Morgunblaðið - 26.05.1984, Blaðsíða 45

MORGUNBLAÐIÐ, LAUGARDAGUR 26. MAÍ 1984
45
Ölvun er alltaf bölvun
Laugavegur — Til leigu
Á besta stað við Laugaveginn er nú til leigu 130 fm
verslunarhúsnæöi. Húsnæðið er laust nú þegar.
Upplýsingar veittar í síma 17088 kl. 18—20 í dag
og næstu daga.
Árni Helgason skrifar:
„Kæri Velvakandi.
Ö1 er alltaf böl. Og ölvun er allt-
af bölvun. Þetta er reynsla allra
alda að berja inn í kynslóðirnar,
en það vill bera mismunandi
árangur, þeir eru svo margir sem
heldur vilja og þykir þægilegra að
lifa í blekkingu en taka við stað-
reyndum.
Snillingarnir Einar Ben. og
Hannes Hafstein kynntust mörgu
um sína daga. Þeir drógu sínar
ályktanir. Hvað segir Einar um
bjórinn? „Til skaða mín njóta." Og
Hannes Hafstein: „bikar sundur
brast og brotin skáru æð og sin.“
Minna mátti þetta ekki kosta. Það
væri nú ekki til of mikils mælst að
þeir félagar (og doktorar) Gunn-
laugur og Jón Ottar athuguðu um-
mæli þessara snillinga í baráttu
sinni við að auka óregluna í land-
inu.
Það þarf heldur enginn að verða
undrandi á því þótt þeir sem árum
saman berja höfðinu við steininn
verði svolítið ruglaðir í kollinum.
Guð hefir gefið mér þá líkn að
fá að halda óskertri dómgreind
um dagana og forðað mér frá að
kaupa dýrum dómum alls konar
eiturefni til að brjála hana. Hann
hefir líka gefið mér kjark í
straumi lífsins til að kveikja ljós í
myrkum hugum böls sem aðrir
með ýmsu móti hafa leitt inn í
sálir auðtrúa og ístöðulausra
sálna. Það er mikil gæfa.
En því miður eru alltaf margir
með sín mýra- og villuljós og of
mikinn árangur. Þeir vita að hæg
er leiðin niður-á við.
Þegar ég heyri gáfaða menn og
þá sem almenningur tekur mark á
vefja vín og aðra vímugjafa ein-
hverjum ævintýraljóma, kemur
mér alltaf í hug þegar ferðamaður
kom á bæ og bað að vísa sér á
vaðið yfir ána: Veit ég að vísu
hvar vaðið er, vil þó ekki segja þér
... Og allir vita hvernig sú leið-
sögn endaði og er þetta ekki ein-
mitt það sem alltof margir gera í
leiðbeiningum í dag. Og enn á það
við: Hið góða sem ég vil, geri ég
ekki. Þess vegna er heimurinn
svona dimmur í dag.“
Þessir hringdu . . ,
Útrýmum orð-
inu vídeó
Maður hringdi og hafði eftirfar-
andi að segja:
Ég vil gjarnan taka undir það
sem kom fram í Reykjavíkur-
bréfi Morgunblaðsins um síðustu
helgi varðandi orðskrípið vídeó.
Þetta er orð sem óþarft er að
nota því okkar tungumál hefur
annað orð sem nær merkingu
orðsins fullkomlega og er auk
þess styttra. Hættum því að nota
orð eins og vídeóleiga og vídeó-
tæki og notum orðin mynd-
bandaleiga og myndsegulband í
þeirra stað.
☆
Velvakandi vill nota tækifær-
ið, þar sem verið er að tala um
erlend orð í tungumálinu, og
minnast á að á Morgunblaðinu
er verið að gera harða hríð að
orðinu layout en það orð hefur
verið notað um útlitshönnun
blaðsins. Hér eftir verður orðið
hönnun notað í stað hins erlenda
orðs.
Ljótt er að heyra
Góður sjálfstæðismaður hringdi
og hafði eftirfarandi að segja:
Ljótt er að heyra. Á miðviku-
daginn var viðtal við Magnús
Karl Pétursson, yfirlækni á
Landspítalanum, og kom fram
hjá honum að tækjakostur spít-
alans væri á því stigi að hann
væri að ganga úr sér og ekki
hægt að halda honum við vegna
fjárskorts.
Hafnarfjarðarhöfn
Það er svolítið undarlegt að
heyra að ekki sé hægt að halda
nauðsynlegum tækjakosti
sjúkrahúsanna við og hvað þá að
auka hann og bæta við fullkomn-
ari tækjum sem komin eru á
markaðinn. Á sama tíma og tal-
að er um fjárskort er hægt að
verja fé til að reisa seðlabanka-
hús, útvarpshús, sem sennilega
er í þrefaldri stærð miðað við
það sem nauðsynlegt er, hús
fyrir mjólkursamsöluna sem
hún hefur ekkert við að gera, og
fimm hæða hús fyrir Rafmagns-
veitu Reykjavíkur sem einungis
þarf á einni hæð að halda.
Fjárfestingar eru ekki í neinu
samræmi við getu þjóðarbúsins
og það er ekki fjárfest á þeim
sviðum þar sem brýnast er að
fjárfesta svo sem eins og í heilsu
landsmanna.
Af hverju hafa
netin ekki enn
verið sett upp?
Markús Þorgeirsson hringdi og
hafði eftirfarandi að segja:
Mig langar að bera fram
spurningu til Sigurðar Hall-
björnssonar, yfirhafnsögumanns
í Hafnarfirði, að gefnu tilefni. Á
síðastliðnu hausti bað ég Einar
Halldórsson að taka út bryggj-
urnar í Hafnarfirði í því skyni
að kanna hvernig öryggismálum
á þeim væri háttað, hvort það
þyrfti að fjölga björgunarnetum.
Nú þegar eru fjórir kútar með
björgunarnetum í og vel frá
þeim gengið ásamt bjarghringj-
um hér á bryggjunum. Eg sagði
við Einar Halldórsson að það
væri ósk smábátaeigenda að sér-
stakt björgunarnet yrði sett á
flotbryggjuna suður í Hafnar-
firði, þar sem aragrúi af smá-
börnum og ungum drengjum
væru daglegir gestir yfir grá-
slepputímabilið. Einnig sagði ég
við hann að þegar ís væri við
höfnina væri verið að fara út á
hann og þá væri hann e.t.v. veik-
ur og varhugaverður og gott að
hafa björgunarnet við höndina á
flotbryggjunni.
Jóhann Guðmundsson, yfir-
verkstjóri hjá Eimskip, óskaði
eftir því við mig að hann fengi
sérstakt net fyrir framan skrif-
stofu sína þar sem ekki væri
nema eitt net á bryggjunni og of
langt yrði að ná í það ef slys yrði
við fossana. Það varð að sam-
komulagi milli okkar Einars, en
hann er formaður hafnarnefnd-
ar, að ég gerði tvö viðbótarnet til
að koma fyrir á bryggjunni.
Þessi net fékk Jóhann í kútum
og umbúðum Iiðið haust en þau
hafa ekki enn verið sett á þann
stað sem þeim var upphaflega
ætlaður, þ.e. fyrir framan skrif-
stofu Jóhanns Guðmundssonar
og á smábátabryggjunni hjá
smábátaeigendunum.
Á þriðjudaginn komu til mín
tveir smábátaeigendur sem hafa
bátana sína í Hafnarfirði og
ítrekuðu það við mig að láta
setja upp björgunarnet á flot-
btyggjuna því það væri farið að
tína drengina upp úr höfninni.
Mér þætti því vænt um að fara
að sjá björgunarnetin á áður-
nefndum stöðum. Kútarnir hafa
verið í vörslu yfirhafnsögu-
mannanna síðan sl. haust. Nú er
úlpuveður um garð gengið og
umferð við höfnina meiri og því
full þörf á að björgunarnetin
komist á sinn stað sem fyrst.
VfUOIII
MEÐ ALLA FJÖLSKYLDUNA
Höfum sett upp skemmtilegt barnahorn
með leikföngum og blöðum, þar sem yngra fólkið
getur unað sér meðan foreldrarnir
njóta Ijúffengra veitinga í afar vistlegu umhverfi.
Ódýr og góður matur viðhæfi allrar fjölskyldunnar, ósamt
girnilegum heimabökuðum tertum og helgarhlaðborði.
Fríar veitingar fyrir börn yngri en 6 óra,
hólft gjald fró 6 til 12 óra. Einnig fríar
| veitingar fyrir afmælisbörn dagsins til 12 óra aldurs.
Verið velkomin
NOTAÐU FRÍDAGINN TIL
AÐ SKOÐA ÚRVALIÐ OKKAR
HAGSÝNN VELUR ÞAÐ BESTA
HUSCACNAEOLLIN
BÍLDSHÖFOA 20 - 110 REYKJAVlK S 91-éi 199 og 81410
V—__■_—/