Morgunblaðið - 04.03.1984, Qupperneq 19

MORGUNBLAÐIÐ, SUNNUDAGUR 4. MARS 1984
19
Bær I'órðar. Uppi í klettunum má sjá hauginn þar sem Eiríkur, fóstbróðir Þórðar var Helgi Skúlason í hlutverki Þórðar, sem er heiðinn og sést hér í hofi sínu í félagsskap
heygður.
goðanna.
„Hrafninn flýgur“ á aðaldagskrá kvikmyndahátíðarinnar í Berlín:
Ein þeirra
mynda sem mest
var talað um
— en alls voru sýndar á milli 600 og 700 myndir
„HRAFNINN flýgur", kvikmynd
Hrafns Gunnlaugssonar sem frum-
sýnd var við upphaf kvikmyndahá-
tíðarinnar sem haldin var í Reykja-
vík nú fyrir skömmu, var sýnd á
aðaldagskrá kvikmyndahátíðarinn-
ar í Berlín í síðustu viku, var tekið
gífurlega vel að sögn þcirra Hrafns
Gunnlaugssonar og Helga Skúla-
sonar sem fóru til Berlínar og
fylgdu myndinni þar eftir. „Hrafn-
inn flýgur“ er mynd sem hlotið hef-
ur geysigóða dóma gagnrýnenda
hér á landi og hefur verið vel tekið
af íslenskum kvikmyndahússgest-
um.
Algjört ævintýri
„Það var algjört ævintýri að
upplifa kvikmyndahátíðina og
móttökur myndarinnar," sagði
Helgi Skúlason er blm. Morgun-
blaðsins ræddi við hann skömmu
eftir að hann kom heim frá Berl-
ín. „Myndin var sýnd sex sinnum,
með enskum skýringartexta og
var ein þeirra sem mest var talað
um á þessari hátíð, en þar voru
alls sýndar á milli 600 og 700
myndir frá morgni og fram á
nótt..
Á meðan á hátíðinni stóð,
kynntu aðstandendur myndanna
vöru sína og var hver þjóð yfir-
leitt með einn sölu- og kynn-
ingarbás fyrir varning sinn.
Norðurlöndin voru saman með
einn bás og Svíarnir, sem sjá um
að dreifa myndinni okkar, voru
alveg undrandi á viðtökunum og
viðbrögðum fólks við henni.
Haldinn var sérstakur blaða-
mannafundur af forráðamönnum
hátíðarinnar vegna „Hrafnsins"
og á þeim fundi voru saman-
komnir blaðamenn víðs vegar að
úr heiminum. Við vorum mikið
spurðir um „Hrafninn" og svo
einnig um kvikmyndagerð al-
mennt á íslandi. Fundinum var
sjónvarpað beint um húsakynni
kvikmyndahátíðarinnar, sem er
gríðarstór bygging í hjarta Berl-
ínarborgar. Fundurinn var einnig
tekinn upp fyrir V-þýska sjón-
varpið og verður væntanlega
sýndur þar mjög fljótlega, ef
hann hefur ekki verið sýndur nú
þegar.
Mér fannst hreint ótrúlegt
hversu vel allir tóku myndinni og
meðal gesta á hátíðinni var
v-þýski kvikmyndaleikstjórinn
Wim Wenders, einn þekktasti
kvikmyndaleikstjóri Þýskalands
um þessar mundir. Hann varð svo
hrifinn af myndinni að hann
Hrafn Gunnlaugsson á meðan kvikmyndataka „Hrafnsins" stóð yfir.
Helgi Skúlason hjá auglýsingaspjaldi um myndina, sem alls var sýnd sex
sinnum við mjög góðar undirtektir.
bauðst til að koma fram fyrir
okkar hönd, eftir að við Hrafn
værum farnir, og kynna myndina,
eins og við gerðum meðan við
vorum þarna.“
— Nú virðist þetta vera geysi-
mikil hátíð. Hvernig stendur á því
að íslcnsk mynd var sýnd þarna á
aðaldagskránni?
„Framkvæmdastjóri kvik-
myndahátíðarinnar sá myndina
hjá Hrafni þegar hann vann að
þvi að klippa hana. Honum leist
svo vel á það sem hann sá, að
hann valdi hana strax á hátíðina,
en óskaði um leið eftir því að fá
eintak af myndinni þegar hún
væri fuilgerð. Hann fékk eintak
af „Hrafninum" og sýndi dóm-
nefndinni. Nú, þeim leist svo vel á
myndina að það var ákveðið að
hún skyldi sýnd á aðaldag-
skránni."
Margar þjóðir hafa
sýntáhuga
„Þegar ég fór frá Berlín var bú-
ið að selja myndina til ísrael og
samningar voru í burðarliðnum
við Frakka og ltali,“ sagði Hrafn
Gunnlaugsson er blm. ræddi við
hann um dreifingu á „Hrafnin-
um“. „Það er töluverður vandi að
selja svona mynd og þó sjón-
varpsstöðvar frá fleiri löndum
hafi óskað eftir að fá myndina
þarf fyrst að taka afstöðu til þess,
hvort hægt er að dreifa henni í
kvikmyndahús í viðkomadi landi,
þannig að það er töluverð kúnst
að dreifa svona mynd og þarf
harðsnúna menn til, en það er
sænska kvikmyndastofnunin sem
sér um þá hlið mála. Meðal ann-
arra þjóða sem sýnt hafa áhuga á
að dreifa myndinni eru Bretland,
Bandaríkin, Holland, Belgía og
Þýskaland.“
— En hvað finnst þér um viðtök-
ur myndarinnar í Berlín?
„Ég er að sjálfsögðu mjög
ánægður með þær. Ég er bjart-
sýnn á að myndin eigi eftir að
fara mjög víða og er þess fullviss
að hinar góðu móttökur, sem
„Hrafninn" hefur fengið erlendis,
eiga eftir að greiða götu íslenskr-
ar kvikmyndagerðar á erlenda
markaði. Eftirleikurinn ætti að
verða auðveldur fyrir nýjar ís-
lenskar myndir, ef þær standast
þær kröfur sem gerðar eru. Von-
andi eiga menn eftir að setja
markið hátt og vinna af miklum
metnaði í framtíðinni og þá geta
stórir hlutir farið að gerast.
Þetta er aðeins eitt spor á langri
ferð sem er fyrir höndum."
Btom.
„Nýtt líf ‘ og „Skilaboð til
Söndru“ einnig í Berlín
Framleiðendur „Nýs lífs“ vinna að kvikmyndunum „Dalalíf‘ og „í skammdeginu“
TVÆR íslenskar kvikmyndir voru
sýndar á Berlínarhátíðinni auk
„Hrafnsins“. Það voru „Skilaboð
til Söndru“ og „Nýtt lif“.
í samtali við Jón Hermannsson
formanns Félags kvikmyndafram-
lciðcnda kom fram að „Nýtt hT‘
var sýnd tvisvar sinnum á hátíðinni
á hinum almenna vcrslunarmark-
aði, við ágætar undirtekir. Jón kvað
það dýrt spaug að senda myndir til
sýninga á slíkum hátíðum. Það
hefði kostað hundrað og fjörutíu
þúsund krónur að texta „Nýtt líf“
og gera af henni kópíu.
Hann kvaðst enn ekki hafa orð-
ið var neinna viðbragða af hálfu
kaupenda sem myndina sáu í
Berlín en taldi þó síður en svo
fullreynt. Jón kvað það reynslu
manna að yfirleitt gengi treglega
að selja gamanmyndir, grín væri
oftar en hitt staðbundið. Hann
taldi þó líklegt að reynt yrði að
selja „Nýtt líf“ til erlendra sjón-
varpsstöðva, þá helst til Norður-
Evrópu.
Sextíu þúsund manns hafa séð
„Nýtt líf“ frá því sýningar hófust.
Mydnin fór að skila hagnaði þeg-
ar fjörutíu þúsund manns höfðu
séð hana.
Framleiðendur „Nýs lífs“
standa í stórræðum þessa dag-
ana. Þeir eru að vinna að gerð
dullarfullrar spennumyndar sem
þeir nefna „í skammdeginu".
Leikstjóri er Þráinn Bertelsson
en kvikmyndatökumaður er Ari
Kristinsson. Myndin er tekin á
eyðibýli sem heitir Reykjafjörður
og er vestur við Arnarfjörð. Inni-
senur eru teknar í sláturhúsi
Arnfirðinga á Bíldudal, sem lán-
að hafði verið til þess arna.
Fjórtán menn eru þarna við
störf, þar af fjórir leikarar. Að-
stæður eru þarna fremur slæmar,
fólkið hefur orðið að hola sér
niður hér og þar, inni á heimilum
og í verbúðum.
Ófærð á vegum er til baga og
svo hitt að sárlega skortir jafn-
fallinn snjó og snjókomu. Ef ekki
rætist úr því verður að taka at-
burðarásina í myndinni til endur-
skoðunar.
í voru venda þeir félagar sínu
kvæði í kross og hefja töku gleði-
myndar sem þeir kalla „Dalalíf".
Þar ætla þeir að reyna að gera
landbúnaðinum í landinu svipuð
skil og þeir gerðu sjávarútvegin-
um í „Nýju lífi“. Þar verða þeir
Karl Ágúst Úlfsson og Eggert
Þorleifsson aðalmennirnir.
Kostnaður við „Dalalíf" er
áætlaður svipaður og við „Nýtt
líf“ en kostnað við myndina „í
skammdeginu" er hins vegar
meiri óvissa um.
Árni Þórarinsson hjá „Umba“,
framleiðanda „Skilaboða til
Söndru“, lét svo um mælt að sú
mynd hefði einnig verið sýnd
tvisvar á hinum almenna versl-
unarmarkaði á Berlínarhátíðinni,
einnig við ágætar undirtektir.
Engin hreyfing væri þó á sölu-
málum ennþá. Haldið yrði áfram
að reyna að selja myndina er-
lendis og þá fyrst og fremst sjón-
varpsstöðvum.