Morgunblaðið - 30.04.1985, Page 68

ÞRIÐJUDAGUR 30. APRÍL 1985 VERÐ í LAUSASÖLU 25 KR.
Samráðsfundur ASÍ og stjómarflokksformanna f gær:
Frumvarp um greiðslu-
jöfnun fyrir húsbyggjendur
Ráðist á
fullorðna
konu
RÁÐIST var á fulloróna konu
skömmu eftir hádegi í gær, er hún
var i gangi skammt frá Neskirkju
í Reykjavík. Voru hér á ferö tveir
unglingspiltar. Reyndu þeir að
hrifsa handtösku af konunni, en
hún hélt fast á móti og hurfu ungl-
ingarnir á brott við svo búið. Pilt-
arnir voru ófundnir er Morgun-
blaðið hafði síðast fréttir af og var
málið í rannsókn.
Háskólabíó
tekur Regn-
bogann á leigu
HÁSKÓLABÍÓ hefur tekið
Regnbogann á leigu, og er stefnt
að því að Háskólabíó yfirtaki
allan rekstur Regnbogans frá og
með morgundeginum.
Friðbert Pálsson fram-
kvæmdastjóri Háskólabíós
'sagði í samtali við blm. Mbl. í
gær að Háskólabíó hefði und-
anfarin þrjú ár verið með einn
kvikmyndasalinn í Regnbog-
anum á leigu, en nú hefði verið
frá því gengið að Háskólabíó
yfirtæki rekstur allra salanna
og allt sem lýtur að kvik-
myndahússrekstri Regn-
bogans. Sagði Friðbert að
starfsfólki Regnbogans hefði
verið greint frá þessari breyt-
ingu í gær, og að öllu starfs-
fólkinu stæði til boða að starfa
áfram í Regnboganum, þó að
nýr rekstraraðili yfirtæki nú
^•eksturinn.
Á SAMRÁÐSFUNDI fulltrúa Al-
þýðusambands íslands og fulltrúa
ríkisstjórnarinnar í gærmorgun náð-
ist samkomulag um með hvaða hætti
skuli staðið að aðstoð við húsbyggj-
endur og íbúðakaupendur, og verður
það gert með lagafrumvarpi um
greiðslujöfnun.
Frumvarpið felur í sér heimildir
til þess að jafna út greiðslu, ef það
verður misgengi á milli afborgana
af húsnæðismálalánum og launa-
þróunar. Með öðrum orðum er
þarna átt við að litið verður til
vísitölu og vaxta annars vegar en
launaþróunar hins vegar. Launa-
þróun verður fundin með því að
taka að hálfu leyti mið af taxta
vísitölu og af hálfu leyti mið af
breytingum á atvinnutekjum.
Frumvarp þetta tekur einungis
til lána Húsnæðismálastofnunar,
en ekki annarra lána, hvorki líf-
eyrissjóðslána né bankalána. Þeir
sem tekið hafa húsnæðismálalán
eftir 1979 geta sótt um greiðslu-
jöfnuð samkvæmt frumvarpinu
fyrir tímabilið eftir 1. mars 1982.
Ekki mun unnt að áætla á þessu
stigi hversu mikið þessi greiðslu-
jöfnun kemur til með að kosta, en
ákveðið var á fundinum í gær að
leggja alla áherslu á að þetta
frumvarp yrði að lögum á þessu
þingi.
„Þær hugmyndir um greiðslu-
jöfnun sem verða væntanlega
kynntar í frumvarpsformi fljót-
lega leysa engan veginn allan
vanda þess fólks sem nú er í
greiðsluþroti," sagði Ásmundur
Stefánsson forseti ASÍ í samtali
við blm. Mbl. í gær um samráðs-
fund fulltrúa launþegahreyfingar-
innar og ríkisstjórnarinnar í
gærmorgun.
„í fyrsta lagi er kaupviðmiðun
ekki sú sem við hefðum kosið. Þeir
tekjulægstu búa við taxtana eina
— því hefði taxtavísitala verið
rökréttari viðmiðun," sagði Ás-
mundur, „í öðru lagi taka hug-
myndirnar aðeins til lána bygg-
ingarsjóðanna og þótt tilmælum
verði beint til annarra lánastofn-
ana er óvis3a um hvernig þær
bregðast við. í þriðja lagi er ekki
skilgreint hverjir muni njóta
greiðslufrestsins og því er ekki
ljóst hvað mörgum þessi úrlausn
mun hjálpa."
Ásmundur sagði jafnframt:
„Þessar hugmyndir um greiðslu-
jöfnun lítum við aðeins á sem
skref í málinu. Sérstaklega er
brýnt að vextir almennt lækki.
Það er ekki einasta brýnt hags-
munamál fyrir húsbyggjendur
heldur einnig fyrir atvinnulífið,
sem líka á í erfiðleikum með að
'standa undir því vaxtaokri sem
viðgengst í dag. Þá er ljóst að ef
leysa á vandamál þeirra sem í dag
eiga í greiðsluerfiðleikum án þess
að skerða stöðu þeirra sem eru að
ráðast í húsnæðiskaup, þarf að
auka fjármagn til húsnæðismála."
Mótefni AlDS-veim í blóðsýni hér á landi:
Endurtekið blóðpróf
reyndist vera jákvætt
Norðurlandaþjóðirnar hafa ákveðið að taka sýni úr blóðgjöfum
ENDURTEKIÐ blóðpróf á manni hér á landi hefur leitt í Ijós að hann
hefur myndað mótefni gegn veiru, sem veldur áunninní ónæmisbæklun
(AIDS). Maðurinn ber þó engin einkenni sjúkdómsins og er samkvæmt
úrskurði sérfræðinga ekki haldinn sjúkdómnum AIDS. (íuðjón Magnús-
son, landlæknir, staðfesti þetta I samtali við Morgunblaðið í gærkvöldi,
er hann var spurður hvað liði niðurstöðum blóðprófsins, en greint var frá
því í frétt Morgunblaðsins í lok mars, að blóðsýni úr manninum hefði við
greiningu reynst innihalda mótefni gegn AIDS-veiru og þar kom jafn-
framt fram, að endurtaka yrði prófið til að taka af allan vafa.
Landlæknir sagði ennfremur
að í gær hefði verið haldinn
fundur á vegum embættis land-
læknis, með helstu sérfræðing-
um, þar sem sérstaklega var
fjallað um fyrirhugaðar aðgerðir
varðandi greiningu og með-
höndlun á ÁIDS-sjúklingum hér
á landi í framtíðinni. Landlækn-
ir kvaðst búast við að i lok þess-
arar viVu lægju fyrir fastmótað-
ar áætlanir um hvernig brugðist
verður við þessum sjúkdómi
hérlendis.
Guðjón Magnússon sagði, að á
sameiginlegum fundi landlækna
á Norðurlöndum nýverið, hefðu
mál þessi verið til umfjöllunar
og meðal annars rætt um nauð-
syn þess að taka sýni úr blóð-
gjöfum. „Þjóðirnar eru búnar að
taka ákvörðun í þessu efni. Svíar
ætla að hefja aðgerðir 1986,
rannsaka alla sem gefa blóð með
tilliti til þess hvort þeir hafa
mótefni gegn AIDS. Norðmenn
og Finnar ætla að gera athugun
á sýnum úr 3.000 blóðgjöfum.
Danir eru búnir að framkvæma
svona könnun og hjá þeim var
niðurstaðan sú að enginn af
þessum 3.000 blóðgjöfum reynd-
ist innihalda mótefni. Ég reikna
með að við Islendingar förum
svipaða leið og þessar þrjár
þjóðir, en endanleg ákvörðun
liggur ekki fyrir. Það á eftir að
tryggja fjármagn í þetta, en
unnið er að kostnaðaráætlun og
áætlun um útvegun á tækjum og
efnum og það var meðal annars
rætt um þessi atriði á fundinum
hjá okkur í dag,“ sagði Guðjón
Magnússon. Landlæknir lagði þó
áherslu á að ástæðulaust væri að
ala á svartsýni í þessum efnum.
Enn sem komið er væri sjúk-
dómurinn mjög fátíður og hægt
væri að draga verulega úr út-
breiðslu hans með aðgerðum
sem yrðu kynntar á næstunni.
Sjá ennfremur forystugrein
Morgunblaðsins.
Frá samráðsfundinum í forsætisráðuneytinu I gær. MorgunblaAið/RAX