Morgunblaðið - 14.03.1985, Side 36

36
MORGUNBLAÐIÐ, FIMMTUDAGUR 14. MARZ 1985
Til þingfundar
Hér stendur Ólafur G. Einarsson, formaður þingflokks sjálfstæð-
ismanna, með krata á báðar hendur, Karvel Pálmason á vinstri hönd
og Eið Guðnason á hægri, á leið til þingfundar.
Stuttar þingfréttir *
STEINGRÍMUR HER-
MANNSSON forsætisráðherra
mælti í gær fyrir tveimur stjórn-
arfrumvörpum sem tengjast
vandamálum sjávarútvegs og sjó-
mannasamningum, annarsvegar
um aflatryggingarsjóð og hins-
vegar um lækkun sérstaks kostn-
aðarhlutar útgerðar (sjá þingsíð-
ur Mbl. í gær og fyrradag). — AL-
EXANDER STEFÁNSSON fé-
lagsmálaráðherra mælti fyrir
stjórnarfrumvarpi um ríkis-
ábyrgð á launum og Jón Helgason
dómsmálaráðherra fyrir stjórnar-
frumvarpi til breytinga á þinglýs-
ingarlögum. — Frumvarp þing-
manna Alþýðuflokks um afnám
ríkiseinokunar á innflutningi
eldspýtna og vindlingapappírs var
samþykkt frá efri til neðri deildar
með 12:1 atkvæði. — Þá var fram
haldið í neðri deild annarri um-
ræðu um frumvarp að nýjum út-
varpslögum, sem staðið hefur
marga fundi, og stóð umræða
fram á kvöld.
Afnám alls misréttis
gagnvart konum
Fram hefur verið lögð stjórnar-
tillaga til þingsályktunar um
heimild fyrir ríkisstjórnina til að
fullgilda samning um afnám alls
misréttis gagnvart konum, sem
gerður var og samþykktur á alls-
herjarþingi Sameinuðu þjóðanna
í New York 18. desember 1979.
Lífeyrisréttindi húsmæðra
Þingmenn úr öllum flokkum
nema Samtökum um kvennalista
fluttu frumvarp til laga um Iíf-
eyrisréttindi húsmæðra, en
heimavinnandi húsmæður eru
eina atvinnustéttin hér á landi
sem engra lífeyrisréttinda nýtur.
Fyrsti flutningsmaður er Sighvat-
ur Björgvinsson (A).
Þinglesning og bflasala
Frumvarp til breytinga á þing-
lesningarlögum hefur verið lagt
fram á Alþingi. Samkvæmt frum-
varpi til umferðarlaga, sem nú
liggur fyrir Alþingi, er gert ráð
fyrir því að umdæmisskráning
ökutækja verði lögð niður, og að
Bifreiðaeftirlit ríkisins annist
skráningu ökutækja í stað lög-
reglustjóra. Nauðsynlegt þótti að
aðlaga ákvæði þingskaparlaga
nýjum reglum um skráningu öku-
tækja, ef lögfestar verða. Frum-
varpið felur í sér breytingar að
þessu leyti og er þá gert ráð fyrir
því, að um þinglýsingu skjala, er
varða skráðar bifreiðir, fari eftir
sömu reglum og um lausafé al-
mennt, svo sem ákveðið er í VII.
kafla þinglýsingarlaga.
Hreyfíhamlaðir og
Þjóðleikhúsið
SIGRÍÐUR ÞORVALDSDÓTT-
IR og fleiri þingmenn Samtaka
um kvennalista hafa lagt fram til-
lögu til þingsályktunar, sem felur
ríkisstjórninni, ef samþykkt verð-
ur, „að sjá til þess að fyrir upphaf
næsta leikárs verði gerðar endur-
bætur á aðstöðu fatlaðra til að
sækja Þjóðleikhúsið. Undirbún-
ingsvinna að þessum fram-
kvæmdum hefjist hið fyrsta".
Vitnað er til þingsályktunar frá
1980 um endurbætur á opinberu
húsnæði til að auðvelda hreyfi-
hömluðum aðgang. Starfshópur
um ferlimál fatlaðra hafi árið
1981 lagt fram hugmyndir um
endurbætur á Þjóðleikhúsinu m.a.
um lyftu með fimm viðkomustöð-
um á austurhlið hússins, nýtt
stórt anddyri með miðasölu hús-
sins verði byggt við austurhlið,
um sérhannaða snyrtiaðstöðu o.fl.
Þróunarstofur
landshlutanna
GUÐMUNDUR EINARSSON
o.fl. þingmenn Bandalags jafnaö-
armanna hafa lagt fram tillögu til
þingsályktunar, sem felur ríkis-
stjórninni, verði hún samþykkt,
„að láta semja frumvarp til laga
um þróunarstofur landshlut-
anna“. Þróunarstofur hafi for-
göngu um mótun byggðastefnu og
veiti alhliða ráðgjöf á öllum svið-
um atvinnulífsins. Stjórnir
þróunarstofa séu skipaðar full-
trúum lýðræðislega kjörinna
landshlutasamtaka. Þær starfi í
nánum tengslum við Byggða- og
áætlandeild.
Fyrirspurnir
• BIRGIR ÍSLEIFUR GUNN-
ARSSON (S) spyr menntamála-
ráðherra, hvað líði framkvæmd
þingsályktunar um eflingu list-
iðnaðar og iðnhönnunar sem sam-
þykkt var á Alþingi 3. maí 1982.
• GUÐRÚN AGNARSDÓTTIR
(Kvl.) spyr félagsmálaráðherra,
hve miklar tekjur sveitarfélaga
hafi verið árið 1984 af 4% hlunn-
indaskatti, skv. 5. mgr. 3. gr. Iaga
nr. 73/1980; hvaða sveitarfélög
hafi möguleika á að nýta þennan
tekjustofn og hver hafi beitt
heimild laganna og lagt hlunn-
indaskatt á utansveitarmenn; hve
margir eigendur hlunninda á
landinu séu búsettir utan þeirrar
sveitar þar sem hlunnindaeign
þeirra er.
• SIGHVATUR BJÖRGVINS-
SON (A) og KJARTAN Jó-
HANNSSON (A) spyrja við-
skiptaráðherra, hvort hann sé
reiðubúinn til þess að setja reglur
um gerð greiðslukvittana frá
bönkum, lífeyrissjóðum og öðrum
lánastofnunum, sem tryggi að
ávalit séu gefnar við greiðslu
sundurliðaðar upplýsingar um af-
borgun láns annars vegar og upp-
hæð vaxta, verðbóta og kostnaðar
hins vegar.
• KJARTAN JÓHANNSSON (A)
spyr viðskiptaráðherra, hvaða
raunvextir hafi verið á afurðalán-
um vegna útflutnings annars veg-
ar og á afurðalánum vegna sölu
innanlands hinsvegar 1/8/84 til
1/2/85. Ef um mismun sé að ræða
spyrja þeir, hvort ráðherra telji
muninn eðlilegan og hvaða efna-
hagsleg rök séu fyrir honum.
Fjárfestingarsjóður launamanna:
Launin betur komin í
launaumslögum fólks
sagði Valdimar Indriðason
Kagnar Arnalds (Abl.) mælti í
gær í efri deild fyrir frumvarpi,
sem hann ílytur ásamt flokks-
bræðrum sínum, Helga Seljan og
Skúla Alexanderssyni, um fjár-
festingarsjóð launamanna. Frum-
varpið gerif ráð fyrir að allur at-
vinnurekstUr greiði W % af heild-
arlaunum starfsmanna 1986 í fjár-
festingarsjóðinn og fari framlagið
hækkandi um V\% á ári unz það
nær 2%. Sjóðinn á m.a. að nota til
að fjárfesta í atvinnulífinu, en
hann er hugsaður sem sjálfstæð
stofnun með 45 manna yfirstjórn
frá samtökum launafólks.
Greiðsla frá atvinnurekstri skal
færð á reikning viðkomandi
launamanns sem telst inneign
hans hjá sjóðnum.
í gréinargerð flutningsmanna
segir m.a.:
„Spyrja má hvort með þessu
væri ekki verið að leggja gjald á
atvinnureksturinn sem síðan væri
endurgreitt í formi hlutafjár eða
lánsfjár. Svo er ekki. Greiðslan
Kiöur Gudnason
kæmi frá báðum aðilum, launa-
greiðendum og launamönnum, án
þess að greint yrði á milli hvað
væri frá hverjum; hún kæmi til
frádráttar í bókhaldi rekstrar og
væri því í mörgum tilvikum greidd
af neytendum og auk þess kæmi
greiðslan ekki til skatts, hvorki
hjá launagreiðanda né launa-
manni og væri þess vegna að hluta
til greidd af ríkissjóði."
Valdimar Indriðason (S) sagði
m.a. efnislega að þessi kvöð á at-
vinnureksturinn, ef samþykkt
yrði, myndi hafa áhrif á aðra
greiðslugetu hans og því á kjara-
samninga næstu ára. Spurning
væri hvort þessi fjárhæð væri ekki
betur komin beint í launaumslög
almennings, ef atvinnureksturinn
væri talinn aflögufær. Hér gæti
eitt báknið enn verið í fæðingu, að
sænskri fyrirmynd, sem þungt
gæti verið í burði, þó talsmenn töl-
uðu í þá veru að enginn þyrfti að
greiða neitt. Það sem okkur vant-
aði væri ekki enn ein viðbyggingin
Ragnar Arnalds
enn við sjóðakerfið. Athyglisvert
væri að í greinargerð væri látið að
því liggja að endanlega komi byrð-
in á ríkissjóð, þ.e.a.s. alla skatt-
greiðendur, þ. á m. og ekki sízt
launafólk.
Eiður Guðnason (A) minnti á
samþykkt ASÍ-þings um nauðsyn
þess að safna saman upplýsingum
um framvindu hliðstæðra mála
meðal nágrannaþjóða. Hyggilegra
hefði verið að gefa ASf tóm til að
vinna að eðlilegum undanfara
þessa máls, sem beri í framlögðum
búningi merki fljótræðis og orki
tvímælis um sumt. Launamanna-
sjóðir séu mjög umdeildir í Sví-
þjóð, ekki aðeins milli flokka,
heldur einnig innan Jafnaðar-
mannaflokksins. Hér sé um mál að
ræða sem máske komi ekki Al-
þingi fyrst og fremst við, heldur sé
samningsatriði aðila vinnumark-
aðarins. í því formi sem frum-
varpið sé lagt fram kunni það að
þýða einn baggann enn á skatt-
greiðendur.
Fleiri tóku til máls þó hér verði
ekki frekar rakið.
Valdimar Indriðason
Jón Páll og bangsinn vinur hans spila í nazistana.
Jean-
Paul
hittir
Adolf
Li'J'Ph'.UJ.T.mi
Árni Þórarinsson
Tónabíó: Ás ásanna —
L’As des As ★ ★
Frönsk-þýsk. Árgerð 1982.
Ilandrit og leikstjórn:
Gerard Oury.
Aðalhlutverk: Jean-Paul Bel-
mondo, Marie-France Pisier,
Rachid Ferrache, Giinther Meisn-
er.
Þeir Adolf Hitler og Jean-Paul
Belmondo komust fyrst í tæri
hvor við annan í skotgröfum
fyrri heimsstyrjaldarinnar. Síð-
an bar fundum þeirra saman á
elleftu Ólympíuleikunum sem
Adolf setti upp í Berlín árið
1936. Þangað kom Jean-Paul sem
þjálfari liðs Frakka í hnefaleik-
um. En af því að Jean-Paul er
spaugsamur ævintýramaður
með gullhjarta drap hann tím-
ann í Berlín með því að aðstoða
ungan gyðingastrák og fjöl-
skyldu hans við að komast und-
an mönnum Adolfs úr landi;
hann varð að vísu fyrir því óláni
að taka feil á landamærum
Austurríkis og fjallasetri Adolfs
í Suður-Þýskalandi. En Jean-
Paul bjargaði sér og félögum
sínum út úr þeim ógöngum sem
öðrum, og naut við það hjálpar
gamals vinar úr stríðinu sem
orðinn var hershöfðingi hjá
Adolf, franskrar blaðakonu,
ungs skógarbjarnar, systur
Adolfs sem var afbrýðisöm út í
Evu Braun og fleira góðs fólks.
Svona lítur mannkynssagan út
í þessum glaðbeitta fransk-
þýska farsa, sem hér er þvl mið-
ur dubbaður upp á amerísku.
Þetta er fremur lipur afþreying
sem mun hafa notið mikiila
vinsælda í Frakklandi eins og
flestar mynda leikstjórans Oury
og stjörnunnar Belmondo. Að
visu eru dauðir punktar og held-
ur hallærisleg stýring á samúö
með gyðingum og andúð á naz-
istum sem er út úr stíl við fár-
ánlegar forsendur grínsins. En
svo eru skemmtilegheitin nógu
frískleg þess á milli.
Og auðvitað væri As ásanna
ekki neitt neitt án Jean-Paul.
Hann er að vísu orðinn 52 ára,
sljórri í augunum, rauðþrútnari
á brotnu boxaranefinu og notar
aöeins víðara belti en áður. En
hann leikur enn þá áhættuatrið-
in með jafn sprækum hreyfing-
um og skrúfar frá sjarmanum
eins og kalda vatninu.