Morgunblaðið - 02.02.1984, Blaðsíða 48

FIMMTUDAGUR 2. FEBRÚAR 1984
VERÐ í LAUSASÖLU 20 KR.
Stjórnun fiskveiða:
Aflamarks-
leiðin valin
Smáfiskur verður undanþeginn
aflamarki og ekki gerður upptækur
SAMKVÆMT heimildum Morgun-
blaðsins hefur sjávarútvegsráðherra
ákveðið að við stjórnun fiskveiða á ár-
inu skuli farið eftir tillögum ráðgjafa-
nefndarinnar um aflamark með sókn-
armarki til vara í undantekningartil-
fellum. Skal aflamark hvers skips á
árinu liggja fyrir eigi síðar en 20.
febrúar næstkomandi. Munu reglur
þessar verða kynntar á næstu dögum.
Samkvæmt upplýsingum Morgun-
blaðsins mun í flestum tilfellum
verða farið eftir tillögun nefndar-
innar, sem skilað var fyrir nokkru og
voru rækilega kynntar í Morgun-
blaðinu. Þann 20. febrúar skal vera
ljóst aflamark hvers skips og kemur
þá til frádráttar því afli hinna 7
bolfisktegunda, sem aflamarkið tek-
ur til og fengizt hefur frá áramótum.
Þá mun ufsaafli til 20. febrúar verða
undanskilinn aflamarkinu og helm-
ingur línuafla til 1. marz. Þá munu
sérleyfisveiðar skerða aflamark
þeirra skipa, sem þær veiðar hafa
stundað. 10% aflaverðmæta humar-,
síldar- og rækjubáta nema þeirra,
sem stundað hafa úthafsrækju,
dragast frá bolfiskmarki þeirra;
25% aflaverðmæta loðnubáta og
35% aflaverðmæta skelfiskbáta.
Skerðing aflamarks þessara skipa
ásamt því, sem kemur frá þeim skip-
um, sem hætt hafa veiðum á sl. ári,
fer að mestu til þeirra skipa, sem
ekki hafa stundað sérleyfisveiðar.
Smáfiskur verður ekki lengur
gerður upptækur til þess að stuðla
að því að komið verði með hann að
landi og fellur hann ekki undir afla-
mark skipanna. Tilfærsla aflamarks
milli skipa innan sömu verstöðvar er
tilkynningarskyld til ráðuneytisins,
en tilfærsla milli verðstöðva og
landshluta háð leyfi ráðherra og
hugsanlega umsögn fleiri aðilja.
Aflamarkið skal endurskoða í byrj-
un apríl með tilliti til aflabragða og
rannsókna Hafrannsóknastofnunar.
Krakkar á skautum í góða veðrinu.
Borgarnesi, 1. febrúar.
FEGURSTA vetrarverður hefur
verið hér um slóðir, sólskin og
logn en nokkuð frost. Ungir sem
aldnir notuðu vetrarblíöuna til að
fara á skauta og skíði og ríða út.
Skautasvell myndaðist víðs-
vegar í bænum eftir hlákuna
fyrr í vikunni og notuðu yngri
Skautað og skíðað í góðviðrinu
krakkarnir sér það óspart. Þá
var skíðalyftan, sem komið hef-
ur verið fyrir uppi í Hafnarfjalli,
óspart notuð. Þykir þessi lyfta,
þó við ófullkomnar aðstæður sé,
hin mesta framför og kunna
skíðaunnendur vel að meta hana.
Mesta furða er hvað unglingarn-
ir kunna fyrir sér í skíðaíþrótt-
inni þó þau hafi litla tilsögn
fengið og ekki áður haft aðstöðu
til þessa. Hestamennska er eitt
vinsælasta tómstundastarfið í
Borgarnesi og notuðu margir
þennan góðviðrisdag til útreiða.
- HBj.
ir, sem er um helmingi meira en
árið áður, en þá var seld þangað
641 lest. Sölusamband íslenzkra
fiskframleiðenda hefur því ýtt undir
menn að salta ufsann, en jafnframt
varað við söltun smárra flaka.
í Vestmannaeyjum eru fáir bátar
byrjaðir veiðar, en þeim hefur geng-
ið nokkuð vel. Sem dæmi má nefna,
að Valdimar Sveinsson VE 22 hefur
fengið rúmar 300 lestir af ufsa og
þorski.
Eðvarð Júlíusson, forstjóri
Hópsness í Grindavík, sagði í sam-
tali við Morgunblaðið, að ufsaveiðin
að undanförnu hefði verið sú bezta á
þessum árstíma í mörg ár. Það hefði
tvímælalaust verði góð ákvörðun að
leyfa ufsaveiðar í net. Það hressti
mjög upp á bæinn og væri nú full
vinna í öllum fiskvinnslustöðvunum.
Á þriðjudag hefðu 15 netabátar
landað samtals 339 lestum í Grinda-
vík eftir daginn eða rúmum 22 lest-
um að meðaltali. Sagði hann að
tveir bátar fyrirtækisins væru nú
komnir með tæpar 500 lestir,
Hópsnesið með 210 og Höfrungur II
280. Aflann hefðu bátarnir fengið á
Selvogsbanka og úti af Reykjanes-
grunni, sem væri um 4 tíma sigling
frá Grindavík. Þeir væru yfirleitt
með 6 til 7 trossur eða rúmlega 100
net í sjó og mat væri mjög gott.
Tekinn með
kíló af hassi
24 ÁRA gamall maður var handtek-
inn í fyrradag á Keflavíkurflugvelli
við komuna frá Lúxemborg. Hann
hafði innan klæða tæpt kíló af hassi.
Fíkniefnadeild lögreglunnar setti í
gær fram kröfu um 5 daga gæzlu-
varðhald yfir manninum.
Bátarnir moka
upp ufsa í netin
Njálsgata 48a — atburðurinn mun hafa átt sér stað á efri hæð hússins í
miðherbergi.
Atburðurinn á Njálsgötu 48a:
Köfnun líkleg
dánarorsök
SEINT í gærkvöldi var 36 ára gam
all maður úrskurðaður í gæzlu-
varðhald í Sakadómi Reykjavíkur.
Maðurinn hefur viðurkennt að
hafa orðið 39 ára gamalli konu að
bana í íbúð hússins Njálsgötu 48a.
Líkur benda til, að konan hafi lát-
ist af völdum köfnunar, en til átaka
kom þeirra í milli þegar konan
vildi fara úr íbúðinni. Hann mun
hafa togað í trefil, sem hún hafði
um háls sér, og það leitt hana til
dauða.
IJmræddur maður var úrskurð-
aður í gæzluvaröhald til 4. febrúar
nk. eða í 64 daga og gert að sæta
geðrannsókn á tímabilinu. Ágúst
Jónsson fulltrúi sakadómara kvað
upp úrskurðinn.
39 ára gamall maður var hand-
tekinn í fyrrakvöld ásamt þeim,
sem játað hefur á sig verknaðinn.
Honum var sleppt úr haldi í
gærkvöldi og ekkert bendir til
annars en hann hafi komið á
vettvang eftir að voðaatburðurinn
átti sér stað.
Hinum grunaða og látnu kon-
unni var vísað úr biðskýli Stræt-
isvagna Reykjavíkur í fyrradag
vegna deilna þeirra. í milli. Þau
voru flutt í lögreglustöðina, en síð-
an ekið heim.
NÝLIÐNN janúarmánuður hefur verið
sá lang bezti í mörg ár, bæði hjá okkur
og flestum öðrum á Suðurnesjum. Sem
dæmi um það má nefna, að báturinn
okkar, Höfrungur III, fékk alls um
335 lestir í mánuðinum og byrjaði þó
ekki fyrr en þann 12. Bezti janúar,
sem ég man utan þessa var 1974, en
þá fékk báturinn um 200 lestir. Þetta
gefur því vissulega tilefni til bjart-
sýni,“ sagði Þorleifur Björgvinsson,
framkvæmdastjóri Glettings í Þor-
lákshöfn, í samtali við Morgunblaðið.
Mok-ufsaveiði hefur verið í netin
á svæðinu frá Vestmannaeyjum til
Suðurnesja og sögðu viðmælendur
Morgunblaðsins á þessu svæði, að
þeir myndu varla annað eins fiskirí
á þessum tíma. Töldu þeir það hafa
skipt miklu máli, að tekin hefði ver-
ið ákvörðun um að leyfa ufsaveiðar í
Höfrungur III
með 335 lestir
net á þessum tíma, það hefði hrein-
lega skipt sköpum fyrir sjávarpláss-
in. Ufsaveiðar í net þar til afla-
markið verður frágengið og sett á
skerða ekki aflahlut viðkomandi
skipa samkvæmt ákvörðun sjávar-
útvegsráðuneytisins.
Mestur hluti ufsans á Suðurnesj-
um er flakaður og saltaður til út-
flutnings til Vestur-Þýzkalands, en í
Vestmannaeyjum er hann að mestu
frystur. Þá fer eitthvað af ufsanum
í skreið. Markaður fyrir söltuð ufsa-
flök í Vestur-Þýzkalandi hefur farið
verulega vaxandi að undanförnu. f
fyrra voru seldar þangað 1.246 lest-
Betri andi í ÍSALrVÍðræðum:
ÍSAL lagði fram
hugmynd að bónus
SAMNINGANEFND íslenzka álfé-
lagsins hf. lagði í gærkveldi fram
hugmynd að endurnýjuðu bónuskerH í
álverinu í Straumsvík, en bónuskerfi
það, sem verið hefur í gildi þar syðra
frá árinu 1978 er framleiðni- og fram-
leiðsluhvetjandi. Veturinn 1982 var
bónuskerfi þetta ákveðið, þ.e.a.s sett
var ákveðin tala fyrir bónusgieiðslur.
Haustið 1982 var einn þáttur samn-
inga, sem þá fóru fram, að samnings-
aðilar næðu samkomulagi um nýtt
kerfi fyrir lok október 1983. Sam-
komulag hefur ekki náðst þrátt fyrir
viðræður síðan og er hugmyndin, sem
lögð var fram í gærkveldi, hluti af
þeirri þróun, sem viðræðurnar hafa
tekið.
Framleiðni- og framleiðslubónus-
inn er byggður á nýtingu hráefnis í
álverinu, en hann er einnig háður
framleiðslu og mannfjölda, sem við
framleiðsluna vinnur. Samkvæmt
heimildum Morgunblaðsins var öllu
jákvæðari andi í samningaviðræð-
unum í gær, en verið hefur að und-
anförnu. Búizt var við því að samn-
ingsaðilar héldu áfram viðræðum
fram eftir kvöldi og jafnvel fram á
nótt. Þegar bónusviðræðum lýkur
má og búast við að aðilar taki að
ræða grunnkaupshækkanir, en eng-
ar viðræður hafa að svo komnu ver-
ið um þær.