Morgunblaðið - 02.02.1986, Blaðsíða 2
2
MORGUNBLAÐIÐ, SUNNUDAGUR 2. FEBRÚAR1986
Grandi hf. með
atvinnumiðlun
GRANDI hf. hefur nú komið á fót vinnumiðlun til að aðstoða þá
starfsmenn fyrirtækisins, sem sagt hefur verið upp og ekki hafa
fengið starf aftur, en það eru um 70 manns. „Það er sárt að hafa
þurft að segja þessu fólki upp störfum og geta ekki ráðið það að
nýju. Þess vegna bjóðum við aðstoð okkar við starfsleit og vonum
að hún komi að gagni,“ sagði Brynjólfur Bjarnason, framkvæmda-
stjóri Granda hf., í samtali við Morgunblaðið.
Af 176 manns, sem sagt var upp
störfum í upphafi ársins í kjölfar
samruna BUR og ísbjamarins í
fískiðjuna Granda hf., verða tæp-
lega 100 endurráðnir. Flest er þetta
fólk úr Dagsbrún og er vinnumiðl-
unin í samráði og samvinnu við
Dagsbrún og Starfsmannafélag
Kaþólska kirkjan:
Fyrirhugar
kirkjubyggingu
í Hafnarf irði
UNDIRBÚNINGUR er hafinn að
byggingu kaþólskrar kirkju i
Jófríðarstaðarlandi í Hafnar-
firði. Hefur bæjarstjórn Hafnar-
fjarðar samþykkt fjárveitingu á
fjárhagsáætlun fyrir lengingu
Jófríðarstaðavegar til að greiða
fyrir framgangi þessa máls.
Kaþólska kirkjan á um 10 þúsund
fermetra land á milli Jófríðarstaða-
vegar og Staðarhvamms og að sögn
Hinriks Frehen, kaþólska biskups-
ins á íslandi, hefur lengi staðið til
að byggja þar kaþólska kirlqu.
Hannesi Kr. Davíðssyni, arkitekt,
hefur verið falið að teikna kirkjuna
og annast undirbúning við verkið.
Kaþólski biskupinn sagði að ekki
hefði verið ákveðið um stærð kirkj-
unnar þar sem beðið væri eftir
endanleg.-i skipulagningu svæðisins
í kring, en þar er meðal annars
gert ráð fyrir verslunarmiðstöð fyrir
Hvammahverfí.
Rainbowmálið:
Utanríkis-
ráðherra
kannar við-
brögð Banda-
ríkjastjórnar
Matthías A. Mathiesen,
utanríkisráðherra, fól sendi-
ráði Islands í Washington í
gær, að kanna hver yrðu
viðbrögð bandaríska utan-
ríkisráðuneytisins við dóm-
sniðurstöðunni í Rainbow-
málinu svonefnda, en eins og
kunnugt er varð hún neikvæð
fyrir Bandaríkjastjóm. Jafn-
framt mun utanríkisráðherra
hafa látið sendiherra Banda-
ríkjanna hér á landi vita af
þessum tilmælum.
Granda hf. Sérstakur starfshópur
sér um vinnumiðlunina og hann
skipa, Brynjólfur Bjamason, fram-
kvæmdastjóri Granda hf., Þröstur
Ólafsson, framkvæmdastjóri Dags-
brúnar, Pjetur Ámason, formaður
Starfsmannafélags Granda og Jón
Hákon Magnússon, en hann var
forsvarsmaður vinnumiðlunar Haf-
skips á síðastliðnu ári.
Brynjólfur Bjamason, fram-
kvæmdastjóri Granda hf., sagði, að
flestir þeirra, sem sagt hefði verið
upp, væru iðnaðarmenn og verka-
menn í störfum tengdum fískvinnsl-
unni svo og verkamenn í saltfísk-
vinnslu. Nú væri verið að senda
þessu fólki bréf, þar sem því væri
boðín aðstoð og í þessari viku kæmi
í ljós hve margir úr hópnum væru
enn atvinnulausir.
Brynjólfur sagði, að frysting í
húsinu á Norðurgarði væri komin
á góðan skrið og því vantaði nú um
30 konur til vinnu í snyrtingu og
pökkun. Vinnsla væri enn ekki hafin
í húsinu á Grandagarði og fólksþörf
þar því enn óljós.
raui^uiiuiauiu/juTu ðæoerp
Ólafur Stephensen, formaður skólanefndar Heimdallar, afhendir Eyjólfi Konráð Jónssym bikannn
sem er tákn fyrirþingmann ársins.
Eyjólfur Konráð Jónsson
valinn þingmaður ársins
Á föstudaginn var Eyjóifur Konráð Jónsson al-
þingismaður sæmdur titlinum „þingmaður ársins
1985“ af skólanefnd Heimdallar og blaðinu Nýr
skóli. Steingrímur Sigurgeirson, ritstjóri Nýs skóla
og Ólafur Stephensen, formaður skólanefndar
Heimdallar, afhentu Eyjólfí bikar af því tilefni.
Þetta er í fyrsta sinn sem bikarinn er afhentur
og ætlunin að veita hann árlega og verða nöfn
þeirra sem fá bikarinn, grafínn á hann. í ræðu
sem Steingrímur Sigurgeirsson hélt við þetta
tækifæri kom fram að helstu ástæður þess að
Eyjólfur var valinn þingmaður ársins voru tillögur
hans um sölu á Seðlabankahúsinu og nýju Útvarps-
húsbyggingunni sem og vegna baráttu gegn höft-
um á viðskiptabankanna.
Smjörlíki o g Hamp-
iðjan til fyrirmyndar
Niðurstaða könnunar viðskiptadeildar HI á „fyrirmyndar fyrirtækjum“
FYRIRTÆKIN Smjörlíki - Sól
hf. og Hampiðjan hf eru bezt
reknu fyrirtækin á íslandi sam-
kvæmt könnun viðskiptadeildar
Háskóla íslands. Deildin leitaði
til 34 aðilja tengdra atvinnu-
greinunum og tilnefndu þeir að
hennar ósk þau fyrirtæki, sem
teljast mættu frábær. 11 fyrir-
tæki fengu flestar tilnefningar
en talsverður fjöldi fyrirtækja
var nefndur í þessu sambandi.
Fyrirtækin 11, sem bezt komu út
eru: Smjörlíki — Sól hf., Hampiðjan
hf., Eimskipafélag Islands hf.,
Hilda hf., Hagkaup hf., Hekla hf.,
IBM á íslandi, B.M. Vallá hf, Mjólk-
ursamsalan, Plastprent hf. og Iðn-
aðarbankinn hf. Samkvæmt upplýs-
ingum viðskiptadeildar Háskólans
kom víða fram hjá mönnum að ekki
væru til nein frábær fyrirtæki á
íslandi í orðsins fyllstu merkingu,
frekar mætti tala um góð fyrirtæki.
Meðal þeirra raka, sem þátttakend-
ur í könnuninni nefndu fyrir vali
sínu á fyrirtækjum má nefna fram-
sækna markaðsstefnu, vöruþróun,
tæknivæðingu, útflutning, sem
stenzt harða samkeppni, athafna-
semi, frumkvæði, sjálfstæði og góð-
anstarfsanda.
í samandregnum niðurstöðum
könnunarinnar segir meðal annars,
að athyglivert þyki hve þættir eins
og öflug vöruþróun, markaðssetn-
ing og útflutningur hafi vegið þungt
í röksemdum þátttakenda. Hin
mikla umræða hérlendis undanfarin
misseri um mikilvægi þessara þátta
í rekstri fyrirtækja og fyrir þjóð-
félagið í heild, hafí án efa haft
mikil áhrif á viðhorf manna. ímynd
sú, sem fyrirtækjum hafí tekizt að
skapa sér með skipulagðri kynning-
arstarfsemi, gæðum og þjónustu
og jafnvel með stjómendum sínum,
hafí einnig verið áhrifaríkur þáttur.
Þá segir að könnun þessi hafí
hvorki verið yfírgripsmikil né fram-
kvæmd með vísindalegum aðferð-
um. Þar af leiðandi hljóti niðurstað-
an að vera tilviljanakennd og að
sumu leyti vafasöm, jafnvel þó sett
sé fram tilgáta um frábært fyrir-
tæki með ákveðnum mælikvarða.
Engu að síður gefí niðurstaðan vis-
bendingu um viðhorf þjóðfélagsins
til þess hvaða fyrirtæki hérlendis
séu öðmm betri.
Póstþj ónustugj öld
hækka um 25
Talsíma- og telexþjónusta lækkar um 15 til 20%
Flugslysið í Bláfjöllum:
Rannsókn
haldið
RANNSÓKN er haldið áfram á
flugslysinu í Bláfjöllum þar sem
TF-ZEN fórst með tveimur
mönnum. Mennimir sem fórust
hétu Rúnar Brekkan, sem var
flugmaður vélarinnar og Harald-
ur Asgeirsson.
Rúnar Brekkan var 44 ára vél-
virki til heimilis að Stakkholti 3 í
Reykjavík. Hann var ekkjumaður
og lætur eftir sig 2 dætur. Haraldur
Ásgeirsson var 40 ára prentari til
afram
heimilis að írabakka 22 í Reykjavík.
Hann lætur eftir sig sambýliskonu
ogeinadóttur.
Matthías Sveinsson rútubflstjóri
var á skíðum ásamt Halldóri Matt-
híassyni félaga sínum skammt frá
þeim stað sem flugvélin fórst og
komu þeir fyrstir að vélinni. Hann
kvaðst ekki hafa séð flugvélina
hrapa, en það hefði Halldór gert.
Hann sagði að aðkoman hefði verið
ömurleg, hlutir úr vélinni dreifðir
um stórt svæði.
GJÖLD fyrir talsíma- og telex-
þjónustu milli Islands, Kanada
og Bandaríkjanna lækkuðu 1.
febrúar. Talsímagjöld lækkuðu
um 15% milli landanna en telex-
þjónustan um 32% mUli Islands
og Bandaríkjanna og 50% mUli
Islands og Kanada. Gjöld fyrir
póstþjónustu hækkuðu sama dag
að jafnaði um 25-30%. Burðar-
gjald bréfa í fyrsta þyngdar-
flokki (20 gr) verður 10 krónur
innanlands og til Norðurlanda
og 12 krónur til annarra landa.
Flugburðargjald til landa utan
Evrópu verður 20 krónur.
Mínútugjald fyrir sfmtöl milli Is-
lands, Kanada og Bandaríkjanna
lækkar úr 82 krónum í 70 krónur
í sjálfvali. Mínútugjald fyrir telex-
þjónustu lækkar úr 84 krónum í
57 krónur milli Islands og Banda-
ríkjanna og úr 115 krónum í 57
krónur milli Islands og Kanada.
Burðargjald fyrir póstkort og
prentað mál í fyrsta þyngdarflokki
verður 10 krónur, nema flugburðar-
gjald til landa utan Evrópu, sem
verður 12 krónur, segir í fréttatii-
kynningu frá Póst- og símamála-
stofnuninni. Gjald fyrir almennar
póstávísanir verður 25 krónur,
símapóstávísanir 110 krónur og
póstkröfur 45 krónur. Ef um inn-
borgun á póstgíróreikning er að
ræða verður gjaldið 30 krónur.
Lágmarksburðargjald fyrir bögg-
ul verður 90 krónur og lægsta
þyngdarmark böggla verður 5 kg.
Þá verður leyfð hámarkgsþyngd
smápakka 2 kg samkvæmt gildis-
töku nýrra alþjóðapóstsamninga,
en var áður 1 kg. Ábyrgðargjald
verður 30 krónur og hraðboðagjald
70 krónur.
Sakf elldur en refsing f elld niður
NÝLEGA er fallinn dómur i
Sakadómi Reykjavíkur á máli
Höskuldar Skarphéðinssonar,
skipherra hjá Landhelgisgæsl-
unni. Hann var sakfelldur fyrir
að leggja fram i Bæjarþingi
Reykjavíkur fjórar staðgreiðslu-
nótur frá Áfengis- og tóbaks-
verslun ríkisins, sem voru rangar
að efni og dagsetningum. Ásamt
Höskuldi var fyrrum starfsmað-
ur ÁTVR sakfelldur.
Málsbætur þóttu vera slíkar, að
þeim var ekki gerð refsing, þó
sakfellisdómur hafi verið kveðinn
upp, en þeim var gert að greiða
málskostnað. Höskuldur átti í deil-
um við Landhelgisgæsluna um
greiðslu risnu. Pétur Guðgeirsson,
sakadómari, kvað upp dóminn.