Morgunblaðið - 26.05.1984, Blaðsíða 26

MORGUNBLAÐIÐ, LAUGARDAGUR 26. MAÍ 1984
26
Ásgeir Sigurðsson sigraði örugglega í „sprettralli“ á fímmtudagskvöld. Hann mun keppa í rallkeppni í Skotlandi í júní á Talbot Sunbeam TL
__ _ Morgunblaðið/Gunnlaugur.
Rallakstur:
Ásgeir Sigurðsson fyrstur
„ÞETTA er fyrsti sigurinn, sem ég
vinn í rallkeppni. Eg er búinn að
keppa í sex ár og í þrjátíu mismun-
andi keppnum. Má því segja að
leiðin að fyrsta ssetinu hafi verið
krókótt," sagði Ásgeir Sigurðsson í
samtali við Morgunblaðið, en hann
sigraði „sprett-rallkeppni", sem
fram fór á fímmtudagskvöld við
Keflavíkurveginn sunnan
Straumsvíkur.
í „sprett-rallinu" er ekin stutt
sérleið og var að þessu sinni ekin
í tvígang tveggja kílómetra leið
við Hvassahraun. Ásgeir náði í
báðum ferðum besta tímanum á
Escort 2000 og hlaut samtals
2.46,88 mín., í refsingu, og varð
níu sekúndum á undan Matthíasi
Sverrissyni á Escort 2000, sem
fékk 2.55,37 í refsingu. Óskar
Jónsson á Renault 5 varð aðeins
nokkrum sekúndubrotum á eftir
Matthíasi, með 2.55,74 mín., Júlí-
us Ólafsson varð fjórði á 2.56,77,
en hann ók sama bíl og sigurveg-
arinn. í „sprett-ralli" geta þrír
keppendur skiptst á að aka sama
keppnisbíl og er það því hag-
kvæmur vettvangur fyrir áhuga-
menn til að kynnast rallakstri.
Hefur Bifreiðaíþróttaklúbbur
Reykjavíkur í hyggju að halda
keppni af þessu tagi með reglu-
legu millibili í sumar.
Félagsstarf aldraðra
í Reykjavík:
Sýning á surnar-
starfi aldraðra
YFIRLITS- og sölusýning á munum
sem unnir hafa verið í félagsstarfi aldr-
aðra í Furugerði 1, Lönguhlíð 3 og
Norðurbrún 1 verður opnuð að Norður-
brún 1 og í Lönguhlíð 3 í dag, laugar-
dag.
Meðal þess sem er til sýnis eru
munir sem skornir eru út í tré, bein
og horn, leðurmunir og ýmis önnur
handavinna sem aldraðir hafa unnið
upp á sfðkastið. Félagsstarf þetta
hefur verið starfrækt um 15 ára
skeið. Sýningin er opin frá kl. 13.30
til kl.17.30 og henni lýkur mánudag-
inn 28 maí.
Keflavíkurkirkja
Kirkjudagur
Keflavíkur-
safnaðar
NÆSTKOMANDI sunnudag, á hinum
almenna bænadegi þjóðkirkjunnar,
verður árviss kirkjudagur Keflavfkur-
safnaðar, segir i frétt frá sóknarprest-
inum, séra Olafi Oddi Jónssyni.
Guðsþjónusta verður í Keflavík-
urkirkju kl. 14. Sr. Ólafur Skúlason,
vígslubiskup Skálholtsstiftis, pré-
dikar. Kór kirkjunnar syngur lof-
gjörðar- og bænasálma og félagar úr
kórnum syngja einsöng. Organisti og
stjórnandi er Siguróli Geirsson.
Systra- og bræðrafélagið annast
kaffisölu í Kirkjulundi að lokinni
messu. Allur ágóði af kaffisölunni
rennur í líknarsjóð kirkjunnar.
Eldur í
Júpíter
ELDUR KOM upp f togaranum Júpí-
ter um kl. 11.30 í gærmorgun, þar
sem hann lá við bryggju í Reykjavík-
urhöfn. Verið var að vinna við log-
skurð um borð í skipinu þegar neisti
hrökk í stakkageymsluna án þess að
eftir því væri tekið fyrr en mikinn
reyk tók að leggja út úr henni.
Er slökkviliðið kom á vettvang
var að mestu búið að ráða niður-
lögum eldsins, en mikill reykur
var í skipinu. Skemmdir eru tald-
ar hafa orðið óverulegar utan
hvað stakkarnir í geymslunni
eyðilögðust svo og einangrun í
henni.
Þá var slökkviliðið kallað að
Ásvallagötu 19 laust eftir hádegið
í gær. Þar var eldur í rusli en
greiðlega gekk að slökkva hann.
Skemmdir urðu litlar sem engar.
Frá fundarsetningu Rauða kross-deilda höfuðborga Noröurlanda í gær.
Morgunblaðið/KEE.
RK-deildir höfuðborga
Norðurlanda þinga hér
FUNDUR Rauða kross-deilda höfuðborga Norðurlanda hófst í Reykjavík í
gær. Fundur sem þessi er haldinn árlega til skiptis í höfuðborgunum og sitja
hann formenn Rauða kross-deildanna
nokkrir fulltrúar og gestir.
Fundurinn hófst í gær i fund-
arsal Reykjavíkurdeildarinnar að
Öldugötu 4, en á morgun verður
fundum fram haldið í Múlabæ við
Ármúla 34. Aðalefni fundanna er
ofbeldi í nútímaþjóðfélagi og
Rauði krossinn. Fyrirlestra um
þetta efni halda Hildigunnur
Ólafsdóttir, afbrotafræðingur,
og framkvæmdastjórar og ennfremur
Anna M. Hreinsdóttir, uppeldis-
fræðingur og dr. phil. Eiríkur örn
Arnarson.
Formaður Reykjavíkurdeildar
RKÍ er Arinbjörn Kolbeinsson.
Fundinum lýkur í dag og munu
flestir erlendu fulltrúanna fara
utan á sunnudag.
Grindavík:
Eldur í bát
Grindavík, 25. maí.
ELDUR kom upp í vélbátnum Sóley
SK-8 í höfninni hér um fímmleytið í
Kastmót hald-
ið um helgina
Kastklúbbur Reykjavíkur
gengst fyrir móti í stangarköstum
í dag og á morgun og er mótið
tileinkað SVFR. Þá er áformað að
halda íslandsmót í greininni 16. og
17. júní nk. Þátttöku ber að til-
kynna til Gísla Rúnars Guð-
mundssonar, Víghólastíg lla,
Kópavogi.
morgun. Þegar slökkviliðið kom á
staðinn var talsverður eldur í lúkar
bátsins. Slökkvistarfíð gekk fljótt og
vel enda var notuð til þess fljótvirk
kvoða.
Talið er að eldurinn hafi kvikn-
að út frá eldavél í lúkarnum, sem
er talsvert sviðinn og brunninn.
Þar virðast skemmdirnar vera
mestar en þær hafa ekki verið
fullkannaðar enn. Fulltrúar
tryggingafélags útgerðarinnar
hafa verið hér í dag við athuganir.
Vonir standa til að eftir bráða-
birgðaviðgerð geti Sóley haldið
áfram á netum. Útgerðarmaður er
Róbert Jónsson í Hafnarfirði.
— Guðfínnur
Það er glaðvær hópur Stefnisfélaga, sem hér sést í Skíðaskálanum í Hveradölum huga að undirbúningi
samkomu ungra sjálfstæðismanna, sem þar verður haldin næstkomandi laugardagskvöld. Mælst er til þess að
gestir mæti í kúrekafotum í kvöld.
Skíðaskálinn:
Skemmtikvöld Stefnis í kvöld
UNGIR sjálfstæðismenn verða
með skemmtikvöld á laugardags-
kvöldið í Skíðaskálanum í Hvera-
dölum, þar sem snætt verður,
dansað og ýmislegt gert sér tii
skemmtunar.
Hópferð verður frá Sjálfstæð-
ishúsinu í Hafnarfirði kl. 19.00
og Hamraborg í Kópavogi kl.
19.15. Valhöll í Reykjavík stend-
ur þátttakendum opin á milli kl.
19.00 og 20.00 og verður þar boð-
ið upp á hressingu áður en lagt
verður af stað. Haldið verður
aftur í bæinn að loknum dans-
leik, um kl. 3.00.
Skemmtikvöldið er á vegum
Stefnis, félags ungra sjálfstæð-
ismanna í Hafnarfirði, en húsið
er opið öllum ungum sjálfstæðis-
mönnum.