Morgunblaðið - 30.06.1985, Blaðsíða 50
MORGUNBLAÐIÐ, SUNNUDAGUR 30. JÚNÍ1985
50
Minning:
Auðunn Friðriks
son bifvélavirki
Fæddur 9. ágúst 1923
Dáinn 20. júní 1985
Nú um sumarsólstöður þegar
ekki skyggir að nóttu, og náttúran
skartar sínum fegursta skrúða,
kvaddi þennan heim vinur minn
og félagi Auðunn Friðriksson til
heimilis að Hrísholti 14 hér á Sel-
fossi, en hann andaöist í Sjúkra-
húsi Suðurlands þann 20. júní sl.
eftir langvrandi og erfitt veik-
indastríð, á sextugasta og öðru
aldursári.
Hann fæddist í Reykjavík þann
9. ágúst 1923, sonur hjónanna
Guðrúnar Auðunsdóttur frá
Kílhrauni á Skeiðum og Friðriks
Filippussonar Guðmundssonar í
Litla-Leðri í Selvogi.
Ungur að árum flyst hann með
foreldrum sínum og yngri bróður,
Gunnari, fæddum 1925, austur að
Kálfhóli á Seiðum, og elst hann
þar upp til ársins 1937 að þau
hjónin taka sig upp og flytjast enn
búferlum og nú að Björnskoti í
sömu sveit.
Á Skeiðum er vettvangur æsku
hans, þar lærir hann öll hin hefð-
bundnu sveitastörf eins og þau
gerðust í þá daga, og við þá sveit
tók hann mikiu ástfóstri og taldi
æ síðan fjallahringinn á Skeiðum
þann fegursta á landi hér.
Hann var sérstaklega minnugur
á örnefni og atburði þeim tengda,
og óþrjótandi fróðleiksbrunnur
þar sem hann þekkti hvern stein
og hverja þúfu í landareignum
Kálfhóls og Kílhrauns, í barna-
skóla gekk hann að Brautarholti
og í Olafsvallakirkju var hann
fermdur.
Auðunn átti þess aldrei kost að
njóta annarrar og meiri menntun-
ar en barnaskólafræðslu, en það er
ég sannfærður um að hefðu örlög-
in búið honum annan og ríkulegri
sess í þessari tilveru, þá hefði
hann náð langt á þeirri braut, svo
góðri eðlisgreind var hann búinn
og hæfileikum sem hann fékk
aldrei tækifæri til að rækta sem
skyldi.
Strax á unglingsárum fer hann
að stunda alla almenna vinnu
utan heimilis. Með því fyrsta sem
hann tekur sér fyrir hendur er að
hann ræður sig sem vetrarmann
suður í Viðey og þaðan fer hann til
sjós.
Fjölskylda hans flyst frá
Björnskoti 1942 að Selfossi. Frið-
rik faðir hans hafði þá misst heils-
una, en Guðrún ræðst í vist með
Gunnar með sér til hjónanna á
Selfossi, Gunnars og Ástu, og það-
an flytjast þau til Sigríðar og
Júníusar á Grund.
Oft minntist Auðunn og bless-
aði þetta góða folk sem svo vel
hafði reynst þeim á erfiðleika-
stund, en í ársbyrjun 1945 ráðast
þeir bræðurnir með aöstoð for-
eldra sinna í að bygja sitt eigið
hús hér að Kirkjuvegi 18 á Sel-
fossi, og fyrir jólin það sama ár
flytjast þau inn, og má þá segja að
fjölskyldan hafi sameinast á ný,
þó fjölskyldufaðirinn væri jafnan
langdvölum fjarverandi á sjúkra-
húsi.
Heimilið að Kirkjuvegi 18 var
eitt af þessum sérstöku og eftir-
minnilegu íslensku heimilum þar
sem gæskan og góðvildin gagn-
taka mann þegar við fyrstu kynni
enda rómað fyrir gestrisni og
myndarskap, sú glaðværð og góði
andi sem þar ríktu var nágrönnum
og hinum fjöldamörgu sem heim-
ilinu kynntust ógleymanleg, þarna
bjuggu þeir bræður með móður
sinni í næstu nærfellt 18 árin.
Auðunn stundaði þó eftir sem
áður hin ýmsu störf utan heima-
byggðar sinnar hér á Selfossi,
t.a.m. reri hann i Þorlákshöfn
nokkrar vertíðir, enda féll honum
sjómennskan vel, hafið heillaði
hann ungan og hin sterka eðlis-
læga þrá hans til að kanna hið
óþekkta gaf honum vissa lífsfyll-
ingu á sjónum.
En þegar hin umfangsmikla
endurbygging Mjólkurbús Flóa-
manna hófst réðst hann þar til
starfa til Kristins Vigfússonar
byggingameistara og hjá honum
starfaði hann, aðallega við akstur,
allt fram til ársins 1958, að hann
réð sig á bifreiðaverkstæði Kaup-
félags Árnesinga og hjá Kaupfé-
laginu vann hann í 22 ár og þar
tók hann próf í bifvélavirkjun
1976.
Hinn 22. apríl 1961 var mikill
gleðidagur í lífi Auðuns Friðriks-
sonar, en þá gekk hann að eiga
eftirlifandi konu sína, Kolbrúnu
Sveinbjörnsdóttur frá Vesturkoti
á Skeiðum, og með henni eignaðist
hann sjö mannvænleg börn sem
eru Guðrún Anna, Margrét Birna,
Sveinbjörn Rúnar, Sólrún
Trausta, Valgerður, Drífa og Frið-
rik Kristinn.
Þau byggðu sér einbýlishús að
Hrísholti 14 og tóku fljótlega til
sín aldraða móður hans og hana
annaðist Kolbrún af umhyggju og
alúð til dauðadags en hún andað-
ist á heimili þeirra á 100. aldurs-
ári.
Frá því á síðari hluta árs 1979
má segja að Auðunn hafi verið
meira og minna sjúkur, en þó
stundaði hann vinnu, aðallega hér
í Sundhöllinni, eftir því sem hann
gat, oft fársjúkur og meira þjáður
en nokkurn grunaði, en hið góða
geðslag hans, trúin á lífið og ást
hans á eiginkonu og börnum
fleyttu honum furðulengi gegnum
brimskafla vonbrigða og erfið-
leika, síðustu árin sem hann lifði.
Ég varð þeirrar gæfu aðnjót-
andi að fá að kynnast þessum
manni fyrir þrjátíu árum og allar
götur síðan höfum við verið óað-
skiljanlegir vinir, hann var að
mínum dómi heill og sannur mað-
ur, kannski var hann aldrei líkam-
lega mikilla burða, en hann var
andlega mikillar gerðar, en ein-
mitt slíkir samferðamenn verða
manni jafnan hugstæðir þegar
horft er til bak.
Hann var vinfastur en líka
vinmargur, fólk laðaðist að honum
vegna þess hversu skemmtilegur
hann var í samræðum, fjölfróöur
og minnugur, hnittinn í tilsvörum
og bráðfyndinn og hafði þá á reið-
um höndum kjarnyrði og kviðl-
inga, sem karlar með breiðara bak
og bústnari sitjanda guggnuðu
fyrir.
En afskaplega dagsfarsprúður
og jafnlyndur og átti því auðvelt
með að umgangast unga jafnt sem
aldna. En hann var líka draum-
lyndur og tilfinninganæmur enda
unni hann af heilum huga tónlist
og ljóðagerð. Hann var söngfélagi
í Kirkjukór Selfosskirkju í fjölda
ára og þar sem annarstaðar var
hann hvers manns hugljúfi.
Þó nokkuð fékkst hann við
tónsmíðar þó minnst af því kæmi
nokkurntíma fyrir almennings-
sjónir, en lag hans Móðir mín var
frumflutt á jólatónleikum kirkju-
kórsins í Selfosskirkju fyrir
nokkrum árum og þykir einstak-
lega fagurt og blæbrigðaríkt.
Auðunn unni mjög lestri góðra
bóka og hygg ég að fáir dagar í lífi
hans hafi liðið svo að hann liti
ekki í bók, gleðimaður var hann og
kunni vel að meta hið ljúfa líf í
góðra vina hópi, að ferðast um
landið var honum einnig mikils
virði og mundi þá öllum öðrum
betur til frásagnar löngu iiðna
viðburði úr sögu lands og þjóðar.
En umfram allt var hann heill
og sannur og hvikaði aldrei frá því
sem hann taldi rétt og sannleikan-
um samkvæmt, hann treysti hand-
leiðslu Guðs og efaðist aldrei um
að líf væri að loknu þessu.
Þegar ég nú að leiðarlokum
stend yfir moldum þessa vinar
míns í kirkjugarðinum á bökkum
elfunnar miklu og kveð hann
hrærðum huga þakka ég um leið
af alhug góðar og gleðiríkar sam-
verustundir sem aldrei gleymast.
En eins og elfan streymir fram að
ósum þar sem hún sameinast öll-
um öðrum í óravíðáttum hafsins,
veit ég að hann hefur nú samein-
ast hinni óþrjótandi uppsprettu
lífsins laus frá hinni líkamlegu
þjáningu staddur meðal svo
margra sinna ástvina í nýju vori
þar sem aldrei skyggir.
Ég flyt eiginkonu hans og börn-
unum og öllum ættingjum og vin-
um hugheilar samúðarkveðjur
okkar hjónanna og bið þeim og öll-
um sem hjúkruðu honum í veik-
indum hans eða studdu hann á
annan hátt Guðs blessunar.
Útför hans verður gerð frá Sel-
fosskirkju mánudaginn 1. júlí nk.
Árni Valdimarsson
Kvedja
Frændi minn, Auðunn Friðriks-
son bifvélavirki á Selfossi, verður
jarðsettur frá Selfosskirkju
mánudaginn 1. júlí. Auðunn lést
20. júní, langt um aldur fram, en
hann hafði verið rúmfastur aö
mestu á sjúkrahúsinu á Selfossi
frá 9. febrúar 1984.
Auðunn fæddist í Reykjavík 9.
ágúst 1923. hann var sonur hjón-
anna Guðrúnar Auðunsdóttur sem
fæddist í Kílhrauni á Skeiðum 25.
t
Móöir okkar, tengdamóöir og amma,
ÞORUNN ARNASON,
Espigeröi 2,
andaöist í Landakotsspitala 28. júní.
Siguröur Sigurösson,
Helgi Þór Sígurösson,
Sesselja Kristín Siguröardóttir,
Sigurborg Siguröardóttir,
Þórunn Sif Síguröardóttir.
t
Bróöir minn og mágur,
SIGURÞÓR INGI ÓLAFSSON,
bókbindarí,
Hotteig 10,
andaöist aö kvöldi 27. júní i Landspítalanum.
AuöurÓlafsdóttir,
Ásgeir Eiríksson.
t
Eiginmaður minn, faöir, fóstri, tengdafaöir, afi og langafi,
WILHELM NORÐFJÖRÐ,
Víöimel 65,
Reykjavík,
veröur jarösunginn frá Neskirkju þriðjudaginn 2. júli kl. 15.00.
Guörún S. Noröfjörö,
Árni Norðfjörö, Lilja Hallgrímsdóttir,
Kjartan Noröfjörö, Auöur Aradóttir,
Wilhelm Noröfjörð, Jóhanna Guöbjörnsdóttir,
Einar Snorri Sigurjónsson, Edda Hannesdóttir.
barnabörn og barnabarnabörn.
t
Maöurinn minn, faðir og tengdafaöir,
SÓLMUNDUR SIGURDSSON
fró Borganesi,
Elliheimilinu Grund,
verður jarösunginn frá Fossvogskirkju þriöjudaginn 2. júli kl. 10:30
f.h.
Steinunn Magnúsdóttir,
Kári Sólmundarson, Elín Sólmundardóttir,
Þórdís Sólmundardóttir, Maríus Arthúrsson,
Siguröur Sólmundarson, Auður Guðbrandsdóttir,
Magnús Sólmundarson, Karen Jónsdóttir.
t
Móöir okkar,
MAGNFRÍÐUR ÞÓRA BENEDIKTSDÓTTIR,
Bakkageröi 10,
veröur jarösungin frá Bústaöakirkju mánudaginn 1. júlí kl. 13.30.
Guörún Guömundsdóttir,
Sigurður Guömundsson,
Erla Guðmundsdóttir,
Hreiðar Guðmundsson,
Marinó Guömundsson.
t
Móöir okkar og tengdamóöir,
GRÍMA ÞURÍÐUR GUDMUNDSDÓTTIR,
Strandgötu 17,
Patreksfiröi,
veröur jarösungin frá Patreksfjarðarkirkju þriöjudaginn 2. júlí kl.
14.00.
Gríma Sveinbjörnsdóttir, Haraldur Jónsson,
Kópur Sveinbjörnsson, Rannveig Árnadóttir,
Jónas Sveinbjörnsson.
t
Móöir mín,
GUÐRÚN B. DANIELSDÓTTIR
frá Hvammstanga,
Dalbraut 27,
veröur jarösungin frá Fossvogskirkju þriöjudaginn 2. júlí kl 13.30.
Hlíf Svava Hjálmtýsdóttir.
t
Eiginmaður minn, faðir okkar og tengdafaðir,
VILHJÁLMUR KRISTJÁNSSON,
sem andaöist 21. júní veröur jarösunginn frá Fossvogskirkju
þriöjudaginn 2. júlí kl. 14.30.
Hugborg Þorsteinsdóttir,
börn og tengdabörn.
t
Útför eiginmanns mins, fööur, tengdaföður og afa,
ÞÓRARINS SVEINSSONAR
framkvæmdastjóra,
Bergstaóastræti 82,
fer fram frá Frikirkjunni í Reykjavík þriöjudaginn 2. júli kl. 13.30.
Þeir sem vilja minnast hins látna vinsamlega láti Minningarsjóö
Fríkirkjusafnaöarins eöa líknarsjóöi njóta þess.
Ingibjörg Árnadóttir,
Árni Þórarinsson,
Steinunn Þórarinsdóttir,
Jón Ársæll Þóröarson
og barnabörn.
t
Þökkum innilega sýnda samúð og hlýhug viö fráfall og útför
GUNNJÓNU VALDÍSAR JÓNSDÓTTUR.
Rósmunda G. Jónsdóttir,
Halldóra Karlsdóttir, Viöar Gestsson,
Rósa Karlsdóttir, Helgi Hallsson,
Katrín Karlsdóttir, Jón Óttarr Ólafsson,
Eymar Karlsson, Sigríöur Guömundsdóttir,
Guórún Karlsdóttir Watt,
Óttar Karlsson, Ingibjörg Sæmundsdóttir,
og barnabörn.