Morgunblaðið - 20.07.1985, Blaðsíða 17

MORGUNBLAÐIÐ, LAUGARDAGUR 20. JÚLÍ 1985
17
Fréttapistill úr
Árgæzka veöurfarsins
Langt er nú síðan við höfum lif-
að annað eins vor og sumar fram
að þessu. Segja má, að allt hafi
leikið í lyndi, sauðburður gekk alls
staðar vel, og fénu sleppt á græn
grös jafnóðum og það bar. Gras-
spretta hefur verið allgóð, þó hef-
ur skort úrkomu til þess að hún
gæti orðið með bezta móti, sláttur
hófst snemma eða um 20. júní, og
blíða veðurfarsins hefur haldið
áfram þar til nú um miðjan júlí að
snögglega kólnar í veðri og eru
það ærin viðbrigði eftir svo ljúfa
og hlýja tíð.
Fóðuriðjan
Hjá Fóðuriðjunni í Ólafsdal
gengur allt með fullum krafti, þar
hafa nú verið framleidd um 400
tonn af graskögglum, og að sögn
verksmiðjustjórans, Sæmundar
Kristjánssonar, er það mun meira
en í fyrra á sama tíma þar sem vel
var sprottið og snemma byrjað að
slá. Allmiklar birgðir köggla eru
til frá því í fyrra, sem ekki seldust
þá sökum þess, að nægar hey-
birgðir voru þá fyrir hendi hjá
bændum. En gæði íslenzku hey-
kögglanna eru slík, að ástæðulaust
er að óttast, að þeir gangi ekki út.
Þjóðhátíðin í Saurbæ
Það hefur verið venja hér í
Saurbænum að minnast þjóðhá-
tíðarinnar 17. júní með hátíða-
höldum, sem ávallt hefjast með
guðsþjónustu í Staðarhólskirkju,
sem sóknarpresturinn, sr. Ingi-
berg J. Hannesson, annast. Síðan
er gengið til samkomuhússins
Tjarnarlundar, og þar er boðið
upp á margvísleg skemmtiatriði
og uppákomur til ánægju og gleði
þeim, sem er samkomuna sækja.
Oftast hefur Kvenfélag Saurbæj-
arhrepps staðið fyrir skemmtun-
inni, en nú síðustu árin hefur leik-
félagið skipst á við kvenfélagið að
sjá um skemmtiatriði og var svo í
þetta sinn. Kynnir og stjórnandi
var Erna Guðmundsdóttir á Neð-
ri-Brekku. Ávarp fjallkonunnar
flutti Rakel Benediktsdóttir í
Stórholti. Þá voru fluttir
skemmtiþættir í umsjá unga
fólksins og farið með margvísleg
skemmtiefni og varð þetta hin
ágætasta skemmtun. Á eftir var
farið út í góða veðrið og farið í
leiki á íþróttavellinum.
Þessar samkomur hafa ætíð
verið vel heppnaðar og hrepps-
búum til sóma og er þakkarvert
mjög að halda slíku uppi ár eftir
ár í tiltölulega fámennu sveitarfé-
lagi. En Saurbæingar eru félags-
lyndir og stendur félagslíf hér
með blóma, einkum yfir vetrar-
mánuðina.
Laxabúskapur
Laxinn er farinn að ganga í árn-
ar hér, Staðarhólsá og Hvolsá.
Munu rúmlega 100 laxar vera
komnir upp í árnar, og verður það
að teljast nokkuð gott á þessum
tíma, en venjulega gengur laxinn
seint upp í árnar hér. Við vonum,
að laxinn láti sjá sig í auknum
mæli í sumar, við erum hér með
hafbeitartilraunir í samvinnu við
Laxalón í Reykjavík, og væntum
þess, að árangur þess fari að koma
í ljós. Hins vegar er þetta margra
ára þróun, og því ekki ástæða til
að ætla, að dæmið gangi upp á
fyrstu árunum.
Jónsmessumót SÁÁ
Um Jónsmessuna, helgina
21.—23. júní, var haldið mikið
Jónsmessumót á vegum SÁÁ á
Staðarfelli, og sóttu það hátt á
fjórða hundrað manns. Var það
hin ágætasta hátíð í góðu veðri og
margt sér til gamans gert, og auð-
vitað var Bakkus konungur hvergi
nærri, því hér var um að ræða
samkomu alkóhóiista, sem hafa
verið í meðferð á Staðarfelli og
hafa haft betur í glímunni við
Bakkus.
Hátíðinni lauk með helgistund í
umsjá sóknarprestsins, sr. Ingi-
bergs J. Hannessonar, og var það
útiguðsþjónusta, afar hátíðleg
stund, þar sem mannfjöldinn kom
sér vel fyrir í skjólgóðri hlíð undir
Fellinu, milli félagsheimilisins og
kirkjugarðsins, og hlýddi á orð
Guðs í bjartri júnísólinni, enda er
orð Guðs þeim mörgum sú sól, sem
vermir hið innra líf og tilveru og
flytur ljós og ylinn í dapra og reik-
ula sál. Þökk sé Guði fyrir það að
láta Ijós sitt skína á meðal okkar
mannanna og veita birtu og yl inn
í mannleg hjörtu.
Kvæðamenn í heimsókn
Það heimsækja margir Dalina í
sumarskrúða. Fyrir skömmu voru
hér á ferð félagar í Kvæðamanna-
félaginu Iðunni í Reykjavík. Þeir
Dölum
keyrðu hér um og nutu góðrar
leiðsagnar félaga síns og fyrrver-
andi skólastjóra á Laugum, Einars
Kristjánssonar, sem opnaði fyrir
þeim söguna í söguríku héraði
Dalanna. Þeir höfðu svo kvöld-
vöku á Laugum. Þar var mikið
kveðið. Ragnar Ingi Aðalsteins-
son, kennari á Laugum, tók á móti
þeim með góðri rímu, og þeim varð
ekki tregt um svör.
Skólastjóri og skólanefndarfor-
maður sögðu þeim sögu staðar og
skóla og buðu til kvöldkaffis að
kvöldvöku lokinni. í hópi kvæða-
manna var góður vinur Dalanna,
Sigurðar Kristjánsson frá Bugðu-
stöðum, og var hann aufúsugestur
á Laugum, en hann gaf á sínum
tíma Laugaskóla bókasafn sitt,
mikið að vöxtum og dýrmætt og
hefur bætt við gjöf sína síðan.
Hefur hann þannig sýnt sínu
heimahéraði mikla ræktarsemi.
Heimsókn þeirra kvæðamann-
anna var ákaflega ánægjuleg, það
er ekki oft nú til dags sem maður
heyrir vel kveðnar stemmur, en
slíkt hljómaði vel þetta kvöld á
Laugum, og má segja að þessi
starfsemi, að viðhalda hinni þjóð-
legu kvæðalist, sé einn af hinum
stærri þáttum í þeirri viðleitni að
varðveita íslenzka menningu og
viðhalda þeim þjóðarverðmætum,
sem forfeður okkar hafa til okkar
skilað í gegnum aldirnar.
Vegamál
Senn er mál að linni pistli þess-
um, því ekki er þörf að teygja lop-
ann. En aðeins nokkur orð um
vegamál að lokum.
Samkvæmt vegaáætlun virðist
ekki eiga að gera mikið i vegamál-
um okkar Dalamanna á þessu ári.
Er það mjög miður svo hægt sem
þessi mál ganga og vegir víða
slæmir. Þó er rétt að geta þess,
sem vel er gert. Nýlega hefur verið
lokið við að leggja slitlag á veg-
arkafla frá Skógstagli í Miðdölum
að Blönduhlíð í Hörðudal. Er veg-
urinn að vísu frekar mjór, en þessi
framkvæmd þó mjög þörf, enda
var þessi kafli í vetur afar erfiður
og vandfarinn og sögðu gárungar,
að hann heyrði frekar undir heil-
brigðisráðuneytið en samgöngu-
ráðuneytið, svo erfitt var að fara
hann og afleiðingarnar margvís-
legar. En nú er hann sem sé kom-
inn undir samgönguráðuneytið á
ný, og er það vel.
Ekki hef ég heyrt um aðra nýja
kafla í vegagerð hér í Dölum í
sumar, en þó mun ráðgert að
vinna að uppbyggingu vegar hér í
Hvolsdal með haustinu, ef vel
viðrar, og gott tilboð fæst upp á
fjárveitingu næsta árs, auk þess
sem unnið verður á Laxárdals-
heiði, ný brú smíðuð á Bjarna-
dalsá á Bröttubrekku og nauðsyn-
legu viðhaldi vega sinnt svo sem
kostur er. Þetta er allt þakkarvert,
svo langt sem það nær. — IJH.
Aukasending af þeim
Vegna mikillar sölu á þeim danska aö undanförnu höfum
viö fengið aukasendingu af þessum eftirsóttu bílum
á aldeilis frábæru veröi.
Nú er aö hrökkva eöa stökkva, því óvíst er
hvort viö fáum fleiri.
Verö: 105S 175.070,- 120L 193.780,-
Ath. Opið í dag kl. 13.00—17.00.
JÖFUR HF
NÝBÝLAVEGI 2 KÓPAVOGI SÍMI 42600