Morgunblaðið - 09.05.1984, Blaðsíða 36

-TO»
k onr > » « r o
MO » 'T»T»TT*r
r r-rjf-r ,
36
MORGUNBLAÐIÐ, MIÐVIKUDAGUR 9. MAÍ 1984
Fréttir frá borgarstjórn
Heimild til niðurrifs
Fjalakattarins staðfest
SAMÞYKKT byggingarnefndar um niðurrif Fjalakattarins var staðfest með nafnakalli á
fundi borgarstjórnar á fimmtudag með atkvæðum meirihluta sjálfstæðismanna nema Huldu
Valtýsdóttur, formanns umhverfisráðs borgarinnar, sem greiddi atkvæði gegn staðfestningu á
niðurrifi hússins, ásamt 7 borgarfulltrúum í minnihlutanum. Tveir borgarfulltrúar sátu hjá við
afgreiðslu málsins, þau Sigurður E. Guðmundsson (A) og Sigrún Magnúsdóttir (F).
Tillaga frá borgarfulltrúum
minnihlutans um að borgar-
stjórn samþykkti að gera allt
sem í hennar valdi stæði til að
greiða fyrir samningaviðræðum
um hugsanleg kaup á Fjalakett-
inum ef af slíkum viðræðum
yrði milli eiganda hússins og
samtakanna Níu líf, fékk 10 at-
kvæði og ekki stuðning. Davíð
Oddsson, borgarstjóri, sat hjá
við atkvæðagreiðsluna um þá
tillögu með vísan til þess að eðli-
legast væri að viðræður samtak-
anna og eiganda hússins færu
fram á ábyrgð þeirra sjálfra, en
hvorugur þessara aðila hefði
óskað eftir sérstökum atbeina
borgarinnar við þær viðræður.
Formaður umhverfisráðs studdi
tillöguna sem túlkuð var sem yf-
irlýsing um vilja borgarinnar
um varðveizlu hússins.
Það hefur komið fram að
meirihluti borgarstjórnar telur
að borgin hafi ekki fjárhagslegt
bolmagn til að kaupa Fjalakött-
inn til friðunar eins og sakir
standa og gera hann upp. Kaup-
verð hússins er áætlað á bilinu
12—20 milljónir króna og að það
muni kosta 44 milljónir að gera
húsið upp í upphaflegri mynd. f
skipulagshugmyndum þeim,
sem nú liggja fyrir um uppbygg-
ingu í Kvosinni er ekki á því
byggt, að húsið þurfi að víkja. Á
fundi borgarstjórnar 15. mars
sl., kom fram að ef eigandi húss-
ins eða aðrir sem kynnu að eign-
ast húsið síðar hefðu áhuga að
gera húsið upp og leituðu í því
sambandi til ríkis og borgar, þá
hlyti máli að koma til ákvörð-
unar á nýjan leik. Á þeim fundi
var ákveðið að borgin ætti við-
ræður við menntamálaráðherra
um málefni Fjalakattarins,
enda stæði það Þjóðminjasafni
og/eða menntamálaráðuneytinu
næst að friða húsið, ef þau rök,
sem færð hafa verið fyrir friðun
þess, standast.
Fjármunir til varðveizlu þess
ekki fyrir hendi í ráðuneytinu
Davíð Oddsson, borgarstjóri,
og borgarfulltrúarnir Ingibjörg
Rafnar og Ingibjörg Sólrún
Gísladóttir áttu fund með
menntamálaráðherra, þar sem
gerð var grein fyrir sjónarmið-
um borgarinnar og óskað eftir
upplýsingum um viðhorf ráðu-
neytisins til málsins. Af hálfu
ráðherra kom það fram, að eng-
in efni stæðu til þess af hálfu
ríkisins, að það hefði atbeina að
því að leysa húsið til sín og/eða
ákveða friðun þess með þeirri
kostnaðarþátttöku, sem því
myndi óhjákvæmilega fylgja
fyrir ríkið. í skýrslu borgar-
stjóra til borgarráðs um þessar
viðræður segir, að á það hefði
m.a. verið bent á hálfu ráðu-
neytisins, að fjármunir hefðu
ekki fengist til þess að standa
við þær skuldbindingar, sem
menntamálarráðuneytið teldi
sig þurfa að standa við í þessum
efnum, s.s. að gera upp friðað
hús Kennaraskólans við Laufás-
veg og Viðeyjarstofu í Viðey.
Átti viðræðunefndin einnig
fund með fulltrúum áhuga-
manna um verndun Fjalakatt-
arins.
„Eigandinn á rétt á svari
frá borginni“
Við afgreiðslu málsins í borg-
arstjórn rakti Hilmar Guð-
laugsson, borgarfulltrúi og
formaður byggingarnefndar
borgarinnar sögu þessa máls í
borgarkerfinu. Eigandi Fjala-
kattarins fór fyrst fram á það
formlega að fá heimild til niður-
rifs hússins í febrúar 1979. Af-
staða hefði ekki verið tekin til
þessa erindis hjá borginni þá
með vísan til þess að unnið væri
að gerð deiliskipulags að Kvos-
inni. Þegar málið hefði verið til
meðferðar í byggingarnefndinni
í vor hefði tillaga um frestun á
afgreiðslu málsins einnig komið
fram með vísan til gerðar deili-
skipulagsins. Slík regla ætti sér
hvergi stoð, hins vegar ætti eig-
andinn skýlausan rétt á því að
fá svar frá borgaryfirvöldum við
erindi sínu um niðurrif, já eða
nei.
„AÓgerðarleysið réttlætt
með fjármagnsskorti“
Álfheiður Ingadóttir borgar-
fulltrúi Alþýðubandalagsins
sagði m.a. að hún væri þeirrar
i
Fjalakötturinn
skoðunar að aldrei ætti að heim-
ila niðurrif á nokkru húsi nema
ljóst væri hvað koma ætti í stað-
inn á því svæði, sem það stæði. í
sameiginlegri bókun borgarfull-
trúa Alþýðubandalagsins og
Kvennaframboðsins um málið
sagði m.a. þeir hörmuðu vilja-
leysi borgaryfirvalda og
menntamálaráðuneytis til að
tryggja varðveizlu Fjalakattar-
ins. Hefðu þau ekki haft neitt
frumkvæði að þvi að grípa inn í |
það mál þrátt fyrir að borgar-
minjavörður, umhverfisráð og
húsfriðunarnefnd hafi eindregið
mælt með varðveislu hússins og
fjöldamargir einstaklingar og
félagasamtök boðist til að leggja
málinu lið og axla hluta þeirrar
fjárhagsábyrgðar sem af varð-
veislu þess hlýst. Rökum um
menningarsögulegt og bygginar-
sögulegt gildi hússins hefði ekki
verið hafnað af borgaryfirvöld-
um og menntamálaráðuneyti,
heldur réttlættu þau aðgerðar-
leysi sitt með fjármagnsskorti.
Með samstilltu átaki margra að-
ila þyrfti Fjalakötturinn hins
vegar ekki að verða yfirvöldum
fjárhagslega ofviða.
f máli Gerðar Steinþórsdótt-
ur, borgarfulltrúa Framsóknar-
flokksins kom fram að hún teldi
ekki fullreyndar leiðir til að
varðveita húsið. Samþykki á
niðurrifi nú bæri einungis vott
um áhugaleysi borgaryfirvalda
á þessu máli, en ekki peninga-
leysi. Þjóð sem hefði efni á þ ví
að ganga í 40 milljón króna
ábyrgð í leit að gullskipi væri
ekki fjárhagslega á flæðiskeri
stödd.
Sigurður E. Guðmundsson,
borgarfulltrúi Alþýðuflokksins
sagði m.a. að ljóst væri að bæði
borgin og menntamálaráðuneyt-
ið vísuðu máli Fjalakattarins
frá sér í stað þess að standa
saman að björgun þess. Því væri
ljóst að fjárhagslegan grundvöll
skorti fyrir varðveizlu hússins.
Kvaðst hann sitja hjá við af-
greiðslu málsins, þar sem hann
væri ekki reiðubúinn til að
standa að því, að borgarsjóður
einn fjármagnaði kaup á húsinu
og endurreisn þess.
Skilyrt hundahald
verdur heimilað
tillögu um skoðanakönnun hafnað
Á FUNDI borgarstjórnar á fimmtudag var samþykkt meö 14
atkvæðum borgarfultrúa Sjálfstæðisflokksins og Framsókn-
arflokksins að fela skrifstofustjóra borgarstjórnar að semja í
samráði viö lögreglustjóra eða fulltrúa hans drög að nýrri
reglugerð um hundahald í Reykjavík.
I þeim drögum á að koma fram,
að hundahald sé bannað í Reykja-
vík, — en heimilt sé að veita und-
anþágu frá því banni, að uppfyllt-
um ströngum skilyrðum. Þau skil-
yrði eiga m.a. að vera, að hundur
sé skráður í þar til gerðar bækur á
vegum borgarinnar og skal hund-
urinn merktur með þeim hætti,
sem borgaryfirvöld ákveða. Eig-
andi hunds skal greiða árlegt af-
gjald í borgarsjóð, þegar leyfi er
fengið eða endurnýjað. Færa skal
hundinn árlega til skoðunar og
hreinsunar hjá þar til bærum
heilbrigðisyfirvöldum og skal
hundeigandi greiða kostnað af því.
Hundeigendum verði skylt að
tryggja hunda sína hjá viður-
kenndu tryggingarfélagi, og utan
dyra skulu hundar jafnan hafðir í
bandi eða helsi. Hundeigandi, eða
sá sem er með hund á ferli, skal
skuldbundinn til að fjarlægja
óþrif eftir hundinn, að viðlögðum
sektum. Eigandi lausbeislaðs
hunds, sem hirtur er innan borg-
armarkanna, verði að sæta upp-
töku á þeim hundi og óheimilt
verði að vera með hunda í almenn-
ingsgörðum borgarinnar milli kl.
08.00 á morgnana til 21.00 á kvöld-
in. Er hugsanlegt að tiltekin svæði
verði algerlega útilokuð frá fólki
með hunda. Um hundahald í fjöl-
býlishúsum fari eftir ákvæðum í
sameignarsamningum.
Þá var samþykkt að í reglugerð-
inni skyldi vera ákvæði til bráða-
birgða þar sem ákveðið er að bera
ákvörðun um hundahald innan
borgarmarkanna undir atkvæði
allra atkvæðisbærra borgarbúa
þegar nokkur reynsla verður kom-
in á hina nýju skipan, þó ekki síð-
ar en 4 árum eftir staðfestingu
reglugerðarinnar. Þeir aðilar, sem
fá leyfi fyrir hundum á þessu
tímabili, þurfi að sæta þeim
ákvörðunum, sem teknar kunna að
vera í framhaldi af slíkri at-
kvæðagreiðslu. í reglugerðinni
eiga jafnframt að vera skýr
ákvæði um viðurlög við brotum
um meðferð ólöglegra hunda, sem
handsamaðir eru, rétt til aflífunar
hunda og fleira í því sambandi.
Borgarfulltrúar Alþýðubanda-
lagsins, Alþýðuflokksins og
Kvennaframboðsins gerðu tillögu
um að skoðanakönnun færi fram
síðar á þessu ári á meðal borg-
arbúa um afstöðu til hundahalds í
borginni. Þeir sem nytu kosn-
ingaréttar í borgarstjórnarkosn-
ingum hefðu þátttökurétt í slíkri
könnun og kjörstaðir yrðu a.m.k.
tveir.
1 máli Sigurjóns Péturssonar
(Abl.) kom m.a. fram, að líklegt
væri að aðeins þeir sem raunveru-
lega tækju afstöðu til hundahalds
í borginni myndu tjá sig í slíkri
skoðanakönnun. Hann teldi heldur
ekki rétt að ákveða fyrst um fyrir-
komulag hundahalds og bera það
síðan undir atkvæði, eins og til-
laga meirihlutans gerði ráð fyrir.
Margrét S. Einarsdóttir og Páll
Gíslason (S) kváðust m.a. fagna
því að þetta mál skyldi vera komið
á það stig, að fyrirsjáanlegt væri
að regla kæmist á það í borginni.
Fjölluðu þau um þá varnagla, sem
slegnir væru um framkvæmd
hundahalds í tillögu meirihlutans,
en ástæðan fyrir því að reglum um
hundahald skyldi nú breytt og
borgarbúum síðar gefinn kostur á
að greiða atkvæði um málið væri
sú, að með því væri fólki gefinn
kostur á því að gera raunhæfan
samanburð á núverandi ástandi og
ef skilyrt hundahald er heimilað.
Tillagan um skoðanakönnun
fékk 7 atkvæði og því ekki stuðn-
ing.