Morgunblaðið - 09.06.1988, Qupperneq 2
>P0r O OTTT'/íTTTTVÍf1^ 'TT'* f. T'TT/TT’^nV
MORGUNBLAÐIÐ, FIMMTUDAGUR 9. JÚNÍ 1988
Ríkislögmaður:
ÍSAL-samning-
arnir ólöglegir
RÍKISLÖGMADUR telur samningsgerð Vinnuveitendasambandsins og
starfsmanna íslenska álfélagsins bijóta í bága við bráðabirgðalög ríkis-
stjórnarinnar, þar sem lannahspkkanir í samningnum séu umfram það
sem bráðabirgðalögin leyfi og tilboð vinnuveitenda hafi ekki verið stað-
fest eða undirritað af báðum samninganefndum fyrir lagasetningu.
Friðrik Sophusson, sem gegnir Vinnuveitendur og starfsmenn
störfum forsætisráðherra í fjarveru segja samninginn löglegan og vinnu-
hans, skýrði starfsmönnum í álver-
inu frá niðurstöðu ríkislögmanns í
gær. Hann gaf samningsaðilum frest
fram á mánudag til þess að skila
greinargerðum um málið, en að þeim
fengnum mun ríkisstjómin ákveða
til hvaða aðgerða verður gripið.
veitendur hafa nú þegar hafið samn-
ingu greinargerðar sinnar, þar sem
þeir hyggjast sýna fram á það með
lögfræðilegum rökum. Starfsmenn
hafa ekki ákveðið hvort þeir muni
skila greinargerð.
Sjá frásögn bls. 28.
Tvær vélar Flugleiða
skoðaðar erlendis
TVÆR vélar Flugleiða fóru utan í gær tíl skoðunar, sem venjulega
er gerð hérlendis á 6-7 vikna fresti. Að sögn Einars Sigurðssonar,
blaðafulltrúa Flugleiða, er ástæðan sú, að vinna við B-skoðun hefur
að mestu leyti verið í yfirvinnu en flugvirkjar félagsins hafa neitað
að vinna yfirvinnu á aðra viku. Því sjái félagið sér ekki fært annað en
að senda vélamar erlendis. Flugvirkjafélag íslands hefur mótmælt
þessu og segir ekki óliklegt að gripið verði til aðgerða gegn Flugleiðum.
„Flugvirlqum var boðin yfirvinna
eins og venjulega en enginn skráði
sig til vinnu. Því fór DC-8-vél félags-
ins til Lúxemborgar í gærmorgun
og í gærkvöldi fór Boeing-vél til
Bretlands," sagði Einar. Haim sagði
að skoðun beggja vélanna félli inn
í áætlun og myndi hún því ekki rask-
ast. Einar bjóst jafnvel við að skoð-
unin yrði ódýrari en hérlendis þar
sem vélamar færu með farþega út.
Polgar syst-
ur leiða báða
riðla mótsins
Egilsstdðum.
JAFNTEFLI settu svip sinn á
þriðju umferð opna Austur-
landsmótsins í skák sem tefld
var í Valaskjáif á Egilsstöðum
í gær. Karl Þorsteins er í efsta
sæti ásamt Judit og Zsuzsu
Polgar í A-riðli með 2,5 vinninga
eftir þrjár umferðir. í B-riðli
sigraði yngsta Polgar systirinn,
Zsosza, Guðmund Inga
Jóhannsson og er í efsta sæti.
í A-riðli áttust Judit og Zsuz-
sa Polgar við og sömdu um jafn-
tefli. Helgi Ólafsson gerði jafn-
tefli við Mark Orl, Björgvin Þór-
hallsson og Þröstur Þórhallson
skildu jafnir og skák Sævars
Bjamasonar og Karls Þorsteins
lyktaði einnig með jafntefli.
Hannes Hlífar Stefánsson vann
James Plaskett sem féll á tíma.
- Björn
„Það hefur verið vilji félagsins að
halda viðgerðum og skoðunum hér-
leridis og engar áætlanir eru uppi
um að færa þær utan,“ sagði Einar.
Flugvirkjafélag íslands sendi
Flugleiðum í gær skeyti þar sem
félagið mótmælir flutningi á störfum
úr landi. Telur félagið Flugleiðir sek-
ar um brot á kjarasamningum. „Við
hefðum líklega getað skoðað báðar
vélamar á 1 til IV2 sólarhring í
dagvinnu en þar sem ekki em nægi-
lega margir flugvirkjar, ætlaðist fé-
lagið til þess að þetta yrði unnið í
næturvinnu. Þessi skoðun hefur
ýmist verið unnin í dag- eða nætur-
vinnu," sagði Oddur Armann Páls-
son, formaður Flugvirkjafélagsins.
Aðspurður sagði hann ekki ólíklegt
að félagið myndi grípa til frekari
aðgerða.
Morgunblaðið/Þorkell
Leikstjóranum, Helgu Bachmann, var fagnað mjög
að lokinni sýningu. A minni myndinni sést aðalleikar-
inn, Helgi Skúlason, ásamt einum leikaranum, Helgu
Völu Helgadóttur, en hún er dóttir leikstjórans og
aðalleikarans.
Listahátíð:
Ný leikgerð Marmara frumsýnd
LEIKRITIÐ Marmari eftir Guðmund Kamban, i nýrri leikgerð
Helgu Bachmann, var frumsýnt í Þjóðleikhúsinu í gærkvöldi,
á aldarafmæli Kambans. TónUst samdi HjáJmar H. Ragnarsson,
leikmynd og búninga hannaði Karl Aspelund og um Iýsingu sér
Sveinn Benediktsson. Aðalhlutverkið, hugsjónamanninn Robert
Belford, leikur Helgi Skúlason.
Með önnur hlutverk fara: Ar-
nór Benónýsson, Ámi Tryggva-
son, Biyndís Petra Bragadóttir,
Bryndís Pétursdóttir, Edda Þór-
arinsdóttir, Ellert A. Ingimund-
arson, Erlingur Gíslason, Gísli
Halldórsson, Guðbjörg Þorbjam-
ardóttir, Halldór Bjömsson,
Helga Vala Helgadóttir, Herdís
Þorvaldsdóttir, Pálmi Gestsson,
Petrea Óskarsdóttir, Kristbjörg
Kjeld, Margrét Guðmundsdóttir,
Róbert Amfinnsson, Rúrik Har-
aldsson, Sigríður Þorvaldsdóttir,
Stefán Sturla Siguijónsson og
Þorgrímur Einarsson. Síðari sýn-
ing á Marmara á Listahátíð verð-
ur á morgun.
Lífskjarakönnunin verður
ómetanlegiir aldarspegill
- segir Stefán Ölafsson, lektor
SPURT ER um laun fólks og
atvinnu, tómstundaiðju, tann-
heilsu og ýmislegt þar á milli í
lífskjarakönnun sem fram-
kvæmd er af félagsvisindastofn-
un Háskólans í umboði stjórn-
valda. Þetta er einhver viða-
mesta könnun sem gerð hefur
verið hérlendis og ættu fyrstu
niðurstöður að liggja fyrir í
Happdrætti háskólans:
Heímildakvikmynd um
Alexander Jóhannesson
GERÐ heimildakvikmyndar um ævi og störf Alexanders Jóhannesson-
ar, fyrrverandi rektors Háskóla íslands, er nú á byijunarstigi, en
tökur hennar hófust í síðasta mánuði. Kvikmyndin er gerð í tilefni
af því að á þessu ári eru 100 ár liðin síðan Alexander fæddist, en
hann lést árið 1965. Það er Happdrætti Háskólans sem fjármagnar
gerð myndarinnar en Alexander var einn helsti frumkvöðullinn að
stofnun þess.
Áætlað er að myndin verði full-
gerð með haustinu og að sýning-
artími hennar verði um 45-60 mínút-
ur. Það er Frank Ponzi, listfræðir.g-
ur, sem semur handrit að kvikmynd-
inni og hefur veg og vanda að allri
gerð hennar, en hann hefur fengist
við fjölmargt urn dagana, m.a.
kenndi hann kvikmyndagerð við City
College í New York á árunum 1949-
1951 og starfaði að kvikmyndagerð
með Hans Richter.
Frank sagði í samtali við Morgun-
blaðið að líklega hefðu fáir menn
hér á íslandi sett svip á jafn margt
og Alexander hefði gert. Til að
mynda hefði hann átt stóran þátt í
því, að á sínum tíma var ráðist í
byggingu Háskóla íslands, og hann
var frumkvöðull að stofnun Háskóla-
happdrættisins og Orðabókarinnar.
Þá var hann frumkvöðull á ýmsum
öðrum sviðum, og meðal annars
hafði hann mikinn áhuga á flugmál-
um og starfaði að þeim. Frank sagði
að Ieitast yrði við í kvikmyndinni að
koma til skila þeim anda sem hér
hefði ríkt á þeim árum sem Alexand-
er var uppi, auk þess sem tekin yrðu
viðtöl við nokkra samtíðarmenn
hans.
Kvikmyndatökumaður myndar-
innar er Ólafur Rögnvaldsson og
hljóðmaður er Þorvar Hafsteinsson.
haust, að sögn Stefáns Ólafsson-
ar, lektor, sem hefur umsjón
með verkefninu.
Á síðastliðnu ári samþykkti
ríkisstjómin að láta gera könnun
á kjaramun kynjanna og skipuð
var framkvæmdanefnd undir for-
sæti Hallgríms Snorrasonar, hag-
stofustjóra. Félagsvísindastofnun
Háskólans var fengin til að annast
framkvæmdina og ákveðið að gera
mun umfangsmeiri könnun en ráð-
gert var í upphafi þar sem athug-
aðir væru fleiri þættir lífskjara.
Af Ijárlögum fengust 2,5 milljónir
króna til verkefnisins en Stefán
Ólafsson segir endanlega kostnað-
aráætlun ekki liggja fyrir.
„Stuðst er við norrænar kannan-
ir sem gerðar hafa verið undanfar-
in ár, með það fyrir augum að
öðlast heildarmynd af lífskjörum
ólíkra þjóðfélagshópa. Lífskjara-
könnunin mun gera samanburð
íslands við önnur Norðurlönd
mögulegan og verður ómetanlegur
aldarspegill," segir Stefán Ólafs-
son og bætir við að þetta sé ein
viðamesta könnun sem gerð hafl
verið hérlendis, bæði hvað varðar
stærð úrtaks og viðfangsefnis.
Tæplega 2000 manns af landinu
öllu á aldrinum 16 til 75 ára hafa
verið spurðir á annað hundrað
spuminga um alla helstu þætti
lífskjara. Spumingamar snúast um
atvinnumál, heilsufar, húsnæðis-
mál, fjölskyldumál, félagslegar
aðstæður og tómstundir. Undir-
búningur við könnunina hófst á
síðastliðnum vetri og í apríl fóru
spyrlar félagsvísindastofriunar að
heimsækja fólkið sem valið var
með tilviljunaraðferð úr þjóðskrá.
Gagnaöflun er að ljúka þessa dag-
ana og innan skamms verður tekið
til við skrásetningu og úrvinnslu,
en Stefán Ólafsson segir fyrstu
niðurstöður eiga að liggja fyrir á
útmánuðum.
Ekiðástúlku
EKIÐ var á unglingsstúlku við
félagsmiðstöðina Frostaskjól
við Kaplaskjólsveg um kl.
23-23.30 í gærkvöldi. Bifreið-
inni var ekið af vettvangi.
Stúlkan er nokkuð slösuð. Talið
er að bifreiðin, sem ók á hana,
hafí verið hvít, af gerðinni Dodge.
Tveir ungir piltar voru I bifreið-
inni. Þeir, sem kynnu að geta gef-
ið upplýsingar um málið, em beðn-
ir um að láta slysarannsóknadeild
lögreglunnar í Reykjavík vita.