Morgunblaðið - 06.11.1986, Page 43

MORGUNBLAÐIÐ, FIMMTUDAGUR 6. NÓVEMBER 1986
43
Stallone lögsóttur
MAÐUR nokkur frá Utah,
Tim Anderson að nafni,
hefur lögsótt leikarann Sylvester
Stallone og krafíst 105 milljón
Bandaríkjadala í skaðabætur, þar
sem hann telur að Stallone og
MGM-UA hafí stolið hugmynd
sinni að kvikmynd og notað hana
í handritinu að Rocky IV.
Málið, sem Anderson höfðar
fyrir fylkisrétti Utah, beinist auk
Stallone gegn þremur yfírmönn-
um kvikmyndaversins MGM-UA.
Hann fer fram á fimm milljónir
dala vegna almenns tjóns, sem
hann hafí orðið fyrir, en auk þess
100 milljónir til refsingar fyrir
hugmyndastuld af yfirlögðu ráði.
Tammy Wynette
í eiturlyfjavanda
BANDARÍSKA dreifbýlissöngkonan Tammy Wynette hefur
frestað tónleikahaldi sínu það sem eftir er ársins og hefur
verið lögð inn í sjúkrahús vegna lyfjavandamáls. Talið er að
hún verði þar a.m.k. í sex vikur.
Wynette, sem er 44 ára, ku vera orðin háð verkjastillandi
lyflum, sem hún hefur tekið frá árinu 1983. Þá var hún skorin
upp við magasjúkdómi nokkrum. Talsmaður hennar sagði að
þetta væri ekki enn orðið að alvarlegu vandamáli, en að hún
hefði viljað kippa málum í liðinn, áður en illa færi.
Tammy Wynette er þekkt fyrir dreifbýlislög svo sem Stand
By Your Man og D-I-V-O-R-C-E. Sjúkrahúsið, sem hún mun
dveljast á er þekkt sem Betty Ford-stofnunin eftir eiginkonu
Geralds Ford, Bandaríkjaforseta, en hún var áfengissjúklingur.
Stofnunin hefur verið mjög vinsæl meðal þekkts fólks, sem
hefur átt við áfengis- og lyfjavandamál að stríða og er í Palm
Springs í Kalifomíu.
í spor Amundsens
Fyrst kvenna
á Suðurpólinn
Norðmaðurinn Monica Krist-
ensen er 35 ára gamall
jöklafræðingur, sem hefur einsett
sér það markmið að verða fyrst
kvenna til þess að ferðast til Suður-
skautsins. Hún verður leiðangurs-
stjóri norsk-ensks leiðangurs, sem
fer til skautsins 75 árum eftir að
Roald Amundsen komst þangað
fyrstur manna.
Leiðangursmenn munu fara til
Suðurskautsins á hundasleðum, rétt
eins og Amundsen gerði fyrrum.
Monica, sem er doktor í jöklafræði
frá Cambridge átti hugmyndina að
leiðangri þessum, en vemdari hans
er Shackleton lávarður, sonur þess
er næstum komst á pólinn, á undan
þeim Amundsen og Scott.
Frá Noregi var lagt á skipinu
Áróru, við þriðja mann og 22 hunda.
í fyrstu var haldið til Auckland á
Nýja-Sjálandi og þaðan út hinn 21.
október og var komið til Suður-
heimsskautslandsins hinn 26. Gert
er ráð fyrir að sjálf förin að skaut-
inu hefjist um miðjan þennan
mánuð og að komið verði á áfanga-
stað um áramótin. Þá verður enska
fánanum og norska stungið þar
niður.
Auk rannsóknarstarfa á leiðinni
mun Monica rita bók um þetta
ævintýri sitt og mun hún koma út
fyrir jólin 1987.

HAUST,
HAPPDRÆTTI
___SJÁLFSTÆÐISFLOKKSINS.
VERÐMÆTIR VINMNGAR
GREIÐSLUKORTAÞJÓNUSTA
HRINGIÐ í SÍMA 82900
Sjálfstæðismenn, eflum flokksstarfið,
gerum skil á heimsendum happdrættismiðum
<ö>
Heimilistæki hf
SÆTÚNI 8, SÍMI 27500 - HAFNARSTRÆTI 3 SÍMI 20455
Tvær stöövar kalla á tvö sjónvarpstæki.
Við erum sveigjanlegir í samningum.
Lykillinn aö Stöð 2 er einnig lykillinn að
frábærum kjörum því kaupirðu myndlykil þá færðu
5% AUKAAFSLÁTT
af öllum sjónvarpstækjum.