Morgunblaðið - 21.06.1988, Qupperneq 62

62
MORGUNBLAÐIÐ, ÞRIÐJUDAGUR 21. JÚNÍ 1988
DOLPH LUNDGREN
Fermingarbörnin, efri röð frá vinstri, Vihjálmur Þórðarson, Helgi
Olafsson, Björgvin Gestsson, Bjarni Kristbjörnsson og Olafur Jóns-
son. Neðri röð frá vinstri, Svanlaug Guðmundsdóttir, séra Flóki
Kristinsson, Kristín Sveinsdóttir og Sigriður Eiríksdóttir.
SKEIÐAHREPPUR
50ára
fermingar-
afmæli
Þann 5. júní síðastliðinn, var haldið
upp á 50 ára fermingarafmæli í
Ólafsvallakirkju á Skeiðum. Söfn-
uðust fermingarbömin saman við
guðsþjónustu af þessu tilefni. Sókn-
arpresturinn séra Flóki Kristinsson
predikaði. Að lokinni guðsþjónustu
flutti Helgi Ólafsson ávarp fyrir
hönd fermingarsystkyna sinna. Að
því loknu var haldið kaffisamsæti
í skólanum að Brautarholti og
færðu fermingarbörnin skólanum
að gjöf, stækkaða Ijósmynd af
skólastjóra sínum, Klemenzi Þór-
leifssyni heitnum. Hann var skóla-
stjóri á Skeiðum frá 1930-1943. í
kaffisamsætinu flutti Ólafur Jóns-
son ávarp.
Fermingarsystkynin voru 10 í upp-
hafi en 8 þeirra mættu í fermingar-
afmælið. Rebekka Theodorsdóttir
var fjarverandi en Rósa Þorgeirs-
dóttir er látin.
Sænski
risinn
Dolph Lundgren er 29 ára gam-
all og sænskur að ætterni.
Hann varð fyrst þekktur sem
lífvörður og elskhugi blökkusöng-
konunnar Grace Jones en svo lék
hann á móti Sylvester Stallone í
einni af Rockymyndunum og eftir
það varð vegurinn til frægðar og
frama greiður
Dolph var mjög umtalaður þegar
samband hans og Grace Jones fór
út um þúfur. Hann var sagður hafa
gefist upp á henni sökum sjúklegrar
afbrýðisemi hennar en hún virtist
ekki þola velgengni hans. Síðan þá
hefur Dolph verið orðaður við hinar
og þessar dömur en nú virðist hann
hafa fundið hina einu réttu. Sú
heppna heitir Paula Barbieri og er
mjög eftirsótt bandarísk fyrirsæta.
Dolph varð heillaður af henni við
fyrstu sýn en alltaf þegar hann vildi
bjóða henni út var hún önnum kaf-
in við vinnu sína. Dolph dó ekki
ráðalaus, heldur hringdi í umboðs-
mann hennar og lét bóka hana í
myndatökur í Los Angeles. Paula
fór með flugi á staðinn og var al-
gjörlega grunlaus um ráðabruggið.
Dolph tók á móti henni og síðan
þá hafa þau verið óaðskiljanleg.
Dolph hefur kynnt hana fyrir for-
eldrum sínum og hefur Paula tvi-
svar farið með honum til Svíþjóðar
til að heimsækja ættingja hans og
vini. Þau búa nú saman í stóru
glæsihúsi í Kaliforníu og eru þegar
Dolph Lundgren og Paula Barbieri
farin að ráðgera brúðkaup og
stækkun fjölskyldunnar.
Þrátt fyrir velgengni Dolphs á er-
lendri grund, hafa fjölmiðlar í
Svíþjóð ekki farið mjúkum höndum
um goðið. Þar er hann rakkaður
og rægður við minnsta tækifæri og
lýst sem heimsku vöðvaknippi.
Dolph tekur það þó ekki hátíðlega
en honum þykir verst að fjölskylda
hans þurfi að umbera rógburðinn.
A þessu sannast best að enginn er
spámaður í sínu föðurlandi.
Um þessar mundir er Dolph önnum
kafinn v[ð upptökur á nýrri kvik-
mynd í Ástralíu. Þar leikur Dolph
ungan fjölskylduföður sem verður
fyrir því að börnin hans tvö og eigin-
kona eru myrt af mafíunni. Hann
tekur málið í eigin hendur og tekst
náttúrulega að hefna sín. Þetta er
fyrsta hlutverk Dolphs sem krefst
einhverra hæfileika og nú er bara
að bíða og sjá hvernig til tekst.
JC-HREYFIN GIN
Japansferð
Oí apríl sí’astliðnum stóð JC-
hreyfingin í Japan fyrir verk-
efni sem hafði kjörorðið „UNGT
FÓLK-FYRIR HEIMSFRIÐI".
Það er heimsverkefni JC-hreyf-
ingarinnar árin 1987-1989.
Af þessu tilefni var JC-ísland
boðið að senda einn fulltrúa til
Japan. Valdimar Hermannsson,
varaforseti í stjóm JC-ísland,
varð fyrir valinu. Hann er 27 ára
gamall og hefur verið félagi í
JC-ísland frá árinu 1980, auk
þess sem hann hefur gegnt ýms-
um ábyrgðarstöðum innan hreyf-
ingarinnar.
Tilgangur þessa verkefnis var
m.a. að auka velvild og skilning
milli ólíkra þjóða og skapa vett-
vang fyrir ungt fólk til þess að
leggja sitt af mörkunum í um-
ræðunni um heimsfrið.
Valdimar kom til Tokyo þann 16.
apríl og var þá haldið til Ok-
inawa, sem er eyja suður af Jap-
an. Þar var dvalið meðan á nám-
skeiðunum stóð. Þann 17. apríl
var frjáls dagur sem þáttakend-
um var ætlað að nota til að kynn-
ast en daginn eftir hófust nám-
skeiðin og voru þau haldin í nýrri
og glæsilegri þinghöll í Okinawa.
Þann 20. apríl hófst nýr kafli í
þessari ferð. Þá var öllum þáttak-
endunum boðið inn á dæmigerð
japönsk heimili til þess að þeir
myndu kynnast þarlendum lifn-
aðarháttum af eigin raun. Fór
einn gestur inn á hvert heimili
og dvaldi þar í tvær nætur. Valdi-
mar lenti hjá trésmið sem bjó
með konu sinni og þremur börn-
um á ósköp venjulegu og fá-
brotnu heimili. Húsið var byggt
í bæði japönskum og vestrænum
stíl. Þar voru notuð húsgögn frá
bandaríska hernum, sem hefur
aðsetur á eyjunum, og stungu
þau nokkuð í stúf við innrétting-
una í heild. Þessi íjölskylda tal-
aði ekki ensku þannig að sam-
skipti fóru fram með táknmáli,
bendingum og teikningum.
Að morgni 22.apríl lauk þessari
dvöl hjá japönskum fjölskyldum
og var þá haldið'til Tokyo. Yfir
Tokio er nú orðinn hinn mesti
stórborgarbragur, enda er þessi
borg orðin ein dýrasta borg í
heimi. Þar voru höfuðstöðvar
JC-Japan skoðaðar og var greini-
legt að JC-hreyfingin í Japan er
mjög öflug. Var þáttakendum
boðið að heimsækja bústað keis-
arafjölskyldunnar en þangað er
yfirleitt ekki boðið nema erlend-
Valdimar Hermannsson í hópi japanskra JC-félaga.
um þjóðhöfðingjum.
Þann 23. apríl var síðasti dagur
hinnar eiginlegu dagskrár. Þá
var hlýtt á fyrirlestra m.a. um
japanska efnahagsundrið og
hvemig japönum hefur tekist að
breyta sér úr fátækri bændaþjóð
í eina af ríkustu þjóðum heims.
Daginn eftir fór Valdimar í skoð-
unarferð um miðborg Tokyo þar
sem allar verslanir voru opnar
þótt það væri sunnudagur. Borg-
in iðaði af mannlífi þar sem ein
ríkasta þjóð heims fór í búð-
arráp. Um kvöldið hélt Valdimar
heim til Islands, yfir hálfan
hnöttinn.
Að aflokinni þessari ferð, þar sem
ungu fólki með ólíkan uppruna,
trúarbrögð og stjórnarhætti var
kallað saman til kynningar og
umræðu, þá kveðst Valdimar
sannfærður um að með auknum
samskiptum og skilningi á milli
þjóða þá eykst stöðugt grundvöll-
ur fyrir umræðu og framkvæmd
á heimsfriði.