Morgunblaðið - 31.12.1985, Blaðsíða 4
4
MORGUNBLAÐIÐ, ÞRIÐJUDAGUR 31.DESEMBER 1985
f
I
i
í Friðarbæn
I
! á nýjársdag
BISKUP íslands hvetur til þess að
sérstaklega veröi beðið fyrir friði á
jörðu við guðsþjónustu á nýársdag,
sem er fyrsti dagur þess árs sem
Sameinuðu þjóðirnar hafa sérstak-
lega kjörið sem ár friðarins.
f frétt frá Bisftupsstofu segir,
að biskup hafi skrifað prestum og
og söfnuðum landsins af þessu
I tilefni og þar segir: Sameinuðu
þjóðirnar hafa sem kunnugt er
kjörið árið 1986 ár friðarins. Af
i því tilefni vil ég undirstrika að við
göngum inn til hins nýja tíma á
nýársdegi með fyrirbæn í guðs-
þjónustum um frið á jörð. Nýárs-
| texti kirkjunnar um bænina gefur
og tilefni til þess að leggja áherslu
á gildi bænarinnar. Kirkjur víða
um lönd hafa valið nýársdag til
þess að flytja hinum hrjáða og
friðlausa heimi fagnaðarboðskap
friðarins. Tökum þátt í að „spenna
jörðina megingjörðum bænarinn-
ar“. Bænin er sterkasta aflið hér
í heimi, máttugri en nokkurt afl,
sem vísindi hafa leitt í ljós. Þetta
afl hefur Guð gefið kirkju sinni.
Deilur um nýjar
starfsreglur flug-
umferðarstjóra
NÝJAR starfsreglur taka gildi fyrir
flugumferðarstjóra um þessi ára-
mót. Nokkrar deilur eru um þessar
reglur milli samgöngumálaráðuneyt-
isins og Félags flugumferðarstjóra
og hafði félagið óskaö eftir frestun
á gildistöku þeirra. Ráðuneytið telur
að einungis sé um skipulagsbreyt-
ingar að ræða, sem ekki falli innan
marka kjarasamninga, en félagiö
telur að ýmislegt sem snertir þessar
nýju reglur tengist atriðum í kjara-
samningum og að reglurnar taki
ekki gildi fyrr en um þau atriði
hefur tekist samkomulag. Samning-
ar flugumferöarstjóra sem og ann-
arra opinberra starfsmanna eru
lausir um áramótin.
Birgir Guðjónsson, deildarstjóri
í samgöngumálaráðuneytinu,
sagði að endurskipulagning á
Flugumferðarstjórn hefði staðið
yfir síðastliðin tvö ár og væru
þessar nýju starfsreglur síðasti
þáttur þeirrar endurskipulagning-
ar. Reglurnar miðuðu að því að
auka öryggi í flugmálum. Margir
nýir flugumferðarstjórar kæmu til
starfa á næstunni og gerði það
meðal annars mögulegt að ráðast
í þessar breytingar nú, auk þess
sem þessi flugumferð væri í lág-
marki á þessum tíma árs. Hann
sagði að reglurnar hefðu verið til
athugunar allt þetta ár og hefði
flugumferðarstjórum staðið til
boða að koma sínum sjónarmiðum
á framfæri varðandi þær. Reglurn-
ar ættu því ekki að koma þeim í
opna skjöldu.
Hjálmar Diego, formaður Fé-
lags flugumferðarstjóra, sagði að
samningar væru lausir um ára-
mótin og þeir reiknuðu með
óbreyttu ástandi hvað reglurnar
varðaði þar til tekist hefði sam-
komulag um nýjan samning, enda
gilti hann þar til nýr samningur
hefði verið undirritaður. Samning-
ar stæðu yfir, en samningaviðræð-
ur héfðu hafist fyrir tilverknað
samgöngumálaráðherra skömmu
fyrir jól. Þar til þá hefði félagið
staðið fyrir utan undirbúning að
nýju starfsreglunum. Samningar
hefðu gengið þokkalega, en ósamið
væri um ýmis atriði. Þarna væri
um mikilvæg kjaraatriði að ræða.
Þeim hefðu verið kynntar þessar
breytingar svo seint og tíma tæki
að skoða þau. Flugumferðarstjórar
styddu allar breytingar sem mið-
uðu að auknu öryggi, en þó hlytu
þeir að taka mið af þeim kjörum
sem þeim væri ætlað að búa við.
Skjalastaska tapaðist
Svört skjalataska tapaðist laug-
ardagskvöldið 28. desember við
Þjóðleikhúsið, Lindargötu megin.
Finnandi er vinsamlegast beðinn
að hringja í síma 687975 eða 687976
og er fundarlaunum heitið.
Frá athöfninni á Fríkirkjuvegi 3 þegar brjóstmynd af Gunnari Thoroddsen var afhjúpuð. Til hægri eru frú Vala Ásgeiradóttir Thoroddsen og Davíð
Oddsson, borgarstjóri. Morgunblaðið/RAX
Minningarsjóður um
Gunnar Thoroddsen
Brjóstmynd af Gunnari afhjúpuð á Fríkirkjuvegi 3
BRJÓSTMYND af Gunnari Thor-
oddsen var afhjúpuð á Fríkirkju-
vegi 3 hinn 29. desember sl. Frú
Vala Ásgeirsdóttir Thoroddsen
afhjúpaði brjóstmyndina og við
athöfnina skýröi Davíð Oddsson,
borgarstjóri, frá því, að hjónin
Benta og Valgarð Briem hefðu
stofnað Minningarsjóð Gunnars
Thoroddsen.
Tilgangur sjóðsins er að veita
styrki til einstaklinga eða hópa,
stofnana eða félaga, eða veita
verðlaun eða lán í sambandi við
rannsóknir, tilraunir eða skylda
starfsemi á sviði mannúðarmála,
heilbrigðismála eða menningar-
mála, sem Gunnar Thoroddsen
lét sérstaklega til sín taka sem
borgarstjóri.
Sjóðurinn verður í vörslu borg-
arstjórans í Reykjavík, sem
ákveður úthlutun úr honum
hverju sinni að höfðu samráði
við frú Völu Ásgeirsdóttur Thor-
oddsen eða börn þeirra hjóna
meðan þeirra nýtur við. Úthlut-
un skal fara fram á afmælisdegi
Gunnars Thoroddsen. Stofnfé
sjóðsins nemur einni milljón
króna og verður það greitt í fernu
lagi, á stofndegi og á sama degi
árin 1986 til 1988. Höfuðstóll
sjóðsins verður jafnan verð-
tryggður. Skipulagsskrá minn-
ingarsjóðsins hefur hlotið stað-
festingu forseta íslands og eru
gjafir til sjóðsins frádráttar-
bærar frá tekjum til skatts.
Vers
pá Vesterveg
NORR0NA LA GET BRA GR
1985 ,
Vers á
vestur-
vegi
VERS á vesturvegi nefnist Ijóða-
bók, sem Norronalaget Bragr í
Noregi hefur gefið út í tilefni 80
áraafmælissín8.
í bókinni eru 57 ljóð eftir
norsk skáld og skáld í löndum,
sem byggðust frá Noregi, þ.á.m.
eru ljóð eftir Matthías Johann-
essen sem Ivar Orgland hefur
þýtt og Jóhann Magnús Bjarna-
son í þýðingu Hans Hylen. Af
öðrum ljóðahöfundum má
nefna Ragnvald Skrede, Per
Sivale, Arne Garborg, Tore
Orjasæter, Ivar Aasen, Olav
H. Hauge og Olav Aukrust.
Bókin er 150 blaðsíður,
skreytt myndum og teikning-
um, þar af nokkrum frá íslandi.
Formálsorð ritar Conrad
Clausen.
Lánasjóður íslenskra námsmanna:
„Svona reiður get
ég ekki sætt mig við
u
„ÉG ER æðsti yfirmaður þessa sjóðs, sem er orðinn milljarða sjóður. Ég
hlýt að skoða mig um bekki sjóðsins og vilja fá að vita allt um reiður hans,
starfsemi og innviði," sagði Sverrir Hermannsson menntamálaráðherra í
samtali við Morgunblaðið um málefni Lánasjóðs íslenskra námsmanna og
ágreining þann sem upp er kominn á milli ráðherra og framkvæmdastjóra
sjóðsins.
Sverrir sagði sína reynslu af
samskiptum við sjóðinn ekki nógu
góða, þó að aðeins væri um örstutt-
an tíma að ræða. „Ég nefni bara
þessi dæmi,“ sagði Sverrir, „á
haustdögum gerði þessi sjóður
áætlun um fjárþörf sína í nóvem-
ber og desember fyrir námsmenn.
Fjárþörfin var sögð vera 181 millj-
ón króna. Mér og fjármálaráð-
herra kom saman um að ekki væri
hæfa í að fara aftan að námsmönn-
um með þeim hætti að neita um
aukafjárveitingu, sem nam þessari
fjárhæð hér um bil. Aukafjárveit-
ingin var 176 milljónir króna.
Skömmu síðar, eða um sl. mánaða-
mót, fæ ég svo upphringingu frá
sjóðnum, þar sem mér er tilkynnt
að því miður vanti 50 milljónir í
viðbót. Þegar ég spyr hverju gegn-
ir, þá eru mjög óljós svör við því,
en við ítrekaða kröfu um skýringar
fæ ég skýringar m.a. um það að
láðst hafi að taka tillit til vaxta
og afborgana í sjóðnum."
Menntamálaráðherra sagðist
hafa spurt hvað yrði ef þessir
peningar yrðu ekki reiddir af
höndum, því hann sagðist ekki í
fljótu bragði hafa getað séð hvar
ætti að afla þessa fjár: „Þá er mér
svarað því að þá verði 2.420 ung-
menni svikin um bindandi loforð
um greiðslu inn á reikninga þeirra
í síðasta lagi 15. desember,“ sagði
Sverrir. „Það var sem sagt búið
að afgreiða öll skjöl til umsækj-
anda og gefa bindandi loforð um
greiðslu inn á reikninga til þeirra.
Svona reiður get ég ekki sætt mig
við,“ sagði menntamálaráðherra.
Hann sagði það með öllu óviðun-
andi að verða að reiða fram kvart-
milljarð, eða 226 milljónir króna í
aukafjárveitingar til lánasjóðsins
á sama tíma og aðhald og niður-
skurður ríkisútgjalda væri það
sem haft væri að leiðarljósi við
fjárlagagerð.
„Þar við bætist að ég hef séð og
veit að sjóðurinn hefur starfað
með miklu meiri mannafla en
hann hefur heimild til,“ sagði
Sverrir, „og ég sé líka að þar er
um gífurlega yfirvinnu að tefla.
Yfirvinnu þar sem æðstu forráða-
menn sjóðsins eru með yfir 100%
yfirvinnu. Ég hlýt því að biðja um
ítarlega úttekt og rannsókn á öllu
þessu máli. Ég legg alla áherslu á
það, að þrátt fyrir að ég ætli að
breyta til í starfsemi sjóðsins og
gera reglur einfaldari, þá verður
ekki farið aftan að ungu námsfólki,
þegar þær breytingar verðá
ákveðnar.“
Sjá bls. 40 yfirlýsingu sUrfsfólks
Lánasjóðs íslenzkra náms-
manna: Viljum ekki axla ábyrgð
af pólitískum ákvörðunum.
Útvarpsfélag stofnað
ÚTVARPSFÉLAG Seltjarnarness hf. var stofnað síðastliðinn laugar-
dag. Aðaltilgangur félagsins er að standa fyrir móttöku og drcifingu
á innlendu og erlendu útvarps- og sjónvarpsefni til íbúa Seltjarnar-
ness.
Júlíus Sólnes, formaður undir-
búningsstjórnar félagsins, sagði
í gær að miðað við 500 áskrifend-
ur yrði kostnaður hvers notenda
við að tengjast kerfinu um 20
þúsund krónur. Líklegast er að
dreifing efnis fari um kapla, en
einnig hefur verið kannaður
möguleiki á þráðlausri dreifingu
á örbylgju. Júlíus sagði að mörg-
um þætti síðari kosturinn ekki
ráðlegur, enda á tilraunastigi í
Bandaríkjunum og í Kanada.
Þeir sem gerast aðilar að
dreifikerfi Útvarpsfélagsins geta
tekið niður þau loftnet er þeir
notast nú við og að sögn Júlíusar
verður þess ef til vill ekki langt
að bíða að sjónvarps- og útvarps-
loftnet hverfi af húsþökum Sel-
tirninga. Hann benti einnig á að
loftnet endast illa á Seltjarnar-
nesi, einkum vegna seltu.
Júlíus sagði að sér virtist
hins vegar að hið opinbera væri
að hindra starfsemi sem þessa
með drögum að reglugerð þar
sem félögum er ekki heimilað að
taka á móti sjónvarpsefni í gegn-
um gervihnetti til dreifingar.
"mrr-r?.
" ■ ■ uMPByweBBBKgcg