Morgunblaðið - 14.03.1985, Blaðsíða 40

40
MORGUNBLAÐIÐ, FIMMTUDAGUR 14. MARZ 1985
Hjónaminning:
Friörikka Sigurðardóttir
og Ingvar Pálmason skipstjóri
Friórikka
Fædd 15. september 1897
Dáin 5. janúar 1985
Ingvar
Fæddur 8. október 1897
Dáinn 2. mars 1985
í dag verður gerð útför Ingvars
Pálmasonar, skipstjóra, sem lést á
Hrafnistu þann 2. mars. Eigin-
kona hans, Friðrikka Sigurðar-
dóttir, lést í byrjun janúar á sama
stað.
Það kom í raun engum á óvart,
sem þekkti þau Ingvar og Frið-
rikku, að þau mundu kveðja með
svo stuttu millibili. Þau höfðu
þekkst frá unga aldri, voru ferm-
ingarsystkin og gift í nær 65 ár.
Einhvern veginn iá í loftinu, að
stutt yrði á milli kveðjustunda.
Ég kynntist Ingvari og Frið-
rikku fyrir fjórtán árum, um líkt
leyti og eiginkonu minni, sem er
sonardóttir þeirra. Þau voru þá
orðin 73 ára gömul, en vel ern og
bjuggu á sínu myndarlega heimili
í Barmahlíð 20 í Reykjavík.
Það var alltaf notalegt að heim-
sækja Ingvar og Friðrikku í
Barmahlíðina. Friðrikka var mikil
rausnarkona. Heimilið var
starfsvettvangur hennar og þar
var alltaf veitt af höfðingsskap.
Þau hjónin höfðu mikil og jákvæð
áhrif á okkur yngra fólkið. Frið-
rikka var glæsileg kona og hafði
til að bera sérstaka reisn, sem
undirstrikaði sterkan og sjálf-
stæðan persónuleika konu, sem
hafði þurft að stýra heimilinu ein
í fjarveru eiginmannsins. Frið-
^ rikka hafði fastmótaðar skoðanir
á lífinu og tilverunni og hafði yndi
af því að ræða við fólk um helstu
dægurmál hverju sinni.
Ingvar Pálmason var athafna-
maður. Allt hans fas í orði og æði
minnti á traust bjarg, sem ekkert
fær haggað. Hann var ekki marg-
máll, en naut þess að segja frá lífi
sínu og starfi sem skipstjóri í 50
ár.
Þær eru ógleymanlegar stund-
irnar sem ég átti með Ingvari þeg-
ar hann rifjaði upp ýmsa atburði
úr sínu viðburðaríka lífi.
Öll ár Ingvars á sjónum var
hann skipstjóri. Hann byrjaði á
árabát frá Norðfirði, en þaðan
voru þau hjón bæði. Ingvar var
landskunnur aflamaður, hann bjó
yfir mikilli þekkingu á fiskimiðum
umhverfis landið og hvernig fisk-
göngum var háttað. Ingvar var
upphafsmaður að síldveiðum í
Hvalfirði árið 1948. Hann hafði
séð hvalavöður og fugl inni á
Hvalfirði og dró þá ályktun, að
hvalurinn og fuglinn væru að
sækja í síld.
Hér er ekki rúm til að greina frá
viðburðaríku lífi Ingvars á sjón-
um, oftast veiddi hann vel, en svo
komu mögur ár á milli þegar illa
gekk og ekki fékkst bein úr sjó.
Þannig skiptust á skin og skúrir
á sjómannsheimilinu, sem gerir
það að verkum, að annaðhvort
gefst fólk upp eða það eflist við
hverja raun.
Þegar Ingvar Pálmason hætti
sjómennsku 66 ára gamall eftir 50
ár á sjó, töldu flestir, að þá myndi
hann setjast í helgan stein. En það
var ólíkt Ingvari að leggja árar í
bát. Þegar hann var kominn í
land, bauð ríkisstjórnin honum að
fara til Ameríku og kynna sér
hvernig væri staðið að veiðiskap
þar í landi.
Ingvar fór vestur og átti fyrst
að hitta að máli Thor Thors, þá-
verandi sendiherra, og fá hjá hon-
um farareyri. Ingvar lét í ljós
áhuga á að fara til Seattle til að
skoða nýja veiðitækni, sem þar
var notuð með góðum árangri.
Sendiherrann spurði Ingvar hvað
hann teldi sig þurfa og peningum.
Ingvar, sem var óvanur því að
þiggja af opinberu fé, nefndi þá
upphæð, sem ferðin til Seattle
kostaði. Þá hló Thor Thors að sögn
Ingvars og margfaldaði upphæð-
ina og sagði að það væri ekki við
hæfi að sendifulltrúi á vegum rík-
isstjórnarinnar erlendis ferðaðist
um eins og beiningamaður. Ingvar
minntist þessa fundar með
ánægju, enda var það í hans anda
að vera rausnarlegur á fé. Rétti
hann oft undirmálsmönnum
hjálparhönd, ef hann átti eitthvað
aflögu.
í Seattle komst Ingvar í sam-
band við útvegsmenn, sem buðu
honum alla sína aðstoð. Hann
hafði séð fiskibáta niður við höfn
með kraftblökkum og nú óskaði
hann eftir því að fá að fara í veiði-
ferð með báti, sem var útbúinn
kraftblökk. Hann var 3 vikur á
bátum frá Seattle og sá fljótt, að
hér var um nýjung að ræða, sem
var bylting í veiðitækni. Ingvar
hafði uppá framleiðanda kraft-
blakkarinnar og samdi um að fá
tvær kraftblakkir til íslands til
reynslu.
Heim kominn hóf Ingvar kynn-
ingu á kraftblökkinni. Ymsir skip-
stjórar sem Ingvar þekkti höfðu í
fyrstu ótrú á þessari nýjung og
þótti fjarstæða að láta sér detta í
hug, að hægt væri að nota veiði-
tækni í Atlantshafi sem notuð
væri í Kyrrahafinu. En Ingvar var
sannfærður um ágæti kraftblakk-
arinnar og fékk kunningja sinn til
að gera tilraunir með búnaðinn
hér á landi.
I. Pálmason hf. var stofnað
1962, m.a. til að sinna þessari
tæknivæðingu. Ingvar Pálmason
starfaði í fyrirtæki sínu þar til
hann var 82 ára gamall.
Ingvar hlaut ýmsar viðurkenn-
ingar fyrir störf sín í þágu sjávar-
útvegs, m.a. var hann sæmdur
Hinni íslensku fálkaorðu.
Ingvar og Friðrikka höfðu mikla
ánægju af ferðalögum. Oft heim-
sóttu þau æskustöðvarnar á Norð-
firði, en einnig ferðuðust þau mik-
ið til annarra landa. Við hjónin
minnumst þess með sérstakri
ánægju, er þau dvöldu um tíma
hjá okkur í Svíþjóð fyrir nokkrum
árum, þá komin á níræðisaldur.
Þau Friðrikka og Ingvar eignuð-
ust fjögur börn, en eitt þeirra,
Auður Halldóra, lést í æsku. Hin
eru Pálmi, búsettur f Bandaríkj-
unum, Auður, gift Sigurði Eiríks-
syni, og Sigurður, kvæntur Vé-
laugu Steinsdóttur. Einnig ólu þau
upp systurdóttur Friðrikku,
Björgu Sigurðardóttur, sem býr á
Neskaupstað og var gift Guð-
mundi Jónssyni, en hann lést á sl.
ári. Þau eignuðust 11 barnabörn
og 7 barnabarnabörn.
Friðrikka hélt heimili þeirra
hjóna þar til fyrir tveimur árum,
er þau fluttust að Hrafnistu.
„Ungur má, en gamall skal.“
Ingvar og Friðrikka hafa skilað
sínu hlutverki. Aldurhnigin heið-
urshjón fylgjast nú að til nýrra
heimkynna. Við minnumst þeirra
með virðingu og þakklæti.
Sveinn Hjörtur Hjartarson
Fráfall Ingvars Pálmasonar
snart mig. Ég minnist hans og
konu hans þegar þau bjuggu að
Barmahlíð 20. Þangað kom ég oft
og gleymi seint hve vel var á móti
mér tekið. Ávallt var mér tekið
opnum örmum.
í mínum augum var Ingvar mik-
ill og stórhuga maður, og tek ég þá
vægt til orða, hann var mikill
aflamaður og vel liðinn skipstjóri.
Þegar hann hætti til sjós réðst
hann í það að kynna sér meðferð á
svokölluðum kraftblokkum til
fiskveiða vestur í Kanada. Þær
ollu síðan hreinni byltingu hér á
íslenska fiskiskipaflotanum.
Afskipti hans af þessu máli
sýndu vel stórhug hans og nú er
fyrirtækið rekið með miklum
blóma.
Þessum fáu orðum vil ég ljúka
með því að senda öllum ættingjum
Ingvars mínar innilegustu samúð-
arkveðjur.
Agnar K. Svendsen
Ingvar Pálmason skipstjóri,
Barmahlíð 20, Reykjavík, verður
til grafar borinn í dag. Hann var
háaídraður orðinn er hann lést,
kominn á 88. aldursár og farinn að
líkamsheilsu og andlegu þreki.
Hafði þar skipt sköpum í ævi
Ingvars, því að á fyrri árum og
langt fram eftir ævi var hann
þekktur fyrir afl og hreysti og
annað atgervi, þótt um síðir léki
EIli kerling hann nokkuð grátt.
Konu sína, Friðrikku Sigurðar-
dóttur, missti hann fyrr á þessu
ári, og höfðu þau þá lifað saman í
hjónabandi full 64 ár.
Ingvar Sigurður Pálmason
fæddist á Nesi í Norðfirði 8. októ-
ber 1897. Foreldrar hans voru
hjónin Ólöf Stefánsdóttir, bónda á
Ormsstöðum í Norðfirði, Bjarna-
sonar, hreppstjóra á Ormsstöðum,
Stefánssonar, og Pálmi Pálmason,
kaupmaður og útgerðarmaður á
Nesi. Var Pálmi Húnvetningur að
ætt og uppruna. Voru foreldrar
hans hjónin Guðrún Björg Sveins-
dóttir bónda á Ystagili í Langadal
Jónssonar og Pálmi Sigurðsson
frá Grund í Svínadal, en dóttur-
sonur Sólheima-Pálma. Guðrún
Björg og Pálmi Sigurðsson bjuggu
búi sínu meira en 20 ár ýmist á
Litla-Búrfelli í Svínavatnshreppi
eða Ystagili. (Sú jörð er nú í eyði.)
Pálmi á Ystagili andaðist á góðum
aldri 1884. Börn hans og Guðrúnar
Bjargar munu hafa verið sjö, 5
synir og 2 dætur. Hin elstu þeirra
voru ýmist fullorðin eða komin vel
yfir fermingu, þegar hann féll frá,
en yngstu synirnir, Ingvar og
Sveinn, voru börn að aldri, Ingvar
11 ára, en Sveinn 3 ára eða svo.
Heimilið á Ystagili tvístraðist
fljótlega eftir lát Pálma. Eldri
I börnin sáu um sig, Ingvar lenti
hjá vandalausu fólki, þar til hann
gat séð um sig sjálfur, en Guðrún
hélt Sveini og hafði hann hjá sér
svo lengi sem hún lifði, en hún dó
10 árum eftir lát manns síns.
Reyndar er það af Pálma Pálma-
syni að segja, sem var elstur barn-
anna, að hann ólst ekki upp hjá
foreldrum sínum og var þeim ekki
mikið áhangandi, af hvaða ástæð-
um sem það nú var. Erlendur
Pálmason var næstelstur þessara
systkina á Ystagili. Hann fluttist
til Kanada 23 ára árið 1888 og
sömu leið fór Sveinn, sem fyrr er
nefndur, þegar hann hafði aldur
til. Jónas Pálmason hét einn
bræðranna og mun hafa átt heima
nyrðra og stundaði verslunarstörf.
Hann kvæntist og eignaðist a.m.k.
eina dóttur, en dó ungur, og er
flestu okkar fólki ókunnur nema
af afspurn. Sama gildir um systur
tvær, Pálmadætur, um ævi þeirra
vitum við, ættmenn þeirra, nú
fátt, enda munu þær ekki hafa
orðið langlífar.
Ég rifja þetta upp í tilefni af
andláti Ingvars Pálmasonar til
þess að bregða dálitlu ljósi á að-
[ raðauglýsingar — raöauglýsingar — raöauglýsingar
Rangæingar
SjáKstæðisfélögin i Rangárvallasýslu halda
fund I Hellubiói fimmtudaginn 14. mars nk.
kl. 20.30.
Dagskrá:
1. Kosning landsfundarfulltrúa.
2. Önnur mál.
Þorstemn Pélsson kemur á fundinn og ræðir
stjórnmálaviöhorfin.
Allt sjálfstæöisfólk velkomiö.
Sjálfstæóisfélag Rangæinga og Fjölnir.
Reykjaneskjördæmi
Aöalfundur Kjördæmisráös Sjálfstæöisflokksins I Reykjaneskjördæmi
veröur haldinn i Sjálfstæöishúsinu, Hamraborg 1, Kópavogi, laugar-
daginn 16. mars 1985 (ekki 16. aprll eins og misritaöist i fundarboöi)
og hefst fundurlnn kl. 10.30 stundvíslega.
Dagskrá:
1. Venjuleg aöalfundarstörf.
2. Sveitarstjórnarmál. Framsögumaöur Jón Gauti Jónsson bæjarstjóri
Sveitarstjórnarmenn Sjálfstæöisflokksins i Reykjaneskjördæmi eru
sérstaklega boönir á fundinn.
Hádegismatur veröur snæddur á fundarstaö.
Stjórnin.
Keflavík
Fulltrúaráö Sjálfstæöisfélaganna I Keflavík
heldur aöalfund sinn I Glóöinnf I Keflavik
fimmtudaginn 14. mars kl. 21.00.
Dagskrá:
1. Venjuleg aöalfundarstörf.
2. Kosning fulltrúa á landsfund Sjálfstæöis-
flokksins.
3. Ólafur G. Einarsson, alþlngismaður,
ræöir stjórnmálaviöhorfin.
Stjórnin.
Akureyri — Akureyri
Fulltruaráö sjálfstæöisfélaganna á Akureyri heldur fund I Kaupangi
sunnudaginn 17. mars kl. 16.00.
Fundarefni:
1. Kosnlng fulltrúa á landsfund.
Stjórnin.
Skagafjörður
Fundur verður haldinn i Sjálfstæöisfélagl Skagafjaröar þriöjudaginn
19. mars kl. 21.00 i Miögaröi.
Dagskrá:
1. Kosning fulltrúa á landsfund.
2. Önnur mál.
Stjórnin.
Seltirningar
Opið hús
veröur aö Austurströnd 3, 3. haBÖ, föstu-
daginn 15. mars kl. 21.00.
Friðrik Sophusson mætir á staöinn og
ræöir útvarpslagafrumvarpiö.
Allir velkomnir meöan húsrúm leyfir.
Léttar veitingar.
Sjáifstæöisfóiögin á Seitjarnarnesi.
Friörlk Sophusson.
Sjálfstæðisfélag
Akureyrar
heldur umræöufund um bæjarmál i Kaupangi vlð Mýrarveg,
sunnudaginn 17. mars nk. kl. 10.30.
Umræöuefni veröur: Uppfyllir Fjóröungssjúkrahúslö á Akureyri þaö
hlutverk sem því er ætlaö. Frummælendur Gunnlaugur Fr. Jóhannsson
og Gunnar Ragnars formaöur stjórnar FSA.
Féiagar, fjölmenniö.
Stjórnin.
Kópavogur - Kópavogur
Sjálfstæöisfélagió Edda, Kópavogi, heldur félagsfund fimmtudaglnn
14. mars kl. 8.30 I Sjálfstæöishúsinu Hamraborg 1, 3. hæö. A fundlnn
kemur Guöbjörg Andrésdóttir frá Krabbameinsfélagi Reykjavikur og
flytur erlndi um varnir gegn krabbameini. Allir velkomnir.
Stjórnin.