Morgunblaðið - 30.04.1985, Page 53

MORGUNBLAÐIÐ, ÞRIÐJUDAGUR 30. APRÍL 1985
53
LögregluhesUrnir fóru i svo að segja hvað sem er og hér er það eldramminn
sem þeir stökkva í gegnum.
hann fram og til baka, þvers og
kruss um völlinn, snarbremsaði
síðan og svo lagðist klárinn. Þessir
ofurhugar enduðu síðan sýningu
sína með því að tveir þeirra stilltu
sér upp við enda vallarins, annar
var með logandi kyndil og síðan
hleyptu þeir samsíða af stað og sá
með kyndilinn bar eld að hinum,
þannig að skiðlogaði úr baki hans
og endaði með því að sá stökk af
baki og nærstaddir jusu sandi yfir
„fórnarlambið" til að slökkva eld-
inn. Var látið líta svo út sem mað-
urinn væri illa brenndur.
Möguleikar til kynn-
ingar miklir
Mestur hluti sýningarsvæðisins
var notaður undir bása þar sem
menn auglýstu og seldu vöru sína.
Var þarna allt milli himins og
jarðar, að sjálfsögðu reiðtygi fyrir
allar tegundir reiðmennsku, bif-
reiðir til hestaflutninga, húsgögn,
fatnaður og þar á meðal fokdýrir
pelsar. Þarna voru einnig heilu
hesthúsin til sölu og sýnis.
Járningamenn voru með sýn-
ingu á járningu og öll verkfæri til
járninga voru fáanleg þarna á
góðu verði. Þá voru dýralæknar
með sýningu á sínum starfsvett-
vangi. Haldinn var fyrirlestur
með reglulegu millibili allan tím-
ann þar sem notaður var hestur
sem teiknuð var á afstaða bein-
agrindur og innyfla og allt útskýrt
jafnharðan. Þá voru til sýnis
líkamspartar, aðallega fætur,
sundursagaðir og sumir með opin
beinbrot og svo framvegis. Þá var
þarna hjarta sem sló og lungu sem
önduðu, uppblásnir þarmar úr
hesti. Fóstur voru sýnd, bæði van-
sköpuð og heilbrigð.
Athyglisvert var hversu margar
ferðaskrifstofur og flugfélög voru
með sýnigarbása og vaknaði sú
spurning hjá manni hvort ekki sé
þarna kjörið tækifæri fyrir ís-
lenskar ferðaskrifstofur og flug-
félög að láta ljós sitt skína á þess-
um vettvangi.
Reyndar voru Samvinnuferðir
með bás þarna ásamt Eiðfaxa og
Landssambandi hestamanna og
Þörungavinnslan kynnti þarna
„Mararmjölið" í samvinnu við
þýskan innflutningsaðila. Reynir
Aðalsteinsson og Herbert „Kóki“
ólason voru með kynningu á
starfsemi sinni á Falkenhorst-
búgarðinum, en eins og kunnugt
er reka þeir tamningastöð og
hestasölu þar ytra.
Að sögn mun þessi sýning vera
stærsta vörusýning sem haldin er
í Vestur-Þýskalandi og víðar og
mætti þvi ætla að ýmsir aðilar
hérlendis gætu nýtt sér þennan
viðburð til kynningar á landinu,
vörum og þjónustu sem við höfum
upp á að bjóða.
Það sem hér hefur verið nefnt er
aðeins lítið brot af því sem fyrir
augu bar, því ef ætti að gera öllu
skil yrði það efni í nokkrar
opnugreinar.
Þótt við íslendingar velkjumst
ekki í vafa um það hvað sé „besta"
hestakyn í heimi og þurfum ekki
að fara út fyrir landsteinana til að
komast að því, þá er hiklaust hægt
að hvetja alla þá sem hesta-
mennsku stunda að fara einu sinni
á ævinni á þessa sýningu sem er
heill ævintýraheimur.
Af og til meðan i sýningtinni stóð voni hestar járnaðir af fagmönnum. Voru
það að sjálfsögðu heitjárningar sem mikið eru stundaðar f Þýskalandi og sést
hér einn járningamaðurinn slá til eina skeifu og annar talar við þýskan
sjónvarpsmann.
Kennslustund f líffærafræði hestsins og yfir hangir háfjallasól fyrir hesta
sem eru vinsælar erlendis
Níræðisafmæli:
Þarbjörg S. Jóns-
dóttir, Kleifarstekk
í dag, þriðjudag hinn 30. apríl,
verður föðursystir mín, Þorbjörg
Sigríður Jónsdóttir, Laugateig 5,
Reykjavík, 90 ára. Hún fæddist í
Papey 30. apríl 1895. Foreldrar
hennar voru hjónin Sigríður Gróa
Sveinsdóttir frá Hofi í öræfum og
Jón Jónsson frá Efriey í Meðal-
landi, en hann var þá ráðsmaður í
Papey. Þau eignuðust 5 börn, en
þrjú þeirra dóu í frumbernsku.
Hin voru Lárus Kristbjörn
fæddur 1892, en hann ólst upp hjá
hjónunum Sveini Jónssyni og
Ingileifu Jónsdóttur sem bjuggu
lengi í Fagradal í Vopnafirði og
Þorbjörg sem hér er áður nefnd:
Þegar Þorbjörg var tveggja ára
fluttust foreldar hennar að Merki
sem var smábýli skammt innan
við Djúpavog, að sunnanverðu.
Eftir að þangað kom missti faðir
hennar fljótlega heilsuna og fór i
sjúkrahús í Reykjavík og andaðist
þar.
Þá hætti Sigríður búskap og
fluttustu þær mæðmir þá að
Rannveigarstööum í Alftafirði og
síðar að Markúsarseli f sömu
sveit. Árið 1911 flytjast þær
mæðgur svo að Fagradal í Vopna-
firði, en þar ólst bróðir Þorbjargar
upp eins og fyrr getur. Árið 1913
fór Þorbjörg svo til Reykjavíkur
og lærði karlmannafatasaum.
Vorið 1916 fiuttist hún svo aust-
ur á land, að Höskuldsstöðum í
Breiðdal til móður sinnar og bróð-
ur síns, sem hóf þar búskap það
vor ásamt konu sinni, Þorbjörgu
R. Pálsdóttur frá Gilsá í Breiðdal.
Árið 1918 fór hún á vefnaðarnám-
skeið hjá Sigrúnu P. Blöndal sem
síðar varð skólastjóri Hús-
mæðraskólans á Hallormsstað.
Vorið 1920 flyst hún með bróður
sínum og fjölskyldu hans að Gilsá
og 25. október sama ár giftist hún
Emil Þórðarsyni. Hann fæddist á
Kömbum í Stöðvarfirði 12. júní
1894. Foreldrar hans voru hjónin
Sigurbjörg Sigurðardóttir frá
Gilsá í Eyjafirði og Þórður Árna-
son frá Stöðvarfirði.
Vorið 1924 fiuttust þau Þor-
björg og Emil að Kleifarstekk í
sömu sveit ásamt dóttur sinni
Nönnu sem þá var á öðru ári. Á
Kleifarstekk bjuggu þau svo til
haustsins 1948 að þau fluttu til
Breiðdalsvíkur, en þar höfðu þau
látið byggja sér íbúðarhús í félagi
við Kaupfélag Stöðfirðinga sem
átti y* í húsinu. Ákveðið hafði ver-
ið að Þorbjörg ræki þar sauma-
stofu fyrir Kaupfélagið, og gerði
hún það til vorsins 1956 að þær
mæðgur fiuttust til Reykjavíkur f
júní það ár.
Þar fékk hún vinnu hjá Krist-
jáni Friðrikssyni í karlmanna-
fataversluninni Últíma. Hún vann
þar í 17 ár við saumaskap og var
þá orðin 78 ára. Fyrstu árin í
Reykjavík áttu þær mæðgur
heima á Hrísateig 3. Sfðar keyptu
þær íbúð i húsinu númer 5 við
Laugateig. Þar hafa þær átt
heima síðan.
Þorbjörg og Emil eignuðust
þrjú börn, eina dóttur, Nönnu,
faedd 5. febrúar 1923, og tvo syni,
Sigurð Hafstein, fæddur 10. nóv-
ember 1926, og Daníel Þór, fæddur
31. desember 1927. Sigurður Haf-
steinn dó haustið 1948 eftir lang-
vinn veikindi. Hann var sínum
nánustu mikill harmdauði þvi
hann var einstaklega vel gefinn og
frábært prúðmenni. Hann stund-
aði nám við alþýðuskólann á Eið-
um tvo vetur og fékk mjög lof-
samlegan vitnisburð og sérstök
verðlaun fyrir námsárangur og
prúðmennsku.
Daníel er húsgagnasmiður f
Reykjavík, kvæntur Ernu Þórar-
insdóttur húsmæðrakennara. Hún
hefur verið hótelstjóri á Laugar-
vatni í rúma tvo áratugi.
Þorbjörg missti mann sinn
sumarið 1952 eftir stutta legu. Má
þvi segja að skammt hafi orðið
stórra högga á milli. En Þorbjörg
bar sorgir sínar með æðruleysi og
reisn.
Þau 24 ár sem Þorbjörg og Emil
bjuggu á Kleifarstekk höfðu þau
fremur litið en gagnsamt bú.
Kleifarstekkur er lítil jörð og erfið
til ræktunar, enda voru þá ekki
komin stórvirk jarðyrkjutæki eins
og nú síðari árin. Þorbjörg vann
mikið við saumaskap og vefnáð
bæði heima og einnig að heiman
því hún kenndi mörgum vefnað og
óf oft fyrir fólk bæði heima og á
öðrum bæjum. Hún var framúr-
skarandi vel verki farin og vand-
virk. Hún vann einnig mikið að
útsaum og öðrum hannyrðum og
var frábærlega smekkvís. Henni
var mjög sýnt um að búa til góðan
mat og baka fínt brauð. Ég man
alltaf hvað mér þótti gott kaffi-
brauðið í Kleifarstekk og ekki sið-
ur rúgbrauðið, sem hún bakaði. Á
heimilum Þorbjargar hefur alltaf
verið frábær þrifnaður og mikil
gestrisni. Ég man enn hve timb-
urgólfin i gamla bænum á Kleif-
arstekk voru hvítskúruð og hrein
hvenær sem ég kom þar. Á þeim
árum voru ekki allskonar þægindi
til sveita, svo sem rafmagn og
annað sem því fylgir. Samt var
umgengnin og þrifnaður á Kleif-
arstekk til fyrirmyndar.
Þorbjörg var eftirsótt til að sjá
um veitingar á samkomum og
mannafundum, en þá tiðkaðist að
hafa kaffiveitingar og oft einnig
skyr og rabbarbaragraut.
Skemmtisamkomur þá voru með
allt öðru sniði en nú á seinni ár-
um, enda haldnar miklu sjaldnar.
Þar sem ég ólst upp var algengast
að ein eða tvær samkomur voru á
hverju sumri. Þær byrjuðu oft um
miðjan dag, gjarnan með ræðu-
höldum og upplestri, og voru þá
ræðumenn oft fengnir langt að. Þá
var einnig keppt í íþróttum. Að
loknum skemmtiatriðum var svo
stiginn dans. Samkomurnar stóðu
oftast frá klukkan 15 til klukkan 5
eða 6 að morgni.
Ekki var því furða þó margir
vildu kaupa sér mat. Þorbjörg stóð
oftast fyrir veitingum á fundum í
Kaupfélaginu en þeir voru jafnan
vel sóttir. Þá starfaði hún talsvert
að félagsmálum, einkum í líknar-
félaginu Einingu, sat f stjórn þess
og var formaður þess eitt
kjörtímabil.
Þorbjörg hefur alla tíð verið
ákafiega örlát. Þeir eru margir
ættingjar og vinir hennar, sem
hún hefur glatt með allskonar
gjöfum, einkum jóla- og afmælis-
gjöfum og við önnur merk tíma-
mót. Ég efast um að þeir séu
margir, sem hafa varið eins stór-
um hluta af tekjum sinum, til þess
að gleðja aðra.
Þorbjörg hefur alla tíð verið
glæsileg kona, hávaxin og bein-
vaxin og samsvarar sér mjög vel.
Enn í dag gengur hún teinrétt og
sú reisn sem alltaf hefur verið yfir
henni fylgir henni enn. Hún hefur
alltaf verið mjög snyrtileg í
klæðaburði og þegar hún klæðist
íslenska þjóðbúningnum þá finnst
mér hún alltaf glæsilegust. Lengst
af ævinni var hún heilsugóð, en
síðasta áratug hefur hún ekki
gengið heil til skógar. En ég efast
um að nokkur taki eftir þvi, enda
er hún ekki gjörn á að kvarta þó
heilsan sé ekki upp á það besta.
Eins og áður kemur fram er
Þorbjörg föðursystir mín. Ég hef
lengst af kallað hana „systur". Ég
vil að lokum elsku systir þakka
innilega allt, sem þú hefur gert
fyrir mig og mína. Ég bið Guð að
blessa þig og gefa þér margar
glaðar stundir á ókomnum árum.
Þá óska ég og fjölskylda mín þér
hjartanlega til hamingju með
þessi tímamót. Guð styðji þig og
varðveiti.
Sigurður Lárusson
Þorbjörg tekur á móti gestum á
heimili sonar síns og tengdadóttur
í Safamýri 93 milli kl. 16 og 19 í
dag.
Kammermúsíkklúbburinn:
Tónleikar í minningu Bachs
FJÓRÐU tónleikar Kammermús-
íkklúbbsins á þessu starfsári verða
haldnir í Bústaðakirkju miðviku-
daginn 1. maí nk. klukkan 20.30. Á
tónleikunum verður þess minnst að
liðin eru 300 ár frá því Johann Seb-
astian Bach fæddist.
Á efnisskránni verða verk eftir
Bach og flytjendur eru Sinn-
hoffer-strengjakvartettinn frá
Múnchen og Ragnar Björnsson
organleikari í Reykjavík.
Fimmtu tónleikar Kammer-
músíkklúbbsins verða svo haldn-
ir í Bústaðakirkju sunnudaginn
5. maí nk. klukkan 20.30. Á efn-
isskránni verða verk eftir Juan
Crisóstomo de Arriaga, Antonin
Dvorák og Ludwig van Beethov-
en. Flytjendur eru Sinnhoffer-
strengjakvartettinn frá Munch-
en.
LEIGUHUSNÆÐI
ÓSKAST STRAX!
Við óskum eftir að taka
ó leigu 100-150 fermetra
húsnœði miðsvœðis í
Reykjavík undir hljóðlóta
og hreinlega starfsemi.
íbúðarhúsnœði kemur vel
til greina.
Auglýsins"**0*0
SÍMI: 16840 & 23777