Morgunblaðið - 25.10.1988, Blaðsíða 2

2
MORGUNBLAÐIÐ, ÞRIÐJUDAGUR 25. OKTÓBER 1988
„ÞAÐ má segja að slgurinn
hafi ekki veríð ósanngjam
fyrst Beljavskij tókst ekki bet-
ur upp gegn Spasskíj," sagði
Garrí Kasparov, sigurvegari á
Heimsbikarmóti Stöðvar 2 í
gærkvöldi. Heimsmeistaran-
um var fagnað með löngu og
innilegu lófataki þegar hann
kom fram á sviðið í skákskýr-
ingasalnum. „Mér þykir vænt
um hve íslenskir áhorfendur
hafa veríð vel með á nótunum
í þessu móti. Mér hlýnaði um
hjartaræturnar við þær góðu
viðtökur sem ég fékk eftir sig-
urinn á mótinu,“ sagði Kasp-
arov en hann varð einn efstur
með 11 vinninga.
Kasparov tryggði sér sigur í
síðustu umferð Heimsbikarmóts
Stöðvar 2 með því að gera jafn-
tefli við Predrag Nikolic.
Beljavskíj varð í öðru sæti með
IOV2 vinning en hann tapaði í
gær fyrir Spasskíj og var það
fyrsta sigurskák heimsmeistar-
ans fyrrverandi á mótinu. í þriðja
sæti varð Míkhaíl Tal með 10
vinninga. Jóhann Hjartarson
Morgunblaðið/Sverrir
Jóhann Hjartarson sést hér óska heimsmeistaranum Kasparov til
hamingju með sigurinn á Heimsbikarmóti Stöðvar 2.
Hlýnaði um hjartaræturn-
ar við viðtökur áhorfenda
- sagði heimsmeistarinn Kasparov
eftir sigurinn á Heimsbikarmótinu
varð í 4.-5. sæti ásamt Ehlvest
með 9V2 vinning.
„Að sjálfsögðu er ég ánægður
með sigurinn á mótinu en engu
að síður er þetta lakasta frammi-
staða mín f skákkeppni frá árinu
1981,“ sagði heimsmeistarinn í
gær þegar ljóst var að hann stæði
einn uppi sem sigurvegari. „Mér
létti þegar ég sá hversu rólega
Beljavskíj tefldi gegn Spasskíj
og þegar ég samdi um jafnteflið
við Nikolic var staða Beljavskíjs
töpuð."
í dag hyggst Kasparov skoða
sig um í nágrenni Reykjavíkur
en verðlaunaafhending fer fram
í boði forsætisráðherra í kvöld.
Kasparov lýsti yfir áhuga á því
í gær að fá myndbönd af íslenskri
náttúru til að hafa með sér heim.
Á morgun heldur hann til Vest-
ur-Þýskalands þar sem hann tefl-
ir einvígi við Vlastimfl Hort. í
gær tilkynntu sovésk skákyfir-
4. völd að ekkert yrði af einvígi
Kasparovs og Karpovs um Sovét-
meistaratitilinn og þeir myndu
deila með sér efsta sætinu. Kasp-
arov hafði lýst því yfír um helg-
ina að hann myndi ekki tefla ein-
vígið fyrirhugaða við Karpov.
Sigurlaun Kasparovs á Heims-
bikarmótinu eru u.þ.b. 900.000
ísl. krónur. Beljavskíj fær
675.000 kr. og Tai 540.000. Jó-
hann og Ehlvest fá u.þ.b.
340.000 ísl. krónur hvor.
„Frammistaða mín í mótinu
er fremri björtustu vonum fyrir
keppnina," sagði Jóhann Hjartar-
son í gærkvöldi en hann lenti í
4.-5. sæti sem fyrr segir. „Ég
ákvað að tefla ekki stíft til vinn-
ings í síðustu umferðinni gegn
Andersson enda orðinn töluvert-
þreyttur eftir að hafa teflt 31
skák á 40 dögum." Jóhann sagð-
ist búast við að hann myndi
hækka um fimm Eló-stig á næsta
stigalista og verða þá kominn
með 2615 stig.
„Maður er nú kannski ekki
ánægður með að tapa átta skák-
um í einu móti en árangurinn er
viðunandi," sagði Margeir Pét-
ursson en hann tapaði fyrir Ríblí
í gær og lenti í 18. sæti með 6
vinninga. „Ég lagði talsvert und-
ir í skákinni og var kominn með
iakari stöðu án þess að gera
beinlínis mistök. Það hefur verið
mikilsverð reynsla_ að tefla á
þessu sterka móti. Ég tefldi yfír-
leitt hvasst og mínar bestu skák-
ir voru gegn Portisch og Nunn,“
sagði Margeir að lokum.
Kanada:
Vigdís flutti ávarp
á „Ferð til friðar“
Vancouver, frá Oddnýju Sv. Björgvins blaðamanni Morgunblaðsins.
VIGDÍS Finnbogadóttir forseti
íslands flutti ávarp í gær við setn-
ingu ráðstefhunnar „Ferð til frið-
ar“ sem haldin er í Vancouver í
Kanada. Ávarpinu var nyög vel
tekið, ráðstefiiugestir risu úr
sætum og klöppuðu.
Vigdís ræddi af hveiju íslenskur
fulltrúi hefði verið valinn í þetta
hlutverk. Sagði að ísland hefði aldr-
ei verið í stríði og sagði frá fundi
leiðtoga stórveldanna í Reykjavík.
Þá vitnaði hún m.a. í Hávamál.
í lok ávarpsins var þess getið að
hún hefði beðið leiðtoga risaveld-
anna um skilaboð til ráðstefnunnar.
Gorbatsjov leiðtogi Sovétrflqanna
afþakkaði, en ávörp Reagans for-
seta Bandaríkjanna og Páls páfa
voru kölluð fram á stórum sjón-
varpsskjá. Bandaríkjaforseti sagði
m.a. að ferðaþjónusta gæti ekki
blómgast nema í fiiðsömum heimi.
Hann ræddi einnig um umhverfis-
mál. Jóhannes Páll II páfi sagði að
ferðaþjónusta væri mikilvægt vopn
til að víkka út mannsandann og
andlegt líf og ræddi um að með
ferðalögum sæi fólk hvað guð hafi
skapað. Aðalræðumaðurinn á ráð-
steftiunni, Kanadamaðurinn Step-
han Lewis, fastafulltrúi hjá Samein-
uðu þjóðunum, sagði m.a. að þessi
ráðstefiia væri tímamótaatburður,
þó ekki væri nema vegna skilaboða
B and aríkj aforseta og páfa.
Innan víð
V2% kaus
fyrsta daginn
UM 300 manns mættu á kjörstað
í Laugardalshöll { gær. Þar gefst
um 68.500 Reykvíkingum kostur
á að tjá álit sitt á núverandi fyrir-
komulagi hundahalds í höfúð-
borginni.
Að sögn Gunnars Eydal, sem ann-
•ast framkvæmd kosninganna, hafði
kjörsfjóm engar hugmyndir gert sér
um væntanlega þátttöku í kosning-
unum og vildi hann því ekkert segja
um hvort hún væri minni eða meira
en eðliiegt teldist. Kosið er í and-
dyri Laugardalshallarinnar. Kosn-
ingin stendur til næstkomandi
sunnudags. Kjörstaður er opinn frá
kl. 16-19 þriðjudag-fostudag og
klukkan 14-20 laugardag og sunnu-
dag.
Utanríkismálanefiid
fundar um hvalamál
Utanrikismálanefiid Alþingis
hélt fúnd i gær, að ósk sjávarút-
vegsráðherra og utanrikisráð-
herra, sem kynntu nefndinni
stöðuna i hvalamálinu.
Jóhann Einvarðsson formaður
nefndarinnar sagði eftir fundinn að
engin niðurstaða hefði veriðaf fund-
inum. Nefndin hefði fengið upplýs-
ingar um stöðu mála, bæði varðandi
rannsóknaráætlunina og áhrif her-
ferða gegn íslandi vegna hvalveið-
anna.
Auk ráðherranna Halldórs Ás-
grímssonar og Jóns Baldvins
Hannibalssonar sátu fundinn Jó-
hann Siguijónsson sjávarlíffræðing-
ur, Kjartan Júlíusson deildarstjóri í
sjávarútvegsráðuneyti, Hermann
Sveinbjömsson aðstoðarmaður sjáv-
arútvegsráðherra og Guðmundur
Eiríksson þjóðréttarfræðingur í ut-
anríkisráðuneytinu. Þeir em allir í
sendinefnd íslands hjá Alþjóðahval-
veiðiráðinu.
Jóhann Einvarðsson sagði að ekki
hefði verið boðaður annar fundur í
utanríkismálanefnd um hvalamálið
en sagðist gera ráð fyrir að fleiri
fundir yrðu haldnir um málið innan
tíðar.
Fj árlagafrumvarp ið fer
í prentun á næstu dögum
- segir Ólafur Ragnar Grímsson flármálaráðherra
Fjárlagafrumvarpið fer væntanlega í prentun á næstu dögum, að
sögn Ólafe Ragnars Grimssonar fiármáiaráðherra. Þingflokkar
stjómarflokkanna héldu fimdi um helgina og i gærkvöldi um þær
tillögur sem Qármálaráðherra hefúr lagt fram, og ríkisstjórain hélt
einnig fimd í gær um Qárlögin.
Ólafur Ragnar Grímsson sagði i
gær, eftir ríkisstjómarfund, að
vinnu við tillögur um niðurskurð
ríkisútgjalda og auknar tekjur ríkis-
sjóðs væri að ljúka. Hann vildi ekki
upplýsa hvað þessar tillögur fælu í
sér, en samkvæmt upplýsingum
Morgunblaðsins, er m.a. talað um
að hækka bensíngjald um 1-2 krón-
ur, sem gæti skilað nokkur hundmð
milljónum í ríkissjóð. Einnig er talað
um að hækka vörugjald og leggja
það á fleiri vörutegundir en nú er.
Þá hafa komið fram hugmyndir um
skattlagningu á happdrætti. Hug-
myndir eru um hækkun tekju-
skatts, en á móti vilja sumir stjóm-
arliðar hækka persónuafslátt og
selja í stað þess aukaskattþrep á
teýur yfir til dæmis 130 þúsund
krónur á mánuði.
Ekki er ráðgert að fella niður
söluskatt á matvælum en á móti
mun vera rætt um auknar niður-
greiðslur á landbúnaðarvömr, sem
hafi bæði það markmið að lækka
vömverð og koma í veg fyrir versl-
un með landbúnaðarafurðir undir
borðið.
Stefnt er að því, samkvæmt upp-
lýsingum Morgunblaðsins, að niður-
skurður ríkisútgjalda verði sem
víðast í kerfinu. Gert mun ráð fyrir
því að dregið verði úr framkvæmda-
hraða ýmissa opinberra fram-
kvæmda sem taldar em nauðsyn-
legar, en þeim verði þó ekki frestað
eða hætt við þær. Framlög til ráðu-
neytanna skerðast væntanlega að
raungildi en samkvæmt upplýsing-
um Morgunblaðsins vilja ýmsir
meina að framlög til ráðuneyta Al-
þýðubandalags skerðist minna og
mun vera óánægja með það innan
hinna flokkanna.
Ein þeirra niðurskurðartillagna,
sem rætt hefur verið um, er að
tekjutengja ellilífeyri, þannig að
ellilífeyrir skerðist hjá þeim sem
halda fullum tekjum fram yfir 67
ára aldur. Þetta var ein tillagna sem
starfshópur heilbrigðisráðuneytis-
ins og Fjáriaga- og hagsýslustof-
unnar kom með í sumar til spamað-
ar í ríkiskerfínu.
Ólafur Ragnar Grímsson sagðist
telja eðlilegt að skoða breytingar á
því almannatryggingakerfi sem nú
væri við lýði. Nú fái þeir sem em
t.d. með tekjur á milli 150 til 350
þúsund krónur á mánuði sömu 10
þúsund krónumar og þeir sem hafa
30 þúsund krónur á mánuði. Ólafur
sagði að það lægi þó ekkert fyrir
um það hvaða breytingar yrðu á
þessu, eða hvað þær gæfu ríkinu í
aðra hönd.
í yfirlýsingu ríkisstjómarinnar
um efnahagsaðgerðir frá því i sept-
ember segir að til að ná markmiði
um 1% tekjuafgang á næsta ári
verði dregið úr ríkisútgjöldum um
1.500 milljónir en aflað nýrra tekna
um 2.500 milljónir. Samkvæmt
upplýsingum Morgunblaðsins verða
þessar tölur eitthvað hærri í fjár-
lagafrumvarpinu, en Ólafur Ragnar
Grímsson vildi það eitt segja að
þessar tölur hefðu eðlilega tekið
breytingum í ijárlagavinnunni.
Margir á rjúpu
um helgina:
Eins og
í villta
vestrinu
FJÖLMARGAR rjúpnaskytt-
ur voru á ferð á helstu veiði-
svæðum i nágrenni
Reykjavíkur um siðustu helgi,
enda veður til útivistar með
eindæmum gott. Einn viðmæ-
lenda Morgunblaðsins, sem
staddur var á Hellisheiði á
sunnudeginum, sagði að það
hefði veríð líkast því að hann
hafi veríð staddur í villta
vestrinu, svo mörgum hafi
hann mætt með alvæpni, og
skothvellir hafi kveðið við
allt í kríngum hann.
Mikil umferð var á Bláfialla-
veginum um helgina, og á
sunnudaginn var þar bíll við bíl
sem lagt hafði verið við vegar-
kantinn. Rjúpnaskyttur sem
voru á ferð við Hraungjá fyrir
ofan Bláfiallaskálann urðu tals-
vert varar við ijúpu, þó marauð
jörð væri og enginn snjór. Hélt
fuglinn sig þar einkum utan í
klettum og hraundröngum. Ekki
var þó um mikla veiði að ræða,
en þó algengt að menn næðu í
5-10 ijúpur yfir daginn.
Samkvæmt heimildum Morg-
unblaðsins er mikið um ijúpu
þetta árið, en þar sem snjólaust
er heldur hún sig enn í fjall-
seggjum og sköflum, og kemur
aðeins niður á lágiendi í ljósa-
skiptunum í leit að æti. Rjúpan
þykir vera betur á sig komin
nú en hún hefur verið nokkur
undanfarin ár, og greinilegt
þykir að árferðið hefur verið
henni hagstætt. Fuglamir eru
bæði þyngri og betur fiðraðir,
og minna er um lús á þeim.