Morgunblaðið - 23.07.1988, Side 21

MORGUNBLAÐIÐ, LAUGARDAGUR 23. JÚLÍ 1988
21
DR. GUNNLAUGISYARAÐ *!i£ÍH
eftir Methúsalem
Þórisson
í Morgunblaðinu 9. júlí síðastlið-
inn skrifar dr. Gunnlaugur Þórðar-
son, hæstaréttarlögmaður, grein
sem er nokkurskonar úttekt hans á
nýioknum forsetakosningum og að-
draganda þeirra. Greinin er að öllu
leyti mjög málefnaleg og röksemda-
færsla öll til sóma. Því vil ég hvetja
alla til að fínna blaðið sem greinin
er í og lesa hana vandlega. Af þess-
ari grein má sjá að dr. Gunnlaugur
hefði sómt sér vel sem kosninga-
stjóri frú Vigdísar Finnbogadóttur.
Þó eru örfáir hnökrar á málflutn-
ingi þínum, dr. Gunnlaugur, sem
mig langar til að benda þér á og
vona ég að þú misvirðir ekki þessa
smámunasemi við mig þótt þú sért
bæði doktor og lögmaður fyrir
hæstarétti.
„Óánægjuframboð"
Það er auðvitað alveg rétt hjá þér
að framboð Sigrúnar Þorsteinsdótt-
ur var „algjört óánægjuframboð" en
hvemig þú leiðir að því rök er ekki
fyrir neitt venjulegt fólk að skilja.
Þú segir að vegna þess að þeir sem
stóðu að framboðinu gerðu sér enga
von um meira en 3% fylgi, þá sé um
óánægjuframboð að ræða. Þetta er
áreiðanlega einhver flókin tögfræði-
leg túlkun sem tæpast er hægt að
ætlast til að almenningur skilji. En
heyrðu annars, dr. Gunnlaugur, er
nokkuð ljótt að vera óánægður með
embættismenn og stjómvöld?
Hrekktu kónginn
Það er áreiðanlega mikið til í því
hjá þér að með hverri þjóð fyrir-
fínnist hópar sem eru óánægðir með
allt og alla og em svo með bölvaða
uppsteit þegar þeir koma því við.
Þetta hefur víst verið svona lengi
og ekki man ég betur en að ég hafi
lesið um það einhverstaðar að álíka
vanþakklátt fólk hafi verið að
hrekkja blessaðan kónginn af
Frakklandi héma fyrr á öldum. Og
gott ef ekki var kónginn yfír Bret-
landi einnig og meira að segja í
henni Ameríku með því að henda te
í sjóinn sem menn hans áttu.
Hefðu átt að kjósa Sigrúnu
Svo var það þetta með að 10%
kjósenda kjósi af ábyrgðarleysi. Get-
ur verið að þetta sé rétt? Heldur þú
Gunnlaugur að það sé mögulegt að
tíu af hveiju hundraði kjósenda
hugsi ekki um hvað embættismönn-
um, lögfræðingum og _ flármála-
mönnum sé fyrir bestu? Eg verð að
segja að sé þetta rétt hjá þér þá er
auðvitað satt að þessi 10% hefðu átt
að kjósa Sigrúnu Þorsteinsdóttur.
Því hún virtist hafa ákveðnar efa-
semdir í garð þessara hópa, reyndar
furðulega miðað við allt þeirra óeig-
ingjama hjáiparstarf.
Falsaður þáttur
Það kom að sjálfsögðu ekki til
greina að flestra áliti eins og þú
, réttilega bendir á, að frú Vigdís
Finnbogadóttir, forsetinn okkar —
já, mér liggur nú nærri við að segja
drottningin okkar — færi að karpa
við frú Sigrúnu, einn af þegnum
sínum og það frammi fyrir alþjóð.
Það hefur heldur aldrei gerst áður
í kosningabaráttu eins og þú segir.
Enda er ég hreint viss um að fundur-
inn með Guðlaugi, Albert, Pétri og
frú Vigdísi frá því fyrir kosningam-
ar 1980 og aðeins var sýnt frá f
kynningarþætti frú Vigdísar, hefur
verið falsaður.
Fyrir utan það eins og þú sagðir,
prýddi frú Sigrúnu þvílíkt dóm-
greindarleysi að ómögulegt hefði
verið að giska á hvað fram hefði
getað komið í svona þætti. Hún hefði
kannski spurt frú Vigdísi um per-
sónulegar skoðanir hennar á forseta-
Methúsalem Þórísson
embættinu og auðvitað kemur eng-
um við, alira síst óbreyttum þegnum
hennar.
Misskilningur
stuðningsmanna
Ég tek undir það með þér að það
er deginum ljósara að við stuðnings-
menn Sigrúnar höfum hiaupið inni-
lega á okkur með því að hóta að
kæra Sigurð Lindal, þann óskeikula
fræðimann, fyrir siðanefnd lögfræð-
ingafélagsins úr þvf að þessi nefnd
er alls ekki til. Við gátum svo sem
sagt okkur þetta sjálf því í lögfræði-
deild háskólans Iæra menn að verða
siðferðilega vammlausir og svona
nefnd væri hrópleg móðgun við stétt-
ina. Við héldum að í kynningarþætti
stuðningsmanna Vigdísar að Sigurð-
ur Líndals ætti að styðja Vigdísi en
skildum ekki að þarna var á ferðinni
óvefengjanleg lögfræðileg skýring á
því sem við sauðsvartur almúginn
berum alls ekkert skynbragð á þ.e.
stjórnarskráin okkar.
Vafasamur frétta-
flutningur
Mér fínnst þú taka heldur vægi-
lega á útvarpinu varðandi það að
þeir töluðu um kosningaþátttökuna
og sögðu hana heldur dræma og
helst sambærilega við árið 1933. Það
ætti að banna svona fréttaflutning.
Það kemur út eins og fólk sé eitt-
hvað óánægt með þjóðfélagið, sem
getur varla verið þó skattbyrðin
hafi þyngst dálítið og vextir hækkað
eitthvað. Ég gæti helst trúað því að
ríkisstjómin færi að selja útvarpið
og þetta er enn ein ástæðan til þess.
Lögleiða kosningaskyldu?
Ég er fylgjandi þeirri tillögu þinni,
Gunnlaugur minn, að það ætti að
lögleiða skyldu til að kjósa í kosning-
um. Til þess em þær jú. En ég vil
ganga ögn lengra og skylda fólk til
að kjósa sitjandi forseta að viðlögð-
um háum fjársektum. Það myndi
koma í veg fyrir mótframboð eins
og fólk þurfti að þola 25. júní sfðast-
liðinn.
Ánægjuleg undantekning
Að iokum vil ég gera smá athuga-
semd við það sem þú vitnar í Gothe
sáluga: „Maður getur aldrei ímyndað
sé hve fólk getur verið heimskt."
Eftir lestur greinar þinnar verð ég
þó að segja að til em ánægjulegar
undantekningar frá þessari reglu.
Afsakaðu afskiptasemina gæskur
og taktu þetta í öllum bænum ekki'
eins og ég sé að gera mig breiðan
gagnvart jafn merkum fræðimanni
og þú ert. Lifðu heill.
Höfundur er félagi í samtökum
græningja.
0 Q Electrolux
% Storkök
Hraðvirk
uppþvottavél
Pvottatimi aðeins 2-4 mínútur.
Innbyggð gljávökvadæla.
Hagkvæm lausn fyrirminni
veitingastaði og mötuneyti.
Gæði, Þekking,
Þjónusta
A. KARLSSQM HF.
HEILDVERSLUN, BRAUTARHOLTI28
SlMI:91 -27444
ffÆÆÆÆA
Fróðleikur og
skemmtun
l fyrir háa sem lága! I
Laugardaginn 23. júlí frá kí. 11.00 til 17.00 mun Baldur Úlfarsson, grillmeistari,
mæta hjá Ferðamarkaðnum, Bíldshöfða 12, og bjóða upp á grillaðar hvítlaukspylsur
og lambariffrá Sláturfélagi Suðurlands.
Nýi íscola drykkurinn frá Sólhf. og íspinnar frá Kjörís verða einnig íboði.
Komið og bragðið rétti meistarans og kynnist um leið m.a. PARADISO fellihýsunum,
ferðavörum frá SeglagerðinniÆgi, DALESMAN sumarhús, gasgrillum og sumarhús-
gögnum frá BústofniTudor rafgeymum og sólarrafhlöðum fyrir sumarhús frá
Skorra hf. o.fl. Sjón er sögu ríkari.
Það verður sannkölluð fjölskyldustemning hjá Ferðamarkaðnum.
Við erum alltaf í leiðinni.
Ferðamarkaðurínn,
Bfldshöfða 12,
við hliðina á Bifreiðaeftirlitinu.
Sími 674100.
Opið laugardag frá kl. 10.00 til 18.00.