Morgunblaðið - 21.01.1986, Blaðsíða 23

23
MORGUNBLAÐIÐ, ÞRIÐJUDAGUR 21. JANÚAR1986
asS.
Höfundur við minnismerki fallinna hermanna frá skóla þeim, sem
hann nam við í Bandaríkj unum.
Athugasemd Half-
dans Henryssonar
Herra ritstjóri.
í blaði yðar þann 18. janúar sl.
er viðtal við Amór Sigurjónsson og
Gylfa Geirsson. Þar sem í viðtalinu
er gróflega hallað réttu máli, þá
óska ég vinsamlegast að fá að koma
fram eftirfarandi leiðréttingu.
I fyrrgreindu viðtali kemur fram
að þeir félagar Amór og Gylfi séu
einu fslendingamir sem lært hafi
nútímaaðferðir við að gera sprengj-
ur óvirkar. Við það vil ég gera
eftirfarandi athugasemd:
íslenzka Landhelgisgæzlan hefur
um langt árabil látið þjálfa menn
til þessara starfa. Hefur þessi þjálf-
un farið fram hjá Vopnaskóla
danska sjóhersins. Af þeim mönn-
um, sem þar hafa stundað nám eru
fjórir enn starfsmenn íslenzka ríkis-
ins, þeir Helgi Hallvarðsson skip-
herra, Pálmi Hlöðversson kennari
við Stýrimannaskólann í Reykjavík,
Gylfi Geirsson loftskeytamaður hjá
Landhelgisgæzlunni og undirritað-
ur, sem starfar hjá Siglingamála-
stofnun ríkisins. Allir höfum við
lokið námi frá Vopnaskólanum og
lokið sömu prófum og danskir félag-
ar okkar, enda hlotið sömu þjálfun
og þeir. Ennfremur kannske fleiri,
sem mér er ekki kunnugt um.
Vopnaskóli danska flotans er í
miklu áliti í þessum efnum og
byggir kennslu sína á þekkingu sem
Danir óhjákvæmilega hlutu, þegar
land þeirra var hreinsað af vítisvél-
um eftir hemámið. Auk þess hafa
Danir hert kennslu sína varðandi
hermdarverk, þar sem land þeirra
liggur í þjóðbraut og tiltölulega
opið vegna mikilla samgangna við
önnur lönd. Þessvegna nutum við
íslendingar líka kennslu í þessum
efnum jafnt á við Dani.
Samt sem áður taldi Landhelgis-
gæzlan nauðsyn á því að betri
þekkingar væri aflað í þessum
efnum og var Gylfi Geirsson sendur
til frekara náms á Englandi í 3
vikur, en undirritaður hélt til
Bandaríkjanna og nam við þann
skóla er þjálfar Bandaríkjamenn og
aðra til þessara verkefna. Tók það
nám 8 vikur. Samferðamenn minir
og bekkjarfélagar komu frá ýmsum
löndum, þar á meðal ísrael, Egypta-
landi, Jórdaníu og Japan. Ólíklegt
verður að teljast að þessar þjóðir
sendi menn til náms í fjarlægum
stað, sjái þær sér ekki hag í því
og fullyrt get ég, að öllum nýjustu
aðferðum við að eyða vítisvélum af
hvaða tegund sem er var beitt og
ekkert undan dregið.
Það kom því úr hörðustu átt
þegar fyrrum félagi minn taldi sig
og Amór Siguijónsson eina hafa
lært nútímaaðferðir við að gera
hluti til tortímingar óskaðlega. Ég
efast ekki um að skóli sá er þeir
hlutu þjálfun í er góður, en að aðrir
geti ekki verið það líka eru ósann-
indi. Skóli sá er ég nam við hefur
útskrifað menn til þessara starfa
frá því i seinni heimsstytjöldinni og
þar hafa stundað nám menn hvað-
anæva.
Auk þess og til frekari kynningar
á aðferðum hermdarverkamanna
vorum við sendir til New York til
að kynnast störfum New York
Police Bomb Squad Dept. og feng-
um þar sérstaka kynningu á notkun
hunda og Qarstýrðra farartækja við
að fjarlægja og gera óskaðlega
hættulega hluti.
Að endingu get ég ekki látið hjá
líða að minnast þess, fjölda manna
á íslandi sem unnu við að gera
tundurdufl og aðra slíka hluti
óskaðlega í seinni heimsstyijöldinni.
Þeirra verk verða seint fullþökkuð,
en af mikilli hugdirfsku og kjarki
unnu þeir sín verk án verkfæra og
annars búnaðar, sem nú er talinn
nauðsynlegur.
Höfundur starfar hjá Siglinga■
málastofnun ríkisins.
Bílaþvottastöð opnuð
OPNUÐ hefur verið þvottastöð á Höfðabakka 1, sú fyrsta hér á
landi sem ætluð er til þvotta á stórum bíhim. Á þvottastöðinni verður
boðið upp á olíuþvott, forþvott, vatnsþvott, hreinsun á undirvagni
og gljáameðferð.
A þvottastöðinni verður hægt að þvo allar stærri bifreiðir, áætlunar-
bíla, vörubíla, dráttarbfla og vöruflutningabflameð eða án aftanívagna.
Stöðin er opin virka daga frá kl 9—19, laugardaga firá kl. 9—17 og
sunnudagafrákl, 14—221. - ■. ' - • -
Deilt um Granda hf. í borgarstjórn:
Minnihlutinn reynir að
ala á óánægju starfsmanna“
— sagði borgarstjóri á borgar stj órnarfundi í fyrrakvöld
Harðar umræður urðu á borgarstjórnarfundi á fimmtu-
dagskvöld um málefni Granda hf. Tilefni umræðnanna var
sú ákvörðun stjórnar fyrirtækisins, að segja upp 180 manns
í kjölfar þeirra breytinga, sem gerðar voru á fyrirtækinu
nú um áraipótin.
Minnihlutinn deildi harðlega á
borgarstjóra og taldi, að með
þessum uppsögnum hefði borgar-
stjóri svikið það loforð sitt að vinnu
starfsfólksins yrði ekki stefnt í
voða við samruna BÚR og Isbjam-
arins. Siguijón Pétursson (Abl.)
sagði að urgur væri í starfsmönn-
um fyrirtækisins vegna þessa máls
og þeir menn sem hann hefði rætt
við hefðu óskað nafnieyndar af
ótta við uppsagnir. „Þetta ástand
minnir á kreppuárin, þegar verka-
menn þorðu ekki öðru en að gera
yfírmönnum sínum allt til geðs til
að halda vinnu sinni," sagði Sigur-
jón ennfremur.
Sigurður E. Guðmundsson (A)
tók til máls og sagði, að borgar-
stjóri hefði haldið því fram 19.
des. sl. að við samruna fyrirtækj-
anna myndi fjárhagsbaggi Reykja-
víkurborgar vegna reksturs BUR
hverfa smátt og smátt, án þess
að vinnu starfsfólksins yrði stefnt
í voða. Það væri hins vegar ljóst
nú að þetta loforð stæðist ekki.
Guðrún Jónsdóttir (Kf.) sagði,
að stjóm Granda hf. hefði ekki
sinnt þeirri frumskyldu sinni að
hafa starfsfólk fyrirtækisins með
í ráðum þegar þessar mikilvægu
ákvarðanir hefðu verið teknar.
Sagði hún, að 11 fískvinnslukon-
um hefði verið sagt upp störfum
þrátt fyrir gefín loforð um, að
engum í fiskvinnslu yrði sagt upp
störfum við samruna fyrirtækj-
anna. Guðrún sagði ennfremur,
að meðal þeirra sem sagt hefði
verið upp störfum væri fólk sem
komið væri á sjötugsaldur og hefði
unnið hjá BÚR um áratuga skeið
og ekki yrði hlaupið að því fyrir
þetta fólk að fá sér nýja vinnu.
„Borgarstjóri hefur sjálfur valið
alla stjómarmenn fyrirtækisins og
því verður engum vömum komið
við innan stjómarinnar. Lýðræðið
hefur verið hundsað," sagði Guð-
rún að lokum.
I máli Kristjáns Benediktssonar
(F) kom fram, að hann hefði séð
þessi vandræði fyrir strax er
samþykkt var að sameina BÚR
og Isbjöminn og ekki síst eftir að
borgarstjóri hefði tekið sér alræð-
isvald í málefnum fyrirtækisins.
Borgarstjóri svaraði þessari
gagnrýni og sagði, að sameining
fyrirtækjanna hefði verið nauðsyn-
leg til þess að bjarga sjávarútveg-
inum í Reykjavík. Sagði hann, að
í kjölfar sammna fyrirtækjanna
hefði verið nauðsynlegt að grípa
til ákveðinna ráðstafana til hag-
ræðingar. Sagði hann ennnfremur,
að rangt væri að halda því fram
að þessar ráðstafanir hefðu verið
gerðar án samráðs við starfsfólk,
stjómarformaður fyrirtækisins
hefði haldið fundi með starfsfólki
og sent þeim bréf þar sem þessar
ráðstafanir hefðu verið kynntar.
„Ef ekki hefði verið gripið til
þessara ráðstafana þá hefði störf-
um allra þeirra, er í sjávarútvegi
vinna hér í Reykjavík, verið stefnt
í voða. Minnihlutinn hér í borgar-
stjóm er aðeins að reyna að ala á
óánægju starfsmanna. Þessir
flokkar lifa á eymd annarra og
kjaminn í þeirra málflutningi er
kreppan," sagði borgastjóri að
lokum.
Ragnar Júlíusson (S) sagði, að
það hefði alltaf legið ljóst fyrir,
að við sammna fyrirtækjanna
þyrfti að fækka starfsfólki. Bæði
fyirtækin hefður rekið stórar skrif-
stofur og einnig hefðu bæði fyrir-
tækin rekið verkstæði, svo dæmi
séu tekin. Þama hefði því verið
nauðsjmlegt að fækka starfsfólki
svo yfirbygging fyrirtækisins yrði
ekki of mikil. Þetta hefði öllum
verið ljóst jafnt starfsfólki sem
öðmm. Hins vegar hefði hingað
til verið skortur á starfsfólki í
fiskvinnslu svo þar yrði engum
sagt upp, sagði Ragnar að lokum.
85 ára afmæli
Á MORGUN, miðvikudaginn 23.
j_an. verður 85 ára frú Helga
Óskarsdóttir Ögmundarstöðum í
Skagafirði. Eiginmaður hennar var
margeir Jónsson bóndi og fræði-
maður. Hann er látinn fyrir all-
mörgum ámm. Helga dvelst nú hér
í Reykjavík að Logalandi 17. Hún
tekur á móti gestum á afmælis-
daginn í félagsheimili Skagfirðinga-
félagsins Síðumúla 35, eftir kl. 16.
SapaFmnt
ELDVARNARHURÐIR
A30F30
Hurðir og skilrúmsveggir geta veriö altt
aö 3,0 m á hæð og 10,0 m á lengd í eld-
varnarflokki F30.
Huröir geta ýmist veriö einfaldar eöa
tvöfaldar meö eldþolnu gleri eöa eld-
þolnum plötum.
Þá er hægt aö fá sérstakan útbúnaö
lamamegin á huröir, sem tryggir aö
börn geta ekki klemmst þar á milli.
Á hurðirnar er hægt aö setja sjálfvirkan
lokunar- og opnunarbúnaö, sem tengja
má eldvarnarkerfi.
Tæknideild okkar veitir allar nánari
upplýsingar.
GISSUR SlMONARSON SÍÐUMÚLA 20 REYKJAViK. Sl MI 3S220