Morgunblaðið - 01.08.1984, Blaðsíða 39

MORGUNBLAÐIÐ, MIÐVIKUDAGUR 1. ÁGÚST 1984
39
Morgunblaðið/Árni Sæberg.
Á myndinni eru talið frá vinstri: Tony Fitzgerald og John Cairns aðalræðu-
menn mótsins, Roger Brown, söngvari, og Halldór Lárusson frá Trú og líf.
Endurreisn 84:
Samtökin „Trú og líf“ með
10 daga mót 1.—10. ágúst
SAMTOKIN Trú og Iff munu gang-
ast fyrir 10 daga móti dagana
1.—10. ágúst nk. f Fríkirkjunni í
Reykjavík. Á mótið kemur 47 manna
hópur frá Englandi, Wales og
Bandaríkjunum. Meðal þeirra eru
tveir aðalraeðumenn mótsins, þeir
Tony Fitzgerald og John Cairns.
Samkomur verða í Fríkirkjunni
á hverju kvöldi. Þar verður söngur
og tónlist, Guðs orð verður boðað
og beðið fyrir sjúkum. Dagana
1.—3. og 8.—10. ágúst verður
kennsla í Fríkirkjunni kl. 10.00
árdegis, þar sem fjallað verður um
boðun, bæn, tákn og undur, lof-
gjörð og tilbeiðslu og margt fleira.
Á blaðamannafundi, sem hald-
inn var til þess að kynna mótið,
kom fram að mikil gróska er í trú-
arlífi út um allan heim. Margt
ungt fólk hefur kosið að starfa
með hópum eins og Trú og líf
vegna þess að það hefur ekki feng-
ið svör við spurningum sínum I
hinni hefðbundnu kirkju.
Halldór Lárusson hjá Trú og lff
var spurður hvers konar samtök
þetta væru. „Þetta er fríkirkja,
sem ekki tengist ákveðnum
kirkjudeildum. Samkomurnar eru
opnar öllu kristnu fólki.“ Hann
sagði að lokum að mótið væri opið
öllum, sérstaklega þeim sem
þyrftu að fá svör við spurningum
um Guð, einnig ef þeir þjást af
einmanaleika, áhyggjum, ótta,
óöryggi, feimni eða þunglyndi, og
ekki síður þeim, sem ættu við
áfengis- eða fíkniefnavandamál að
stríða.
Útsalan hefst í dag
í báðum verslununum
Kápur, kjólar, síðbuxur, peysur, blússur, sloppar,
náttkjólar, brjóstahöld o.m.fl.
30—50%
4-i
Laugavegi 26, sími 13300
afsláttur
lympi
Glæsibæ sími 31300