Morgunblaðið - 20.09.1985, Blaðsíða 32
32
MORGUNBLAÐIÐ. FÖSTUDAGUR 20. SEPTEMBER1985
eggin út. Varð dregurinn að að-
stoða ungana við að brjóta skurn-
ina. Næstu vikur mataði strákur
þá með munnvatnsblönduðum
fiski og síld og ýmsu sem mávum
þykir lostæti en mannfólk leggur
sér siður til munns. I allt að 2
klukkustundir á dag lá hann með
ungana til að veita þeim hlýju og
umhyggju. Þó fór svo að annar
unginn dó af ókunnum orsökum
eftir nokkurn tíma. Hinn unginn
sem gegnir nafninu „Sveppi" er
nýorðin fleygur og voru meðfylgj-
andi myndir teknar eitt kvöldið er
mávurinn gaf sig fram til kvöld-
verðar. Hann mun hafa þann sið
að mæta heim tvisvar á dag tii
hádegis- og kvöldverðar og kemur
við Ijósaskipti heim til að sofa í
kofa sínum. Þykir víst öruggast að
sofa heim hjá „mömmu”. Mávur-
inn hefur gert það viðreist í sumar
farið reglulega í sumarbústað og
farið í langferð norður í Skaga-
fjörð með „fjölskyldu sinni". Það
var einmitt í Skagafirðinum sem
hann tók fyrst flugið. Gerðist það
þannig að hundur á bæ einum
glefsaði til hans og brá honum svo,
að hann tók ósjálfrátt flugið.
Þessa dagana vekur Sveppi
mikla athygli í Grindavík, því
hann á það til að stinga sér niður
þar sem krakkar eru að leik þeim
til óblandinnar ánægju. Einnig er
hann tíður gestur á leikskólanum.
Ekki eru allir þó jafn hrifnir.
Nokkrum mektarkonum sem voru
að svamla í sundlaug staðarins
brá óþyrmilega þegar mávurinn
hlammaði sér gargandi niður í
sundlaugina innan um þær. Varð
þar fjaðrafok í fleiri en einum
skilningi. Þá hefur Sveppi haft
það til siðs að koma við í garði
lögregluvarðstjórans í Grindavík
og taka tappan úr garðtjörn hans
honum til mikillar hrellingar. Við-
ast hvar er Sveppi þó aufúsugest-
Eggjunum var ungað út i baðgólf-
inu.
Myndir: SIG. ÁG.
Texti: JÓN GRÖNDAL
Sá atburður gerðist í Grinda-
vík í vor að unglingur ungaði
út tveim mávseggjum á bað-
herbergisgólfinu. Unglingurinn,
Sveinbjörn Sigurðsson, Leynis-
braut 7, segir að hann og fleiri
hafi verið í gönguferð við Festar-
fjall rétt austan við Grindavík í
vor og hafi komið auga á nokkur
mávshreiður í fjallshliðinni.
Hann náði tveim eggjum undan
grámávi og hafði með sér heim.
Kom hann þeim fyrir í handklæði
á baðgólfinu sem er upphitað. Eft-
ir rúmlega tvær vikur klöktust
Grindavík:
„Mamma“ veitir ungunum umhyggju ng hlýju.
„Sveppi“ gefur sig fram til kvöld-
verðar.
ur og þykir Grindvíkingum gaman
að uppátækjum hans.
Nú er þess beðið með eftirvænt-
ingu hvernig sjálfstæðishvöt hans
þroskast hvort hann hverfi á
braut eða þiggi áfram næturgist-
ingu á Leynisbraut í vetur. Reynt
hefur verið að fara með hann í
burtu en ævinlega hefur hann ver-
ið á undan mönnum heim aftur.
Ungaði út mávseggj-
um í baðherberginu