Morgunblaðið - 06.06.1984, Blaðsíða 26
26
MORGUNBLAÐIÐ, MIÐVIKUDAGUR 6. JÚNÍ 1984
Listahátíð í Reykjavík:
Klúbbur Listahátíðar á Gauki á Stöng:
Almenningur og lista-
menn undir sama þaki
STJÓRN Listahátídar tilkynnti í
gær, að hún hefði í samvinnu við
veitingahúsið Gauk á Stöng sett á
laggirnar það sem aðstandendur
hans nefna Listahátíðarklúbb. Verð-
ur hann starfræktur meðan á Lista-
hátíð stendur.
Þótt hér sé talað um klúbb lögðu
Listahátíðarmenn áherslu á að
varast bæri að misskilja heitið.
Með þessu framtaki væri aðeins
verið að gera fólki kleift að kom-
ast í kynni við þá listamenn, sem
koma fram á Listahátíð í ár.
Hugmyndin er að þeir verði á
Gauk á Stöng annað veifið og gef-
ist þá almenningi, jafnt sem
blaða- og fréttamönnum kostur á
að ræða við þá.
Að sögn Sigmars B. Hauksson-
ar, sem á sæti í stjórn Listahátíð-
ar, er efnt til þessarar nýbreytni
að erlendri fyrirmynd og í því
augnamiði að koma á nánari
tengslum á milli listamannanna
og almennings. Sagði Sigmar, að
alls ekki yrði um að ræða ein-
hverja lokaða samkundu útval-
inna heldur stæði þetta opið öllum
þeim er hafa vildu á meðan hús-
rúm leyfði.
Úr Dúfnaveislunni í uppsetningu leikdeildar Ungmennafélagsins Skalla-
gríms.
Tvær sýningar Borgnes-
inga á Dúfnaveislunni
LEIKDEILD Ungmennafélagsins
Skallagríms sýnir í Iðnó í kvöld leik-
ritið Dúfnaveisluna eftir Halldór
Laxness. Síðari sýning á verkinu
verður í Iðnó annað kvöld. Leik-
deildin sýndi Dúfnaveisluna 13 sinn-
um sl. vetur og sáu rúmlega 1000
manns sýningarnar.
Theódór Þórðarson, formaður
Leikdeildarinnar, sagði í viðtali
við Morgunblaðið eftir að ljóst
var, að Borgnesingum yrði boðið
að sýna á Listahátíð, að þeta væri
mesti heiður sem leiklistarfólki á
landsbyggðinni gæti hlotnast. „Ég
held líka að viðurkenning sem
þessi geti orðið til þess að ýmsir
heimamenn líti þetta starf okkar
öðrum augum í framtíðinni," sagði
Theódór einnig í viðtalinu við Mbl.
Sem fyrr segir verða báðar sýn-
ingar Borgnesinganna í Iðnó og
hefjast kl. 20.30 bæði kvöldin.
Leikstjóri þessarar uppsetningar
Dúfnaveislunnar er Kári Halldór.
MetaÖsókn á
Kjarvalsstöðum
ÞEIR eru íbyggnir á svip Þorvaldur
Guðmundsson í Síld & fisk (lengst
t.v.) og Guðmundur Árnason í
Rammagerðinni, þar sem þeir virða
fyrir sér verk Sigurðar Guömunds-
sonar, Sverri, á listsýningunni á
Kjarvalsstöðum, sem nú stendur yf-
ir. Ingólfur Davíðsson, grasafræð-
ingur, stendur næst verkinu en virð-
ist hafa lokið við að skoða það.
Sýning listamannanna 10 á
Kjarvalsstöðum hefur verið fá-
dæma vel sótt og við opnunina
voru þar fleiri gestir en dæmi eru
til í sögu Kjarvalsstaða. Taldi
Þóra Kristjánsdóttir, listráðu-
nautur Kjarvalsstaða, er þeir
hefðu verið um eða yfir 2000 tals-
ins. Sýning listamannanna stend-
ur á meðan Listahátíð varir.
Dagskrá Listahátíðar í dag
20.00 GAMLA BÍÓ:
Sýning Morse-látbragðsleikhóps-
ins.
20.30 NORR/ENA HÚSIÐ:
Vísnakvöld meö finnsku söngkon-
unni Arja Saijonmaa. Arja kynnir
efnisskrá á sænku.
20.30 IONÓ:
Dúfnaveislan eftir Halldór Lax-
nesa. Gestaleikur leikdeildar Ung-
mennafélagsins Skallagrímur í
Borgarnesi. Leikstjóri: Kári Hall-
dór.
Svart og sykurlaust skemmti starfsfólki BÚR
LEIKHÓPURINN Svart og syk-
urlaust vakti mikla athygli fyrir
atriði sín á milli þess sem
rokksveitir þöndu sig á Norrokki
sl. sunnudagskvöld og í gær
efndi hópurinn til sýningar í há-
deginu fyrir starfsfólk Bæjarút-
gerðar Reykjavíkur á Granda-
garði. Er Mbl. bar að garði sat
fjöldi starfsfólks flötum beinum
fyrir utan frystihúsið og fylgdist
með tilburðum leikhópsins. Bar
ekki á öðru en þessi nýbreytni
mæltist vel fyrir.
Svart og sykurlaust hefur ekki
sagt sitt síðasta orð á Listahátíð.
Hópurinn mun t.d. koma fram á
Lækjartorgi bæði kl. 17 á laug-
ardag og kl. 16 á sunnudag.
Lokasýning hópsins verður svo á
Lækjartorgi kl. 16 laugardaginn
16. júní.
Morgunblaðið/KÖE
Fyrri sýning Morse-lát
bragðshópsins í kvöld
Látbragðsleikhópur Richard
Morse heldur fyrri sýningu sína í
Gamla Bíói í kvöld kl. 20. Síðari sýn-
ingin verður á sama stað og á sama
tíma annað kvöld. Hópurinn hefur
þegar komið fram við nokkur tæki-
færi á Listahátíð en einungis verið
með stutt atriði. Sýningarnar í kvöld
og annað kvöld eru hins vegar þær
einu, þar sem látbragðsleikararnir
flytja efnisskrá sína í heild.
Morse-hópurinn hefur fengið
mikið lof fyrir frammistöðu sína
hvar sem leið hans hefur legið.
Leikararnir starfa reyndar allir
við leikhús Richard Morse í New
York en hafa einnig ferðast víða
um heim. Hafa leikararnir efnt til
sýninga í meira en 20 löndum.
Látbragðsleikur Morse-hópsins
er af nokkru hefðbundnu bergi
brotinn eins og þeir vita, sem þeg-
ar hafa séð til hans. Richard
Morse nam enda látbragðslistina í
Frakklandi. Flest atriðanna eru
sprottin upp úr atburðum úr dag-
lega lífinu og kennir þar ýmissa
grasa. En sjón er sögu ríkari.
Einn látbragðsleikaranna úr Morse-
hópnum.
Þóra Friðriksdóttir og Sigurður Skúlason í hlutverkum sínum í Milli skinns
og hörunds.
Bókin og börnin
á Listahátíð
HLUTUR Borgarbókasafns á
Listahátíð er Sögustund fyrir
yngstu borgarana, sem líka þurfa
einhvern menningarglaðning.
Var byrjað á þriðjudag, 5.
júní, með Sögustund í Aðal-
safni í þingholtsstræti 29 A,
fyrir börn á aldrinum 3ja til
sex ára. Las þá Vilborg Dag-
bjartsdóttir fyrir börnin úr
bókum sínum.
í dag, miðvikudag, les Sigríð-
ur Eyþórsdóttir fyrir börn á
sama aldri í Bústaðaútibúi í
Bústaðakirkju. Verður Sögu-
stundin þar kl. 10 f.h. Eftir
hvítasunnu mun Herdís Eg-
ilsdóttir lesa fyrir litlu börnin
og verða stund og staður aug-
lýst í dagskrá Listahátíðar.
JVIiUI skinns og hörunds frumsýnt á föstudag:
Nútímafjölskyldan undir smásjánni
NÝUT íslenskt leikrit, Milli
skinns og hörunds, eftir Ólaf
Hauk Símonarson, verður frum-
flutt í Þjóðleikhúsinu á fostudag í
leikstjórn Þórhalls Sigurðssonar.
Leikritið er framlag Þjóðleikhúss-
ins til Listahátíðar og verður að-
eins sýnt tvisvar. Síðari sýningin
verður 14. júní.
Leikendur í þessu nýjasta
verki Ólafs Hauks, sem jafn-
framt er fyrst verka hans til að
komast á fjalir Þjóðleikhússins,
eru Gunnar Eyjólfsson, Þóra
Friðriksdóttir, Sigurður Skúla-
son, Sigurður Sigurjónsson,
Lilja Guðrún Þorvaldsdóttir,
Árni Tryggvason, Kristbjörg
Kjeld, Bryndís Pétursdóttir og
Helga E. Jónsdóttir. Leikmynd
er eftir Grétar Reynisson, lýs-
ing eftir Pál Ragnarsson, bún-
ingar eftir Önnu Jónu Jónsdótt-
ur og leikhljóð eftir Gunnar
Revni Sveinsson.
ólafur Haukur hefur samið
nokkur leikrit auk þess sem
hann hefur sent frá sér fimm
ljóðabækur, tvö smásagnasöfn
og skáldsögurnar Vatn á myllu
kölska, Galeiðuna og Vík á milli
vina. Þá er ótalin ljóðsagan Al-
manak jóðvinafélagsins. Þekkt-
asta leikrit Ólafs Hauks er lík-
ast til Blómarósir, sem Alþýðu-
leikhúsið sýndi á sínum tíma.
í leikritinu Milli skinns og
hörunds segir frá fjölskyldu í
Reykjavík. Varpað er fram
spurningum m.a. um frelsi og
ófrelsi einstaklingsins í viðjum
fjölskyldunnar og mótun karla
og kvenna auk fjöldamargra
annarra. í fréttatilkynningu frá
Þjóðleikhúsdinu segir í lokin:
„Milli skinns og hörunds er
tragí-kómísk mynd af fjöl-
skyldu í íslensku samfélagi nú-
tímans."