum staðráðnir í að sigra og það sést best af því, að Liam Brady mun koma alla leið frá Italíu til þess að leika í Reykjavík. Það, ef til vill öðru fremur, sýnir hve staðráðnir við erum í að sigra íslenska liðið. Við erum eins og ég sagði að byggja upp fyrir framtíðina, fyrir HM í Mexíkó. Möguleikar okkar í Evrópukeppni landsliða eru úr sögunni. Spánverjar hafa unnið alla leiki sína í 7. riðli nema einn, gerðu jafntefli í Dub- lin. Okkar möguleikar urðu að engu þegar við töpuðum í Hollandi og á Spáni. Spánverjar hafa verið mjftg erfiðir viðfanRS og þurfa aðeins að sigra Möltu i siðasta leik sínum tii þess að tryggja sér sæti í úrslitakeppn- inni i Frakklandi. Ég efast ekki um að það verður þeim næsta auðvelt." — Hvað um íslenska liðið og leikmenn þess? „Eins og ég sagði, þá var leik- urinn í Dublin mjög harður. Mér skilst að íslenska liðið verði að stofni til skipað leikmönnum sem leika á meginlandi Evrópu, i Belgiu og Þýzkalandi. Margir þeirra eru góðir knattspyrnu- menn. Ég verð að segja eins og er að ég man ekki nöfn einstakra leikmanna utan Arnórs Guð- johnsen. Hann er geysilega sterkur og skemmtilegur leik- maður, lék gegn Manchester United þegar við komum til ís- lands f fyrra." — Hvernig mundir þú velja besta lið írlands, ef þú ættir þess kost? „í þessu sambandi vil ég að- eins nefna þrjá leikmenn, Liam Brady, Mark Lawrenson og Dav- id O'Leary, allir mjog snjallir leikmenn." — Nú er keppnistfmabilið verðum að standa saman til þess að ná árangri í vetur. Allir verða að leggja sitt af mörkum. And- rúmsloftið á Old Trafford er stórkostlegt. En eins og þér er kunnugt um, þá er keppnistíma- bilið á Englandi langt og við verðum að gæta þess að byggja ekki upp loftkastala sem ekki standast. Við verðum að halda okkur við jðrðina." — Hverjir verða helstu and- stæðingar United, að þínu mati? Liverpool? „Það er augljóst að Liverpool verður með mjög gott lið í vetur. Félagið hefur verið öðrum hér fyrirmynd. Til þess að vinna titla hafa menn orðið að leggja Liverpool að velli. En Ipswich og West Ham virka einnig sterk og hafa byrjað keppnistfmabilið vel," sagði Frank Stapleton. Rættvið Frank Stapleton, miðherja írska landsliðsins og Manchester United

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.