Morgunblaðið - 12.01.1985, Side 48

EUPOCARD
l-- --J
Tll DAGUEGRA NOTA
LAUGARDAGUR 12. JANÚAR 1985
VERÐ í LAUSASÖLU 25 KR.
Mannekla í fiskvinnslu:
100 atvinnuleyfi
fyrir útlendinga
TALSVERÐ mannekla er nú f fiskvinnslu um land allt Vegna þess hefur
félagsmálaráðuneytift gefið út atvinnuleyfi fyrir rúmlega 100 erlendar stúlk-
ur hér á landi síðan í nóvember. Hefur þetta ástand meðal annars haft í för
með sér aukinn útflutning á ferskum fiski og jafnframt eru þess dæmi, að
orðið hafl að vinna fisk f óhagkvæmari umbúðir en ella til að forða honum
frá skemmdum.
Guðrún Eyjólfsdóttir, starfs-
maður Sölumiðstöðvar hraðfrysti-
húsanna, sem meðal annars hefur
milligöngu um ráðningu erlends
starfsfólks fyrir fiskvinnsluna,
sagði í samtali við Morgunblaðið,
að talsverð eftirspurn hefði verið
eftir stúlkum frá Bretlandi til
vinnu f frystihúsum að undan-
förnu, bæði hjá SH og SlS. Vegna
þessa hefðu verið gefin út yfir 100
atvinnuleyfi fyrir útlendinga í þvf
skyni að bæta stöðuna, en misjafn-
lega gengi að fá brezku stúlkurnar
til vinnu hér. Því hefðu þessi leyfi
ekki enn verið nýtt nema að hluta
tiL
Atvinnuleyfi fyrir útlendinga í
fiskvinnslu hér á landi eru ekki
veitt nema að fenginni umsögn við-
MorRunbladið/SÍRurReir.
Brugðið á leik á
grímudansleik
„LITLI sótarinn" vann til verð-
launa á grímudansleik, sem Ey-
verjar gengust fyrir fyrir böm I
Samkomuhúsinu í Vestmanna-
eyjum á dögunum. Margir
mættu þarna til að sýna sig og
sjá aðra og vakti geimálfurinn
ET mesta athygli. Auk hans má
nefna japanskar geishur, brúð-
hjón meö pípuhatt og slör,
hjúkrunarkonur i fullum skrúöa,
konu á peysufötum, ungbörn i
vagni og Andrés önd mætti
þarna galvaskur. Einnig sáust á
röltinu myndavél af japanskri
gerð, olíutankur, eldspýtna-
stokkur frá Rússlandi og gang-
andi gulrót.
komandi verkalýðsfélags eftir að
sannreynt hefur verið, að innlent
starfsfólk sé ekki fáanlegt.
Guðjón Smári Agnarsson, fram-
kvæmdastjóri Síldarvinnslunnar í
Neskaupstað, sagði f samtali við
Morgunblaðið, að talsverð mann-
ekla væri hjá fyrirtækinu og vant-
aði 20 til 30 stúlkur til vinnu. Mikið
hefði verið auglýst en án árangurs.
Þvf hefði fyrirtækið meðal annars
óskað eftir starfsstúlkum frá
Bretlandi. Hann sagðist telja, að
þarna skiptu laun starfsfólksins
mestu máli, þvi eins og búið væri
að fiskvinnslunni gæti hún ekki
greitt mannsæmandi laun. Þetta
hefði slæm áhrif á vinnsluna og
gæti haft þær afleiðingar, að pakka
þyrfti fiskinum í ódýrari pakkn-
ingar en ella til að hafa undan. Auk
þess yrði nýting húsa og tækja lé-
leg með þessu móti.
Guðjón Smári sagði, að fram á
haustið hefði fyrirtækið losnað við
kúfinn af fiskinum með því að láta
Börk sigla með hann. Hann væri nú
kominn á loðnu og því yrði að salta
meira en gott þætti, þar sem af-
koman þar væri neikvæðari en f
frystingu.
"4K> -
4i *
bw ? >n,i
f m
Morgunblaðið/Árni Sæberg.
Héldu upp á aldarafmæli langömmu
GUÐRÚN B. Daníelsdóttir frá Hvammstanga hélt upp
á 100 ára afmæli sitt í gær. Þá var þessi mynd tekin af
henni ásamt barnabörnum hennar.
Þau eru í efstu röð frá vinstri: Sigrún, Kolbrún,
Erling, Sigrún, Bjarki Þór, Klara, Gisli, Ragna og
Sigurður.
I miðröð eru þau Svava, Rafael, Silvía Hlíf,
Hjálmtýr Valur, Smári og Jón Trausti. í fremstu
röð eru Linda, Amanda, Katrín, Gunnar Þór, Jón
Oddur og Þorgrímur. Sex barnabarnabarna Guð-
rúnar vantar á myndina, þau Úlfar Þór, Guðmund
Karl, Vigdisi Klöru, Halldóru Æsu, Júliönu, Hlíf
Helgu og Söndru. Alls eru langömmubörn Guðrún-
ar því 27 og nýlega fæddist fyrsta langalangömmu-
barn hennar, Sigrún Huld.
Guðrún var gift Hjálmtý Sumarliðasyni, er lést
árið 1918 og áttu þau fjögur bðrn, en eitt þeirra
lést í æsku. Barnabörn Guðrúnar eru 13.
Vaxandi vanskil áber-
andi og mjög alvarleg
— segir Jónas Haralz bankastjóri Landsbankans
„ÞAÐ eru vaxandi vanskil einstakl-
inga og fyrirtækja við Landsbank-
ann og ég þykist vita að svo sé einn-
ig í öðrum bönkum. Þessi vanskil
eru bæði mjög áberandi og alvarleg,
en ég get ekki farið með neinar tölur
í þessu sambandi,“ sagði Jónas Har-
alz, bankastjóri Landsbankans, í
samtali við Morgunblaðið.
Jónas sagði ennfremur, að mikið
af lánum færu f vanskil í stuttan
tima og væri það allt annars eðlis
en færu lánin í vanskil í lengri
tíma. Vanskil í sjávarútvegi væru
eins og menn vissu framúrskar-
andi alvarleg og búin að vera það í
langan tíma. Þegar menn vissu af
skuldbreytingu yrði staðan enn al-
varlegri, því þá hættu menn að
reyna að standa í skilum. Núver-
andi skuldbreytingu væri enn ekki
lokið og ástandið því alvarlegt.
Skýring þessa væri hugsanlega sú,
að mönnum hefði gengið erfiðlega
að átta sig á þvf, að raunvextir
hefðu hækkað. Það væri ekki leng-
ur borgað með lánum, heldur yrðu
menn að borga jákvæða raunvexti,
sem í raun væru nokkuð lægri hér
en víðast annars staðar. Menn
yrðu að gera sér grein fyrir því, að
erfitt væri að standa undir lánum
nema um arðbæra fjárfestingu
væri að ræða eða að einstaklingar
reistu sér ekki hurðarás um öxl.
Áður hefði það heitið svo, að verð-
bólgan hefði leyst þetta vandamál.
Það væri sá draugur, sem nú væri
verið að fást við, því peningaleysið
stafaði auðvitað af verðbólgu sfð-
ustu ára.
Aðspurður um afkomu bank-
anna sagði Jónas hana mjög
slæma og væri helzta orsökin sú,
að vaxtabil milli inn- og útlána nú
væri of lágt og mun lægra en er-
lendis.
Skýrsla um Kröfluelda:
Kröfluvirkjun í aukinni hættu
— ef aftur fer ad gjósa við Leirhnjúk
„VIÐ HÖFUM ákaflega lítið í hönd-
unum til að segja nákvæmlega fyrir
um hvað muni gerast ef aftur fer að
gjósa við Kröflu, en hins vegar má
segja, að ef hraun fer að renna
þarna er leiðin að mannvirkjunum
greiðari en áður,“ sagði Axel Björns-
son, jarðeðlisfræðingur hjá Orkust-
ofnun, er hann var spurður um
skýrslu sem út er komin um þróun
Kröfluelda. Samkvæmt skýrslunni
eru mannvirki við Kröflu í meiri
hættu nú en áður, ef aftur fer að
gjósa við Leirhnjúk.
„Þessi skýrsla er samantekt á
Kröflueldum frá upphafi og það er
reynt að meta það, hvort hætta á
hraunflæði að Kröfluvirkjun hafi
aukist eða minnkað og einnig er
reynt að meta hver framvindan
gæti orðið í Kröflueldum," sagði
Áxel Björnsson ennfremur. „Við
komumst að því, að við höfum litið
í höndunum til að segja fyrir um
hvað muni gerast. Við komumst
einnig að þeirri niðurstöðu að
hræringum þarna er ekki lokið,
þetta er í gangi ennþá. Það getur
orðið langt hlé á milli, en við vit-
um ekkert um það. Og ef aftur
kemur upp hraun vitum við ákaf-
lega lítið um það hvar það kemur
upp og hversu mikið. Það eina sem
gerir hlutina ef til vill eitthvað
alvarlegri en áður er, að þau
hraun sem hingað til hafa runnið,
hafa fyllt upp að ýmsum sprung-
um og ójöfnum í landslaginu,
þannig að ef hraun kemur upp í
Leirhnjúk, nálægt Kröfluvirkjun,
er leiðin að mannvirkjunum greið-
ari en hún hefur verið áður,“ sagði
Axel.
1 skýrslunni kemur fram, að
ástæða er til að fylgjast vel með
framvindu mála á Kröflusvæðinu,
reka áfram jarðskjálftamæla og
fylgjast með landhæðarbreyting-
um eins og gert hefur verið. Einn-
ig segir í skýrslunni, að æskilegt
væri að taka til endurmats eldri
áætlanir um byggingu varnar-
garða, er mest myndu draga úr
hættu á hraunrennsli i átt að
Kröfluvirkjun.
Þess má geta, að í frétt Morgun-
blaðsins, sunnudaginn 6. janúar
sl., er haft eftir Páli Einarssyni,
jarðeðlisfræðingi, að landris við
Kröflu hafi verið mjög hægt eða
nánast ekkert að undanförnu og
gæti það bent til, að þrýstingur í
kvikuhólfinu sé nú orðinn hærri
en hann var fyrir siðasta gos.
Hlýviðrið
helst áfram
ALLT (JTLIT er fyrir, aö milda
veöriö hér á landi haldist í allt aö
viku í viðbóL
Hjá Veðurstofu Islands feng-
ust þær upplýsingar, aö i dag
yrði sunnanátt og rigning um
mest allt Suður- og Vesturland,
en að líkindum yrði þurrviðri
fyrir norðan og á Austfjörðum.
Veðurfræðingar telja, að milda
veðrið haldist áfram, þvi sunn-
anáttinni virðist ekki ætla að
linna. Að vísu má búast við að
kólni við og við þegar áttin verð-
ur vestlægari, og á sunnudag má
jafnvel búast við slydduéljum
sunnanlands og vestan-. En að
jafnaði helst blíðan áfram og ís-
lendingar þurfa því varla að
óttast vetrarhörkur á næstunni.
Að sögn Hafliða Jónssonar,
garðyrkjustjóra Reykjavíkur-
borgar, er ekki hætta á að gróð-
ur fari að taka við sér nú, þótt
milt sé í veðri. „Það er of
snemmt fyrir gróðurinn hér á
landi að taka við sér, en ef hlý-
viðrið helst lengi, þá gæti auð-
vitað verið að vissar tegundir
færu af stað,“ sagði Hafliði.
„Hitastigið hefur alltaf verið við
frostmark undanfarið og það
þarf meira til að gróður taki við
sér í janúar.“