Morgunblaðið - 24.05.1987, Síða 4

4
MORGUNBLAÐIÐ, SUNNUDAGUR 24. MAÍ 1987
PROFl L£
Andstæður og sam-
spil efnis og forms
Borghildur Óskarsdóttir sýnir
myndverk í gallerí Svart á hvítu
BORGHILDUR Óskarsdóttir
opnaði í gær sýningxi á mynd-
verkum úr leir og gleri í
gallerí Svart á hvítu við Óð-
instorg í Reykjavík. Þetta er
þriðja einkasýning Borghild-
ar en hún hefur einnig tekið
þátt í fjölda samsýninga hér
heima og erlendis.
Á sýningunni eru 16 verk og
eru öll þeirra að tveimur undan-
skildum unnin á þessu ári.
Borghildur hefur undanfarin
tvö ár gefið sig að listsköpun
sinni en hún kenndi um tíu ára
skeið við Myndlistaskólann í
Reykjavík auk þess sem hún
hefur unnið að gerð nytjahluta
af ýmsu tagi.
I sýningarskrá vekur Halldór
Bjöm Runólfsson listfræðingur
athygli á þróun óhlutbundinnar
listar á undanfömum árum og
breyttum aðferðum listamanna
í leit þeirra að nýjum möguleik-
um til útfærslu hugmynda
sinna. Segir hann þetta einmitt
einkenna höggmyndalist Borg-
hildar og yekur athygli á nýjum
víddum í verkum hennar sem
séu meðal annars fólgnar í nýj-
um efniviði, gleri. Aðspurð um
þessa nýjung í listsköpun sinni
sagðist Borghildur hafa „fíkt-
að“ við gler í nokkur ár en
nýjungin fælist fyrst og fremst
í því að hún steypti nú glerið í
leirformum. „Með þessum hætti
næ ég fram andstæðum lita og
forms því yfirbragð glersins,
bæði hvað varðar efnið sjálft
og lit þess, er kuldalegt og
hart,“ sagði Borghildur. „Litur
leirsins og form framkallar
gagnstæð hughrif og það er
samspil þessa tveggja, sem ég
leitast við að laða fram,“ sagði
hún.
Sýning Borghildar Óskars-
dóttur er opin alla daga frá kl.
14 til 18 nema mánudaga og
eru verkin öll til sölu. Henni
lýkur mánudaginn 8. júní.
Greenpeace biður íslenskan
sendifulltrúa um fjárstuðning
Vatnavextir
í Varmahlíð
Varmahlíð.
BLÆJALOGN og dásemdarveð-
ur hefur verið í Varmahlíð
síðustu daga. Á föstudag komst
hitinn í 24 stig í forsælu og í
fyrradag mældist hann 21 stig.
Miklir vatnavextir fylgja svona
hitum og stóðu Héraðsvötn og Hús-
eyjarkvísl randafull í fyrrakvöld svo
flæddi upp á engi og eyrar. í mestu
flóðum er hólmurinn sem einn fjörð-
ur yfir að líta, en svo hefur ekki
verið nú um margra ára skeið.
- P.D.
Morgunblaðið/Kristján
Borghildur Óskarsdóttir við eitt verkanna á sýningunni.
Sverrir Hermannson menntamálaráðherra afhendir Sturlu Böð-
varssyni bæjarstjóra og fyrrverandi sveitarsjóra eintak af samningi
ríkisins og Stykkishólmskaupstaðar um byggingu nýs íþróttahúss.
Stykkishólmur hlýtur kaupstaðarréttindi:
Fyrsta skóflu-
stungan tekin að
nýju íþróttahúsi
SVERRIR Hermannsson mennta-
málaráðherra tók á föstudag
fyrstu skóflustunguna að nýju
iþróttahúsi Stykkishólms, en
bærinn hefur nú hlotið kaupstað-
arréttindi
Athöfnin hófst með því að Lúðra-
sveit tónlistarskólans lék nokkur
lög, en að blæstrinum loknum flutti
Sturla Böðvarsson fyrrverandi
sveitarstjóri og nýorðinn bæjarstjóri
stutt ávarp. Sturla gat þess, að nú
væru merk tímamót í sögu Stykkis-
hólms, þar eð bærinn hefði nú
formlega hlotið kaupstaðarréttindi.
„Ástæða þess að við komum hér
saman er hins vegar ekki sú, heldur
það að nú hefjast formlega fram-
kvæmdir við nýtt íþróttahús
Stykkishólms."
Sturla lýsti aðdraganda að fram-
kvæmdum og sagði: „Menn eru í
auknum mæli að átta sig á mikil-
vægi íþróttastarfsemi og setja
sveitarfélög þessi mál æ framar í
forgangsröðina." Sturla gat þess
að bygging íþróttahússins hefði
þurft að víkja fyrir gerð hafnar-
mannvirkja og skólabyggingu, en
nú væri að því komið að fram-
kvæmdir hæfust og væri stefnt að
því að taka fyrsta áfanga bygging-
arinnar í notkun á árinu 1989 og
annar áfangi; sundlaugin kæmi
síðar.
„Sérlega góð samvinna hefur
tekist við menntamálaráðuneytið
og er afrakstur hennar samningur
Stykkishólms og ríkisins, þar sem
ríkið skuldbindur sig til þess að
greiða 28 milljón króna framlag.
Sérstaklega ber og að þakka skiln-
ing fjárveitinganefndar.
Sturla ahenti því næst mennta-
málaráðherra skófluna og tók hann
fyrstu skóflustunguna við lófatak
bæjarbúa. Að loknum mokstrinum
hélt Sverrir stutt ávarp, þar sem
hann óskaði bæjarbúum til ham-
ingju með kaupstaðarréttindin og
velfamaðar með hið nýja íþrótta-
hús. Hann afhenti síðan Sturlu
eintak af samningnum.
„ÞESSIR menn hafa sjálfsagt
ekki haft hugmynd um starfa
minn þegar þeir sendu mér bréf-
ið,“ sagði Helgi Ágústsson, sem
fyrir nokkru fékk senda beiðni
frá Greenpeace-samtökunum um
fjárstuðning. Helgi var þá sendi-
fulltrúi í íslenska sendiráðinu í
Washington.
í bréfi Peter Bahouth, formanns
Greenpeace í Bandaríkjunum, til
Helga Ágústssonar, segir að sam-
tökunum sé brýn nauðsyn að
eignast nýtt skip í stað þess sem
var sökkt í höfninni í Auckland á
Nýja Sjálandi í júlí 1985. Talin em
upp störf samtakanna við vemdun
hvala og annarra dýrategunda og
meðal annars nefnt að árið 1978
hafi áhöfn Rainbow Warrior, skips
samtakanna, stöðvað hvalveiðar við
ísland. Helgi er því beðinn um að
leggja sitt af mörkum til að samtök-
unum verði kleift að ljúka smfði
Rainbow Warrior II. Bent er á að
margir álíti nú að samtökin muni
gefast upp þar sem skipi þeirra
hafi verið sökkt, en félagsmenn
ætli að halda starfi sínu áfram.
Með bréfinu fylgdi eyðublað þar
sem Helga var ætlað að skrifa þá
Hér sést teikning sem Helgi Ágústsson, sendifulltrúi íslands í Was-
hington, fékk senda frá Greenpeace-samtökunum með beiðni um
fjárframlag. Hún er af nýju skipi samtakanna sem er í smíðum,
Rainbow Warrior II.
upphæð sem hann vildi gefa sam-
tökunum. Þá fylgdi einnig teikning
af Rainbow Warrior II.
„Eg get enga skýringu gefið á
því hvers vegna ég fékk þetta bréf,
en það eru til vissar skrár sem not-
aðar eru við að senda út svona póst
í Bandaríkjunum og ég hef greini-
lega verið skráður þar,“ sagði Helgi.
„Mér er ekki kunnugt um að fleiri
starfsmenn sendiráðsins í Was-
hington hafi borist ósk um stuðning,
en ég svaraði þessu bréfi engu.“
Hvalkjötið í Hamborg:
segir talsmaður umhverf ismálaráðuneytisins
TORVELT hefur reynst að
ákveða hvað skuli gera við hval-
kjötið sem hafnaryfirvöld í
Hamborg kyrrsettu 20. mars
síðastliðinn. Þijú ráðuneyti í
Bonn bræða nú málið með sér
og sagði dr. Emonds, sem stjórn-
ar málsmeðferð í ráðuneyti
uinhverfismála, fréttaritara
Morgunblaðsins að tíðinda sé að
vænta næstkomandi miðvikudag.
Umhverfismálaráðuneytið í Bonn
hefur umsjón með framkvæmd
vestur-þýskra náttúruverndarlaga
og það leggur því línurnar um laga-
legan grundvöll ákvörðunar um
afdrif hvalkjötsins. Haukur Ólafs-
son, sendiráðsritari hjá sendiráði
íslands í Bonn, sagði á föstudag
að mál þetta hafi dregist úr hömlu,
meðal annars vegna þess að það
reyni í fyrsta skipti á ný ákvæði í
vestur-þýsku náttúruverndarlögun-
um sem tóku gildi 1. janúar síðast-
liðinn.
Dr. Emonds hjá umhverfismála-
ráðuneytinu sagði, að ekki sé um
pólitíska ákvörðun að ræða, niður-
staðan muni byggjast á lagabók-
stafnum. Hann kvað einhlítt að
vestur-þýsk lög gildi um fríhafnar-
svæðið í Hamborg, en deilt hefur
verið um hvort að svo sé. „Venjan
er sú að viðkomandi ráðuneyti veit-
ir umsögn, sem fjármálaráðuneytið
síðan sér um að koma í fram-
kvæmd,“ sagði dr. Emonds.
„Þannig gekk það til dæmis fyrir
sig, þegar málið útaf mengaða
víninu kom upp hér um árið. Mat-
vælaráðuneytið gaf umsögn og
fjármálaráðuneytið sá um aðgerðir.
Hvað snertir hvalkjötið, þá heyrir
fríhöfnin í Hamborg undir fjármála-
ráðuneytið og fær sín fyrirmæli frá
því ráðuneyti.“ Hans Rebhan, frí-
hafnarstjóri í Hamborg, lét kyrr-
setja frystigámana með hvalkjötinu
uns lögð væru fram tilhlýðileg skjöl
vegna hvalkjötsins. Framundir
apríllok var þetta deila milli eigenda
hvalkjötsins og hafnarstjóra í Ham-
borg, en eftir að íslensk stjómvöld
blönduðu sér formlega í málið varð
þetta milliríkjamál. Þess vegna
bættist vestur-þýska utanríkisráðu-
neytið í hóp þeirra sem fjalla um
þetta mál. „Þetta er afskaplega
flókið mál og ég þori ekkert að spá
um lyktir þess,“ sagði Haukur Ól-
afsson sendiráðsritari.
Lausn í sjónmáli