Morgunblaðið - 06.06.1984, Blaðsíða 34

34
MORGUNBLAÐIÐ, MIÐVIKUDAGUR 6. JÚNÍ 1984
Er lífið að byrja
í skini
ljóss frá Vegu?
Bandari.sk ir stjörnufræðingar
telja nú líklegt, að efnið, sem
stjörnuskoðunarhnöttur uppgötv-
aði í fvrra kringum stjörnuna
Vegu, sé halastjörnusveimur líkur
þeim, sem er í útjaðri okkar sól-
kerfis. Margt bendir einnig til, að
þarna sé að finna smástirnabelti
ásamt ótilteknum fjölda pláneta
nær stjömunni sjálfri.
Þessar upplýsingar er að finna
i vísindalegri samantekt
stjörnufræðingsins Paul R.
Weissmans en honum þykir ekki
ósennilegt, að Vega og Sólin séu
stjarnkerfi, sem hafi orðið til á
líkan hátt, úr ryk- og gasþoku.
Vega er hins vegar ekki nema
100 milljón ára gömul en jörðin
er aftur á móti 4,5 milljarða ára.
Ef skoðanir Weissmans eru rétt-
ar er eðlilegt að áætla sem svo,
að nokkrar plánetur gangi um
Vegu og þar með vakna aftur
spurningarnar um líf annars
staðar í alheiminum.
Weissman, sem greinir frá
ályktunum sínum í 1. júní-hefti
tímaritsins Science, segir að
stjörnuskoðunarhnötturinn, sem
skoðar fjarlæga himinhnetti í
því innrauða ljósi, sem þeir gefa
frá sér, hafi fundið smásteina-
belti eða -hvolf í kringum stjörn-
una, sem er í 26 ljósára fjarlægð
frá jörðu. Vegna ýmissa eigin-
leika og einkenna þessa smá-
steinahvolfs telur Weissman, að
um sé að ræða „halastjörnu-
kjarna" eins og eru í „Oort-ský-
inu“, sem umlykur sólkerfið.
Heitir það eftir hollenska
stjörnufræðingnum Jan Oort og
er talið vera frosið efni, sem út-
undan varð við myndun sólkerf-
isins.
Oort-skýið er hnöttótt að lög-
un þótt ferilmynd plánetanna og
smásteinabeltið séu disklaga og
upplýsingar frá stjörnuskoðun-
arhnettinum benda til, að smá-
steinahvolfið um Vegu sé líka
hnöttótt. Þar af leiðandi hnígur
margt að því, að Vega og sólkerf-
ið okkar eigi sér líka myndun-
arsögu og e.t.v. er lífið nú að
stíga sín fyrstu, óstyrku spor á
fjarlægum hnetti í skini ljóssins
frá Vegu.
Kim II Sung í
Tékkóslóvakíu
Prag, 4. júní. AP.
ÞJÓÐARLEIÐTOGI Norður Kóreu,
Kim II Sung, kom í opinbera heim-
sókn til Tékkóslóvakíu í dag, að því
er segir í fréttum hinnar opinberu
fréttastofu CTK.
Kim II Sung kom til Tékkóslóv-
akíu frá Austur-Þýskalandi, en
hann hafði áður heimsótt Pólland
og Sovétríkin og er væntanlegur
til Ungverjalands síðar í þessari
viku.
„Lítur út eins og uppstrfluð gála ... “
Margrét Bretaprinsessa horfir hér framhjá poppsöngvaranum Boy George í móttökuathöfn sem fram fór á vegum
Sony-fyrirtækisins á Hilton-hótelinu í London á þriðjudagskvöld. Er Ijósmyndarar báðu um að fá að taka mynd af
prinsessunni og poppsöngvaranum saman, svaraði hún: „Ekki veit ég hver hann er, en hann lítur út eins og uppstríluð
gála. Ég vil ekki láta taka mynd af okkur saman.“
Duarte, forseti E1 Salvador:
Ræðum við skæruliða
leggi þeir niður vopn
San Salvador, Kl Salvador, 4. júní. AP.
JOSE Napoleon Duarte, for-
seti El Salvador, sagði á
sunnudag að hann myndi
ekki hefj'a neinar samninga-
viðræður við vinstrisinnaða
skæruliða fyrr en þeir hefðu
lagt niður vopn sín.
„Eg ætla mér ekki að verða
verkfæri í höndum þeirra sem
ekki sækjast eftir friði," sagði Du-
arte á fyrsta fundi sínum með
blaðamönnum frá því hann var
formlega settur í embætti forseta
síðastliðinn föstudag. Hann hvatti
leiðtoga skæruliða til að reyna að
hafa hemil á stríðandi öflum
þeirra.
Duarte, sem vann sigur yfir
Roberto d’Aubuisson í forseta-
kosningunum í síðastliðnum mán-
uði, tilkynnti á fundinum að
stjórn sín myndi hefja baráttu til
að reyna að fá bændur til að snúa
sér að því að yrkja land sitt að
nýju, en um þriðjungur landsins
er óræktaður sökum bardaga eða
vegna ótta bænda við árásir skæu-
liðanna. Bandarískir embættis-
menn og embættismenn í E1
Salvador áætla að sökum striðsins
hafi tekjur af landbúnaði minnkað
um 2 milljaða dollara á síðastliðn-
um þremur árum.
Sovéski rithöfundurinn og útlaginn Alexander Solzhenitsyn var fyrir nokkr-
um dögum gerður að heiðursdoktor við Holy Cross College í Worchester í
Bandaríkjunum. Á myndinni tekur hann við skjali þar að lútandi frá rektor
skólans.
Andrei Gromyko
stöðugt valdameiri
ANDREI Gromyko, utanríkisráð-
herra Sovétríkjanna, virðist hafa
styrkt stöðu sína meðal leiðtog-
anna í Kreml. Svo virðist sem um
miðjan aprílmánuð síðastliðinn
hafi Æðsta ráðið tekið ákvörðun
um að hefja nýtt kalt strð við Vest-
urveldin og að maðurinn að baki
þeirri ákvörðun hafi ekki verið
Chernenko heldur Gromyko. Þetta
kemur fram í ummælum vestur-
þýskra embættismanna sem í síð-
astliðinni viku sneru til baka úr
opinberri heimsókn til Moskvu.
Hans-Dietrich Genscher,
utanríkisráðherra, ræddi við
Gromyko í meira en fimm
klukkustundir meðan á dvöl
hans í Moskvu stóð. Gromyko og
Genscher hafa átt mikil og ágæt
samskipti í meira en áratug, en
Gromyko kom Genscher í opna
skjöldu í síðastliðinni viku með
harðorðri gagnrýni á Ronald
Reagan. Þessi gagnrýni Grom-
ykos á stefnu Ronald Reagans
skýrir margar harðlínuákvarð-
anir, sem teknar hafa verið af
Æðsta ráðinu frá því um miðjan
apríl síðastliðinn sbr. ákvörðun
um að taka ekki þátt í ólympíu-
leikunum í Los Angeles. Einnig
hafa Sovétmenn neitað að setj-
ast aftur að samningaborði um
fækkun eldflauga í Evrópu og
þeir hafa komið fyrir fleiri eld-
flaugum í Austur-Þýskalandi og
Tékkóslóvakíu.
Vestur-þýsku embættismenn-
irnir sögðu augljóst að með fyrr-
nefndum ákvörðunum sínum
vildu leiðtogar Sovétríkjanna
einnig forðast að hafa einhver
þau áhrif, sem gætu orðið til
þess að Ronald Reagan næði
endurkjöri í kosningunum í
haust.
Vestur-þýskir fréttaskýrendur
telja að Gromyko sé nú mun
valdameiri en Chernenko, sem
lýst er sem ákaflega heilsuveil-
um. Gromyko, sem er 74 ára
gamall, hefur verið í fremstu
línu í utanríkismálum Sovétríkj-
anna í meira en aldarfjórðung,
eða frá því hann varð utanríkis-
ráðherra árið 1957. Hann er
heilsuhraustari en Chernenko,
sem virtist mun heilsuveilli nú
en þegar hann átti viðræður við
Hans-Jochen Vogel, leiðtoga
sósíaldemókrata, í mars síðast-
liðnum.
Vestur-Þjóðverjarnir sem sátu
fundina í Moskvu segjast sann-
færðir um að sovésk stjórnvöld
hafi ekki komið sér saman um
hvernig beri að haga samskipt-
um við Vesturveldin nú, eftir að
hafin er uppsetning meðal-
drægra eldflauga af gerðinni
Pershing-2 í Vestur-Evrópu. Af-
leiðing af því eru yfirlýsingar
þeirra þess eðlis að þeir geti ekki
sest að samningaborði í Genf
fyrr en flaugarnar hafi verið
fjarlægðar.
„Sovétmenn vildu láta líta út
sem þeir hefðu vel mótaða áætl-
un í þessum málum," sagði einn
embættismannanna vestur-
þýsku, „en það virðist vera um
að ræða rugling í stefnumótun
þessa máls hjá þeim þar sem
þeir trúðu því aldrei að til þess
myndi koma að flaugarnar yrðu
settar upp.“
(Hyggt á The Sunday Time.s ojj Internation-
al llerald Tribunc.)