Morgunblaðið - 14.03.1984, Side 29

MORGUNBLAÐIÐ, MIÐVIKUDAGUR 14. MARZ 1984
77
VELVAKANDI
SVARAR í SÍMA
10100 KL. 11—12
FRÁ MÁNUDEGI
w TIL FÖSTUDAGS
‘ÍfMUMunPK'iihi'u ir
Fjalakötturinn:
„Vil að þetta forljóta og
leiðinlega hús verði rifiðu
Kona í Austurbænum stingur upp
á í Velvakanda 11. mars að leitað
sé álits þeirra, sem eru á móti
endurnýjun Fjalakattarins. Ég
ætla að flýta mér að verða við
áskoruninni.
Ég vil að þetta forljóta og leið-
inlega hús verðir rifið og það sem
fyrst. Eins og það sé einhver
menning að þessum kumbalda.
Vilhjálmur Finsen skrifar í bók
sinni: Alltaf á heimleið bls. 75: „Þá
fóru og leiksýningar fram í
„Fjalakettinum", sem Valgarður
Ó. Breiðfjörð hafði látið reisa árið
1893 vestur af íbúðarhúsi sínu við
Aðalstræti. Það þótti lítt vönduð
bygging og hlaut hún því fijótlega
þetta skopnafn.“ (Leturbr. mín.)
Mín skoðun er þessi, en sjálf-
sagt ekki rétthærri en annarra
Reykvíkinga.
Því miður var Morgunblaðshús-
ið reist þar sem það nú er og er
ekkert við því að gera héðan af. En
ef borgin okkar getur notað það
sem ráðhús er það vel.
Annars vil ég að Grjótaþorpið
verði jafnað við jörðu og þarna
gerður lystigarður á öllu svæðinu
milli Aðalstrætis og Garðastrætis.
Mér finnst að það gæti verið mjög
fallegt við enda Austurstrætis.
Friðrik Einarsson
111 meðferð á skepnum:
Um hundahald í sveitum
Til Velvakanda.
9928-6008 skrifar:
„Hundraðasta og ellefta með-
ferð á skepnum ber vott um
grimmt og guðlaust hjarta."
„Ha?“, sagði presturinn.„Hvað
er nú það?“
„Það er að gleyma að gefa hund-
inum.“
Á þessa leið lætur Halldór
Laxness sögupersónu sína, ólaf
Kárason, mæla. Ég er eiginlega al-
veg hissa á öllu þessu hundatali,
með og á móti, hér í bænum.
Aldrei hef ég heyrt eitt kvak um
hundahald í sveit, ekki einu sinni
frá þessum dýravinum sem hafa
svo mikla samúð með þessum
vesalings skepnum, sem eru höfð
innikróuð og lifa lífi sem er langt
frá þeirra upprunalega eðli.
Nú vill svo til að þó ég sjálf eigi
ekki hund, að ég þekki fjölda fólks
sem á heimilishund og í þeim til-
fellum eru þessar skepnur fjöl-
skylduvinir og bera þess glöggt
vitni að þeim líður vel. En ég veit
líka af eigin raun og afspurn um
unglinga, sem orðið hafa fyrir
reglulegu andlegu áfalli við að
horfa upp á meðferð á hundum í
sveitum — já, á fyrirmyndar bæj-
um.
Ég ætla að skýra frá nokkrum
dæmum. Dóttir mín sem nú er 14
ára , mikill dýravinur, kom á bæ
fyrir nokkrum árum (þá líklega
10—11 ára). Á bænum var lóðatík
og seppi af næsta bæ kom í heim-
sókn. Þegar bóndinn sá hvað verða
vildi gerði hann sér lítið fyrir og
sparkaði í kvið hundsins, sem valt
um með hljóðum. „Ég heyri hljóð-
in fyrir mér enn og gleymi þeim
áreiðanlega aldrei. Þennan mann
vildi ég helst aldrei sjá aftur,“
sagði barnið.
Ánnað upplifði ég sjálf og var
það líka á sveitabæ. Tík gaut í
kjaliara húsins 8 litlum hvolpum
og móðurástin leyndi sér ekki. Það
liðu svo tveir dagar að hún fékk að
hafa þessar litlu agnir. Þá gerðist
það að bónda þótti ekki taka því
að halda þessa ómaga, gerði sér
lítið fyrir og stakk hverjum ein-
asta í poka og beint í mógröf.
Þessum degi mun ég heldur aldrei
gleyma.
Þá er nú sú síðasta ekki fegurst.
Það var tík, sem var hvolpafull og
komin að því að gjóta. Viðurværið
var fyrir neðan allar hellur — það
var eins og aukaatriði að hún
fengi að éta og hent í hana
úrgangi, nöguðum beinum og
slíku. Nú líða nokkrir dagar þar til
hún hverfur. Bóndi fer að hafa orð
á því hvar í helv .. tíkin sé niður
komin svo húsfreyja fór nú að
huga að henni og finnur hana þá
dauða úti i hlöðu og hvolpana
liggjandi hjá henni, nagandi spen-
ana á hræinu. .
Ég held að margir bændur séu
engir dýravinir. Dýrin eru bara í
þeirra huga eitthvað til að hafa
nytjar af. Aftur á móti trúi ég
ekki öðru en að fólk í borgum, sem
hefur dýr sér til ánægju hvort sem
það eru hundar, kettir, kanínur
eða fuglar, fari yfirleitt vel með
þau.
Ég sný ekki til baka með það að
í sveitum lifa hundar á mörgum
bæjum reglulegu hundalífi. Ekki
veit ég hvort þeir bændur sem
bera ábyrgð á þessu koma til með
að lesa þetta, en ég vona það. Þó
geri ég ekki ráð fyrir að þeir
hrökkvi svo mikið við, en þeir eiga
eftir að stíga fyrir dómara allra
tíma eins og við öll.“
Byggingavörur
FYRIR FOKHELT
EINANGRUNARPLAST:
Aliar mögulegar þykktir fáanlegar t.d.:
1"fm.kr......................
2" fm. kr..................... 137
3" fm. kr..................... 205.40
10% magnafsláttur
MILLIVEGGJAPLÖTUR
UR VIKRI
5x50x50 cm . . . . fm/kr 216
7x50x50 cm . . . . fm/kr 228
9x40x40 cm . . . . fm/kr 300
9x20x40 cm . . . . fm/kr 264
ÚTVEGGJASTEINN RAUÐAMÖL ÚR
20x20x40(10 kg) .... . . . fmf/kr 780
20x20x40(16 kg) .... . . . fm/kr 840
SUPPERFOSS—GLERULL
2“ glerull..... fm/kr 57.50
3“ glerull..... fm/kr 86.20
4“ glerull..... fm/kr 115.00
GLERULL M/ÁLPAPPÍR
3,5“ 58,4x21,5 cm . fm/kr 150
6,25“ 58,4x11,95 .. fm/kr 195
RAKAÞOLNAR SPÓNA-
PLÖTUR
12 mm .........124x250 4 28,75
18 mm .........123x275 647
ELDÞOLNAR SPÓNAR-
10 mm . PLÖTUR 120x260 617.50
12 mm 120x260 717
15 mm 120x260 933.50
18 mm MÓTAPLÖTUR 120x270 828
18 mm 120x300 952
OFNAR OG PÍPULAGN-
INGAREFNI
Komið með teikningar
og við gerum verðtilboð.
MÁLNINGARTILBOÐ
5% afsláttur af kaupum yfir . 1.500 kr
10% afsláttur af kaupum yfir . 2.200 kr
15% afsláttur af kaupum yfir . 3.600kr
20% afsláttur af heilum tunnum heim keyröum.
JL-GREIÐSLUKJÖR
Ótrulega hagstæð JL-GREIÐSLUKJÖR. Allt
niður í 20% útborgun og eftirstöðvar lánaðar
til allt að 6 mánaða. Við bjóðum hús-
byggjendum sérstaka viðskiptareikninga, þar
sem mánaðarúttektin hverju sinni er gerð
upp með skuldabréfi.
I