Morgunblaðið - 12.01.1985, Side 13

MORGUNBLAÐIÐ, LAUGARDAGUR 12. JANÚAR 1985
13
„Fækka ekki fötum á kvöld-
in því næturnar eru kaldar“
Rætt við íslendinga í Frakklandi og
á ítalfu um vetrarhörkur þar
„ÉG TALAÐI viö nokkra íslenska námsraenn hér í París fyrir skömmu
og þeir sögðust sitja kappklæddir við ofnana þar til tími væri kominn til
að fara í rúmið. Þeir fækka hins vegar ekki fötum i kvöldin, því næturn-
ar eru kaldar,“ sagði Gunnar Snorri Gunnarsson, sendiráðunautur í
París, þegar Morgunblaðið innti hann frétta af vetrarhörkum þar.
Eins og komið hefur fram í
fréttum gengur nú mikið kulda-
kast yfir í Evrópu, en hér á landi
er hins vegar mesta blíða, miðað
við að janúar er yfirleitt ansi
napur. Gunnar Snorri sagði, að
nú virtist sem hitastigið færi
hækkandi aftur. „Frostið í París
hefur farið niður í 14 stig, en upp
til fjalla, t.d. í suðaustur Frakk-
landi hefur frostið farið 1 27
stig,“ sagði hann. „Nú eru 47
manns látnir i Frakklandi af
völdum kuldans og járnbraut-
arstöðvar eru hafðar opnar á
nóttunni, svo heimilislaust fólk
geti leitað þar skjóls."
Gunnar Snorri sagði, að
megnið af vandræðum Frakka í
kuldunum mætti rekja til þess,
að þeir væru miklu verr búnir til
að mæta vetrarhörkum en t.d.
íslendingar. „Kynding húsa er
miklu minni en á íslandi og sam-
gönguerfiðleikar, sem urðu
vegna snjóa, hefði oft verið hægt
að koma í veg fyrir ef bifreiðir
væru búnar nagladekkjum eða
keðjum. Slíkur búnaður bifreiða
heyrir hins vegar til undantekn-
inga.“
Veðrið hefur verið aðalum-
ræðuefni manna á milli í Frakk-
landi að undanförnu, að sögn
Gunnars Snorra, enda Frakkar
ekki við ósköpunum búnir.
Dúnsængin kemur sér vel
María Hálfdánardóttir nemur
ensku, frönsku og þýsku í Gren-
oble í Frakklandi. Hún sagði, að
það hefði verið mjög kalt þar að
undanförnu, en íslenskir
námsmenn hefðu þó ekki kvart-
að, enda hefðu þeir flestir hita í
híbýlum sínum. „Frostið hér hef-
ur yfirleitt ekki farið niður fyrir
10 stig á daginn, en á kvöldin og
næturnar hefur það verið um 18
stig,“ sagði María. „Það hefur
snjóað lítið og einhver sólar-
glenna var hér í gærmorgun. Ég
er því fegnust að hafa dúnsæng-
ina mína, því án hennar væri ör-
ugglega ansi kalt á nóttunni.
íbúar hér kvarta ekki mikið,
enda er ástandið langt frá því að
vera verst hér.“
María sagðist hafa dvalist í
Grenoble á síðasta ári og þá
hefðu kuldar aidrei nálgast það
að vera jafn miklir og nú og
aldrei hefði komið verulegur
snjór.
ítalir sitja heima
Brynja Tomer er búsett í Tor-
ino á Ítalíu og þar hefur síst ver-
ið hlýrra en í Frakklandi. „Það
hefur ekki verið svona kalt á It-
alíu í 25 ár,“ sagði Brynja. „Tor-
ino liggur svo norðarlega, að íbú-
ar hér eru betur undir það búnir
að þola kulda og slæma færð,
enda stutt til Alpanna. Sunnar á
Ítalíu hefur ástandið hins vegar
verið slæmt. Það snjóaði í Róm,
ekki mikið á íslenskan mæli-
kvarða, en nóg til þess að skóla-
hald og allar samgöngur lömuð-
ust í 2 daga. Lestarsamgöngur
eru í molum, því teinarnir eru
frosnir saman á gatnamótum og
ekki hægt að skipta um lestar-
spor. Flug hefur líka riðlast
mjög mikið, því ftalir eru óvanir
snjóföl og hálku á flugbrautum."
Brynja sagði, að mesta frost á
Ítalíu hefði mælst í Bormio, sem
er borg upp til fjalla. Þar hefði
frostið verið 35 stig, en mesta
frost í Torino hefði verið 15 stig.
„ítalir bera sig mjög illa yfir
kuldunum og eiga erfitt með að
sætta sig við að þurfa að kynda
húsin sín mikið, enda er olían
dýr,“ sagði Brynja. „Við hér í
Torino getum nú varla kvartað,
en óneitanlega er það skrítið að
svona kalt skuli vera hér.“
Formaður Sjálfstæðisflokksins um
grein Jónatans Þórmundssonar:
Auðvitað á ekki
að hrapa að
neinu í flaustri
„ÉG ER sammála honum að því
leyti að þessar tillögur taka ekki á
einu mjög mikilvægu máli varðandi
Stjórnarráðið og vinnubrögð í opin-
berri stjórnsýslu og það eru verk-
efnaskil á milli ráðuneytanna sjálfra
og einstakra ríkisstofnana,1* sagði
Imrsteinn Pálsson formaður Sjálf-
stæðisflokksins, er hann var spurður
álits á grein Jónatans Þórmundsson-
ar prófessors í Mbl. á fimmtudag, en
þar varar Jónatan við samþykkt ým-
issa af þeim tillögum sem liggja nú
frammi til breytinga á stjórnskipan
landsins. Forsætisráðherra sagðist
ckki hafa lesið grein Jónatans, en
eftir því sem hann hefði heyrt af
henni væri hann sammála Jónatani
að því leyti að vanda þyrfti til þess-
ara breytinga.
Þorsteinn sagðist hins vegar
ekki vera sammála Jónatan að
öllu leyti. Hann sagði: „Ég er hins
vegar ekki sammála honum að því
er varðar neikvæða afstöðu hans
til hreyfanleika í stjórnarráðinu.
þar held ég að núverandi kerfi sé í
of föstum skorðum. Hitt má vel
vera að það megi sníða reglur þar
um með heppilegri hætti en
nefndin leggur til. Mín afstaða er
sú, að ríkisstjórnin eigi að taka af
skarið og leggja fram frumvarp
um þetta mál í því formi sem sam-
komulag verður um og þingið á
síðan að fjalla um málið. Þetta er
mikið verk og þetta er vandaverk.
Auðvitað á ekki að hrapa að neinu
í flaustri. En það þýðir hins vegar
ekki að það eigi að drepa málinu á
dreif fyrir þá sök.
Forsætisráðherra, Steingrímur
Hermannsson, sagðist ennfremur
vera þeirrar skoðunar að stjórn-
kerfistillögurnar þyrftu að vera
sveigjanlegar, ekki mætti binda
þær allt of ákveðið í frumvörpum
og lögum.
INNLENT
Sjávarafurðadeild SÍS:
Aukning bæði í fram-
leiðslu og útflutningi
TÖLUVERÐ aukning varð á fram-
leiðslu og útflutningi frystra sjávar-
afurða milli áranna 1984 og 1983 hjá
Sjávarafurðadeild Sambandsins.
Heildarframleiðslan jókst um 17%
og útflutningur um 19%, í báðum
tilfellum miðað við magn.
Heildarframleiðsla allra frysti-
húsa á vegum Sambandsins á síð-
asta ári nam alls 46.550 lestum. Af
fimm helztu botnfisktegundum
var framleiðslan eftirfarandi:
Þorskur 19.880 lestir, 29% aukn-
ing, karfi 7.870 lestir, aukning 9%,
ufsi 3.380 lestir, aukning 3%, grá-
lúða 4.970, aukning 32%, og ýsa
2.800 lestir, samdráttur 30%.
Útflutningur allra frystra af-
urða á síðasta ári nam 47.160 lest-
um. Útflutningur til helztu
markaðslanda var sem hér segir:
Bandaríkin 23.710 lestir, aukning
2%, Sovétríkin 6.200 lestir, aukn-
ing 14%, Bretland 5.980 lestir,
aukning 42%, Japan og Kórea
2.410 lestir, aukning frá síðasta
ári 2.300 lestir, og önnur mark-
aðslönd 3.080 lestir, aukning 11%.
Upplýsingar þessar eru fengnar
frá Sigurði Markússyni, fram-
kvæmdastjóra Sjávarafurðadeild-
ar Sambandsins.
Spariskírteini ríkissjóðs:
315 milljón-
ir innleysan-
legar 10. janúar
SPARISKÍRTEINI ríkissjóðs,
flokkur 75,1, sem eru innleysanleg
með gjalddaga hinn 10. þessa
mánaðar nema um 315 milljónum
króna og er miðað við verðlag í
nóvember 1984. Annar flokkur
spariskírteina er með gjalddaga
25. janúar og verða þá innleysan-
legar 534 milljónir króna, einnig á
verðlagi i nóvember 1984.
Eþíópíusöfnun Hjálparstofnunar kirkjunnar:
Hópur listamanna með
skemmtun í Háskólabíói
HÓPUR listamanna hefur tekið sig
saman og heldur skemmtun til
styrktar Eþíópíusöfnun Hjálpar-
stofnunar kirkjunnar í Háskólabíói
fimmtudagskvöldið 17. janúar
klukkan 22.
Þeir sem standa að skemmtun-
inni eru Sinfóníuhljómsveit Is-
lands, Sigurður Björnsson og
Sieglinde Kahmann, Páll P. Páls-
son, Karlakór Reykjavíkur, ís-
lenski dansflokkurinn, ómar
Ragnarsson, Friðbjörn G. Jóns-
son, Söngflokkurinn Raddbandið,
Jón Kr. Cortes, Kór Melaskólans,
Helga Gunnarsdóttir, Jónas Þórir
og Big Band undir stjórn Björns
Rósinkrans Einarssonar. Ög-
mundur Jónasson verður kynnir.
Dagskráin verður fjölbreytt og
fá gestir að heyra Vínartónlist, ís-
lenzk alþýðulög, lög frá sveiflu-
tímabilinu, rússnesk lög og gam-
anmál ýmiss konar. Hljóðfæra-
verzlunin Tónkvísl sér um hljóð-
blöndun og lánar tæki, Háskólabíó
leggur til húsnæðið endurgjalds-
laust og Gróðrarstöðin Lambhagi
í Reykjavík sér um skreytingar í
sal. Aðgöngumiðaverð rennur
óskert til söfnunarinnar og hefst
forsala í Háskólabíói og Kirkju-
húsinu 12. janúar.
Úr'sýningu íslenska
dansflokksins á Öskubusku.