Morgunblaðið - 19.06.1984, Qupperneq 35

39
MORGUNBLAÐIÐ, ÞRIÐJUDAGUR 19. JÚNÍ 1984
Anna Péturs-
dóttir - Minning
Fædd 14. ágúst 1910
Dáin 10. júní 1984
Kveðja frá Akóges
Að morgni hvítasunnudags,
þann 10. júní sl., andaðist í Borg-
arspítalanum frú Anna Péturs-
dóttir eftir stutta legu á 74. ald-
ursári.
Fráfall hennar kom okkur vin-
um hennar mjög á óvart og gátum
við vart trúað, er okkur barst and-
látsfregn hennar. Þó vissum við að
hún gekk ekki heil til skógar um
nokkurt bil, en hennar góða skap
og góða viðmót, þrátt fyrir þann
sjúkleika sem hún bar, blekkti
okkur. Trú okkar var því sú, að
Anna ætti eftir að ná sér að fullu
og starfa með okkur um langan
tíma áfram.
Ég ætla ekki að rekja æviferil
Önnu í þessum fáu orðum. Það
verður gert af öðrum.
Anna giftist Þorláki Björnssyni,
ættuðum frá Hvammstanga og
eignuðust þau 4 börn, 2 dætur,
Ingibjörgu og Ágústu og 2 syni,
Úlfar og Richard.
Fyrir 22 árum missti Anna
mann sinn frá barnahópnum. Það
var mikið áfall fyrir hana og börn-
in, en Anna gafst ekki upp og það
var henni líkt, og hún hélt barátt-
unni áfram ein. Hún tók alla
vinnu sem gafst til þess að sjá sér
og börnum sínum farborða, og það
tókst henni með reisn og sóma.
Það var fyrir tæpum 15 árum að
ég kynntist Önnu fyrst og urðum
við fljótt góðir vinir og sú vinátta
hélst traust og fölskvalaus til
æviloka hennar.
Hún kom til okkar Akógesa sem
sannkallaður sólargeisli, er við
opnuðum nýtt félagsheimili að
Brautarholti 6 fyrir tæpum 15 ár-
um. Hún tók þá að sér að sjá um
veitingar á fundum okkar og öðr-
um samveru- og samgleðistund-
um, sjá um þrif á félagsheimilinu
og ekki sízt að sjá um allar um-
gengnisreglur væru í heiðri hafð-
ar.
Þetta starf var í fyrstu ætlað til
bráðabirgða, en fljótt kom að því
að Anna varð svo nátengd okkur í
starfi, að okkur fannst nær útilok-
að að fundir væru haldnir án þess
að Anna væri til staðar, okkur til
halds og trausts. Þetta var gagn-
kvæmt frá Önnu til okkar. Því fór
sem fór, að Anna tengdist trygga-
og vináttuböndum við okkur félag-
ana og félagið okkar Akóges, því
hjá okkur starfaði hún til næstum
hinztu stundar, þó á sl. vetri hafi
hún fengið dygga aðstoð dóttur
sinnar Ágústu, þegar heilsu henn-
ar fór að hraka. Á fundi seint í
apríl sl. aðstoðuðu þær mæðgur
við allar veitingar eins og venju-
lega og kvöddum við þá önnu
hressa, að okkar mati, og hlökkuð-
um til endurfunda í haust, en ekki
má sköpum renna, því var það
hlutverk formanns okkar að til-
kynna okkur á fjölmennum auka-
fundi, sem haldinn var strax eftir
hvítasunnu, að Anna væri dáin, og
var henni þar vottuð virðing og
þökk. Þá komu mér í hug orð þjóð-
skáldsins frá Fagraskógi er hann
segir:
„Hún fer að engu óð,
er öllum mönnum góð
og vinnur verk sín hljóð.”
Betur er vart hægt að lýsa lífi
og starfi Önnu Pétusdóttur.
Anna kvaddi þennan heim að
morgni stórhátíðardags, þegar
landið okkar skartar sínu fegursta
í „nóttlausri voraldarveröld". Það
hæfði lífi hennar og starfi, slík var
heiðríkjan í öllum samskiptum
hennar við samferðafólkið.
Við Akógesar og eiginkonur
okkar þökkum Önnu af alhug sam-
starfið og biðjum henni blessunar
á nýjum vegum.
Við sendum börnum hennar,
tengdabörnum og öðrum ættingj-
um og vinum, okkar innilegustu
samúðarkveðjur, með vissu um að
minning hennar mun lengi lifa
meðal okkar, því hún markaði
djúp spor með lífi sínu hjá öllum
sem henni kynntust.
Persónulega þakka ég henni alla
hlýju og vináttu í gegnum tíðina.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skait.
(V.B.)
Friðrik Jörgensen
1 dag verður til moldar borin
Anna Pétursdóttir, Stóragerði 34,
Reykjavík. Með þessum fátæklegu
línum vil ég lýsa þakklæti mínu í
hennar garð, fyrir samfylgdina í
tæp 30 ár. Tel ég mig lánsmann, að
hafa kynnst þessari góðu konu og
notið samvista við hana öll þessi
ár.
Anna Pétursdóttir var fædd 14.
ágúst 1910 að Vesturhópshólum í
Húnavatnssýslu. Foreldrar henn-
ar voru Ágústa Kristmundsdóttir
og Pétur Hansson. Þann 8. nóv-
ember 1933 giftist hún Þorláki
Björnssyni frá Hvammstanga og
nutu þau samvista í 29 ár, þar til
hann lést árið 1962. Eignuðust þau
Þorlákur fjögur börn; Úlfar,
kvæntur Iris Eriksen, Ingibjörgu,
gift Hafsteini Sigurþórssyni,
Richard, kvæntur Svölu Vetur-
liðadóttur og Ágústu Elínu, gift
Sigurði M. Sigurðssyni. Öll eru
þau búsett í Reykjavík og Garða-
bæ. Ömmu- og langömmubörn eru
orðin 21.
Sú umhyggja sem Ánna bar
fyrir öðrum og var einkennandi
fyrir allt hennar líf, ber merki um
samheldni fjölskyldu hennar, og
veit ég að ég mæli fyrir munn
allra tengdabarna hennar að hún
var okkur öllum sem önnur móðir.
Hjálpsemi hennar og umhyggja á
fyrstu búskaparárum barna henn-
ar og reyndar alla tíð var einstök.
Alltaf var hún gefandinn og bjart-
sýni hennar á tilveruna létti undir
með okkur hinum á erfiðum
stundum. Dugnaður og starfsþrek
ber lífi hennar vitni hyarvetna,
allt frá því að hún dreif sig úr
heimasveit sinni, ung stúlka, á
hússtjórnarskóla, á þeim tímum
er menntun taldist nánast forrétt-
indi.
Eftir 4ra ára búskap hér í
Reykjavík fluttust þau Þorlákur
með fjölskyldu sína til Dalvíkur
og ráku þar saman gistihús í fjór-
tán ár. Mæddi sá rekstur mest á
Önnu þar sem Þorlákur hafði öðr-
um störfum að gegna. Fastagestir
þeirra munu fremur hafa litið á
gistiheimilið sem heimili en „hót-
el“ af þeirri afspurn er ég hef haft.
Að Þorláki látnum starfaði hún
hjá Vitamálastofnun sem mat-
ráðskona um árabil, og síðast en
ekki síst sá hún um „karlana sína
í Akoges" sem hún nefndi þá svo
oft, því hjá þeim starfaði hún í
félagsheimili þeirra um 15 ára
skeið.
Seinustu 9 árin hélt Anna heim-
ili að Stóragerði 34, Reykjavík,
með ólafi Einarssyni, fyrrv. verk-
stjóra. Við vottum honum honum
okkar innilegustu samúð. Milli
þeirra ríkti sú vinátta og virðing
sem öðrum var til fyrirmyndar.
Mun það vera mat flestra kunn-
ugra, að sú samfylgd hafi verið
gæfa þeirra beggja, þótt árin yrðu
ekki fleiri.
Stóragerðið var okkur í fjöl-
skyldunni sem samkomustaður,
þar hittumst við nánast daglega,
og var oft fundarfært sem kallað
er, og mikið rætt og rabbað.
Við, sem í dag kveðjum hana um
leið og við þökkum fyrir samver-
una, árnum henni friðar guðs, sem
er æðri öllum skilningi.
Endurminningin um þessa
mætu konu mun reynast okkur
vinum hennar ávinningur og
drjúgt vegarnesti, er við gjarnan
munum kjósa að ávaxta í um-
gengni við náungann á þeirri veg-
ferð sem framundan er.
Hafsteinn Sigurþórsson
f dag verður Anna Pétursdóttir
Stóragerði 34 jarðsett í Foss-
vogskirkjugarði. Þar beið hennar
hvílureitur við hlið eiginmanns
hennar, sem látinn er fyrir mörg-
um árum.
í tæp 4 ár hef ég búið á sama
stigapalli og þessi elskulega kona,
en það er nógu langur tími til að
komast að því, hve það er mikils
virði að vera í návist þeirra sem
miðla samferðamönnum sínum af
kærleika og umhyggju, sífellt til-
búnir að hjálpa öðrum og láta
eitthvað gott af sér leiða. Slíku
fólki fylgja ávallt hlýjar kveðjur
og fyrirbænir, en það er sú hin
besta innistæða sem tekin verður
með að lokum yfir landamærin.
Aðrir munu fjalla um æviferil
þessarar mætu konu, mín orð eiga
aðeins að vera þakklæti fyrir sam-
veruna og ég veit að það eru fleiri
í þessu stigahúsi en ég sem kveðja
hana með þakklæti og söknuði.
Anna Pétursdóttir hefur skilað
miklu dagsverki, hörkudugleg,
myndarleg og vel gefin heiðurs-
kona. Samband hennar við börn
hennar og fjölskyldur þeirra var
til mikillar fyrirmyndar. Ég votta
þeim öllum innilega samúð mína.
Góð móðir er gulli betri. Megi
minningin um hana lýsa þeim öll-
um um ókomin ár.
Rut Guðmundsdóttir
t
Þökkum at alhug auösýnda samúö og vinarhug viö andlat og útför
ástkærrar móöur okkar, tengdamóöur, ömmu og systur,
GUÐRÚNAR SIGUROARDÓTTUR
fró Torfufelli,
Holtagötu 6, Akuroyri.
Guö blessi ykkur öll.
Börn, tengdabörn, barnabörn
og systur hinnar lótnu.
t
Innilegar þakkir fyrir auösýnda samúö og hlýhug viö andlát og
útför móöur okkar, tengdamóöur, ömmu og langömmu,
MARGRÉTAR STEFÁNSDÓTTUR SIGURÐSSON,
Nökkvavogi 11.
Sérstakar þakkir færum við starfsfólki Hvítabandsins.
Fyrir hönd fjölskyldunnar,
rtagna oiyuiuvson,
Páll Ragnaraaon.
mmmmmmmm
Nú geta allir eignast VHF-talstöö í bátinn og tilkynnt
sig inn og úr höfn. Svo er ekki verra aö geta talað
heim.
Lítil fyrirferöar, 25x8 — 4x32,7 cm.
Verð aðeins kr. 8.804,-
Benco
Bolholti 4, Reykjavík,
sími 91-21945 / 84077.
Urval
furusófasetta
með áklæði úr leðri
Furu hornsófar. Furusófaborð og
hornborö. Eldhúsborö og bekkir.
Kringlótt eldhúsborö og stólar
GÓÐ GREIÐSLUKJÖR
Húsgagnaverslun Reykjavíkurvegi 68,
Hafnarfiröi, sími 54343.