Morgunblaðið - 17.01.1988, Side 9

MORGUNBLAÐIÐ, SUNNUDAGUR 17. JANÚAR 1988
9
HUGVEKJA
Heimsókn
eftir sr. HALLDÓR GUNNARSSON
Á síðustu árum hefur heim-
sóknum milli vina og ættingja
fækkað. „Þetta er voðalegt,"
sagði einn kunningi minn, „við
erum hætt að hittast nema við
jarðarfarir." Mér brá. Gat þetta
verið rétt? Við íhugun fannst mér
þetta óþyrmilega nálægt því rétta.
Heimsóknin, sem er grundvöllur
samskipta og eðlilegra skoðana-
skipta, á í vök að veijast végna
þess að allur tími er skipulagður
og ef viðkomandi er heima að
kveldi þá er sjónvarpið gesturinn.
Sá gestur mótar samveruna, því
hann einn tjáir sig í máli, hljóm-
list og myndum. Þegar þannig er
komið veigrum við okkur við því
að koma óboðin og ef hringt er
áður og boðuð koma, þá álítum
við að það kalli á fyrirhöfn, jafn-
vel veizlu og því er heimsókn
frestað — Er það? Hvað um okkur
sem þannig hugsum? Erum við
ekki alltaf í kapphlaupi við tímann
og finnst að heimsókn sé næstum
tímasóun þegar þannig stendur
á? Og það sé líka gott að setjast
fyrir framan sjónvarpið og þurfa
ekki að hafa fyrir því að hugsa,
hvað þá að tala, að ekki sé talað
um að sýna tillit, hlusta af at-
hygli á, leggja af mörkum, leiða
í samtali til góðs, taka afstöðu
og jafnvel vera á öðru máli en
viðmælandi.
Heimsókn er þannig undirstaða
þess sem mest er um vert að við
lærum í lífinu, að lifa í samfélagi
við aðra, eiga vini og rækta vin-
áttu. Frá hinum fyrsta degi, sem
okkur er gefinn, til hins síðasta,
erum við tengd lífi annarra, sem
við komumst ekki hjá að vera
bundin og háð, hver svo sem við
erum. Heimsóknin skiptir alltaf
máli. Hún skilur eftir spor, hvort
sem við erum þiggjendur eða veit-
endur.
í dag skulum við fylgjast vel
með einstæðri heimsókn. Jesús
var á ferð í Jeríkó. Þá sá hann
lítinn mann sem hafði farið upp
í mórberjatré til að geta séð hann.
Jesús sagði: „Zakkeus, flýt þér
ofan, því að í dag ber mér að
dvelja í húsi þínu.“ Jesús gerði
þannig ekki boð á undan sér og
fór í hús yfirtollheimtumannsins,
sem var auðugur. Þeir áttu áreið-
anlega langar viðræður saman,
sem guðspjallið greinir ekkí frá,
en niðurlag frásagnarinnar, segir
frá því óbeint, um hvað rætt hef-
ur verið. Auðlegðin var illa fengin
og skrautmunir hússins og veizlu-
föng veittu enga gleði. Hann var
rægður og öfundaður og átti
óvildarmenn víða. Ekki hefur það
veitt honum hamingju. Frá auð-
legð hans streymdi engin hlýja
eða kærleikur sem gæti veitt hon-
um gleði. Auðlegðin gaf honum
ekkert í raun, heldur krafðist alls
af honum. Hann varð að vera
veitandi, sem kallaði alltaf á úr-
lausnir og tíma hans og einnig
áhyggjur, því auðlegðina varð að
ávaxta. Og eftir því sem húsið
hans varð stærra með dýrari
skrautmunum og myndum, urðu
heimsóknimar færri. Hann átti
enga sanna vini en reyndi að dylja
einmanaleik sinn með dýrum
veizlum og vínföngum. Margir
voru þá viðhlæjendur hans, en
sanna vini eignaðist hann ekki
með auðlegð sinni.
Eftir viðræður við Jesú sér
Zakkeus að hann hafði brotið
gegn lífslögmálinu, þannig að það
kom niður á honum sjálfum.
Frammi fyrir Guði var hann sem
nýfætt bam, allslaus og þannig
varð. hann að leggja upp í sína
síðustu ferð, án eignanna, án alls
nema þess sem samfélag við aðra
menn hafði gefið honum. Því varð
hann að byija upp á nýtt, gefa
ranglega fenginn auð og reyna
að bæta fyrir afbrot sín og taka
tillit til annarra. Hann skildi að
gleðin er hvorki keypt eða seld,
heldur kemur innan frá, þegar
glatt er og hamingja þannig gefín
öðmm.
Allt þetta finnst mér ég skynja
í þessari heimsókn Jesú til Zakk-
eusar þegar Jesús sagði að
síðustu: „I dag hefur hjálpræði
hlotnazt húsi þessu, þar eð einnig
þessi maður er Abrahams sonur.
Því að manns sonurinn er kominn
til að leita að hinu týnda og frelsa
það.“
Gefum hvert öðra tækifæri til
að hittast við fleiri aðstæður en
við jarðarfarir, í ættarveizlum eða
á danshúsum. Hlúum að heim-
sókninni, ræktum vináttuna og
gleðjum hvert annað. Mættum við
þá heyra rödd hans í gegnum tíma
og rúm: „í dag ber mér að dvelja
í húsi þínu.“ Mættum við þá öll
taka á móti honum eins og Zakk-
eus.
■ 2. sd. e. þrettánda.
Lk. 19; 1-10.
VANTAR ÞIG FÉ TIL FRAMKVÆMDA ?
Eitt af veigamestu verkefnum sérfræðinga
Fjárfestingarfélagsins er að leysa vanda þeirra,
sem þurfa að fjármagna framkvæmdir með
verðbréfaviðskiptum. Söluskrifstofur Fjárfest-
ingarfélagsins í Kringlunni og í Hafnarstræti eru
ekki aðeins til þess að selja Kjarabréf, Tekjubréf
og spariskírteini. Þær eru einnig fyrir þá sem
þurfa aðstoð við fjármögnun framkvæmda, -
bæði einstaklinga og fyrirtækja.
FJÁRMÖGNUN NÝRRA HUGMYNDA
Margir hafa orðið að láta frá sér nýjar og
ferskar hugmyndir vegna tímabundins skorts á
framkvæmdafé eða öðrum leiðum til þess að
fjármagna framkvæmdir þeirra. Sérfræðingar
Fjárfestingarfélagsins hafa ráð undir hverju rifi.
Þú leitar til þeirra og þeir leita að hagstæðustu
lausninni fyrir þig.
BYGGINGAFRAMKVÆMDIR, ATVINNU-
REKSTUR
Fjárfestingarfélagið gerir fyrirtækjum og
hvers konar rekstraraðilumikleift að útvega sér
fjármagn til þess að standa undir hinum ýmsu
þáttum byggingaframkvæmda. Sérfræðingar
félagsins geta aðstoðað við að brúa bilið á milli
sölu eldri fasteignar og kaupa á nýrri. Þeir gefa
þér góð ráð og veita þér aðstoð.
TALAÐU VIÐ OKKUR
Það kostar ekki neitt að ræða málin. Þú ert
alltaf velkomin(n) til okkar í Kringluna eða í
Hafnarstræti 7. Við finnum góða lausn í samein-
ingu.
Símsvarinn okkar er í vinnu ailan sólar-
hringinn. Hann veitir þér upplýsingar um
daglegt gengi Kjarabréfa, Markbréfa,
Fjölþjóðabréfa og Tekjubréfa.
SÍMANUMER SÍMSVARANS ER 28506
HAFNARSTRÆTI 7,101 REYKJAVÍK, S (91) 28566
FJÁRFESílNCARFÉLAGIÐ
KRINGLUNNI, 103 REYKJAVlK, 3 (91) 689700
GENG115. JANÚAR
KJARABRÉF 2.578
TEKJUBRÉF 1.313
MARKBRÉF 1.326
FJÖLÞJÓÐABRÉF 1.268