Morgunblaðið - 07.12.1984, Page 22

22
MORGUNBLAÐIÐ, FÖSTUDAGUR 7. DESEMBER 1984

Aöalfundur kjördæmisráös Sjálfstæðisflokksins í Suðurlandskjördæmi
Þorsteinn Pálsson, formaður Sjálfstæðisflokksins:
Pólitíska samstöðu
til að skapa farveg
fyrir aukinn hagvöxt
Selfossi, 25. nóvember.
AÐALFUNDUR kjördæmisráðs Sjálfstæðisflokksins í Suðurlandskjördæmi
var haldinn á Hellu laugardaginn 24. nóv. sl. Á fundinum fluttu ávörp
þingmenn kjördæmisins, Þorsteinn Pálsson formaður Sjálfstæðisflokksins,
Árni Johnsen og Eggert Haukdal og kynntar voru tillögur nefndar um
framkvæmd prófkjörs vegna framboðs Sjálfstæðisflokksins við alþingiskosn-
ingar.
í máli sínu lagði Þorsteinn
Pálsson áherslu á nauðsyn nýrra
fyrirtækja sem hefðu bolmagn til
að færa landshlutann upp í tekj-
um, sérstaklega ætti þetta við um
austurhluta kjördæmisins. Til
þess að slíkt gæti gerst þyrfti að
skapa svigrúm til þess að nýtt
fjármagn kæmi inn í atvinnulífið.
Það fjármagn ætti einnig að nýta
til að treysta undirstöðuatvinnu-
vegi þjóðarinnar sem ættu við erf-
iðleika að etja og þá sérstaklega
sjávarútvegurinn.
Varðandi Iandbúnaðarmál sagði
Þorsteinn að unnið væri að því að
breyta verðmyndun á landbúnað-
arvörum til þess að styrkja stöðu
bænda. Þeir þyrftu að fá greitt
fyrir sína framleiðslu við afhend-
ingu, þannig nýttist þeim fjár-
magnið betur.
Varðandi vanda sjávarútvegsins
sagði Þorsteinn að hann væri þess
eðlis að stjórnvöld og stórnendur
fyrirtækjanna yrðu að taka á hon-
um smátt og smátt, hann yrði ekki
leystur í einu vetfangi. Fást yrði
viðurkenning á því að afkoma
þjóðarinnar byggðist í meginat-
riðum á því hvernig gengi í sjávar-
útveginum. Hann væri undirstaða
lífskjaranna í þessu landi. Öll
eyðsla sem færi umfram það sem
þjóðin aflaði leiddi til falskra
lífskjara og skuldasöfnunar.
Þorsteinn sagði að nú væru viss
tímamót í stjórnarsamstarfinu,
árangur hefði náðst í baráttunni
við verðbólguna og jafnvægi verið
komið á. Erfiðleikar blöstu vissu-
lega við og hann lagði áherslu á
það að menn mættu ekki veigra
sér við að viðurkenna þau mistök
sem gerð hefðu verið en koma
þyrfti í veg fyrir að þau endur-
tækju sig. Samstarf stjórnarflokk-
anna væri gott og hann kvaðst
ekki sjá að aðrir stjórnarmyndun-
armöguleikar væru fyrir hendi
sem gætu orðið til þess að leysa
aðsteðjandi vanda.
í máli sínu vlsaði hann á bug
öllum fullyrðingum um breytta
ímynd Sjálfstæðisflokksins.
Grundvallarstefnan væri enn sú
sama og fælist í því að stétt stæði
með stétt og benti á að samstarf
hefði tekist með launþegasamtök-
unum um hækkun launa þeirra
lægstlaunuðu. Flokkurinn yrði
áfram þjóðlegur umbótaflokkur
sem starfaði að því að leiða þjóð-
ina fram til bættra lífskjara sem
næðust í sátt og samlyndi.
Andstaða við
lokuð prófkjör
Þorsteinn Pálsson heldur ræðu í aðalfundi kjördæmisráðsins.
í lok máls síns benti Þorsteinn á
nauðsyn þess að ná fram pólitískri
samstöðu til þess að skapa farveg
fyrir aukinn hagvöxt og styrkja
undirstöður bættra lífskjara í
landinu.
Árni Johnsen fjallaði i máli
sínu aðallega um vanda sjávarút-
vegsins þar sem hann sagði átaks
þörf og viðurkenna yrði að þessi
mikla auðlind okkar íslendinga
væri í hættu. Hann sagði að skapa
yrði fyrirtækjum í sjávarútvegi
betri rekstrarstöðu og gagnrýndi
núverandi afurðalánakerfi sem
væri að 75% hlutfalli og með há-
um vöxtum. Það þyrfti hins vegar
Selfossi, 25. nóvember.
Á aðalfundi kjördæmisráðs Sjálfstæðisflokksins í Suðurlandskjördæmi
sem haldinn var á Hellu 24. nóv. sl. kynnti Friðrik Friðriksson tillögur að
reglum um framkvæmd prófkjörs vegna framboðs Sjálfstæðisflokksins við
alþingiskosningar. Reglur þessar voru unnar af nefnd sem miðstjórn flokks-
ins skipaði í des. sl. til að endurskoða skipulagsreglur og prófkjörsreglur
flokksins.
í tillögum nefndarinnar 1. gr.,
kemur m.a. fram að kjördæmisráð
í hverju kjördæmi skuli ákveða
hvort viðhaft verði prófkjör við
val á framboðslista eða ekki. I 2.
gr. tillagnanna er lagt til að þátt-
taka í prófkjöri verði í fyrsta lagi
bundin við fullgilda meðlimi í
sjálfstæðisfélögum sem náð hafa
16 ára aldri og í öðru lagi þeim
stuðningsmönnum flokksins sem
hafa kosningarétt í kjördæminu
og undirritað hafa inntökubeiðni
og greitt félagsgjald í sjálfstæðis-
félag í kjördæminu. í 13. grein til-
lagnanna er lagt til að kjósandi
númeri frambjóðendur i þeirri röð
sem hann kýs að þeir verði á
framboðslista flokksins.
Nokkrar umræður urðu um til-
lögur nefndarinnar og einkum
þrjár ofangreindar reglur. Á fund-
inum kom fram andstaða við það
að prófkjörinu yrði lokað og það
bundið eingöngu við skráða félaga
í sjálfstæðisfélögum. Bentu
nokkrir fundarmanna á ýmsa
möguleika til að halda prófkjörinu
opnu fyrir óflokksbundna stuðn-
ingsmenn flokksins.
Meirihluti þeirra sem til máls
tóku voru fylgjandi því að próf-
kjör væri opið og bentu á að áhrif
hugsanlegra þátttakenda sem ekki
styddu flokkinn f alþingiskosning-
um en tækju þátt í prófkjöri væru
hverfandi.
Meginþorri kjósenda flokksins
væri óflokksbundinn og spurning-
in um prófkjörsreglur fælist í því
hvort flokkurinn vildi njóta stuðn-
ings þessa fólks. Það væri styrkur
að opnu prófkjöri, fyrir þvf hefði
fengist reynsla við siðustu kosn-
ingar. Þá var lýst fylgi við það að
númera frambjóðendur og helst að
umbreyta númerunum í stig til
þess að sem réttust mynd fengist.
sig. jóns.
Nokkrir fulltrúar á fundinum.
Stiórnmálaályktun
Aðalfundur kjördæmisráðs
Sjálfstæðisflokksins í Suðurlands-
kjördæmi lýsir yfir því að hann telur
að brýnustu verkefnin sem nú eru
framundan í íslenskum stjórnmálum
séu:
— I fyrsta lagi að koma böndum á
verðbólguna á nýjan leik og stuðla
að jafnvægi í þjóðarbúskap ís-
lendinga.
— I öðru lagi að hefja alhliða
sókn til uppbyggingar atvinnulífs
um land allt.
— í þriðja lagi að vinna að því að
unnt verði að verja kaupmátt með
samvinnu stjórnvalda og aðiia
vinnumarkaðarins.
Fundurinn telur að baráttan
gegn verðbólgunni á undanförnum
misserum hafi skilað umtalsverð-
um árangri og verið grundvöllur
að framfarasókn í atvinnumálum.
Þó að þjóðin hafi hrakist nokkuð
af leið í þessari baráttu síðustu
vikur skiptir miklu máli að stjórn-
völd láti ekki undan síga og freisti
þess að bæta lífskjör með nýju
átaki til þess að ná jafnvægi á nýj-
an leik. Óhjákvæmilegt er að
bregðast við stöðugum samdrætti
þjóðartekna. Aðgerðir stjórnvalda
þurfa að miða að því að auka hag-
vöxt, framleiðslu og framleiðni í
íslensku atvinnulífi og hætta
óhagkvæmri fjárfestingu bæði hjá
opinberum aðilum og einkaaðilum.
Það er eina raunhæfa leiðin til
þess að bæta lífskjör fólksins í
landinu.
Þær atvinnugreinar sem öðru
fremur hafa verið uppistaða í at-
vinnu og framleiðslu landsbyggð-
arinnar hafa átt í vök að verjast
upp á siðkastið. Fundurinn leggur
áherslu á að í kjölfar gengisbreyt-
ingarinnar verði gerðar víðtækar
ráðstafanir af hálfu stjórnvalda
til þess að styrkja stöðu sjávar-
útvegsins. Auk endurgreiðslu á
söluskatti þurfa að koma til fjöl-
þættar aðgerðir er fyrst og fremst
eiga að miða að því að draga úr
kostnaði í sjávarútvegi. Forðast
beri allar millifærslur innan sjáv-
arútvegsins og reynt að draga úr
öllum kostnaði við veiðar og
vinnslu og jafnframt að auka
verðmæti framleiðslunnar. Nauð-
synlegt og eðlilegt er að sjávarút-
vegur á fslandi búi við svipað
orkuverð hvað snertir rafmagn og
olíu og sjávarútvegur nágranna-
landanna. Þá væntir fundurinn
góðs af þeim skipulagsbreytingum
í landbúnaðarmálum sem nú er
unnið að á vegum stjórnvalda og í
samráði við hagsmunasamtök
bænda.
Brýnt er að staða landbúnaðar-
ins breytist til batnaðar um leið
og reynt verði að koma á sáttum
milli fremleiðenda og neytenda, en
hagsmunir þessara aðila fara
saman.
Samhliða þeirri höfuðnauðsyn
að styrkja landbúnað og sjávar-
útveg í þeim erfiðleikum sem þess-
ar atvinnugreinar eiga nú við að
etja er brýnt að hefja sókn til
nýsköpunar í íslensku atvinnulífi
er leitt geti til meiri fjölbreytni í
atvinnuháttum á landsbyggðinni.
Fundurinn telur ennfremur mik-
ilvægt að fleiri fái að njóta hag-
ræðis af vaxandi verslunarsam-
keppni en íbúar höfuðborgarsvæð-
isins. T.d. með niðurfellingu sölu-
skatts á flutningi. Alhliða upp-
bygging atvinnugreinanna um
land allt er mikilvæg forsenda
eðlilegrar byggðaþróunar.
Aðalfundurinn leggur ríka
áherslu á að öflugt átak verði gert
til styrktar atvinnulífi á Suður-
landi. Atvinnuhagsmunir íbúa
kjördæmisins ráðast öðru fremur
af styrkleik landbúnaðar og sjáv-