Morgunblaðið - 09.01.1987, Qupperneq 18

18
MORGUNBLAÐIÐ, FÖSTUDAGUR 9. JANÚAR 1987
Áhrif verkfallsins
mjög mismunandi
eftir sjávarplássum
SJÓMANNAVERKFALLIÐ sem
hófst um áramótin er farið að hafa
áhrif á atvinnulíf landsmanna.
Áhrifa þess gætir þó mismikið um
landið. Á sumum stöðum gætir þess
lítið sem ekkert, menn róa sem fyrr
og næg atvinna er í landi. Annars
staðar liggur bátaflotinn við festar,
fiskverkunarfólki verið sagt upp og
menn kvíðnir framhaldinu, einkum
þó ef samningar dragast á langinn.
Morgunblaðið hafði samband við
nokkra fréttaritara um landið og
spurði tíðinda.
Morgunblaðið/Gunnlaugur
Sumir dorga þótt ekki sé róið. Frá Seyðisfirði.
Ekki komið til
uppsagna
Ólafsvík.
Atvinnan afmarkast af sjó-
mannaverkfallinu en þó hefur ekki
komið til uppsagna ennþá og er
víða verið að vinna í frystihúsunum
þó framleiðslan sé engin. Það er
því ekki farið að taka í hnjúkana
hjá verkafólki þrátt fyrir telqutap.
TVeir bátaeigendur hafa látið skrá
sig á báta sína og einn bátur, sem
er innan við 12 tonn, fer senn til
veiða enda ekki í verkfalli. Eftir 15.
janúar fara bátar undir 10 tonnum
til veiða en það er einungis dropi í
hafið og bíða allir spenntir eftir því
að verkfallið leysist.
Helgi
Feykilega dauft hljóð
Þíngeyri.
Ollu starfsfólki í frystihúsinu
hefur verið sagt upp störfum og er
feykilega dauft hljóð í fólki. Jólin
voru öllum dýr því þrátt fyrir að
búist var við verkfalli eru menn
alltaf bjartsýnir á að úr rætist áður
en til þess kemur. Annar togaranna
á staðnum er í viðgerð í Þýskalandi
en hinn liggur bundinn við bryggju.
Tveir bátar róa héðan yfir vetrar-
mánuðina þegar gefur og aflaði
annar þeirra vel fyrir áramótin þeg-
ar gæftir voru. Að sögn elstu manna
hefur aldrei verið önnur eins ótíð
og í vetur og lítið gefíð á sjó.
Hulda
Brjáluð vinna
HÓImavík.
Sjómannafélagið hér á staðnum
og á Drangsnesi samþykktu að fara
ekki í verkfalli. Er hér bijáluð vinna
allt í einu og unnið frameftir. í
haust leit illa út með rækjuna en
nú er hún að glæðast. Nægan fisk
er að fá og hörpudiskveiðar ganga
vel. Frystitogarinn Hólmadrangur
fór á sjó fyrir áramótin eftir hlé
yfír hátíðamar.
Baldur
Lítil vinna
Sauðárkrókur.
Togarar Útgerðarfélags Skag-
firðinga eru allir á veiðum. Fóru
31. desember og er áætlað að þeir
selji í Þýskalandi 20. til 23. þessa
mánaðar. Frysihúsin tvö, Skjöldur
og Fiskiðjan, sögðu upp sínu starfs-
fólki með mánaðar fyrirvara 23.
desember og er áformað að nota
tímann til námskeiðahalds á meðan
lítil vinnsla er í frystihúsnunum.
Yfirleitt er lítið að gera í frystihús-
unum á þessum árstíma þegar
togaramir eru í landi yfir hátíðam-
ar, en verkfallið setur strik í
reikninginn.
Kári
Atvinnulífið lamað
ólafsfjörður.
Allt atvinnulíf er lamað vegna
verkfallsins. Enginn sjómaður á sjó
og landverkafólk því atvinnulaust.
Starfsfólki í frystihúsinu og í rækju-
vinnslunni hefur verið sagt upp
störfum. Dauft hljóð er því í fólki
Morgunblaðið/RAX
Bátaflotinn er víða lagstur að bryggju og sjómenn gengnir á land þar sem verkfalls sjómanna gætir. Myndin er tekin í Garðinum á miðvikudag.
enda byggist afkoman á að menn
rói.
Fréttaritari
Næg vinna
fram að þessu
Grímsey.
Það hefur verið næg vinna fram
að þessu, menn eru hér að pakka
saltfiski og byggja við fiskverkun-
arhúsið. Sjómenn eru vanir að dytta
að veiðarfærum sínum á þessum
árstíma og vinna við það nú sem
endranær. Sex bátar fara út um
miðjan mánuð, hér er enginn í sjó-
mannafélagi og flestir eiga bátana
sjálfir. Menn eru á þeirri skoðun
að verkföll séu óskynsamleg. Við
höfum alltaf tekið lífínu hér með
ró frá miðjum desember fram í
miðjan janúar og hér er því ekkert
óeðlilegt á seyði.
Alfreð
Þrír bátar á línu
Þórshöfn.
Verkfallið hefur ekkert bitnað á
okkur ennþá. Það er verið að lag-
færa þá báta sem hefðu getað verið
á sjó, en þrír minni bátanna róa
daglega á línu. Næg vinna hefur
verið í landi, það verður væntanlega
ekki fyrr en undir mánaðarlok sem
verkfallið fer að segja til sín.
Þorkell
Öllu starfsfólki
sagft upp
Eskifjörður.
Það er búið að segja upp starfs-
fólki Hraðfrystihússins, það hættir
nú á föstudag og verða þar með
um hundrað manns atvinnulausir.
Allir bátar eru inni nema einn sem
selur erlendis. Hann er á leiðinni
heim og stöðvast væntanlega hér.
Loðnubræðsla og hefðbundin fisk-
vinnsla væru í fullum gangi ef ekki
væri verkfall og ef það dregst á
langinn kann svo að fara, að við
missum af loðnuvertíðinni en það
kæmi sér mjög illa fyrir byggðar-
lagið.
Ingólfur
Námskeið í
frystihúsinu
Hðfn.
Lausráðnu starfsfólki hefur verið
sagt upp í frystihúsinu en ákveðið
hefur verið að halda námskeið fyrir
þá sem eru fastráðnir og hækka
þeir við það í launum. Verkefni
hafa verið hér í frystihúsinu, en
þeim fer nú að ljúka. Þá stendur
fiskvinnslufólki til boða að taka
þátt í að úrbeina kindakjöt fyrir
Japansmarkað í sláturhúsinu. Eig-
endur tveggja smábáta róa enn og
við fáum því nýjan fisk í soðið.
Togarinn selur í Englandi og stöðv-
ast hér ef ekki verður búið að
semja. Hér væri næg atvinna ef
ekki væri verkfall. Atvinnnuástand
hefur verið gottt hér og betri staða
hjá fyrirtækjum og fólk bjartsýnna
en oft áður.
Fréttaritari
Enginn tekinn út
af launaskrá
Vestmannaeyjar.
Hér heftir engum verið sagt upp
í fískvinnslunni, aukinn kraftur er
í starfsfræðslunni og verður starfs-
fólki boðið upp á námskeið til
launahækkunar. Allir bátar eru í
landi, en 5 togarar fóru út rétt fyr-
ir áramót og selja erlendis. Ifyrri
hluti janúar hefur allaf verið fremur
rólegur hjá okkur. Við höfum farið
rólega af stað, en verkfallið kemur
sér verst fyrir loðnusjómenn.
-hkj.
Tvær trillur fá að róa
Þorlákshöfn
Tvær trillur fá £ið róa héðan og
færa okkur því einhvem físk. Meit-
illinn hefur sagt öllu starfsfólki sínu
upp, en flestir karlmenn eru þó enn
í vinnu við að dytta að húsnæði og
fleiru þessháttar. Suðurvör sagði
upp starfsfólki sínu á Eyrarbakka
fyrir áramótin vegna hráefnis-
skorts. Það er nóg að gera við að
pækla sfld og pakka saltfísk. Glett-
ingur hefur enn ekki sagt neinum
upp, menn eru þar að dytta að
húsnæði og tækjum. Við höfum
venjulega farið rólega af stað í ján-
úar, en það er kvíði í fólki ef þessu
heldur áfram, hér byggist allt á
vertíðinni.
J.H.S.