Morgunblaðið - 22.02.1986, Blaðsíða 46

4£
MORGUNBLAÐIÐ, LAUG ARDAGUR 22. FEBRÚAR1986
• Jón HJattalfn Magnússon á skrffstofu HSÍ f gi
Morgunblaöið/Emilía
Hver er maðurinn?
JÓN Hjaltalín Magnússon er
Reykvfkingur, uppalinn í Bú-
staAahverfinu. Hann er stúdent
frá Menntaskólanum í Reykja-
vfk. Eftir stúdentspróf nam
hann rafmagnsverkfræði við
Háskólann í Lundi í Svfþjóð
1969—1973. Að námi loknu
starfaði hann við þróunardeild
Kockums-skipasmfðastöðvar-
innar til ársins 1975 og sem
deildarstjóri frá 1975 til 1979. Á
þvf tfmabili starfaði hann mikið
að markaðsmálum og ferðaðist
á vegum fyrirtækisins um allan
heim, starfaði m.a. f Bandaríkj-
unum, Suður-Ameríku og Japan
auk Norðurlandanna.
Jón Hjaltalín bjó í 10 ár í Sví-
þjóð. Eftir heimkomuna 1979
starfaði hann fyrst hjá Járn-
blendifélaginu við Grundartanga
við stýritölvur og tölvubúnað.
Árið 1981 fluttist hann til Reykja-
víkur og hefur starfað við ráðgjaf-
ar- og viðskiptastörf, einkum á
sviði nýsköpunar í háþróuðum
tækniiðnaði, t.d. verið verkefnis-
stjóri í átaki til eflingar rafeinda-
iðnaðar á íslandi og átaki til efl-
ingar lífefnaiðnaðar á Islandi,
verið ráðgjafi Háskólans um
aukin tengsl HÍ og íslensks at-
vinnulífs, unnið að stofnun þró-
unarfyrirtækis Háskólans, auk
þess sem hann hefur kennt
stundakennslu við raunvísinda-
deild hans og fleira.
Jón Hjaltalín lék handknattleik
sem drengur með Val, Þrótti og
Víking. í Svíþjóð lék hann með
Lugi í Lundi. Hann lék 54 lands-
leiki frá 1967 til 1978 og tók
m.a. þátt í Ólympíuleikunum
1972 og Heimsmeistarakeppn-
inni 1970. Hann þjálfaði í eitt ár
lið Málmey FF í Svíþjóð og lið
Akranes árin sem hann starfaði
við Grundartanga.
Hann er kvæntur Sonju Guð-
mundsdóttur og eiga þau þrjú
börn.
Jón Hjaltalín Magnússon:
Athafnamaðurinn
sem gert hefur
byltingu í fslenskum
handknattleik
— og stefnir nú að atvinnumennsku á íslandi
ÞEGAR JÓN Hjaltalín Magnússon tók við formennsku Handknattleiks-
sambands íslands, var handknattlelkur talinn f nokkurri lægð á ís-
landi. Landsliðið var f B-flokki og HSf átti f verulegum fjárhagserfið-
leikum, skuldaði á aðra milljón. Áhugi þjóðarinnar á hsndknattleik
hafði augljóslega minnkað og áhorfendur á leikjum voru færri en
áður. Nýja stjórnin, sem kosin var til starfa vorið 1984, tók þvf ekki
við auðveldu búi.
„Þegar við fengum upplýsingar
um það að (slendingar myndu
öðlast þátttökurétt á Olympíuleik-
unum 1984, eftir að austantjalds-
þjóðirnar hættu við þátttöku,
ákváðum við að leggja allt undir,
freista þess að ná sjötta sæti,
verða A-þjóð og sleppa við
B-keppnina 1985,“ sagði Jón
Hjaltalín. „Okkur var Ijóst að ef við
næðum sjötta sætinu myndu ýms-
ar dyr opnast okkur, og sú hefur
orðið raunin. Það hefur tekist að
byggja upp verulegan áhuga opin-
berra aðila og fyrirtækja á hand-
knattleikslandsliðinu. Ég er sann-
færður um að rétta leiðin til að
byggja upp áhuga á handknatt-
leiksíþróttinni er sú að reyna að
skapa gott landslið. Með gott
landslið eru okkur flestir vegir
færir."
„Það er staðreynd að áhugi á
handknattleiknum hefur sjaldan
verið meiri en um þessar mundir,
sérstaklega útí á landi. Hér á höf-
uðborgarsvæðinu hefur aðsókn að
vísu verið dræm á leiki félagsliða,
en ég vil kenna því um að félögin
hafi einfaldlega ek^ci verið nógu
dugleg í kynningarstarfi sínu. Úti á
landi eru að koma mörg hundruð
manns á leiki í þriðju deild, t.d. á
Selfossi, Akranesi, Keflavík og
Vestmannaeyjum. Á Akureyri eru
allt að 800 manns á fyrstudeildar-
leikjum," segir Jón.
„Við höfum líka gert mikið átak
í unglingastarfi, ráðiö tvo þjálfara
til að annast unglingalandslið
okkar og gefið ungum leikmönnum
utan af landi tækifæri til aö koma
á æfingar og sýna hvað í þeim býr.
Við erum líka að gera átak í
kvennahandbolta og sendum ný-
lega landslið í nokkurskonar lær-
dómsferð í B-keppni. Þá erum við
að gera skurk í dómaramálum, fá
fleiri alþjóðlega dómara og erum
orðnir harðir í samskiptum við
erlendar þjóðir um gagnkvæm
skipti á dómurum til að dæma
landsleiki," segir Jón.
Til að sjá um auknar fram-
kvæmdir hefur starfsfólki HSÍ verið
fjölgað úr einni manneskju í hálfu
starfi í tvo starfsmenn sem vinna
fullt starf. Annar þeirra er Einar
Magnússon, sem var ráðinn sem
sérstakur fjármálastjóri. Jón
Hjaltalín fékk einnig í liði með sér
þekkta menn úr íslensku viðskipta-
lífi, Pál Braga Kristjónsson, Ólaf
B. Thors, Þórð Ásgeirsson, Einar
Sveinsson og Árna Árnason, og
stofnaði með þeim stjórn lands-
liðssjóðs HSt. Sú stjórn hefur verið
atkvæðamikil í fjáröflunarstarfinu,
sem í heild mun afla rúmlega 20
milljóna á þessu keppnistímabili,
þrefalt hærri upphæð en á því síð-
asta.
„Við höfum lagt áherslu á að
þeir leikmenn sem leika með
landsliðinu þurfi ekki að bera af
því fjárhagslegan skaða. Það hefur
örugglega aldrei verið gert jafn vel
við leikmenn, þeir fá bónus fyrir
góða frammistöðu, og séð er til
þess að þeir hafi það gott fjár-
hagslega á meðan þeir eru að æfa
og leika með landsliðinu," segir
Jón. „Við erum hreint út sagt að
stefna að því að leikmenn telji það
jafn áhugavert að iðka handknatt-
leik hér heima, eins og erlendis.
Við vonumst eftir því að geta búið
svo í haginn að stjórstjörnur hand-
knattleiksins vilji vera hér heima,
eða flýta sér heim!"
Þú ert að tala um atvinnu-
mennsku?
„Já, ég leyni því ekki að mér
finnst að við eigum að koma hér
upp hálfatvinnumennsku, og er
viss um að við getum það. Við
erum með nógu góðan grunn í
nokkrum íþróttagreinum til að
leyfa slíka atvinnumennsku. Góðir
íþróttamenn eru frammúrskarandi
landkynning fyrir ísland — land,
þjóð og útflutningsvörur, og ein-
hver ódýrasta landkynning sem völ
er á. Nú eru t.d. hátt í 100 íslensk-
ir íþróttamenn og þjálfara að störf-
um erlendis, og þátttaka okkar í
HM vekur athygli sem erfitt væri
aö ná með öðrum hagkvæmari
aðferöum."
slenska landsliðið merkt Adidas og Flugleiðum leikur við það
danska sem merkt er Hummel og Tuborg og yfirgnæfir Svali; fé
auglýsenda streymir í síauknum mæli til íþróttahreyfingarinnar.
Svona er peninganna aflað
•Sjónvarpið — Lykilsamingur
við íslenska sjónvarpið um sýn-
ingar frá landsleikjum. Samning-
ur sem tryggði að landsliðið yrði
í sviðsljósinu og þar með freist-
andi möguleiki fyrir auglýsendur.
• Skilti f Laugardalshöll — Sem
bein afleiðing af sjónvarpssamn-
ingum var hægt að fá mun hærra
gjald fyrir auglýsingaskilti í Laug-
ardalshöllinni á landsleikjum en
áðurtíðkaðist.
• Flugleiðir — Reikna má með
að á þessu keppnistímabili ferð-
ist handknattleiksmenn til út-
landa á vegum HSÍ sem svarar
tæplega 1.000 sætum hjá Flug-
leiðum. Samningurinn tryggir
verulegan afslátt hjá félaginu.
•Olís — Samningur sem tryggir
HSÍ 5 aura af hverjum seldum
bensínlítra á ákveðnu tímabili
auk þess sem hann tryggir báö-
um aðilum verulegt kynningar-
starf með afhendingu mynda og
bolta.
•Skrífstofuvólar — Samningur
sem felur í sér tölvuvæðingu
skrifstofu HSÍ, húsgögn o.fl.
gegn auglýsingum í Laugardals-
höll og í leikskrám.
•Adidas — Adidas sér HSÍ fyrir
búningum á öll landsliðin 7 að
tölu í þrjú ár, skó, búninga, bolta
o.fl. fyrir liðsmenn, dómara, far-
arstjóra, þjálfara, auk ákveðinnar
greiðslu til HSÍ.
•Act-skór — Samningur við
skóverksmiðju Sambandsins um
kynningu á Act-skóm. Allir leik-
menn og aðstandendur liðsins
fá tvenn pör af skóm og auk
þess fær HSÍ þóknun fyrir afnot
Act-vörumerkisins af leikmönn-
um í auglýsingum.
• Bílaleiga Akureyrar — Bílaleig-
an lánar leikmönnum sem búa
erlendis bíla á meðan þeir æfa
með landsliðinu, einnig erlendum
gestum HSÍ, t.d. þegar landslið
koma hingað.
•Arnarflug — Arnarflug flytur
landsliðið og fylgdarhóp þess til
Sviss og heim aftur, HSÍ að
kostnaðarlausu. Þetta er gert í
samráði við Flugleiðir og í stað-
inn mun HSÍ standa fyrir sér-
stakri íslandskynningu í Sviss á
meðan á HM stendur í samráði
við bæði flugfélögin og Ferða-
málaráð.
•Almennar tryggingar —
Samningur sem felur í sér að
almennar tryggingar sjái liðinu
og einstökum liðsmönnum fyrir
öllum nauðsynlegum tryggingum
án kostnaðarfyrir HSÍ.
•Sól hf. — Þetta er nýjasti
samningurinn, undirritaður í gær.
Sól hf. mun sjá landsliðum fyrir
drykkjum eftir æfingar og lands-
liðsmenn munu taka þátt í kynn-
ingu á drykkjum og aldingraut-
um. Einnig kemurtil bein greiðsla
frá Sól hf. til HSÍ.
Framangreindir aðilar eru
stærstu stuðningsaðilar HSi.
Einnig hafa eftirtaldir aðilar lagt
til fjárhagslegan stuðning:
•Alþýðubankinn
•Anpro
•Austurbakki
• Eimskið
• E.Th. Mathiesen
• Háaleitisapótek
• Hagkaup
• IBM
•Jöfur
• Nesco
• Nói/Síríus
• Pólar
• Pylsuvagninn í Austurstræti
•Sjóvá
• Síldarvinnslan Neskaupstað
• Sölumiðstöð
Hraðfrystihúsanna
• Sölusamband ísl.
fiskframleiðenda
•Stefán Thorarensen
•Verslunarbankinn
• BMVallá
• íslenska járnblendifélagið
• Landsbanki íslands
•Sindra stál
•Auk þess hefur ríkisstjórnin
styrkt liðið eins og Ólympíunefnd
íslands og Afmælisnefnd Reykja-
víkurborgar.
• Ekki má gleyma að HSÍ hefur
einnig allnokkrar tekjur af að-
gangseyri á landsleikjum.
• Þá stendur yfir landshapp-
drætti á vegum HSf, áheit fjöl-
margra fyrirtækja þess efnis að
greiða 100 krónur fyrir hvert
skorað mark í undirbúningsleikj-
um fyrir HM og í keppninni sjálfri,
og getraunaleikur í samráði við
Getraunir.