Morgunblaðið - 03.03.1985, Page 51

MORGUNBLAÐIÐ, SUNNUDAGUR 3. MARS 1985
51
Sjötugur á morgun:
Guðlaugur Guðmunds-
son í Ólafsvík
Mætur Snæfellingur gat þess í
afmælisKrein nýlega, venna «aKn-
rýni á slík greinaskrif yfirleitt, að
þau hlytu að réttlætast, ef menn
væru að minnast á sjaldgæf „ein-
tök“ sem óvíða eiga sína iíka.
Fyrrgreindur Snæfellingur er
með réttu mikill aðdáandi sr.
Árna Þórarinssonar og vitnar oft
til athugana hans á atferli og
hugsunarhætti Snæfellinga. Ég
ætla að leyfa mér það lika.
Sr. Árni sagði m.a. að Snæfell-
ingar hefðu búið sér ýmis lögmál
til að fara eftir. Hér með tökum
við okkur þann rétt, Snæfellingar,
að skrifa afmælisgreinar þegar
okkur þykir sem gildar ástæður
séu til.
Til þess svo að útkljá þetta við
aðra íbúa þessa lands og sýna að
alvara er að baki er rétt að geta
þess áð okkar kæri sr. Árni sagði
líka að nóg væri af blygðunarleysi
hér vestra, iðrun ekki til, heldur
stælur og þjark.
Má af því sjá að frá þessu iög-
máli verður okkur ekki hrundið.
Að þessu gefnu sting ég niður
penna til þess að láta þess getið að
á morgun, 4. mars, verður sjötug-
ur Guðlaugur Guðmundsson, út-
gerðarmaður í Ólafsvík. Kunnugir
trúa því vart, enda verður ekki á
útliti né athöfnum merkt að þar
fari maður árgerð 1915.
Teinréttur gengur hann til dag-
legra starfa við útgerðina, aðal-
lega í iandi nú orðið, en þó kemur
fyrir að synir hans fá hann til
róðra og þá er Laugi ánægðastur.
Sjómannsferill hans spannar nú
vel á sjötta áratuginn, ailt frá því
að vera unglingur á skútu við
handfæraveiðar til sóknar á bát-
um nýjustu gerðar.
Það hefir því margt á dagana
drifið. Skipstjóraárin eru orðin
mörg og farsæl. Eitt sinn tókst
honum með snarræði og auðvitaö
hjálp æðri máttarvalda að bjarga
báti sínurn og áhöfn frá því að
hverfa í djúpið í suðvestan stór-
viðri suður í Faxaflóa.
Það bar þannig til að í þessum
erfiða róðri kom ákafur leki að
bátnum og virtist ekki verða við
neitt ráðið. Önnur skip voru ekki
nálæg. Lét Laugi þá taka hálm-
dýnur úr kojum, rista þær upp og
ýta hálminum niður með kinnung
bátsins.
Þar kom aðsog sjávarins inn í
bátinn, greip hálminn með sér og
festi í þar sem báturinn hafði
slegið úr sér.
Dugði þetta þar til hjálp barst
og báturinn var dreginn til Akra-
ness. Laugi er ekki margmáll um
þetta atvik eða önnur sem eru
honum til upphefðar en í frásögn-
um frá lífsins léttu völsum dregur
hann sjálfan sig hvergi í skjól.
Þannig hefi ég heyrt hann segja
frá því er hann komst í það senni-
lega einn íslendinga að þurfa að
ganga til skips endilanga Hverfis-
götuna i Reykjavík á prjónbuxum
nær einum klæða og ódrukkinn í
þokkabót.
Laugi Guðmunds hefir sem sé
ekki kallað allt ömmu sína frekar
en bróðir hans, hinn frægi Ólafs-
víkur-Kalli.
Enginn er heldur svikinn af því
að heyra Lauga segja frá. Bæði er
að minnið er gott og frásagnar-
gleðin rík og gamansemin í besta
lagi. Atvinnusaga Ólafsvíkur og
sagnir af mönnum og málefnum
eru honum hugleikin. Það eru ekki
neinar ýkjur að eftirsóknarvert
þykir að vera með Lauga á góðri
stund. Þá er nú ekki verið að sigla
á svörtu ljósunum.
Laugi hefir verið hinn spakasti í
hjónabandi með sinni vænu konu,
Ingibjörgu Steinþórsdóttur. Níu
börnum hafa þau komið til manns
og eru búin að gifta þau öll. Það
var stundum þröngt í hreiðrinu á
árum áður en ævinlega nóg í sig
og á. Þrátt fyrir níu barna þreytu
má oft líkja þeim Ingu og Lauga
við tvær ástfangnar dúfur, sem nú
eru raunar einar eftir í kotinu.
Öðru hverju fyllist svo kotið hópi
afkomenda sem sækja í að heim-
sækja þau.
Laugi er eins og áður sagði enn-
þá fullur af gamni og glettum.
Hann er að vísu nýlega hættur að
fara í hryggspennu og slíkar
þrautir við syni og tengdasyni en
bregður heldur á leik við þá á
ýmsan annan hátt ef svo ber und-
ir. Fer hann ekkert leynt með að
hafa gaman af að bera hærri hlut.
Það má því segja að með þessum
greinarstúf komi frá mér krókur á
móti bragði því lítt er Laugi gef-
inn fyrir að láta á sér bera.
Aðalsviðið er sjórinn, bryggjan,
verbúðin og svo heimilið og er svo
um marga bestu menn þessarar
þjóðar.
Jú, reyndar hefir Laugi gaman
af að fylgja bátum sínum í slipþ,
t.d. í Stykkishólm. Hittir hann þá
gjarnan kunningja frá gamalli tíð,
félaga úr sjósókninni. Þá ber
Laugi sig vel og fer á kostum við
að rifja upp gamlar sögur og
minningar og er tekið þar sem
kóngi.
Kunningja- og vinahópurinn er
reyndar stór og víða um land. Veit
ég að þeir staðfesta að hér er fjall-
að um mjög sérstakt „eintak".
Eftir því sem ég best veit ætlar
Laugi að vera einhverstaðar úr
kallfæri á afmælisdaginn. Það
kemur þó ekki í veg fyrir að vinir
og ættingjar skáli við hann í hug-
anum.
Ég veit ég mæli fyrir munn
margra þegar ég færi honum hlýj-
ustu kveðjur í tilefni dagsins með
þeirri ósk að enn megi Laugi Guð-
munds sigla fleyi sínu með glæsi-
brag og vera fengsæll á lífsgleðina
þá löngu leið sem enn er eftir að.
hinstu vör.
Helgi
SERHANNAÐ
FYRIRÞIG
Samvinna við frábæra hönnuði, tækni og reynsla
hefur gert okkur kleift að bjóða einingahús
við hæfi íslendinga.
Samtakshúsin eru falleg, traust, framúrskarandi
hlý og síðast en ekki síst hagkvæm og hönnuð eftir
óskum hvers og eins.
Stuttur afgreiðslufrestur - Lán frá HR fyrir hendi -
Ytri klæðning eftir vali (timbur, múrsteinn, steniplötur)
- Sérstaklega góð einangrun, þrefalt gler.
Gerum tillögur ykkur að kostnaðarlausu
SAMTAKfR
HUSEININGAR LJ
GAGNHEIÐ11 - 800 SELFOSSI
SÍMI99-2333
Umboð í Reykjavík: Múlasel hf.( Síðumúla 4. S.: 91-68 64 33
HjóTaslólarall
í Laugardalshöll
36 þekktir stjórnmálamenn, íþróttamenn og
hjólastólanotendur keppa á stórkostlegu
hjólastólaralli, sem Sjálfsbjörg, landssamband
fatlaðra, stendur fyrir í tilefni 25 ára afmælis
síns, í Laugardalshöll sunnudaginn 3. mars.
Keppnin verður sett kl. 14:00 en Lúðrasveitin
Svanur mun leika frá kl. 13:30.
Á milli umferða verður sýndur breakdans,
Rúrik Vignir Albertsson og fél.,
Þjóðlagakvartettinn Frost syngur.
Sjálfsbjjörg
andssamband vatlaðra