Morgunblaðið - 21.08.1984, Blaðsíða 20

20
MORGUNBLAÐIÐ, ÞRIÐJUDAGUR 21. ÁGÚST 1984
• •
Oflugt og vaxandi starf
íþróttamanna á Flateyri
Rætt við Ólaf Trausta Árnason íþróttaþjálfara
þurft að fara inn eða fresta tíma
vegna veðurs."
Þið hafið farið í einhver ferða-
lög með krakkana?
„Jú, það er fyrst og fremst
með fótboltaliðin. Með 4., 5. og 6.
flokkinn höfum við farið á firð-
ina hér í kring um okkur, en 4.
flokkur fór tvær langar ferðir,
aðra á Snæfellsnesið og hina á
Reykjanesið. Það hafa lfka verið
haldin mót á Þingeyri, á Núpi og
svo tvö hér á Flateyri, sundmót
og frjálsíþróttamót."
Hver hefur árangur Grettis
verið í þeim mótum?
„Við höfum alltaf farið með
fulla rútu á mótin, það er sama i
hvaða flokki það er, og staðið
upp úr og sigrað."
E.F.G.
Morgunblaftii/ E.F.G.

Flateyri.
í SUMAR var haldið íþróttanám-
skeið fyrir unglinga hér á staðnum.
íþróttafélagið Grettir hefur staðið
fyrir slíku námskeiðahaldi mörg
undanfarin sumur og hafa þau
heppnast mjög vel. Námskeiðið
stóð yfir í tvo mánuði samfleytt og
því lauk þann 3. ágúst sl. Af þessu
tilefni tók ég umsjónarmann nám-
skeiðsins, Olaf Trausta Árnason,
íþróttakennara, tali.
Hvernig hefur þér líkað dvölin
hér hjá okkur, ólafur?
„Þetta hefur verið frábært,
gott að vera hér og gott samstarf
við stjórn íþróttafélagsins,
krakkana og foreldra þeirra."
Þú varst hér hjá okkur fyrir
þrem árum, með sams konar
mót. Finnst þér hlutirnir hafa
breyzt?
„Sundlaugaraðstaðan hefur
auðvitað gjörbreytt allri að-
stöðu. Nú geta krakkarnir iðkað
sund með útiíþróttunum, og
fyrir og eftir leiki er unnt að
koma keppendum strax til bún-
ingsklefa, þar sem sturtuaðstaða
er fyrir hendi.“
Finnst þér þátttakendur taka
framförum á námskeiðinu?
„Já, já, þau taka framförum,
þroskast og læra svo eitthvað —
vonandi.“
Er raunhæft að þínu mati að
hafa slík námskeið eins og þetta
á hverju sumri hér?
„Já, á því er enginn vafi, sér-
staklega meðan engin leikfimi-
kennsla fer fram í skólanum."
Á hvaða aldri eru krakkarnir
á námskeiðinu?
„Þau eru frá sex ára aldri til
fjórtán ára aldurs, þ.e. á leikja-
námskeiöinu, i sundi, frjálsum
og fótbolta. Námskeiðið stendur
yfir alla daga vikunnar, að und-
anskildum miðvikudeginum hjá
þeim yngstu. Námskeiðið hefur
verið keyrt nokkuð stíft og að
mínu mati er lengd þess mjög
hæfileg. Sum börnin eru
„sprungin" en það er að sjálf-
sögðu misjafnt eins og gengur."
Fjórði flokkur drengja hefur
tekið þátt í íslandsmótinu nú í
sumar, hefur það ekki gengið
mjög vel?
„Það hefur gengið, jú mjög vel.
Liðið lék tíu leiki og vann fjóra,
einn varð jafntefli og fimm töp-
uðust. Markatalan var 15 gegn
14, fyrir okkur, sem er alls ekki
neitt til að skammast sín fyrir.
Þetta er nokkuð dýrt dæmi, en
það borgar sig held ég áreiðan-
lega, e.t.v. ekki á hverju ári, en
Frá lokakeppni íþrótta- og leikjanámskeiðsins, en börn og fullorðnir tóku þátt í því.
Ólafur Trausti Árnason, íþrótta-
þjálfari, ásamt syni sínum.
a.m.k. þegar efni og aðstæður
leyfa. Fyrst og fremst til þess að
börnin fái að bera sig saman við
krakka í öðrum byggðarlögum."
Náðuð þið að skipa fullt lið hér
á staðnum?
„Nei, við fengum fjóra Súg-
firðinga í lið með okkur og það
gekk mjög vel.“
Námskeið fyrir þá sem eldri
eru, hvað með það?
„Jú, við héldum einnig nám-
skeið fyrir þá eldri. Stúlkurnar
sem mættu í frjálsum íþróttum
mættu mjög vel. 1 fótboltanum
fóru mætingarnar nú mjög mik-
ið eftir því hvort vinna var í
frystihúsinu, nú eða leikur í
sjónvarpinu, eins og gengur.
Mætingin var góð þegar leikir
fóru fram. Mætingin í sundinu
var mjög góð. Að jafnaði mættu
alltaf um 16 krakkar til æfinga.
Frúarleikfimin lognaðist nú eig-
inlega útaf, þær kenndu nú aðal-
lega um vinnutímanum og sumr-
inu, það datt uppfyrir fljótlega
af sjálfu sér.“
Hvað finnst þér, Ólafur, um
starf íþróttafélagsins?
„Mér finnst nú eiginlega alveg
ótrúlegt hvað það getur gert. Ég
er alveg stórhrifinn af starfi
þess miðað við það sem þeir hafa
úr að spila. I raun eru það mjög
fáir sem standa á bak við félagið.
Varðandi úrbætur, þá er að mínu
viti engin spurning um það hvað
vantar. Það er að sjálfsögðu
íþróttahúsið, númer 1, 2 og 3, al-
veg hikstalaust. Þegar hægt
verður að fara að æfa allt árið,
þá þarf ekki alltaf að vera að
byrja á því sama á vorin, þ.e.
þrekæfingum og þ.h. Útiaðstað-
an hefur stórlega batnað, frá því
ég var hér síðast. Umhverfið og
aðstaðan, það er helst fótbolta-
völlurinn, sem ekki er nógu góð-
ur, krakkarnir eru hálf hrædd
Svifið í langstökkinu.
við hann, því hann er full gróf-
ur.“
Nú hefur mikið af börnum víðs
vegar af landinu, sótt þessi nám-
skeið hér, og dvalist hjá ættingj-
um og kunningjum, um lengri
eða skemmri tíma. Koma þau
ekki inn í námskeiðið á mismun-
andi tímum og gerir það starfið
ekki erfiðara hjá þér?
„Nei, það vil ég ekki segja, það
er allt í lagi. Þau grípa hvort
annað um leið og þau hittast.
Það er verra þegar fer að fækka
hjá okkur í hópunum, þá fer að
verða erfiðara að halda uppi
ákveðnu prógrammi, með
kannski átta til tíu krakka í
hverjum hóp. Veðrið? Jú, það
hefur verið mjög gott. Ég held að
við höfum fengið fjóra rign-
ingardaga. Við höfum aldrei
Útflutningur sjávarafurða:
Um þriðjungur tekna
frá Bandaríkjunum
- fyrstu sex
mánuði ársins
Heildarútflutningur þjóðarinnar
fyrstu sex mánuði þessa árs nam
10.692.292 þú.sundum króna. Þar af
er upphæð sjávarafurða 7.663.150
þúsundir króna eða um 71,7% heild-
arútflutnings. Á sama tímabili 1983
var heildarútflutningur 7.743.014
þúsundir króna og nam þá upphæð
sjávarafurða 5.448.534 þúsundum
króna, eða um 70,4%. Þetta kemur
fram í fréttatilkynningu frá Fiskifé-
lagi íslands.
I tilkynningunni segir einnig
hvernig útflutningur sjávarafurða
skiptist eftir vinnslugreinum á
sama tímabili, 1984 annars vegar,
1983 hins vegar:
69.421 tonn frystra afurða voru
flutt út fyrstu sex mánuði þessa
árs, sem er tæpum 6.000 tonnum
minna en fyrri hluta ársins 1983,
að andvirði 3,888.691 þúsund kfon-
um að flutningskostnaði sleppt-
um.
Af söltuðum afurðum voru í ár
flutt út 44.219 tonn að andvirði
1.850.710 þúsund króna, en 1983
39.933 tonn, sem er rúmum 4.000
tonnum minna, en á þessu ári, að
andvirði 1.296.878 þúsunda króna.
Útflutningur nýrra og ísaðra af-
urða hefur aukist um tæp 16.000
tonn frá síðasta ári, var nú 36.706
tonn, 386.803 þúsund krónur að
söluverði.
Útflutningur hertra afurða hef-
ur skroppið saman úr 2.149 tonn-
um 1983 í 21 tonn á þessu ári.
Söluverð hertra afurða f ár er
3.448 þúsund krónur, en var
228.622 þúsund krónur í fyrra.
Útflutningur á mjöli og lýsi
jókst aftur á móti um rúm 85.000
tonn frá árinu 1983, en þá voru
flutt 27.393 tonn miðaö við 112.414
tonn í ár.
Útflutningur afurða sem eru
niðurlagðar og niðursoðnar, hefur
einnig aukist úr 933 tonnum 1983 í
1321 ton í ár. Andvirði þessara af-
urða var fyrstu sex mánuði þessa
árs 180.473 þúsund krónur, en
108.265 þúsund krónur í fyrra.
Af öðrum /sjávarafurðum voru
flutt út 4.290 tonn, að andvirði
46.405 þúsund króna, þetta ár, en á
síðasta ári 6.026 tonn að andvirði
73.527 þúsunda króna.
Af framangreindu má ráða að
fyrstu sex mánuði þessa árs voru
flutt út 268.212 tonn, en á sama
tíma á síðasta ári höfu 170.794
tonn verið flutt út og er þar um
97.418 tonna aukningu að ræða,
eða 36,3%, og munar þar mest um
afurðir úr loðnu. Útflutningur
loðnuafurða, þ.e. loðnulýsis, loðnu-
mjöls, frystrar loðnu og frystra
loðnuhrogna, nam 105.471 tonni og
var söluverð þeirra 1.299.740 þús-
undir króna.
Bretar keyptu mest af loðnulýsi,
18.949 tonn og Vestur-Þjóðverjar
sigla í kjölfarið með 9.071 tonn.
Hollendingar, Spánverjar, Norð-
menn, Frakkar og Færeyingar
keyptu einnig loðnulýsi af fslend-
ingum. Finnar keyptu 18.283 tonn
loðnumjöls af íslendingum, Bretar
7.658 tonn, en aðrar viðskiptaþjóð-
ir voru Danir, Pólverjar, Frakkar,
Tékkar, Svíar, Spánverjar, ítalir,
Búlgarir og Vestur-Þjóðverjar.
Japanir einir festu kaup á frystri
loðnu og loðnuhrognum.
Tíu þjóðir keyptu sjávarafurðir
af íslendingum fyrir meira en 200
milljónir króna fyrstu sex mánuði
þessa árs. Eiga Bandaríkjamenn
þar stærstan hlut að máli, en þeir
keyptu sjávarafurðir fyrir
2.444.346 þúsundir króna, þar af
frystar afurðir fyrir 2.358.511 þús-
undir króna. Sovétmenn keyptu
alls fyrir 992.473 þúsundir króna,
frystar afurðir fyrir 478.247 þús-
undir króna og saltaðar afurðir
fyrir 477.505 þúsundir króna. Aðr-
ir viðskiptaaðiljar í þessum hópi
voru Bretar, sem keyptu sávaraf-
urðir fyrir 882.668 þúsundir króna,
Vestur-Þjóðverjar 645.552 þús-
undir króna, Portúgalir 485.320
þúsundir króna, Spánverjar
325.025 þúsundir króna, Frakkar
290.592 þúsundir króna, Finnar
272.414 þúsundir króna, Danir
249.457 þúsundir króna og ítalir
sem keyptu fyrir 201.911 þúsundir
króna.