Morgunblaðið - 21.08.1984, Blaðsíða 30

38
MORGUNBLAÐIÐ, ÞRIÐJUDAGUR 21. ÁGÚST 1984
Dýralæknafélag
íslands 50 ára
DÝRALÆKNAFÉLAG íslands er
50 ára um þessar mundir. Félagið
hélt aðalfund sinn, sem jafnframt
var sérstakur hátíðarfundur, að
Bifröst í Borgarfirði i lok júlí og
var frammámönnum íslensks land-
húnaðar og fulltrúum norrænna
dýralæknafélaga boðið til fundar-
ins. Sex dýralæknar voru gerðir að
heiðursfélögum og sæmdir gull-
merki félagsins fyrir störf í þágu
þess.
t þeim hópi voru þrír af núlif-
andi stofnendum félagsins frá
1934, þeir Jón Pálsson, Ásgeir Þ.
Ólafsson og Ásgeir ó. Einarsson,
auk Guðbrandar Hlíðar. Tveir
erlendir dýralæknar voru gerðir
að heiðursfélögum, Erik Blom
frá Danmörku og Svein Kvalöy
frá Noregi. Fulltrúar heiðursfé-
laganna héldu ávarp og fjallaði
erindi Ásgeirs Þ. Ólafssonar um
aðdraganda að stofnun Dýra-
læknafélags íslands og erindi
Erik Blom um frjósemi húsdýra.
Svein Kvalöy ræddi um eftir-
menntun dýralækna í Noregi.
í stjórn Dýralæknafélags ís-
lands voru endurkjörnir Halldór
Runólfsson, Hollustuvernd ríkis-
ins, formaður, Gunnar Örn Guð-
mundsson, héraðsdýralæknir
Hvanneyri, ritari, Grétar Hrafn
Harðarson, Holtabúinu,
Ámundastöðum, gjaldkeri og
varamaður var kjörinn Gunn-
laugur Skúlason, héraðsdýra-
læknir, Laugarási.
Frá athöfninni í Höfða síðastliðinn laugardag, afmælisdag Reykjavíkurborgar 18. ágúst. Á myndinni eru þeir sem
tóku á móti viðurkenningum umhverfismálaráðs, talið frá vinstri: Ragna Gunnarsdóttir, Þorgeir Baldursson, forstjóri
prentsmiðjunnar Odda, Jóhann Pétur Einarsson og Sigrún Pálsdóttir, íbúar Fýlshóla, Guðmundur Ólafsson hjá
Framkvæmdastofnun ríkisins, Guðmundur Guðmundsson, stjórnarformaður Múlalundar, Emil Guðmundsson, hótel-
stjóri Hótels Loftleiða, og Páll Gíslason, varaforseti borgarstjórnar.
„Það er gaman að
fegra umhverfi sitt“
- segir Jóhann P. Einarsson, íbúi Fýlshóla, fegurstu götu Reykjavíkur
1984, en afhending viðurkenninga fyrir fegrunarmál fór fram sl. laugardag
Viðurkenningar fyrir fallegustu
götu Reykjavíkur og fallegt og
skemmtilegt umhverfi nokkurra
fyrirtækja voru veittar í Höfða, mót-
tökuhúsi borgarstjórnar við Borgar-
tún, á 198. afmælisdegi Reykjavíkur-
borgar síðastliðinn laugardag, en
undanfarin 25 ár hafa viðurkenn-
ingar fyrir fegrunarmál er varða
borgina verið veittar á þeim degi.
Páll Gíslason, varaforseti borg-
arstjórnar, afhenti viðurkenn-
ingarnar fyrir hönd umhverfis-
málaráðs og byrjaði á því að af-
henda fulltrúum Fýlshóla í
Reykjavík viðurkenningu fyrir
fallegustu götu Reykjavíkur 1984.
Jóhann Pétur Einarsson og Sigrún
Pálsdóttir, sem eiga heima í
Fýlshólum 3 og eru aldursforsetar
götunnar, tóku á móti viðurkenn-
ingunni fyrir hönd íbúa Fýlshóla
og Sigrún þakkaði fyrir hana fyrir
hönd allra íbúa götunnar. Jóhann
er starfsmaður Ölgerðar Egils
Skallagrímssonar og hefur hann
starfað þar í rösklega 40 ár. Blaða-
maður Mbl. ræddi við Jóhann eftir
að viðurkenningarnar höfðu verið
afhentar og sagði hann að þau
hjónin hefðu byrjað að byggja í
Fýlshólum fyrir 10 árum, eða árið
1974. Áður bjuggu þau í Álf-
heimum og þar áður í Skerjafirð-
inum. Sagði Jóhann að fólkið í
götunni væri ákaflega iðið við að
vinna í görðunum sínum og ynni í
þeim langt fram á kvöld, án þess
þó að vera að hugsa um verðlaun
eða viðurkenningar. Fólkinu þætti
einfaldlega gaman aö því að fegra
umhverfi sitt.
Þegar hjónin Jóhann Pétur og
Sigrún höfðu veitt viðurkenning-
unni fyrir fallegustu götu Reykja-
víkur móttöku, afhenti Páll Gísla-
son Emil Guðmundssyni, hótel-
stjóra Hótel Loftleiða, viðurkenn-
ingu til Hótels Loftieiða, Flugleiða
og flugmálastjórnar á Reykjavík-
urflugvelli. Viðurkenningin er
veitt fyrir það eftirbreytnilega
framtak að efna til sameiginiegs
átaks stjórnar og starfsfólks um
að fegra umhverfi vinnustaðar
síns, eins og segir í dómnefndar-
áliti.
Þá tók Ragna Gunnarsdóttir,
eiginkona Þorgeirs Baldurssonar
forstjóra prentsmiðjunnar Odda,
við viðurkenningu fyrir hönd
fyrirtækisins, sem hlaut viður-
kenningu umhverfismálaráðs
fyrir smekklegan frágang á lóð,
bílastæði og snyrtilega umgengni
á svæðinu umhverfis prentsmiðj-
una.
Fallegt og skemmtilegt
umhverfi hefur jákvæd
áhrif á starfsandann
Næst tók Guðmundur ólafsson
á móti viðurkenningu sem Fram-
kvæmdastofnun ríkisins að Rauð-
arárstíg 25 var veitt. Stofnunin
fékk viðurkenningu fyrir heil-
stæða og listræna hönnun á lítilli
lóð. Eftir verðlaunaafhendinguna
ræddi blaðamaður Mbl. við Frið-
þjóf Max Karlsson, aðalbókara
framkvæmdastofnunarinnar, og
sagði hann starfsfólk hússins
ákaflega ánægt með viðurkenn-
inguna og stolt af henni. Sagðist
hann þess fullviss að fallegt og
skemmtilegt umhverfi vinnustað-
ar hefði jákvæð áhrif á starfs-
anda. Framkvæmdastofnunin var
áður til húsa að Rauöarárstíg 31,
en í hinu nýja húsnæði hefur
Þjóðhagsstofnun einnig sína
starfsemi og starfa því alís um 60
manns í húsinu.
Múlalundur í Hátúni 10 c fékk
viðurkenningu fyrir skemmtilegan
og sérstæðan frágang á húsi og
lóð, en húsið er sérhannað og
byggt fyrir öryrkja. Guðmundur
Guðmundarson, stjórnarformaður
Múlalundar, veitti viðurkenning-
unni viðtöku og í samtali við
blaðamann Mbl. sagði hann að alls
störfuðu hátt í 80 öryrkjar í Múla-
lundi, en hin nýju húsakynni voru
tekin í notkun á árinu 1982. „Það
er hægt að segja að það blómstri
bæði innan dyra og utan hjá okkur
í Múlalundi," sagði Guðmundur og
sagði að mönnum hefði ekki komið
viðurkenningin mikið á óvart, þar
sem þeir sem til þekktu vissu að
verið var að vinna góða hluti.
Sagði hann að þrír unglingar í
vinnuskóla borgarinnar hefðu
unnið að því í sumar að fegra og
snyrta umhverfið. „Það var gaman
að fá þessa viðurkenningu, því
staðurinn var frá upphafi hugsað-
ur þannig að hann gæti orðið
ánægjulegur vinnustaður og fal-
legur jafnt að utan sem innan,"
sagði Guðmundur að endingu.
Að lokinni afhendingu viður-
kenninga óskaði Páll Gíslason
þeim sem hlutu viðurkenningu til
hamingju og sagðist vonast til
þess að framlag þeirra til fegrun-
ar borgarinnar mætti verða öðr-
um til eftirbreytni.
íslendingarnir fjórir, sem geróir voru að heióursfélögum Dýralækningafé-
lags íslands og sæmdir gullmerki þess. Ásgeir Ó. Einarsson, fyrrv. hér-
aðsdýralæknir, Reykjavík, Ásgeir Þ. Ólafsson, fyrrv. héraósdýralæknir,
Borgarnesi, Jón Pálsson, fyrrv. héraðsdýralæknir, Selfossi, og Guómund-
ur Hlíóar, fyrrv. forstöóumaður Rannsóknarstofu Mjólkursamsölunnar,
Reykjavík.
Sýnir í Múlalundi
í GÆR, mánudaginn 20. ágúst, opnaði óskar Theódórsson mál-
verkasýningu í Hátúni 10C, Múlalundi. Hann sýnir 35 myndir unnar
með pastel, akrýl, vatnslitum og tússi. Sýningin er opin daglega frá
kl. 8 til kl. 4.30.
Tillögur Bandalags jafnaðarmanna
vegna viðræðna stjórnarflokkanna
{ TILEFNI þeirra samningavið-
ræðna sem nú eiga sér stað milli
stjórnarflokkanna um stjórnars-
áttmála handa núverandi ríkisstjórn
vill þingflokkur Bandalags jafnaðar-
manna hvetja til þess að eftirfarandi
atriói verói sett á framkvæmdaskrá:
1. Tekjuskattur verði lagður
niður.
2. Niðurgreiðslur og útflutnings-
uppbætur á landbúnaðaraf-
urðir verði lagðar niður.
Ennfremur verði kannaður
möguleikinn á frjálsum inn-
flutningi landbúnaðarafurða.
3. Alþingismenn verði teknir út
úr nefndum, ráðum og stjórn-
um framkvæmdavaldsins.
4. Ríkisvaldið komi hvergi nærri
samningum á hinum almenna
vinnumarkaði. Ennfremur
hætti það afskiptum af samn-
ingum um verð á afurðum
sjávarútvegs og landbúnaðar.
5. Byggðasjóður verði lagður
niður og þeirri starfsemi hætt
sem nú fer fram í lánadeild
Framkvæmdastofnunar.
6. Ríkisbankarnir verði seldir í
hendur almenningshlutafélög-
um.
7. Stórlega verði dregið úr bruðli
og sóun hjá opinberum stofn-
unum og fyrirtækjum. Risna
þessara aðila verði tekin til
gagngerrar endurskoðunar.
8. Unnið verði að gerð strangrar
löggjafar gegn einokun og
hringamyndun, löggjafar sem
meðal annars brjóti upp SfS-
auðhringinn og sölusamtök i
sjávarútvegi.
9. Verkefni verði í auknum mæli
færð frá ríki til sveitarfélaga
þannig að ákvarðanavald um
hin ýmsu mál standi nær fólk-
inu sjálfu.
10. Atkvæðisréttur verði jafnaður
að fullu svo sérhver íslenskur
borgari hafi eitt og jafnt at-
kvæði í kosningum.
Að síðustu skorar þingflokkur
Bandalags jafnaðarmanna á ráð-
herra ríkisstjórnarinnar að taka
til alvarlegrar endurskoðunar
viðhorf sín til málefna barna,
sjúkra og aldraðra. Aðbúnaður
þessara einstaklinga er mæli-
kvarði á sjálfa siðmenningu okkar
ríka þjóðfélags.
Nýtt
félagsmerki
Farstöðvafélagið Bylgjan
hefur nú fengið nýtt félags-
merki. Aðsetur félagsins er í
Kópavogi og er félagið með
símaþjónustu um rás 9 á CB
tíðnisviðinu, frá kl. 19 og fram
eftir nóttu.