Morgunblaðið - 31.12.1985, Side 20

20
MORGUNBLAÐIÐ, ÞRIÐJUDAGUR 31.DESEMBER 1985
Herlög afnum-
in í Pakistan
Islunabad, Pakixtan, 30. desember. AP.
Mohammed Zia Ul-Haq, forseti
Pakistans, aflétti í dag, mánudag,
herlögum í landinu og leysti upp
herstjórnina, sem setið hefur í hálft
níunda ár. I'egar Zia og herforingj-
arnir tóku völdin ætluðu þeir aðeins
að sitja í 90 daga.
I ræðu, sem Zia flutti í samein-
uðu þingi, sagði hann, að her-
stjórnin hefði komið á pólitísku
og efnahagslegu jafnvægi í landinu
og að borgaraleg stjórn gæti nú
sest við stjórnvölinn meðal þjóðar,
sem væri á framfarabraut. Zia,
sem heldur forsetaembættinu,
réttlætti byltingu hersins 5. júlí
árið 1977 og sagði, að ekki hefði
verið annarra kosta völ vegna þess,
að landið og þjóðin hefðu verið
komin fram á ystu brún glötunar
og upplausnar.
Herdómstólar hafa verið leystir
upp, borgaralegir ríkisstjórar
skipaðir í stað herforingja og öll-
um herlagaskrifstofum lokað. Zia
varaði hins vegar þingmenn við
og sagði, að þeir mættu ekki láta
ríginn ráða ferðinni, heldur hags-
muni þjóðarinnar, annars kynni
svo að fara, að herinn sæi sig
nauðbeygðan til að grípa í taum-
anaáný.
Zia hófst handa við að koma
völdunum í hendur borgurum árið
1983 og núverandi forsætisráð-
herra, Mohammad Khan Juejo, er
ekki úr hópi herforingjanna. Juejo
hafði heitið því, að herlögin yrðu
afnumin fyrir áramót en ekkert
hefur verið ákveðið með almennar
kosningar.
Reagan:
Býðst til að tryggja
frið í Afganistan
Los Angeles, 30. desember. AP.
RONALD REAGAN, Bandaríkjaforseti, skoraði á Sovétmenn að draga heri
sína frá Afganistan og bauðst til að tryggja að friðarsamkomulag yrði hald-
ið. Hann sagði að Afganistan hefði verið breytt í helvíti á jörð með innrás
Sovétmanna i jólavikunni 1979 og bardögum síðan.
Reagan hvatti Sovétmenn til að
tímasetja brottflutning herja
sinna frá Afganistan. Hann var
mjög harðorður um framferði
Sovétmanna í Afganistan. „Þeir
hafa látið eiturgasi rigna yfir
sveitaþorp, sent sveitir árásar-
þyrlna á þau en þrátt fyrir allt
hefur afganska þjóðin ekki látið
bugast og er það kraftaverk."
Einn helzti sérfræðingur
sovézka kommúnistaflokksins í
málefnum Miðausturlanda, Karim
Brutins, segir í við tali við róttækt
blað í Kuwait, að Sovétmenn
myndu leggja niður vopn í Afgan-
istan og láta af hersetu sinni þar
ef Bandaríkjamenn og Pakistanar
lofuðu að hlutast aldrei til um
afgönsk innanríkismál. í samtal-
inu hvetur hann Arabaríki til að
tryggja slík loforð af hálfu stjóm-
valda í Washington og Islamabad.
Friður íLíbanon ?
LEIÐTOGAR fylkinganna, sem borist hafa á bana-
spjót í Líbanon, hittust I Damaskus I Sýrlandi sl.
laugardag og undirrituðu þar vopnahléssamning.
Er í honum einnig kveðið á um verulegar pólitískar
umbætur í landinu, að réttindi og ítök múhameðs-
trúarmanna verði mjög aukin. Er Hafez Assed,
Sýrlandsforseti, frumkvöðullinn að þessu sam-
komulagi og er hann hér (annar frá hægri) ásamt
Walid Jumblatt, leiðtoga drúsa, Elie Hobeika, leið-
toga kristinna manna, og Nabih Berri, leiðtoga
shíta.
Kasparov gerð-
ir tveir kostir
Loearno. 30. deaember. AP.
CAMPOMANES, forseti FIDE,
Alþjóðaskáksambandsins, til-
kynnti í dag, að Kasparov hefði
frest fram á næsta mánudag til
að fallast 'að einvígið hæfist 10.
febrúar nk. Ella yrði hann svipt-
ur heimsmeistaratitlinum.
Garri Kasparov, núverandi
heimsmeistari, sagði fyrir
nokkrum dögum, að fyrir-
hugað einvígi milli þeirra
Karpovs væri „vitleysa".
En í tilkynningu Campo-
manesar frá í dag segir, að
reglur FIDE séu skýrar og að
Kasparov verði af titlinum ef
hann ákveði ekki fyrir nk.
mánudag að tefla við Karpov
í febrúar.