Morgunblaðið - 05.11.1985, Blaðsíða 17

MORGUNBLAÐIÐ, ÞRIÐJUDAGUR 5. NÓVEMBER1985
17
Olympia CPD 3S1S
Fyrirferðalítil og örugg reiknivél
Áreiðanleg og fjölhœf reiknivél sem eyðir ekki
borðplássi að óþörfu.
Olympia vél sem
reikna má með
þótt annað bregðist.
Leitið nánari upplýsinga.

l
KJARAN
ÁRMÚLA 22, SlMI 83022,108 REYKJAVlK
Loðdýrarækt:
Rekstrar-
erfiðleikar
hjá fóður-
stöðvunum
MARGAR fódurstöðvar loðdýra-
bænda eiga í rekstrarerfiðleikum og
ef ekkert verður að gert lenda þær
í greiðsluþroti, að sögn Jóns Ragnars
Björnssonar, framkvæmdastjóra
Sambands fslenskra loðdýrarækt-
enda.
Að sögn Jóns Ragnars hafa
stöðvarnar þurft að byggja sig ört
upp til að framleiða fóður fyrir
loðdýrabúin sem fjölgar mjög um
þessar mundir. Stöðvarnar þyrfti
að byggja upp í ákveðnum þrepum
og væri ákveðinn lágmarksstofn-
kostnaður nauðsynlegur hvort sem
lítill eða stór markaður væri fyrir
fóðrið í upphafi. Þegar uppbygg-
ingin í greininni væri jafn mikil
og raun bæri vitni nú þyrftu fóður-
stöðvarnar að vera á undan og
væru þannig með mikla greiðslu-
byrði miðað við tekjur fyrstu árin.
Sagði Jón Ragnar að uppbygg-
ingin væri fjármögnuð með lánum,
nema hvað Framleiðnisjóður land-
búnaðarins legði fram 35% af véla-
kaupum. Loðdýrabændur stæðu
sjálfir i uppbyggingu á búum sin-
um og gætu því lítið eigið fé lagt
í uppbyggingu stöðvanna. Sagði
hann að loðdýrabændur hefðu lagt
til að styrkjum til loðdýraræktar-
innar yrði varið til uppbyggingar
fóðurstöðvanna, vegna þess að þar
nýttust peningarnir best og jafn-
ast fyrir bændur. Einnig hefðu
þeir lagt til að lán til stöðvanna
væru veitt til lengri tíma en nú
væri gert og þau höfð afborgunar-
laus fyrstu 3-5 árin.
Sagði Jón að þessi vandamál
kæmu fram í hærra fóðurverði en
ella þyrfti að vera. Nefndi hann
dæmi um það að bændur þyrftu
að greiða allt að 2 krónum hærra
verð fyrir hvert kíló af fóðri í fóð-
urstöð sem væri í uppbyggingu, en
aðrir sem skiptu við stöð sem væri
fullnýtt. Hann sagði að loðdýra-
bændur hefðu fullan hug á þvi að
gera allt sem mögulegt væri til að
aðstoða stöðvarnar við reksturinn
og væri m.a. í undirbúningi að sér-
stakur starfsmaður tæki þau mál
að sér.
Réttir dagsins úr Morgun-
blaöinu komnir út á bók
RÉTTIJR dagsins - gómsætur gæða-
matur, heitir nýútkomin bók með
mataruppskriftum eftir Margréti
Þorvaldsdóttur. Uppskriftirnar í bók-
inni eru byggðar á þáttum höfúndar
í Morgunblaðinu.
Á kili bókarinnar segir meðal
annars: „Höfundur hefur dvalið
víða erlendis og kynnst þar matar-
gerð og matarvenjum ýmissa
þjóða. Sumar uppskriftirnar eru
frumsamdar, aðrar eru af erlend-
um stofni, en aðlagaðar íslenskum
aðstæðum og innlendu hráefni.
Áhersla er lögð á að uppskriftirnar
séu auðveldar fyrir alla til matar-
gerðar. Gætt er hófs í hráefnis-
kostnaði. Þá hefur verið lögð
áhersla á að réttirnir falli að
smekk barna."
Bókinni er skipt í sjö kafla og
er fjallað sérstaklega um rétti úr
fiski, hökkuðu kjöti, lambakjöti,
kálfakjöti og kjúklingakjöti. Einn
kafli er með réttum úr blönduðu
hráefni og einn fjallar um ábætis-
rétti. Bókin er 112 sfður að stærð.
Það er Hörpuútgáfan sem gefur
bókina út.
FACIT
BBC
APPLE

IBM PC
ERICSSON
tölvur laöast aö
prenturum
FACIT 4509 / 4510 / 4511 prentarar ganga við flestar gerðir af tölvum. Þeir eru
áreiðanlegir, mjög fljótvirkir og prentun er í háum gæðum.
Þið getið sjálf skipt um leturhaus ef þið viljið, annars endist hver haus til þess að
prenta meira en 100.000.000 stafi og það er sama sagan með borðann, hann endist
fyrir meira en 4.000.000 stafa.
En þið getið afskrifað milljónirnar með öllu þegar þið kaupið einn þessara þriggja
FACIT prentara, því verðið er vægast sagt ótrúlega lágt eða frá rúmum 18.000
krónum.
Látið sérhæfða sölumenn með langa reynslu að baki leiðbeina ykkur við val á
réttum FACIT prentara. ....... ,
GÍSLI J. JOHNSEN SF.
SUNNUHLIÐ AKUÖEYRI, SiMl ,6-25004