Morgunblaðið - 20.07.1985, Blaðsíða 4
4
MORGUNBLAÐIÐ, LAUGARDAGUR 20. JÚLl 1985
„Sé ekki að hægt sé
að veita gjaldfrest“
— segir fjármálaráðherra um fóðurgjaldið
ALBERT Guömundsson fjármálaráðherra er að láta ahuga hvort unnt sé a.
veita gjaldfrest á grunngjaldi á innflutt kjarnfóður (50%gjaldið) sem lagt var
á um síöustu mánaðamót með reglugerð landbúnaðarráðherra en rennur í
ríkissjóð og heyrir því undir fjármálaráðherra.
Albert sagðist hafa fengið um
það beiðni frá Verslunarráði ís-
lands að veita gjaldfrest á gjald-
inu, en sagði í gær að hann sæi
ekki að hann gæti gert þetta. Sam-
kvæmt fjárlögum ætti gjaldið að
gefa 100 milljón kr. í tekjur í ríkis-
sjóð á þessu ári, og vegna þess
hvað lengi hefði dregist að af-
greiða málið á Alþingi hefði þurft
að hækka gjaldið til að ná þeim
tekjum sem gert væri ráð fyrir.
Fóðurgjald hefur ekki þurft að
staðgreiða áður og hafa bændur,
einkum í eggja-, kjúklinga- og
svínakjötsframleiðslu, lýst þvf
yfir að erfitt geti reynst að kaupa
fóðrið með þessum skilyrðum, ekki
síst með tilliti til þess að þeir
verði samhliða að greiða fóður-
gjaldið samkvæmt eldri reglugerð
sem gjaldfrestur var á. Á sérstaka
fóðurgjaldinu (80% gjaldinu) er
fjögurra mánaða gjaldfrestur.
Sigurður
Greipsson
i Hauka-
dal látinn
SIGURÐUR Greipsson, bóndi og
fyrnim skólastjóri í Haukadal, er
látinn 87 ára að aldri. Sigurður
fæddist í Haukadal í Biskupstung-
um 22. ágúst 1897, sonur hjónanna
Greips Sigurðssonar og konu hans,
Katrinar Guðmundsdóttur. Hann
stundaði nám í Gagnfræðaskólanum
í Flensborg, útskrifaðist sem bú-
fræðingur frá Hólum í Hjaltadal
1917. Stundaði nám í lýðskólanum í
Voss í Noregi 1920, í íþróttaskóla
Nielsar Bukhs í Ollerup í Danmörku
1926-27.
Sigurður stofnaði íþróttaskóla í
Haukadal 1927 og rak til 1969, var
jafnframt bóndi og gestgjafi.
Hann var formaður Héraðssam-
bandsins Skarphéðins 1922—66 og
var gerður að heiðursformanni.
Var i stjórn Ungmennafélags ís-
lands 1927—30 og glímukappi ís-
lands 1922—27. Tók þátt í glímu-
för til Noregs 1925 og Danmerkur
1926. Ferðaðist víða um land á
vegum UMFÍ og veitti fræðslu um
Sigurður Greipsson
íþrótta- og bindindismál. Var í
hreppsnefnd um skeið. Sæmdur
riddarakrossi fálkaorðunnar 1959.
Er heiðursfélagi fþróttasambands
fslands og Glimusambands fs-
lands.
Frá þvi eldur kom upp á heimili
Sigurðar á síðastliðnum vetri, hef-
ur hann dvalið í héraðssjúkrahús-
inu á Selfossi.
Kona hans var Sigrún Bjarna-
dóttir frá Bóli í Biskupstungum,
fædd 1903 en lést árið 1979. Þau
eignuðust sex börn og eru fjórir
synir þeirra á lífi.
Morgunblaðið/Júlíus
Frá blaðamannafundinum í tilefni af stofnun Verðbréfaþings íslands, sem haldinn var í bankaráðsherbergi Seðla-
bankans í gær. F.v.: Sveinbjörn Hafliðason, lögfræðingur Seðlabankans, Helgi Bachmann, framkvæmdastjóri
lánasviðs Landsbankans, Þorsteinn Guðnason, rekstrarhagfræðingur Fjárfestingarfélags íslands, Sigurgeir Jónsson,
aðstoðarbankastjóri Seðlabankans, Jóhannes Nordal, bankastjóri Seðlabankans, Pétur H. Blöndal, framkvæmda-
stjóri Kaupþings hf., Sigurður B. Stefánsson, hagfræðingur, Kaupþingi hf.
Verðbréfaþing íslands:
„Mikilvægt skref í þróun
fjármálakerfis hér á landi“
— segir Jóhannes Nordal, Seðlabankastjóri
„ÞETTA ER mjög mikilvægt skref í þróun fjármálakerfis hér á landi og það
sem hefur skort til þess að hægt væri að hefja slíka starfssemi hingað til
hefur ekki verið vilji heldur skilyrði," sagði Jóhannes Nordal, Seðlabanka-
stjóri, á fundi sem haldinn var með !
Verðbréfaþings íslands.
Bankastjórn Seðlabankans hef-
ur tilnefnt tvo menn og tvo til
vara í stjórn Verðbréfaþingsins,
sem bankinn hefur komið á fót
með aðild Landsbanka íslands og
verðbréfafyrirtækjanna Fjárfest-
ingarfélags íslands hf. og Kaup-
þings hf. og var þeim einnig boðið
að tilnefna fulltrúa í stjórnina.
Stjórnina skipa fyrir hönd
Seðlabankans þeir Sigurgeir
Jónsson, aðstoðarbankastjóri,
formaður, og Sveinbjörn Hafliða-
son, lögfræðingur. Varamenn eru
Eiríkur Guðnason, hagfræðingur
Seðlabankans og Ingimundur
Friðriksson, hagfræðingur. Fyrir
hönd Landsbanka íslands situr í
stjórninni Tryggvi Pálsson, fram-
kvæmdastjóri fjármálasviðs og til
tamönnum í gær í tilefni af stofnun
vara Helgi Bachmann, fram-
kvæmdastjóri lánasviðs. Fjárfest-
ingarfélag íslands hf. tilnefndi
Gunnar H. Hálfdánarson, fram-
kvæmdastjóra og til vara Þor^tein
Guðnason, rekstrarhagfræðing.
Fyrir Kaupþing hf. sitja í stjórn
dr. Pétur H. Blöndal, fram-
kvæmdastjóri og til vara Sigurður
B. Stefánsson, hagfræðingur.
Er að sögn Jóhannesar Nordal
stefnt að því að regluleg skráning
verðbréfa hefjist í haust. Á síðara
stigi er svo stefnt að því að koma á
skráningu hlutabréfa, en fyrir því
þykja ekki forsendur í upphafi.
Kom fram í máli aðstandenda
Verðbréfaþingsins á fundinum, að
þeir teldu nú vera skilyrði hér á
landi fyrir því að verðbréfavið-
skipti geti farið ört vaxandi á
næstu árum og brátt orðið mikil-
vægur þáttur í fjármögnun at-
vinnurekstrar í landinu.
Tillögur Seðlabankans um regl-
ur fyrir þennan verðbréfamarkað,
sem hlotið hefur nafnið Veíð-
bréfaþing íslands, voru staðfestar
af viðskiptaráðherra 28. júní sl.
Þegar hefur verið sagt frá reglum
þessum í Morgunblaðinu sl.
fimmtudag. Á fundinum í gær
kom m.a. fram að í reglunum er
lögð áhersla á það að markaðurinn
sé sem sveigjanlegastur og að
markaðsaðilarnir ráði sjálfir
mestu um þróun hans og skipulag.
Jafnframt er þeim ætlað að
tryggja, með skýrum starfsreglum
og eftirliti, að markaðurinn starfi
með heilbrigðum hætti og að
traustar upplýsingar liggi fyrir
um viðskipti og starfshætti, þann-
ig að sem best sé borgið öryggi
þeirra, sem vilja ávaxta fé sitt
fyrir milligöngu hans.
L
Vetrarveður víða um land
STERK norðanátt réð ríkjum á
landinu í gær og gekk á með
hvassviðri vlða á Vesturlandi, sem
olli heysköðum. Vetrarlegt var um
að litast víða á hálendinu og gekk á
með slyddu og jafnvel snjókomu til
fjalla. Á sunnanverðu Snæfellsnesi
var afspyrnurok og fauk hey af tún-
um og á Grímsstöðum á Fjölhim
snjóaði fram undir hádegi í gær, svo
dæmi séu tekin.
Markús Einarsson veðurfræðing-
ur sagði í samtali við Morgunblaðið
í gær, að veðrinu svipaði mjög til
áhlaupsins á laugardag í síðustu
viku. „Það hefur verið norðan
stinningskaldi eða allhvass vindur
um norðanvert landið og vindur ver-
ið allt upp í hvassviðri víða á Vestur-
landi, en beidur hægara austan-
lands," sagði Markús. „Það hefur
veríð meira og minna rigning um
allt norðanvert landið, hitinn á bil-
inu 4 til 7 stig á láglendi og til fjalla
slydda eða jafnvel snjókoma. Sunn-
anlands hefur alls staðar verið þurrt
og hiti 10 til 14 stig, en þar hefur
vindurinn hins vegar ráðið ríkjum.
Sums staðar sunnanlands hafa ver-
ið vindstrengir og síðdegis virðist
hafa verið ansi mikill strengur á
Snæfellsnesinu og til dæmis var
hvassviðri klukkan 18.00 á Gufu-
skálum."
Markús sagði að reiknað væri
með áframhaldandi stífum vindi um
meginhluta landsins í dag þó frekar
hægari austan til en í kvöld og á
,-unnudag ætti þetta að fara að
/anga niður.
vlorgunblaðið hafði samband við
nokkra fréttaritar úti á landi í gær
og leitaði upplýsinga um veðurfarið.
Laugarvatn
„SEGJA má að sannkallað „Vík-
ingaveður" hafi brostið á hér á
Laugarvatni í dag, þótt ekki hafi
það verið alveg jafn slæmt og
um sfðustu helgi, þegar Víkinga-
hátíðin fauk út í veður og vind,“
sagði Sigurður Sigurðsson,
fréttaritari Morgunblaðsins á
Laugarvatni. „Veðurhæðin í dag
var þó það mikil að hey fauk af
túnum. „Á 15 hektara túni hjá
Þorkeli Bjarnasyni og sonum
hans lá laust hey og fauk það
allt. Er túnið eins og það hafi
verið rakað með hrífu, svo gjör-
samlega hefur vindurinn hreins-
að af því. Girðingar eru eins og
skjólgarðar af lausu heyi. Um
síðustu helgi urðu talsvert mikl-
ir heyskaðar hér í sveitinni og
varð þá sérstaklega einn bær
fyrir barðinu á veðurofsanum,
Eyvindartunga, en þar varð mik-
ið tjón og virðist sama sagan
hafa endurtekið sig nú þar á
bæ.“
Snæfellsnes
„EFTIR margra daga hagstæða
heyskapartíð hvessti hér með
norðanátt um miðjan dag í dag.
Veður fór versnandi er á daginn
leið og storminum fylgdi veru-
lega mikil úrkoma," sagði Páll
Pálsson, fréttaritari Morgun-
blaðsins á Borg í Miklaholts-
hreppi.
„Þó mun veðrið hafa verið enn
verra í Staðarsveit því þar mun
hafa verið afspymurok og ekki
fært milli bæja. Ég tel miklar
líkur á að heyskaðar hafi orðið
hér á sunnanverðu Snæfellsnesi.
Margir hafa átt flatt hey því síð-
ustu dagar voru þurrir og mikið
slegið niður, þar sem veðurspá
var hagstæð, en oft breytast veð-
ur fljótt í lofti þótt spáin sé önn-
ur á sjónvarpskortinu. Heyskap-
arhorfur eru góðar hér. Sumir
þegar búnir með fyrri slátt og
heyin eru góð og ekki úr sér
sprottin."
Rauðasands-
hreppur
„HANN er hvass hérna, mikil
stormbræla," sagði Þórður Jóns-
son á Látrum, fréttaritari Morg-
unblaðsins í Rauðasandshreppi.
„Þetta komst upp í 8 til 9 vind-
stig í kvöld. Það er í sjálfu sér
ekkert einsdæmi hjá okkur í
júlímánuði, en það er þó kaldara
en venjulega, hitinn var ekki
nema um 5 gráður í dag. Þórður
kvaðst hafa haft spurnir af lang-
ferðabifreiðum sem áttu í erfið-
leikum á Bjargi vegna hvass-
viðris og urðu bílsjórarnir að
gæta ýtrustu varkárni til að
missa ekki bílana út af vegin-
um.“
Snæfjallaströnd Raufarhöfn
„HÉR er norðanbál alveg eins og
um hávetur," sagði Jens i Kalda-
lóni, bóndi á Bæjum og frétta-
ritari Morgunblaðsins á Snæ-
fjallaströnd.
„Ég veit ekki um neina skaða
hér um slóðir en það getur eng-
inn gengið til verka í þessu veðri
enda rigning og hitinn tæpar 3
gráður. Ég get nefnt sem dæmi
um veðrið að Fagranesið komst
ekki á ströndina i dag. Mun það
vera í fyrsta skipti i þau 13 ár
sem skipið hefur siglt hér um
Djúpið að sumarlagi að ferð hafi
fallið niður vegna veðurs.“
Grímsey
„VEÐRIÐ er nú alveg hundleið-
inlegt, þvi er ekki að neita,“
sagði Alfreð Jónsson i Grímsey
er hann var inntur eftir uppá-
tækjum veðurguðanna þar.
„Norðangola hefur verið i allan
dag, 2—3 vindstig þokusúld og
rigning," bætti hann við. Ekki
kvað hann þó til neinna meiri
háttar vandræða hafa komið,
enda legðu eyjarskeggjar sig
fram um að leysa vandamál en
létu aðra um að búa þau til. „Það
þarf meira en smá vætu og vind
til að spilla sólskinsskapi okkar,
enda verðum við eldri en allt
sem gamalt er,“ sagði Alfreð
Jónsson að lokum.
„HÉR hefur verið alveg syngj-
andi, bölvað Reykjavíkurveður,“
varð Helga ólafssyni á Raufar-
höfn að orði er hann var spurður
álits á veðráttunni þar um slóð-
ir. „Hér hefur verið ausandi
vatnsveður og svartasta þoka. Þó
hefur kuldinn ekkert verið ægi-
legur, 4 stig þegar verst lætur.
Strekkingur var talsverður í dag,
en virðist nú farið að lægja.
Hvort það varir eitthvað er ekki
gott að segja, en þetta er a.m.k.
vel þegið vopnahlé," sagði Helgi.
Aðspurður kvað hann enn ekki
orðið ófært.
Grímsstaðir
Á Grímsstöðum á Fjöllum
varð Benedikt Sigurðsson fyrir
svörum. „Síðasta hálfa mánuð-
inn hefur veðrið verið æði leið-
inlegt hér,“ sagði hann, „og ekki
laust við að þreyta sé komin í
mannskapinn. í dag snjóaði til
að mynda fram að hádegi og slð-
an hefur rignt nær látlaust,"
upplýsti hann. Hitastigið kvað
hann vera 2—3 stig. „Síðustu
fregnir herma að færð sé farin
að þyngjast á Möðrudalsöræfum,
en að öðru leyti hefur ekki enn
orðið vart ófærðar," sagði Bene-
dikt Sigurðssoh að lokum.