Morgunblaðið - 26.11.1987, Page 63
MORGUNBLAÐIÐ, FIMMTUDAGUR 26. NÓVEMBER 1987
63
Kveðjuorð:
Sveinsína Sísí
Tryggvadó ttir
Sveinsína Tryggvadóttir, eða Sísí
eins og hún var jafnan kölluð, var
til moldar borin í gær, miðvikudag.
Það er erfítt að hugsa sér það að
eiga ekki eftir að hitta hana aftur.
Ég kynntist henni fyrst fyrir tæp-
um 10 árum í Lágmúla 9. Hún var
einn fyrsti starfsmaður SÁÁ og starf-
aði sem ráðgjafí þar til sjúkdómurinn
sem hana hrjáði leyfði það ekki leng-
ur, en það var fyrir stuttu síðan.
Sísí sýndi ótrúlegan kjark sem
kom þeim sem þekktu hana reyndar
ekki á óvart.
Hún var stórglæsileg kona og
hafði fágaða framkomu sem ein-
kenndist af hlýju viðmóti og mýkt
sem átti sinn þátt í að laða fram það
besta í fólki. Og það var sama hvort
alkóhólisti eða aðstandandi átti í hlut,
Sísí átti til skilning á sjúkdómnum
alkóhólisma sem fáum er gefínn.
Ég er þakklát fyrir að hafa fengið
að kynnast slíkri manneskju, hún
reyndist mér góður vinur frá fyrstu
kynnum. Hún snerti líf margra og
hennar verður sárt saknað.
Fjölskyldu Sísíar votta ég innilega
samúð mína.
Helga Ásgeirsdóttir
Á liðnum árum hefur margt verið
reynt á íslandi til að koma þeim til
hjálpar sem minna mega sín í þessu
lífí vegna vímuefnaneyslu og ýmissa
vandræða. Meðferðarstofnanir hafa
verið byggðar, prógröm skipulögð
og gerð sem best úr garði svo hjálpa
megi fólki aftur inná vandræðaminni
braut. En prógrömminn verða aldrei
betri en fólkið sem vinnur við þau,
svo árangur meðferða byggist alltaf
að miklu leyti á hæfileikum og mann-
kostum þeirra sem þangað ráðast til
starfa.
Það hefur verið gæfa SÁÁ að
þangað réðst einu sinni til starfa
konan Sveinsína Tryggvadóttir eða
Sísí eins og við kölluðum hana öll.
Sísí var óvenju miklum mannkostum
búin, ákaflega vel greind, vel lesin
og mikill mannþekkjari. Hún hafði
reynt sitt af hveiju í eigin lífi en
lífsreynslan hafði gert hana að vitr-
ari og betri manneskju en ekki fyllt
hana biturleika eins og stundum
gerist. Hún gat því notfært sér eigin
reynslu til að liðsinna öðrum og gerði
það betur en flestir aðrir. Alkóhólist-
ar eru oft erfíðir viðfangs, þeir eru
stundum óheiðarlegir og ekki allir
þar sem þeir sýnast, en á sama tíma
eru þeir viðkvæmir og tortryggnir
og markaðir viðbrögðum þess um-
hverfís sem þeir hafa lifað í. Það er
vandi að umgangast alkóhólista og
enn meiri vandi að vinna meðal þeirra
og fá þá til að treysta sér og virða
sig. Þetta tókst Sísí ákaflega vel þó
svo að hún hefði sjálf aldrei drukkið
áfengi í óhófi. Hún skildi skjólstæð-
inga sína vel og gat stofnað til
vináttu, þar sem allt mátti segjast
en ekki þurfti að veíja orðin l við-
kvæmar umbúðir, svo enginn gæti
móðgast. Þess vegna var Sísí svo
góður ráðgjafí sem raun bar vitni.
Lengst af vann Sísí á Sogpii sem
ráðgjafi og þar kynntumst við henni
sem þetta ritum best. Þar var Sísí
drottningin í ríki sínu meðal sam-
starfsmanna, sem báru fyrir henni
óskipta virðingu og mátu reynslu
hennar og mannkosti mikils. Þar
stjórnaði hún grúppum af myndug-
leik og miklu innsæi, þar flutti hún
ágæta fyrirlestra, þar talaði hún við
ótal sjúklinga og hjálpaði þeim til
annars skilnings á eigin tilveru. En
þar átti hún líka sínar erfíðu stund-
ir. Það var á Sogni sem Sísí upplifði
fyrstu einkenni þess sjúkdóms, sem
síðar átti eftir að draga hana til
dauða. Það var í ágústmánuði í fyrra,
sem hún kenndi lömunar í vinstra
fæti og kvartaði undan því við okk-
ur. Umfangsmiklar rannsóknir leiddu
í ljós hver sjúkdómurinn var og eftir
það gátum við aðeins beðið og fylgst
með þeirri þróun sem varð. Sfsí hrak-
aði hratt, lömunin í fætinum jókst
og færðist í hinn fótinn og áður en
varði var þessi dugmikla kona komin
í hjólastól. Og lömunin hélt áfram
og áfram og að lokum var hún alveg
komin í rúmið og gat sig ekki hrært.
Það virtust ekki vera nein tak-
mörk á miskunnarleysi forlaganna
og oft fylltumst við magnvana reiði
gagnvart þeim örlögum sem þessari
konu voru búin. En á þessum erfíðu
stundum reis Sísí hæst, þá komu í
ljós þeir mannkostir sem gerðu hana
að þeirri manneskju sem hún var.
Hún barðist eins og hetja og hélt
dauðahaldi í vonina um betra líf og
bata, þó hún virtist aldrei glata raun-
sæinu í hugsunum sínum. Eftir því
sem máttleysið jókst átti hún erfíð-
ara með að lifa sjálfbjarga lífí en hún
vildi þrauka hvað sem það kostaði.
Sísí vann á Sogni þar til íjórum vik-
um fyrir andlát sitt. Hún sat í
hjólastólnum sínum og gat sig varla
hreyft og þurfti að fá aðstoð við flest
en aldrei gafst hún upp og var fram
í það síðasta frábær ráðgjafí og gat
tekið þátt í raunum sjúklinga sinna
þrátt fyrir þann harmleik sem henn-
ar eigið líf var orðið.
I Islendingasögum er oftlega sagt
frá dauðastundum manna. Menn
taka bana sínum misjafnlega og það
þótti bera mannkostum og eiginleik-
um gott vitni að bregðast vel við
dauðanum. Á þeirri stundu verður
ekki aftur snúið og þá þarf að standa
reikningsskil þess sem verið hefur.
„Hverð gerðirðu veröld Drottins til
þarfa, þess verðurðu spurður um
sólarlagsbil," stendur einhvers stað-
ar. Sísí Tryggvadóttir getur hnarreist
staðið frammi fyrir skapara sínum
og litið um farinn veg. Þar fór góða
kona sem „gerði veröld Drottins til
þarfa" sem mikilvægast verður að
teljast, hún hjálpaði öðrum að fínna
sjálfa sig í þeim brotabrotum sem
mannlegt líf stundum er. Hún lifði
eigin lífí í því jafnvægi sem gerði
hana að þeirri konu sem hún var,
ól upp sín böm og var þeim góð
móðir, qúklingunum okkar góður ráð-
'þjafi og okkur góður vinur og félagi.
Fari Sísí í friði, friður Guðs hana
blessi, við munum beijast áfram fyr-
ir framgangi þeirra mála sem okkur
öllum voru svo mikilvæg og megi
Guð gefa okkur eitthvað af þeirri
sálarró og jafnvægi sem hún virtist
hafa fram á síðustu stund.
Óttar Guðmundsson
Þórarínn Tyrfingsson
Fimmtudagurinn rann upp eins og
venjulega. Það var þoka á leiðinni
austur. Ekki hvarflaði að mér, að
þessi fimmtudagur yrði á neinn hátt
frábrugðinn öðrum dögum. Símtal
úr Reykjavík breytti þessum degi og
það dimmdi enn meira yfír þessum
drungalega degi. Lára, dóttir Sísísar,
hringi og tjáði mér að mamma sín
væri dáin.
Minningamar hrönnuðust upp í
huganum. Ég fann fyrir miklum
söknuði og tómleika. Sísí kæmi aldr-
ei aftur að Sogni, en ég vissi, að
andi hennar færi þaðan aldrei. Ég
kynntist henni fyrir 9 árum, en þá
var hún ráðgjafi hjá fjölskyldudeild
Reykjavíkurborgar í Lágmúla 9. Ég
bað hana þá að koma austur að Sogni
einu sinni í viku til fyrirlestrahalds,
en þróunin varð sú, að fljótlega réðst
Sísí í fullt ráðgjafarstarf að Sogni
og hætti hjá fjölskyldudeildinni.
Hún hafði allt sem góður alkóhól-
ráðgjafí þarfnast í starfi. Hún naut
sín vel í samstarfi við aðra, bæði
sjúklinga og annað starfslið. Á milli
okkar Sísíar var alltaf mikil vinátta
sem ég mat mikils og á ég henni -
persónulega mikið upp að unna. Fá-
einum dögum fyrir andlát hennar
heimsóttum við hana, tveir vinir
hennar, á sjúkrahúsið. Þá sá ég vel
hve Sísí var falleg og sterk mann-
eskja. Við eyddum góðri stund saman
við að ræða um heima og geima,
nýafstaðna Grikklandsferð, meðferð-
armál, dægurmál, drukkum saman
kaffi ogte. Við hlógum og spjölluðum
og stundum var allt eins og áður.
Þegar ég kvaddi hana fann ég hversu
erfitt ég átti með að horfa í augu
hennar. Mér fannst hún kveðja mig
öðruvísi en áður. Hún vissi að hveiju
stefndi og hún var alltaf vitrari en ég.
í dag blaktir fáninn í hálfa stöng
á Sogni og við fáum ekki framar að
njóta hennar Sísíar. Meðferðin er
fátækari en áður þegar reynslu henn-
ar, vitsmuna og mannþekkingar
nýtur ekki lengur við. Ég votta ást-
vinum Sísíar mína dýpstu samúð, en
veit, að minningamar um góða og
heilsteypta manneskju munu létta
þeim þessa sorgarstund.
Sigurður Gunnsteinsson
t
Móðir okkar,
GUÐRÚN ÓLAFSDÓTTIR
frá Unaðsdal,
lést á Grensásdeild Borgarspítalans 24. nóvember.
Börnin.
t
RÓSA SIGFÚSSON
hjúkrunarkona,
lést 13. þ.m. á Droplaugarstöðum.
Útför hennar hefur farið fram í kyrrþey, að ósk hinnar látnu.
Vandamenn.
t
Elskulegur eiginmaöur minn, faðir okkar, sonur og tengdasonur,
GUÐJÓN PÁLSSON
skipstjóri,
Hraunslóð 2, Vestmannaeyjum,
andaðist 20. nóvember.
Jarðsungið verður frá Landakirkju laugardaginn 28. nóvember kl.
14.00.
Elinborg Jónsdóttir,
Eyjólfur Guðjónsson, Anna Guðjónsdóttir,
Jónina Guðjónsdóttir, Páll Guðjónsson,
Anna Þorsteinsdóttir.
t
Systir mín og mágkona,
KRISTÍN BRYNJÓLFSDÓTTIR,
Hátuni 10a,
lést á Öldrunardeild Landspítalans 11. nóvember. Jarðarförin
hefur farið fram í kyrrþey að ósk hinnar látnu.
Þökkum auðsýnda samúð.
Sérstakar þakkir skulu færðar starfsfólki Öldrunardeildarinnar
fyrir góða umönnun svo og stjórn Öryrkjabandalagsins fyrir vel-
vild í garð Kristínar á liðnum árum.
Sigriður G. Brynjólfsdóttir,
Gísli Friðrik Petersen.
t Útför móður okkar, tengdamóður, ömmu og langömmu,
SÓLVEIGAR STEINDÓRSDÓTTUR
frá ísafirði,
Merkurgötu 4, Hafnarfirði,
fer fram frá Þjóðkirkjunni í Hafnarfiröi föstudaginn 27. nóvember
kl. 15.00. Þorsteinn Jónsson, Þórdfs G. Jónsdóttir,
Bjamþór Valdimarsson,
Jóna Jónsdóttir, Ólafur Ó. Jónsson, Þorleifur Ófeigur Jónsson, Guöjón Jónsson, Halla Siguröardóttir,
Bjarni Jónsson, Steindór Á. Jónsson, Erna Karlsdóttir,
Sigrfður A. Jónsdóttir, Jóakim T. Andrésson,
Sólveig E. Jónsdóttir, Ingólfur Helgason,
Jón Helgi Jónsson, Helga Thorsteinsson,
Guðbjartur B. Jónsson, Birna Björnsdóttir,
Pétur Jónsson, Steinþóra Þorsteinsdóttir,
barnabörn og barnabarnabörn.
t
Sonur minn og mágur,
GUÐFINNUR EINARSSON,
Smyrlahrauni 6,
Hafnarfirði,
sem andaðist í St. Jósefsspítala, Hafnarfirði, 19. nóv. sl., verður
jarösunginn frá Fríkirkjunni í Hafnarfirði föstudaginn 27. nóv. kl. 13.30.
Einar Guðmundsson,
Sigurbjörg Valdimarsdóttir.
t
Faðir okkar, tengdafaðir, afi og langafi,
JÓN SIGTRYGGUR SIGFÚSSON,
Ketu,
Skógargötu 26,
Sauðárkróki,
verður jarðsunginn frá Sauðárkrókskirkju laugardaginn 28.
ember kl. 13.00.
nóv-
Guttormur A. Jónsson,
Björn Jónsson,
Hrafnhildur Jónsdóttir,
Lissý Jónsdóttir,
Anna Jónsdóttir,
Sigurlaug Jónsdóttir,
Viðar Jónsson,
barnabörn og
Hrefna Einarsdóttir,
Elfsa Vilhjálmsdóttir,
Jóhannes Sigmundsson,
Jósep Þóroddsson,
Stefán Vagnsson,
Steinunn Egilsdóttir,
barnabarnabörn.
t
Eiginmaður minn, faöir okkar og tengdafaðir,
HELGI VIGFÚSSON
fyrrverandi kaupfélagsstjóri,
Breiðumörk 8, Hveragerði,
verður jarösunginn frá Selfosskirkju föstudaginn 27. nóvember
kl. 13.30.
Jónína Aldís Þórðardóttir,
Helga Kristfn Hjörvar, Gisli Jón Helgason,
Sigrún Helgadóttir, Vigfús Helgason,
Magnús Helgason, Sesselja K. Helgadóttir,
Jóhanna B. Helgadóttir, Steinunn Helgadóttir,
Óskar H. Helgason, Friðmundur H. Helgason,
Sigríður R. Helgadóttir, Jón L. Helgason,
Selma Haraldsdóttir, Þórunn Á. Haraldsdóttir
og fjölskyldur.
t
Móðir okkar, tengdamóðir, amma og langamma,
JÓNA ÁSGEIRSDÓTTIR,
Álfaskeiði 64, Hafnarfirði,
verður jarðsungin frá Fríkirkjunni í Hafnarfirði fimmtudaginn, 26.
nóvember kl. 15.00.
Börn, tengdabörn, barnabörn
og barnabarnabörn.
t
Útför eiginkonu minnar,
GEIRÞRÚÐAR E. ÁRSÆLSDÓTTUR,
Breiðholti, Garðabæ,
fer fram frá Garöakirkju laugardaginn 28. nóvember kl. 13.30.
Gunnar Yngvason
og aðrir vandamenn.