Morgunblaðið - 03.07.1984, Blaðsíða 28
32
MORGUNBLAÐIÐ, ÞRIÐJUDAGUR 3. JtJLÍ 1984
Neskaupstaður:
Ásgeir Magnússon
ráðinn bæjarstjóri
NeskupcrtaA 29. júní.
BÆJARRÁÐ Neskaupstaðar hefur nú samþykkt að ráða Ásgeir Magnússon
bæjarstjóra frá og með fyrsta október nsstkomandi í stað Loga Kristjánssonar,
sem þá lætur af störfum bsjarstjóra. Ásgeir Magnússon er nú starfandi iðn-
þróunarfulltrúi á Austurlandi.
Logi Kristjánsson hefur verið
bæjarstjóri hér í Neskaupstað í rúm
10 ár og tekur í haust við starfi for-
stöðumanns tölvudeildar Sambands
íslenzkra sveitarfélaga.
Þá hefur stjórn Síldarvinnslunn-
ar gengið frá ráðningu Guðjóns
Smára Agnarssonar sem fram-
kvæmdastjóra fyrirtækisins frá og
með 1. september í stað Ólafs Gunn-
arssonar, sem þá lætur af störfum
framkvæmdastjóra. Guðjón Smári
Guðjónsson er nú starfandi fram-
kvæmdastjóri Hraðfrystihúss
Stöðvarfjarðar. Ólafur Gunnarsson
hefur um árabil verið annar tveggja
framkvæmdastjóra SVN, en hinn er
Jóhann K. Sigurðsson. Ólafur mun f
haust hefja störf sem einn af fram-
kvæmdastjórum Sölumiðstöðvar
hraðfrystihúsanna.
— Fréttarítari
Ný sólbaðsstofa
Fyrir skömmu var opnuð ný sólbaðsstofa á Reykjavíkurvegi 60 f Hafnar-
firði. Nafn stofunnar er „Aestas“ sem er borið fram „estas“, en aestas er
komið úr latínu og þýðir sumar.
Stofan er búin lömpum af gerðinni „Solna Gold“ og bekkirnir eru með
stereo-hljómbúnaði og kælingu.
Eigendur stofunnar eru systurnar Jónína og Ingveldur Sigmarsdætur.
(flr rréUaUlkjaaiafa)
Dúkkulísurnar, stúlknahljómsveitin frá Egilsstöðum.
„Skítt með það“ er uppáhaldslagið
— segja stúlkurnar 5 í Dúkkulísunum um fyrstu plötu sína
„Við erum afar ánægðar með útkomuna," sögðu stúlkurnar fimm, sem
skipa hljómsveitina Dúkkulísurnar, er blm. Mbl. ræddi við þær á frétta-
mannafundi, sem haldinn var í tilefni útgáfu fyrstu plötu stúlknanna.
Dúkkulísurnar hafa vakið óskipta athygli um land allt í vetur og það kom
því ekki á óvart þegar hljómplötuútgáfan Skífan bauð sveitinni plötu-
samning.
Þessi fyrsta plata Dúkkulís-
anna, sem ber nafn hljómsveit-
arinnar, hefur að geyma sex lög.
Fjögur þeirra eru samin af Karli
Erlingssyni, helstu hjálparhellu
stúlknanna, en tvö þeirra eru
eftir þær sjálfar. Textarnir við
lögin sex eru ýmist eftir meðlimi
sveitarinnar eða Gígju Sigur-
jónsdóttur.
Það eru þær Erla Ragnars-
dóttir/ söngur, Hildur Viggós-
dóttir/ hljómborð, Erla Inga-
dóttir/ bassi, Guðbjörg Pálsdótt-
ir/ trommur og Gréta Sigur-
jónsdóttir/ gítar, sem skipa
Dúkkulísurnar. Allar eru stúlk-
urnar frá Egilsstöðum. Munu
þær „gera út“ þaðan i sumar til
tónleikahalds um land allt.
Stúlkurnar bjuggu í höfuðborg-
inni í vetur, þar sem þrjár þeirra
stunduðu nám.
Að sögn þeirra hefur verið nóg
að gera hjá þeim að undanförnu.
Hafa þær leikið á nær hverju
kvöldi, ýmist á dans- eða tón-
leikum. Sögðu þær ætlunina að
fara í margar styttri ferðir um
landið til þess að kynna plötuna,
sem þegar hefur náð miklum
vinsældum. „Pamela“ hefur ver-
ið mikið leikið á rás 2 og situr nú
i 6. sæti vinsældalistans. Annað
lag af plötunni er á „Topp-20“-
lista stöðvarinnar. Þá er platan
þegar komin í 6. sæti vinsælda-
lista DV.
Stúlkurnar í Dúkkulísunum
eru allar ungar að árum, 16—18
ára, og eiga því framtíðina fyrir
sér. Samningur þeirra við Skíf-
una hljóðar upp á þrjár plötur,
þannig að þær eiga eftir að gefa
út a.m.k. tvær plötur til viðbót-
ar.
Þótt „Pamela" hafi þegar náð
umtalsverðum vinsældum sögð-
ust stöllurnar hafa mest gaman
af laginu „Skítt með það“. Það
hafi reynst einna erfiðast i
vinnslu og mest hafi verið i það
lagt.
— SSv.
í stofuna, garöhúsió
og sumarbústaöinn
HUSGAGNAVERSUJN
REYKJAVÍKURVEGI64 S. 54499 GAREV\STR€T117 S.15044
HorgunblaðiA/ ljósm. Júlfus
Ann Sandelin, forstjóri Norræna húasins, afhendir Hjalta Hauki Ásgeirssyni
verðlaunin, en mynd hans var valin á veggspjald sýningarinnar „Landið mitt
fsland".
Sumarsýning Norræna hússins og FÍMK 1984:
„Landið mitt ísland“
íslensk skólabörn lýsa landi sínu með teikningum
VETURINN 1983 leitaði Ann Sandelin, forstjóri Norræna hússins, eftir samstarfi
við Félag íslenskra myndmenntakennara um sumarsýningu hússins 1984. Kveikj-
an að þessari sumarsýningu var norræn sýning „Vi ar pá vág“ sem var f árslok
1982 og vakti mikla athygli.
23. júní sl. var sumarsýningin 1984
opnuð og eru á henni 145 verk unnin
af 4—14 ára börnum úr 16 skólum á
landinu. Alls bárust u.þ.b. 800 mynd-
ir frá 20 skólum. Dómnefnd, skipuð
fulltrúum frá Félagi fslenskra
myndmenntakennara, Félagi ís-
lenskra myndlistarmanna, mennta-
málaráðuneytinu og Norræna hús-
inu, valdi verkin á áyninguna.
Viðfangsefni sýningarinnar er
hvernig íslensk börn skynja landið
sitt, náttúruna og fólkið og nefnist
sýningin „Landið mitt ísland“.
Verk Hjalta Hauks Ásgeirssonar,
10 ára, úr Snælandsskóla, var valið á
veggspjald sýninarinnar en verk
Ingimars Guðmundssonar, 10 ára, úr
Laugarnesskóla, á sýningarskrá.
Þessir ungu menn fengu af þessu til-
efni verðlaun, bókina íslensk flóra
eftir Ágúst H. Bjarnason. Ann Sand-
elin afhenti verðlaunin á blaða-
mannafundi sem haldinn var f Nor-
ræna húsinu 28. júnf. Ingimar gat
ekki verið viðstaddur afhendinguna.
Ann Sandelin tók það fram aö
þetta væri alvörumyndlistarsýning
og að örn Þorsteinsson myndlistar-
maður hafi sett myndirnar upp með
það fyrir augum.
Á fundinum þakkaði Þórir Sig-
urðsson, námstjóri f mynd- og hand-
mennt, Ánn Sandelin fyrir þann
skilning sem hún hefur sýnt mynd-
list barna. Hann sagði jafnframt að
myndmenntakennsla á Islandi væri
með því besta sem þekktist á Norð-
urlöndum. Hér á landi væru kennar-
ar yfírleitt betur menntaðir en ann-
ars staðar og er byrjað að kenna 7
ára börnum undirstöðu myndlistar
en ekki fyrr en í 7. bekk grunnskóla
á hinum Norðurlöndunum.
Sýningin „Landið mitt ísland“
stendur til 22. júlf. Að henni lokinni
verða allar myndirnar endursendar
til þeirra skóla, sem aðild hafa átt að
þessu verkefni.