Morgunblaðið - 26.05.1984, Blaðsíða 10

10
MORGUNBLAÐIÐ, LAUGARDAGUR 26. MAÍ 1984
Sköpun eftir Ásmund, sem er eitt verkanna á sýningunni.
Sýning á verkum Ásmundar
Sveinssonar um vinnuna
Asmundarsafn við Sigtún verður
opnað almenningi nú um helgina eft-
ir gagngerar endurbætur og verður
þá haldin sýning á verkum Ásmund-
ar sem nefnist „Vinnan í list Ás-
mundar Sveinssonar". Sýningin
verður opin í sumar og næsta vetur,
en sýningarstjórn hefur samþykkt
að að minnsta kosti ein sýning verði
sett upp í safninu árlega.
Sýningunni er skipt í tvo hluta.
Annars vegar eru sýnd tæki og
mismunandi efni sem listamaður-
inn notaði við iistsköpun sína, en
hins vegar sýndar höggmyndir þar
sem viðfangsefnið er vinnan. Með-
al þess sem til þess fyrrnefnda
heyrir má nefna stækkunartæki,
hefilbekk sem Ásmundur bjó til úr
vélarblokk frá General Motors og
klippur. Þá eru einnig sýnd mót úr
járni, gifsi og leir. Alls eru um 60
verk á sýningunni og hefur það
verið haft að leiðarljósi að sýning-
in verði fræðandi jafnframt því
sem áhorfendur fái notið fegurðar
verkanna.
Svo dæmi sé tekið um viðhorf
Ásmundar til vinnunar, þá segir
hann í Bókinni um Ásmund eftir
Matthías Johannessen: „Við vor-
um vanin á að vinna. Þar sem ég
ólst upp, þótti iðjuleysi löstur. Við
eigum að kenna unga fólkinu að
vinna og hafa nautn af vinnunni.
Henni fylgir hamingja."
í tilefni sýningarinnar verður
gefin út sýningarskrá, ríkulega
myndskreytt, þar sem ýmis tækni-
leg atriði varðandi höggmyndalist
eru skýrð og fjallað um þau efni
sem Ásmundur notaði við listiðju
sína. Einnig er í sýningarskránni
gerð grein fyrir viðhorfi Ásmund-
ar til vinnunnar.
Eins og fyrr sagði hafa gagnger-
ar endurbætur farið fram á safn-
inu. Felast þær meðal annars í því
Morgunblaðið/KEE.
Klippurnar sem Ásmundur bjó til úr
vélarblokk frá General Motors.
að kjallari hefur verið innréttaður
sem geymslurými, allt rafkerfi
hússins hefur verið endurnýjað,
hitakerfi endurbætt, svo og önnur
vinnuaðstaða.
í stjórn Ásmundarsafns eiga
sæti: Einar Hákonarson, formað-
ur, Ásdís Ásmundardóttir, Guð-
rún Erla Geirsdóttir, Hulda Val-
týsdóttir, Hafliði Jónsson og Þóra
Kristjánsdóttir. Safnvörður er
Gunnar B. Kvaran.
Safnið verður opnað almenningi
á sunnudag og verður opið aila
daga í sumar frá klukkan 10—17.
Ný íslensk grafísk kvikmynd frumsýnd:
Markmiðið að túlka
fegurð
— segir höfundurinn
Finnbjörn
Finnbjörnsson
NÝ íslensk kvikmynd verður frum-
sýnd í kvikmyndahúsinu Regnbog-
anum á laugardaginn kemur. Mynd-
in nefnist INNSYN og er hálftíraa-
löng grafísk mynd gerð samkvæmt
lögmálum teiknimyndarinnar, nema
hvað þarna er um óhlutstæða raynd
aö ræöa, þar sem fengist er við form
og liti, auk þess sem sólarlag hefur
verið kvikmyndað og unnið með lit-
um og ber það einnig fyrir sjónir í
myndinni.
Höfundur myndarinnar er
Finnbjörn Finnbjörnsson og hef-
ur hann unnið að gerð hennar síð-
astliðin 3 ár, enda samanstendur
myndin af alls 6 þúsund teikning-
um. „Þetta er eiginlega málverk á
hreyfingu, blanda af teikningu og
myndum sem ég tók af sólarlagi,
sem ég setti síðan liti í. Raunar
þurfti ég að berjast dálítið við það
að ná sólarlagi. Ég náði því ekki
hér á landi og fór til Kaliforníu og
var þar í um hálfan mánuð en þar
var alltaf skýjað þegar sólin sett-
ist. Það var svo ekki fyrr en á
Flórída í mars sem ég náði mynd-
um af sólarlaginu og gat klárað
myndina," sagði Finnbjörn í sam-
tali við Morgunblaðið.
Finnbjörn er menntaður hjá
einkaaðiia í San Francisco í
Bandaríkjunum, þar sem hann
lærði að gera teiknimyndir. Hann
sagði að í raun væri um að ræða
sömu tækni og beitt væri við gerð
teiknimynda. „Ég hef trú á því að
myndlistin eigi eftir að fara út á
þessa braut í ríkari mæli í fram-
tíðinni, sérstaklega með tilliti til
þess að tæknin eykst í sífellu í
og samræmi
Finnbjörn Finnbjörnsson höfundur myndarinnar við teikningarnar sem
fóru í gerð myndarinnar en þær eru alls 6 þúsund. Morgunbiaflið/ kee.
þessum efnum," sagði Finnbjörn.
Finnbjörn sagði að í myndinni
fengist hann við lögmál hreyf-
ingar og andstæður lita, sem væri
grundvöllur allrar skynjunar og
einnig reyndi hann að túlka af-
stæði, en markmiðið væri að
reyna að túlka fegurð og sam-
ræmi.
Hann kvað kostnað við mynd-
ina kominn í um eina milljón
króna, en hann hefði tvívegis
fengið fyrirgreiðslu úr Kvik-
myndasjóði, 75 og 100 þúsund
krónur. Hann sagði að að loknum
sýningum hérlendis yrði farið
með myndina á erlendar kvik-
myndahátíðir.
Myndin verður frumsýnd í dag
kl. 15.00 í E-sal Regnbogans og
verður síðan sýnd á klukkutíma
Á þessari mynd, sem tekin var við íþróttahúsið Digranes í Kópavogi, má sjá fulltrúa samtaka sveitarfélaga á
höfuðborgarsvæðinu og Suðurnesjum, en í íþróttahúsinu var haldið kaffiboð fyrir gestina.
Suðurnesjamenn í heimsókn
SAMTÖK sveitarfélaga á höfuðborg-
arsvæðinu fengu fyrr í þessum mán-
uði heimsókn frá Suðurnesjum.
30—40 manna hópur fulltrúa
samtaka sveitarfélaga á Suðurnesj-
um kom til höfuðborgarsvæðisins
fyrr í þessum mánuði til þess, með-
al annars, að kynna sér fram-
kvæmdir og skipulag á höfuðborg-
arsvæðinu og skiptast á skoðunum
við fulltrúa samtaka sveitarfélaga
höfuðborgarsvæðisins.
Hópurinn hittist í álverinu í
Straumsvík og var álverið fyrst
skoðað, og síðan merkilegar fram-
kvæmdir á höfuðborgarsvæðinu.
Hóparnir ræddu ýmis sameiginleg
mál og skiptust á skoðunum um
þau. Heimsókninni lauk með því að
farið var á Kjarvalsstaði í boði
Reykjavíkurborgar, þar sem skipu-
lagssýningin sem nú stendur yfir
var skoðuð.
Opið hús í Valhöll
— í tilefni 55 ára afmælis Sjálfstæðisflokksins
SjálfstæðLsfélögin í Reykjavík
halda opið hús í Valhöll, þriðjudag-
inn 29. maí nk. kl. 16—18. Tilefnið
er að þann dag á Sjálfstæðisflokk-
urinn 55 ára afmæli.
Kaffiveitingar eru í boði
sjálfstæðisfélaganna og barna-
gæsla verður á staðnum.
Á afmælinu kemur í fyrsta
sinn út Handbók sjálfstæðisfé-
iaganna í Reykjavík, sem fyrir-
hugað er að dreifa ókeypis til
borgarbúa, en bókin hefur að
geyma upplýsingar um kjörna
fulltrúa Sjálfstæðisflokksins í
Reykjavík á hinum margvíslegu
stöðum.
{ inngangi bókarinnar segir
Guðmundur H. Garðarsson,
formaður Fulltrúaráðs sjálf-
stæðisfélaganna m.a.:
„Það er von okkar sjálfstæð-
ismanna í Reykjavík að handbók
þessi, sem nú kemur í fyrsta sinn
út, auðveldi þátttöku borgarbúa
í samstarfinu við okkur. Með
upplýsingum um kjörna fulltrúa
flokksins í margvíslegum trún-
aðarstöðum ætti leiðin að verða
greiðari. Við sem að útgáfunni
stöndum gerum okkur vonir um
að Handbók sjálfstæðisfélag-
anna í Reykjavík verði árviss út-
gáfa, sem stuðlað geti að því
mikilvæga sambandi sem vera
þarf á milli kjörinna fulltrúa
Sjálfstæðisflokksins og borg-
arbúa.“
Sjálfstæðisfólk og gestir þess
er hvatt til að líta við í Valhöll á
55 ára afmæli Sjálfstæðisflokks-
ins, segir í frétt frá Fulltrúaráð-
inu.