Morgunblaðið - 21.06.1988, Blaðsíða 47

MORGUNBLAÐIÐ, ÞRIÐJUDAGUR 21. JÚNÍ 1988
47
PASTA
ítalska nafnið á þjóðarréttum þarlendra er pasta, sem þýðir nánast
deig, og svo vinsælir eru ítölsku réttirnir að pasta er nú alþjóðlegt
orð, jafnvel komið inn í íslenzkuna.
Nýlega er lokið í Reykjavík
ítölskum kynningardögum, þar sem
ýmsar vörur frá Italíu voru kynntar
á Holiday Inn-hótelinu. Að gefnu
því tilefni langar mig að segja ykk-
ur frá - og gefa ykkur uppskriftir
af - ítölskum pasta-réttum.
ítalir eru frægir fyrir margt,
allt frá knattspymunni, sem er svo
mjög í fréttum þessa dagana, upp
í tízkuna. En fyrir fátt eru þeir
frægari en þessa pasta-rétti, og
þegar minnst er á Italíu dettur
mörgum fyrst í hug spagettí. Það
kom mér _því nokkuð á óvart á
þessum Ítalíudögum hve lítil
áherzla var lögð á kynningu á þeim
pasta vörum sem hér fást, en úrval-
ið er mikið. Á mínu heimili eru
pasta-réttir mjög vinsælir, og und-
anfarin ár hef ég notað mikið af
vörum frá fyrirtækinu Barilla í
Parma, en sú borg er á Norður-
Ítalíu, um miðja vegu milli Bologna
og Mílanó. Barilla-nafnið er heims-
þekkt, og hefur aldrei valdið mér
vonbrigðum, en það var hvergi að
sjá á Italíudögunum. Og fleira var
það sem ég saknaði.
En meira um pasta. Ekki er allt
á hreinu um uppruna pasta-rétta.
Sumir segja að það hafi verið
Marco Polo sem kom Ítölum á
bragðið, og hafi hann flutt með sér
fróðleik um pasta er hann sneri
heim frá Kína snemma á 14. öld.
Ekki vilja allir viðurkenna þessa
skýringu, en segja að pasta sé al-í
talskt. Máli sínu til sönnunar benda
þeir á að á grafhýsi einu í Róm frá
3. öld fyrir Krist sé lágmynd af
mönnum sem eru að vinna við
pasta. Hvað sem því líður þá hafa
pasta-réttir verið ein af uppistöðum
mataræðis ítala í rúmar fímm ald-
ir í það minnsta.
Pasta-deigið er búið til úr fínmöl-
uðu og glútenríku hveiti og vatni,
auk þess sem stundum er bætt í
það eggjum. Aldrei eru notuð nein
aukaefni. Pasta er næringarríkt og
ekki fítandi sé þess neytt með fitu-
snauðri sósu. Er það jafnvel notað
í megrunarfæði.
Snúum okkur þá að uppskriftum.
Vegna plássleysis í Dyngjunni (og
vegna þessa langa formála) get ég
aðeins komið með tvær uppskriftir
í þetta sinn. En ef einhver hefur
áhuga á ég í fórum mínum þó
nokkrar forvitnilegar uppskriftir til
viðbótar, sem ykkur er velkomið
að skrifa eftir, meðal annars upp-
skrift sem í er notað langa spag-
ettíið (50 sentimetra) frá Barelli.
Uppáhalds spagettíið
í þessa uppskrift nota ég spag-
ettí-„hreiður“ frá Barelli, sem heita
Barbine a nido og fást í 500 g
kössum.
Fyrir 4 fullorðna: Sjóðið um 5
lítra vatns í stórum potti, saltið og
látið innihald pakkans úl í. Hrærið
lauslega í því og látið suðuna koma
upp, minnkið þá hitann og látið
malla í lokuðum potti í um 5 mínút-
ur. Hellið vatninu af (helzt gegnum
stórt sigti) og berið á borð strax.
Góða kjötsósu með þessu getið
þið búið til úr 250 g af nauta-
hakki, sem þið þurrsteikið í augna-
blik á pönnu og bætið svo út í einu
glasi (475 g) af Dolmio Spaghetti
Bolognese Sauce. Látið sósuna
krauma í 25 mínútur, hellið henni
í miðjuna á spagettíinu og rétturinn
er tilbúinn. Þið verðið ekki fyrir
vonbrigðum.
Nokkrar tegundir af Dolmio-
sósum fást hér. Prófið þessa með
sveppum fi Sósumar eru hrein nátt-
úruafurð, og engin aukaefni í þeim.
Fyllt cannelloni
í þessa uppskrift fyrir 4 full-
orðna nota ég 250 g pakka af cann-
elloni frá Barilla.
Fyllingin:
4 matsk. olía, 1 laukur, 1 rif
hvítlaukur, 1 búnt steinselja, 250
g nautahakk, um 'A tesk af hverju:
oregano, basilikum, salt, pipar og
negull, 1 matsk. hveiti, ‘/2 lítri kjöt-
soð (teningur), 600-800 g tómats-
ósa (ítalirnir nota 800 g), 50 g rif-
inn Parmesan-ostur, 20 g smjör,
50 g brauðrasp, 1 egg.
Meðhöndlun:
Fínsaxið lauk, hvítlauk og stein-
selju og brúnið vel í heitri olíunni.
Bætið hakkinu út í og brúnið. Strá-
ið hveiti yfir og þynnið með ten-
ingssoði. Látið þá kryddið út í og
smakkið. Þetta látið malla í 15
mínútur.
Hrærið brauðraspi, Parmesan
osti og egginu út í. Fyllið cannell-
oni með þessari þykku fyllingu.
Hellið um 200 g af tómatsósunni
í botninn á smurðu eldföstu fati,
leggið rúllurnar yfir og hyljið þær
með afgangnum af tómatsósunni.
Sáldrið rifna Parmesan ostinum
yfir ásamt nokkmm klípum af
smjöri. Lok sett. á fatið (álpappír
ef lok er ekki til) og fatið sett í
280 gráðu heitan ofn í um 30
mínútur (aðeins skemmri timi í
blástursofni).
Berið fram með heitum smá-
brauðum eða hvítlauks-snittu-
brauði. Getur verið veizlumatur
með góðu hvít- eða rauðvíni.
Verði ykkur að góðu,
Jórunn.